ريتاج

بدايه

نص الليل اني خايفه نبضات قلبي تتسارع الظلام يخوف ما اشوف اي شي ايدي مربوطه بحبل وعيني ملفوفه بقطعه قماش اريد اصرخ بلاعيمي توجعني من البرد حاولت اطلع صوتي بقدر الامكان كل الي كدرت اكوله
ساعدوني بصوت ناصي بس صدى صوت ضل يتردد اعتقد اني بقاعه كبيره وحدي اني اخاف من الظلمه ونوب وحدي ايدي ترجف ما اذكر اشلون ومنو جابني هنا عبالك فاقده الذاكره ضليت اتذكر كل الي اعرفهم حتى اتذكر اني وين اكيد لساني وداني بداهيه

خلي نتعرف ع البطله
مرحبا...اني ريتاج عمري ١٩ اني هسه بالكليه ادرس اداره واقتصاد صح معدلي موو كلش مقارنه بدراستي بس الحمدلله طلعت من السادس كانت نفسيتي مدمره بسبب قرايه و الله ميضيع تعب احد حلمي انو اصير انسانه مستقله الها اهميتها بالمجتمع صح بالعراق المرأه ما الها اهميه يعتبروها مجرد شخص يشتغل.. يربي اولاد ..ويطبخ.. وتستقبل رجلها من يجي من الشغل.. بس اني حياتي غير فرضت نفسي على اهلي وصارت عندي كلمه بالبيت ولساني الله يساعد اهلي ماكول غير شي
لما تخرجت من السادس قلت لابويه انو اريد اعيش يم صديقتي اكيد الكل مقبل خصوصا ماما لان هيه تفكيرها مال قبل صح هيه طيبه واحلى ام بس متقتنع والي براسها تسوي امي مسقط رأسها بصره وابويه بغداد فلذلك بابا متحرر بتفكيره طبعا مو قصدي اهين اهل البصره على راسي احلى ناس بس اني تعودت على الحريه وكلشي اريد ابويه يسويلي بأختصار مدلله

امي رفضت هذا الشي وقالت انو مطلعين من البيت بس رحت لبابا وقنعته انو علمود الدراسه واني وصديقتي رح انأجر شقه قريبه على الجامعه وابويه يعرف صديقاتي لان يجن بالبيت ودائما نقرا سوى ..بعد الحاح طويل على بابا وانو اني صرت كبيره ومن هاي السوالف واخيرا اقتنع بس المهمه الكبيره على امي اعرف نبع الحنان متقبل اروح من يمها
رجع بابا وهو يقول...بنتي امج راسها يابس وتكول خلي تجي احاجيها
ريتاج ...بلعت ريقي وقلت..تريدني اوك يالله ادعيلي بالسلامه
بابا...ههه روحي قنعيها ام الواسطات
رحت للغرفه دقيت الباب
ام ريتاج...ادخل          بس شافتني كتفت ايديها ودارت وجها
ريتاج لما اريد اقنع امي احجي بلغه اهلها علمود تحن وتوافق
ريتاج...يمه شونج يبعد گلبي وجلاوي
ام ريتاج...احجي بدون لف ودوران ريتاج
ريتاج...يمه وداعتج بس تخلص السنه اجي وانتو كل نهايه اسبوع تعالوا شوفوني وانتي تعرفين صديقاتي كلهن حبابات وفقيرات
ام ريتاج...اعرف صديقاتج حبابات بس انتي ام لسان ،ياهي الي رح تبقين وياها
ريتاج... يعني قبلتي اروح فدوه لعيونج
ام ريتاج... لتتأملين دا اسأل ياهيه 
ريتاج... صديقتي رغد امها تصير جيرانه وانتي تعرفيها
ام ريتاج... اي اعرفها بس يمه اخاف عليج شون تتحملين مسؤليه بيت ونتي طمامه متعرفين تسوين
ريتاج... يمه حبيبه رغد تعرف تطبخ واكلها يخبل طالعه على امها معدله وهي امها هم قبلت لان عرفت اني وياها يعني موو غريبه
ام ريتاج... وانتي ليش متتعلمين مني لو همج بس بطنج
ريتاج... يمه ..حبابه هسه شنوو تقبلين لو لا اذا متقبلين اسد الموضوع واذا قبلتي علمود أناجر الشقه قبل لتروح  وهماتين اريد احضر هدومي
ام ريتاج... اممم ،،اللحظه الحاسمه لأعلان النتائج قلت بداخلي
ام ريتاج... اي بس بشرط
ريتاج... وهو         ام ريتاج... شنوو يصير وياج تخابريني وتكوليلي والتلفون ميفارقج
ريتاج... يمه تره بالمحاضره ميقبلون افتح موبايل يطردوني
ام ريتاج... زين لعد انتي تخابرين زين
ريتاج... يبعد عمري .. بست راسها وحضنتها وقلت
ريتاج... اكيد ما اخيب ضنكم واذا اني ما ارتاح اجي برجلي للبيت
ام ريتاج... يمه ولتتأخرين بالرجعه للبيت حتى لتصير عليكم سمعه ويكولون ممتربايات
ريتاج... اكيد هاي اني اصلا اخاف اطلع بالليل يلا اروح احضر هدومي واخابر رغد
طلعت من الغرفه شفت بابا ومرتضى اخويه ديلعب بلي هو اصغر مني
مرتضى...ها قنعتيها ماما لو ..
ريتاج...اي قالت قالت حرف أ وياء
مرتضى بابا...شنو
ريتاج... حمدلله وعلى نياتكم ترزقون عفتهم ورحت لغرفتي اخذت الموبايل ودقيت على رغد
رغد...ها رورو شكالت امج 
ريتاج... شتتوقعين
رغد ...احجي موو نشلع قلبي
ريتاج... والله اني هم انشلع قلبي لحتى وافقت
رغد...صدك اي هذا الخبر الحلو يلا اروح احضر الغراض
ريتاج... اكلج ندفع الراتب بالنص حتى ميكلف على الاهل
رغد...لا بالله دروحي اني اتكفل بالموضوع
ريتاج...انجبي وسكتي يالله باي
سديت الفون ورحت لميت غراضي وحطيت المكياج والعطور اهم شي الفون رحت للكنتور (خزانه ملابس)
اخذت الملابس الي اريدهن وطلعت الي ما البسهن على صفحه امي تتصرف بيهن اجيت على الجزء المفضل ملابس الطلعه حطيتهن بالجنطه وكملت
واخذت احذيه رياضيه (تكرمون) فقط بعدين حطيت غراض شعري الشامبو وكريم مالته والكاوية مال شعر وكملت شفت الساعه 9:00 رحت للمطبخ شفت امي تغسل الاماعين
ريتاج...شنوو تعشيتوا               ام ريتاج... اي اذا تردين طلعي وحمي الاكل وأكلي
ريتاج... ليش مصحتوني           ام ريتاج...عبالي متردين
ريتاج... انطيني الاندومي اكل اطيب 
ام ريتاج... موجود دوري وسوي
ريتاج... اي ،اخذت الاندومي الشي الوحيد اعرف اسوي
ريتاج... اكلت وكملت غسلت الأماعين ورحت للفراش وفقدت الوعي لما احط راسي على المخده انام بسرعه وما احس بشي لو يحترك البيت
بس اهم شي ما ابقى وحدي بالبيت لأن اخاف مثل الزعاطيط 😹
®®®®®®®
كعدت على صوت المنبه المزعج كلما احط اغنيه عاليه او نغمه للمنبه كمت اكرهن الي احطهن للمنبه لان بصراحه مقاطعه للنوم والنوم مهم للصحه😏
طفيت المنبه كل مره اطول يلا اكعد بس هسه بسرعه لان شغله تخصني  رتبت الجربايه ووركض خابرت على رغد
ريتاج... الوو صباح الخير ها كعدتي
رغد...اي كعدت وأكلت رح اخذ مفتاح الشقه يمي انطتنياه ام البيت وبوجهي لهناك بابا رح ياخذني
ريتاج... يلا عفيه بالشطوره اكول الجهاز مال استقبال وغرف النوم شدوهن
رغد...اي شدوهن من البارحه ..اكول تريقتي موو يلا بسرعه تعاي
ريتاج... على كيفج ستوني كعدت من النوم وخابرتج بعدني مماكله شي
رغد...صدك تحجين ريتاج ساعه بيش وقتي المنبه الله عليج هسه رح صير العشره
ريتاج... وقته 8:30 وهماتين 9:00 وتسعه ونص يلا قعدت
رغد...يعني كل نص ساعه منبه اووف منج يلا روحي انتظرج بااي
ريتاج... بااااي ، سديت الفون ورحت للمطبخ شفت امي تسوي ريوق لاخويه
طبعا ماما اول وحده تكعد ومعروفه من اخر وحده تكعد اني بس بدوام اصير محترمه للوقت بس بلعطل انام النهار كله والي يكعدني ميخلص من لساني
ريتاج... صباح الخير
ماما ...صباح النور  ، طبعا مرتضى ملتهي مجاوب  يلعب بالفون مال ماما لان حديث ومالت الأفندي هم حديث بس عطل وبابا ما صلحه ولا اشتراله واحد علمود يلتهي بدراسه  صراحه احسن شي لأن لمصلحته موو لغيره
ريتاج... سويلي ريوق ويه مرتضى
ماما...من عيوني       ريتاج... فديتها لعيونج ..حضرت السفره وماما تسوي ريوق خلصت وكعدت اكل وبسرعه كمت علمود الحك على رغد
ماما...يمه شأكلتي كعدي ما راح اطير رغد
ريتاج... شبعت وداعتج يلا اروح اغسل وأبدل
ماما...ياا شبعتي هيه شأكلت حتى شبعت
مرتضى...لتخافين عليها فرحانه واذا علمود الاكل اني اكل
ماما...اكل بالعافيه
🌷🌷🌷🌷
رحت بدلت لبست ستره كابوي وجواه قميص ابيض وبنطرون ازرق وحذاء رياضي ابيض بلون القميص وشعري سويته ذيل
طلعت جنطه هدومي
ريتاج... مرتضى ممكن طلع جنطه للسياره
مرتضى...😒صار ..راح وهوه يتأفف
ماما...ديري بالج على روحج ماما ولما تردين طلعين لمكان كوليلي وأذا ضجتي تعالي زين
ريتاج... حضنتها وبست راسها ..اكيد يمه لتوصين حريص
سلمت على بابا وهم نفس الكلام فديت حرصهم علي الله يديمهم الي
رحت للسياره ابو السياره هو نفسه ابو الخط مالتي دائما ندز عليه لما نريد نطلع يعني اذا بابا ماكو لان بابا عنده سياره صغيره مرتضى واكف ويسولف ويه السايق
ريتاج...يلا بيباي ،قلت لأهلي قبل لا اصعد للسياره مرتضى واخيرا نطق
مرتضى...صراحه مكانج رح يكون فارغ لان انتي الوحيده تعرفين تلعبين بلي
ريتاج...ههه يلا بااي
صعدت للسياره اول مره ابتعد عن بيتي ضليت اباوع من وره على اهلي وهم يفوتون للبيت وبعدين كملت تفكير بشنو رح اسوي
وصلت السايق قال...بنتي وصلنا
ريتاج... اي عمو يلا مع السلامه هاا هاي ..
السايق...بنتي ابوج دفع فلوس التكسي روحي الله وياج
ريتاج... شكرا عمو
فتت للشقه شفت رغد لما شافتني ابتسمت واجتي بأتجاهي
واني هم رحت حضنتها وضلينا نكمز تكول زعاطيط فرحانين
بس ما عرفت انو هاي الفرحه ما راح دووم
ريتاج... واخيرا باعي البيت اريده يكون ترتيب مثالي
رغد...اجوي العمال رتبوا الاثاث وبابا كان وياهم لما راحوا يلا راح لان عيب شيكولون احجي وياهم وهم بابا ميقبل 
ريتاج ...يلا خلي انحط غراضنه بالكنتور (دولاب الملابس)
رغد...رتبت ملابسي وغراضي لان تأخرتي عود انرتبهن سوه بس ملل بقيت وحدي رتبتهن
ريتاج... تعتبر خيانه لعد تعاي رتبي ملابس وياي
رحنه رتبنه الملابس وهاا باجر دوام يعني من الساعه بالخمسه لازم ارتب نفسي واغسل وجهي ومن هاي الشغلات
الشقه بيها غرفه وحده فلذلك مقسمين اني وياها الغرفه
رغد...اني وقتت موبايلي على 5:30 حتى نلحك
ريتاج...والله اكره الكعده من الصبح بس شسوي يلا رح انام
رغد...اي بس حبابه ما احب الي يتحرك بالنوم شويه خفي عليه
ريتاج... اني اني اتحرك لا اني اثبت بمكاني لما انام
رغد...😕متأكده
ريتاج... رغد لتلحين اريد انام حبابه اذا متردين تنامين يمي روحي نامي بغير مكان
رغد...امري للله
عفتهه ورحت في سبات عميق كعدتني رغد وهيه تضرب بخدي
ريتاج... هاا دك المنبه
رغد...لا بعده بعد 2 دقيقه ويدك
ريتاج... خلي يدك واني اكوم
رغد...كومي ما بقه شي
ريتاج... اريدج تعرفين انو اهم شي بحياتي من بعد اهلي هو النوم وهاي الدقيقتين الها اهميه بالغه
رغد...اممم افتهمتج
سمعت صوت المنبه يدك
ريتاج.... راحت عليه الدقيقتين جان لحكت انام يلا امري الك ربي
رحت غسلت وجهي وشفت رغد تاكل
رغد...تعاي اكلي
ريتاج... ما اريد اكل من الصبح انطيني بس جاي
شربت جاي ورحت بدلت لبست تنوره قصيره(جوه الركبه) سوده ولبست من الجواريب بلون البشره و قميص مخطط ابيض وخطوط اسود لأن شويه طويل عجبني احط اطرافه جوه التنوره طلع حلوو ولبست حذاء ابيض رياضي وشعري سويته من اطرافه مجعد ورفعته ذيل
ريتاج...هاا حلووه ملابسي
رغد...اي وشلون ملابسي
رغد لبست بنطرون حليبي كيلوت وقميص ابيض مكتوب عليه بلون جوزي فاتح ملمع Love وحذاء كعب ما اعرف شلون يمشون بي المهم وشعرها رفعته گبة
ريتاج...تخبلين يلا امشي نروح  ابو الخط تلكي منتظرنه
رغد...يلا
رحنه للسياره شفنه ابو الخط خطيه دينتظر
ريتاج... هاا عمو تأخرنه عليك موو
رغد...كله من وره ريتاج تأخرت وأخرتني        ريتاج...😒
ابو الخط...يلا عمو مصار شي
وصلنا للكليه ساعه 7:45 همزين اكو بعض الطلاب يمشون بالساحه
رغد...فوتي برجلج اليمنه
ريتاج بأبتسامه... اي نشالله

رحنا للكافتريا
ريتاج... رغد روحي كعدي هسه اجي
رغد...اوك اخذيلي وياج جاي
ريتاج... من عيوني
ريتاج طلبت... قهوه واحد وجاي
اجه ولد وقال...هلوو ريتاج شلونج
ريتاج... عفوا منو حضرتك
الولد...متعرفيني خوش لعد اعرفج بنفسي..
ريتاج... لا ما اريد اعرفك لك انته شنو ما عندك احترام
لنفسك شلون تحجي وياي وعبالك مصادقتك سنه
الولد...شبيج هو اني شكلت بعدني ما كلت شي
ريتاج... لا وتتجرء وتكول شي بس كول شلون عرفت اسمي يمكن سألت صديقتي فلذلك رح اتفادى الكلام وياك ولو الامثالك ميفيد الحجي وياهم
بس ما اريد اخرب واهسي من اول يوم
درت وجهي وردت اروح لزمني من ايدي درت وجهي جان يضحك جريت ايدي منه وضربته راشدي ضل صافن ما كال شي رحت رغد قلتلها امشي نطلع رغد كانت مصدومه من الي سويته بس غصب عني.،احترامي لنفسي وما ردت احجي زايد وانزل من كرامتي علمود هيج اشخاص عفته بس لما لزم ايدي كلت لهنا وكافي لازم اعلمه التربيه ضربته راشدي بحيث ايدي لسه توجعني
رغد...ريتاج لي...
ريتاج ..حبابه لتقولين ليش ضربتي يستحق حتى يعرف حده
رغد...ريتاج ليش نتورط بمشاكل الله اعلم بيها
ريتاج... ولج ليش صيرين جبانه تره اني سويت هيج حتى يعرف ويامن يتصرف
عصام...والله راشدي عفيه عليج
ريتاج..منوو هذا 😒              رغد...عصام تعرفت عليه لما جنتي تتعاركين
ريتاج...يا قسم  انته                عصام...نفس قسمكم تشرفت بمعرفتج
ضلينه نسولف وتعرفنه على بنات والاساتذه ما شاء الله يتساهلون ويه الطالب رجعنه للبيت خابرت امي وضليت اسولفلها على الي صار بس ما قلتلها تعاركت حتى ترجعني من اول يوم تحاشيت هذا الشخص مرت السنه على خير واجه اليوم الاسود الي هو اخير يوم دوام قررنا اني ورغد نروح لمطعم حتى نحتفل بنجاحنه وخابرت امي وبابا حتى يجون ويانه وفعلا اتفقنا وياهم على المكان وبدلنا اني ورغد وطلعنا
لكن الي صار صدمنه والي خلا الفرحه تنقلب ّ...
Love you
ارائكم وانتقاداتكم
😘😘