رواية ( انقضاض الأسود ) الجزء الأول

_الفصل العشرون _

حياة فى صوت رخيم :
_ قصدى ان ليكى حوالى شهر من وقت جوازك من مصعب وحتى الان مش قادرة تفهميه !

اجابتها مستنكرة :
_ وانتى فكرك اخوكى ده بيتفهم ساعة بقولى اعملى كده وساعة لا !

حياة فى هدؤء مشجع :
_ لو عايزة تفهميه يارؤية هتفميه لكن انتى مش مدية فرصة لنفسك ... ولعلمك مصعب متغيرش يمكن اه بقى عصبى وقاسى لكن شخصيته لسا زى ماهى

ابتسمت فى سخرية وهى تتمتم :
_ وده اللى هو ازاى بقى انا مش شايفة غير واحد قاسى ومعندوش قلب ولا ضمير

تنهدت حياة بعمق وغمغمت :
_ رؤية مصعب اخويا وانا عرفاه كويس ... انا دايما بعذره وبوقف فى صفه  لان اللى مر بيه مش قليل ، امه اتوفت بعد ولادتها ليه مباشرة وللاسف كانت السبب ماما ، كان عايش طول حياته لغاية مابقى عنده 34 سنة فى كدبة انه فاكر انى امى هى امه ، شال الهم من هو وصغير كان بابا بياخده معاه الشركة ويعمله علشان ياخده معاه ... وبعديها موت بابا وغير ده كله اللى حصله وهو صغير ، اتخطف وحاولو يقتلوه بس بابا لحقه ولما رجع كان فى أثار ضرب وتعذيب على جسمه كان فى سن 8 سنين انا الحجات دى معرفهاش مشوفتهاش بس عمتى حكتلى عنها وبعدها بسنة علطول حصل معاه حادث شديد وقعد فترة طويلة ميقدرش يمشى على رجله ، تخيلى ان طفل يبقى قاعد على السرير مش قادر يتحرك ولا يروح مدرسة ولا يلعب ما اصحابه .. انتى ايه رأيك اللى حصل معاه ده مش سبب كافى لقسوته ومعاملته معاكى انا عارفة تفكيره ازاى مش عايز يضعف قدام اى حد ولا حتى يبان للحظة انه ضعيف او عاجز ... انا افتكر انه فى مرة كان تعبان جدا ومش قادر يسند نفسه ولا يوقف على رجله مكنش بيخلى حد يقعد معاه فى الاوضة نهائى علشان ميشفهوش وهو كده ... ورغم ده كله متغيرش من جواه ، يمكن الاطار الخارجى له يبيلك عكس كده لكن فى الحقيقة من جواه هو لسا زى ماهو

كانت تحدق بها فى صمت خاشع وأعين زائغة وقد لانت قسمات وجهها وشعرت بالشفقة عليه قليلاً ثم تمتمت فى ذهول بسيط :
_ مكنش بيمشى خالص

حياة فى خفوت :
_ لا ده بسبب الحادث بس اخد فترة ميقدرش يمشى على رجله بعدين رجع زى الاول عادى ، انا معرفش بس اكيد طبعا كانت اصعب فترة فى حياته

ظلت تحدق بها فى نظرات ضائعة وتذكرت جملته عندما قال لها " مجبورة تتقبلينى ، زى ما انا اتجبرت اتقبل حياتى دى بحلوها ومرها ! "

وجدت حياة تهتف فى صوت قوى :
_ رؤية !

نفضت من ذهنها تلك الافكار وهتفت قائلة فى صوت خفيض :
_ نعم

حياة بصوت متهدج :
_ انا حبيت اوريكى بس ان مصعب مش زى ما انتى متخيلينه انتى وفهد .. حاولى تقربى منه وتفهميه وهتعرفى ان كلامى صح وهتشوفى شخص تانى خالص صدقينى

ظلت على حالتها تحملق بها فى صمت تام ثم وقفت واجابت فى صوت شبه ضعيف وشارد :
_ انا هروح اوضتى اصلى العصر ومتنسيش بكرة