ريتاج

نهاية

لديّ وجه ٌ واحد ، ولا يصلح لأي مناسبة إجتماعية.😊😑

.....

مر اسبوع وصقر بالمستشفى نايم مر اسبوع وأني حابسة روحي بالغرفة بين النوم والدعاء والاكل لما اضطر وأجوع كلش يله اكل بهلاسبوع اجتي امي لما شفت اهلي كأنو رجعتلي الدنيا بس ورة ثلث ايام رجعوا لبغداد صرت اني اكثر كآبة وكلش وحيدة أو اني فضلت هلوحدة

ببداية الايام كمت اخذ فاليوم لأن ميجيني نوم بس ما اريد اتعود عليه حتى لا يصير ادمان .. مر اسبوع وما احجي ويه اي احد جدي بعده زعلان مني واني من وراه ضليت بغرفتي .. بيبي تحاول وياي حتى اطلع من الغرفة او اروح لصقر بس ما ادري مالي نفس اسوي شي ولما اروح لصقر احس الحياة توكف وبهلسبوع اقترح الدكتور يشيلون الاجهزة من صقر ..

أية مرات تجي تبات تتعارك ويه ابو رجلها ومن وراه تتعارك ويه حمزة ويجي يصالحها بعدين ترجع مرات يعوفها تهدة

مرات تجيب حنين الاكل لغرفتي من أتاخر وما الي واهس اطلع ..شهاب ما اجه يمي بعد يكول عوفوها شتريد تسوي خل تسوي .. شكله مل من تصرفاتي

هم حقه ترة مينلام ..اني هواي زودتها بنضرة وهو بلكوة مستحمل ..خالتي يم صقر صارلها اسبوع وبيبي خوب زارتهم كم مرة ويه حنين حتى اسراء راحت للمستشفى تتطمن عليه بس اني كاعدة بغرفتي وساكتة

غير اني زوجته المفروض اول وحدة يمه ؟!
ليش هيج اني فاقدة الامل صقر بعدة عايش بس اني الي موو مقتنعة وما بقه عندي امل ..يجوز لأن فقدت الامل صقر ميريد يرجع يمكن يحس مثل مكال شهاب يحس ويعرف كل شي صاير حواليه

طلعت من الغرفة وللأستقبال جانت بيبي والحجية اسراء حنين تقى كلهن كاعدات يسولفن لما طبيت صار هدوء
جانت بيبي لابسه جواريب وكعد تلبس حجابها

ريتاج... بيبي وين رايحة !؟
بيبي...رح اروح للمستشفى خطية خالتج تعبت اروح شويه اواسيها ورح اخذ البنات وياي

حنين...بيبي اخذي وياج أحلام اريد اكمل شغلي وهيه تكعد تهوس
بيبي...يروح بيبيتج وين اخذها هناك المستشفى الي يفوتلها يتمرض
شهاب...اني اخذها لتخافين ابقيها يمي

باوعت وراي شهاب حط ايده على جتفي باوعلي وكال...سلامات فكن طباكاتج لو بعد

ريتاج... شهاب ..الحمدالله بيبي اريد اروح وياكم
باوعتلي بسرعة وكالت...امشي بيبي كلهن رايحات حتى احلام بقت عليج

حجت بضحك تحاول تغير الجو
باوعت للبنات كلهن متحضرات بس حنين
شهاب...شنوو بقت عليها غير هيه زوجته لازم اول وحدة تروح

ادري.. اعرف شهاب يحاول يبين الي انو اني على غلط بهلكلام عايفه رجلي وحابسه روحي والبنات كلهن جاي يرحن بس اني
ريتاج... وصلت الفكرة