ريتاج

هل انا بخير؟

امي...ريتاج يمه كومي رح صير ساعه بالتسعه
ريتاج... ع كيفج حبيبه بعد وكت نلحك ما طير السياره
امي... كومي سويتلج ريوك
ريتاج... كمت واني بعدني نعسانه كل فكري انو اني خلصت من المشكله الخوفتني رغم بينت انو اني قويه بس عفت ضوه الغرفه مفتوح والباب قفلتها كل مره ما اقفلها بس الخوف جبرني اسوي هيج
سبحت ورحت تريقت وامي قالت...
_ ابوج رح يوصلنا ويرجع ويجي وكت العرس بيوم
ريتاج... خوش يلا رح ابدل شعندج هاي الغراض قابل وين رايحين
امي...الطريق طوييل حضرت مي بالترمز وشربت والاكل بس فطاير
ريتاج... يعني ما نوكف يم مطعم
امي...لا لان نتأخر احنه وبالسياره ناكل
ريتاج... اففف يلا اروح
رحت لبست قميص اسود وبي هذا الحرف® يمكن مال ماركه بلون احمر القميص عريض بس قصير اصلا حرفR هو حرفي فحبيت البسة وبنطرون وحذاء (تكرمون) احمر رياضي شعري سويته ذيل ومناظر شمسيه وطلعت
امي...بنتي رح نبقى هناك اكثر من يوم او يومين ديري بالج ملابسج تره هذوله ناس يدققون على لبس المره حبابه لبسي على راحتج بس بالمعقول
حتى لا يصير حجي على ابوج وعليه واذكري احنه رح نروح للبصره مو بغداد

ريتاج... من عيوني يلا اروح اشوف بابا بالسياره موو
امي...اي تعاي اخذي وياج ترمز مال مي
ريتاج... اخذته من ايدها ورحت فتحت باب السياره بابا ومرتضى يسمعون اغاني
ريتاج... عيب الناس جاي تباوع عليكم الصوت عالي ومرتضى ليش ملابسك ماكو بالجنطه مال سياره
مرتضى...بابا قنعني وكال ابقى وياه لما يجي للعرس اجي وياه يعني ما اروح
ريتاج... زين بابا رح تسوق وين تبقي مرتضى وحده بالبيت
بابا...لا موو اني اسوق رح ابقه ويه مرتضى جيرانه سجاد هوه رح ياخذكم ويرجع بالسياره
ريتاج... صدك تحجي بابا اني كل ضني انته تودينه ليش هيج اني اموت من هذا الشخص الله عليك ما لكيت غيره
بابا...حبيبتي ريتاج صح هوه مرات يصير ادبسز بس خوش ولد يعرف الطريق وهم اني عندي شغل ارجع من طريق طويل اكعد اشتغل ما يبقى عندي عقل
ريتاج.... هفف يلا صح ملل من دونك بس شسوي
رحت لماما قلتلها
امي...يمه هسه شبي الولد انتي ميعجبج العجب الولد ما بي عيب
ريتاج... على كلامج رح اصير خطيبته مثلا ميعجبني ذوله الولد الدايحين اني يعجبني رجال ثقيل والنسوان هنه يلحكنه وما يشوف غيري بس اني واكيد لازم عنده مسؤليه الولد مال هاي الايام ما يعتمد عليهم ودائما يهربون من مسؤلياتهم
امي...يمه اذا اريد ازوجج لازم نفصل تفصال علمودج موو
ريتاج..محد رح يفهمني الشخص يل بعقلي لما يحضر دگات قلبي اكوم اسمعها امي...يبوو الحجي وياج ضايع امشي خل نشوف شصار
رحنه لكينه سليمه سجاد واكف يم بابا  ليش اكرها احس نظراته موو راحه يعني تعرفون شخص من اول ما تشوفه متهضمه اني هيج احس.
صعدت للسياره سلمنه ع بابا ومرتضى وكعدت اني وره وامي  بالصدر (امي متعرف تكعد الا بالصدر ) مدري ليش المهم حطت يمي الاكل بنص الطريق والسياره تشتغل كعدنه ناكل وكلساع طسه يبوو لعبان نفس لما كملت اكل الطريق خلص بس صفنه ونوم😴
لما وصلنا ماما كعدتني احس عظامي متكسره رغم نمت الطريق بس احس نعست اكثر الدنيا مغرب شبسرعه صار الليل
رحت نزلت الجنط وسجاد ساعدني وصلناهن يم بالبيت ماما كانت دك الباب
سجاد...خاله تسمحيلي احجي ويه بنتج
ماما ضلت صافنه
كلت...لا ما اريد احجي وياك باوع هذا المفتاح مال كراج تنطيه لبابا لما ترجع
سجاد...ماشي بس اسمعي
باوعت لقيت ماما فاتت والباب مفتوح
ريتاج...الله وياك ،ردت امشي لزم ايدي اتخبل من شخص يلزمني مادري اتنرفز باوعت عليه ما وخر ايده ضربته راشدي حسيت هذا المشهد من حياتي انعاد ومادري شنو الربط اتذكرت لما انخطفت بكل عصبيه قلت
ريتاج... باوع لك لتشوفني ساكته وما نطقت كلمه هذا لأنو اهلي يحترموك مو معناها تتجاوز حدودك ويه العالم مره ثانيه احترم نفسك او احترم البنيه لتلزمها تره مو حلوه لان بهاي الحركات تصغر بعين الناس
رحت فتت للبيت رغم قديم بس حلوو رغم اجي قليل بس يحسس الواحد عنده تراث (شكل البيت ) اول ما تدخل طارمه داير مدايرها اكو غرف نوم وهم مطبخ يعيني شلون باب الحاره وبي سطح مو كبير ولا صغير وسط وبي طابق ثاني بي غرف للخطار وكذا 
رحت فتت للصاله
كلها كاعده
رحت سلمت ع جدو
ريتاج... سلام عليكم شلونك جدو مشتاقتلك
جدي...هلا بنتي شلونج جا ليش كصتج  بيها لزگه
ريتاج... هاا..لا جدو موو..
امي... بنتي ثوله متباوع وين تمشي وضربت نفسها بالدراج
ريتاج رحم الله والديج ماما طلعتيني ثوله وما انتبه
امي...سلمي على البقيه يوم لا تصفنين
ريتاج...هلوو بيبي شلونج صحتج
بيبي...والله بيبي لو ما عرس بت خالتج ما توصلون ولا تكولون
امي...يا يمه البنيه عدها دوام وهسه لما صارت العطله جنت ناويه اجي وفد نوب صار عرس بت اختي ورح ابقى يمكم اسبوعين مثل ميكولون احمض على گلوبكم
مختصر لخالات وخوال ريتاج
الخالات :
هبة خاله ريتاج الصغيره اخر العنكود وعندها اطفال صغار والكل يحبها