رواية ( انقضاض الأسود ) الجزء الأول

_ الفصل العاشر _

اجاب على الهاتف بنبرة جادة :
_ الو

اجابته ام فارس قائلة بهلع :
_ مصعب بيه ، هند سمعتها دلوقتى بتتكلم فى التلفون مع اللى بتتكلم معاه علطول ده وباين بيخططوا لحاجة كبيرة لحضرتك

اؤما رأسه لها بالإيجاب ثم هتف بحدة :
_ خلى عينك مفتحة عليها واياكى تغفل عن عينك لحظة وحدة

_ تحت امرك

انهى الاتصال معها ثم اجرى اتصال فوراً باليث فأجابه قائلاً :
_ الو يامصعب

مصعب بجدية واضحة :
_ تعالى على (.......) بسرعة انا مستنيك

ليث متسائلاً بفضول ممزوج بالتعجب :
_ وانت بتعمل ايه هناك

مصعب بنبرة شبه ضجرة :
_ ليث يلا ولما تاجى هتعرف

ثم انهى الاتصال معه دون ان ينتظر منه رداً فأنزل ليث الهاتف من على اذنه وحدق به قائلاً باقتضاب :
_ عمرك ماهتتغير يامصعب !

هتف مؤيد قائلاً بتساءل :
_ ايه ليث جاى

_ امممممممم

بعد مرور دقائق محدودة كان ليث قد وصل اليهم وهتف بنظرات  متفحصة :
_ فى ايه يامصعب ده مش مكتب مأذون برضوا ؟!

مصعب بضراعة :
_ انت شايف ايه !

ليث بنظرات حادة :
_ وليه جايبنى هنا ؟

مؤيد بهدؤء مشجع :
_ مصعب هيتجوز ياليث

حملق بهم بدهشة لثوانى ثم تمتم :
_ يتجوز !! ... ومين دى اللى هيتجوزها ؟!

مصعب بنظرة ثاقبة ونبرة ثابتة :
_ رؤية

رفع احد حاجبيه وهو يرمقهم بترقب شديد ثم هتف ساخراً :
_ ايه انت بتهزر ولا ايه يامصعب رؤية ايه اللى تتجوزها ! .. انت من امتى بتطيقها هى وفهد ، و هما ازاى وافقوا ؟!

لم يجيبه ، ثم وجد فهد ورؤية قد وصلوا ، فهب هو واقفاً واتجه الى داخل مكتب المأذون وتبعه الباقية .........
بعد مرور دقائق ليس بقصيرة سمع كل منهم الدعاء المشهور من المأذون " بارك الله لكما وبارك عليكما وجمع بينكم فى خير ... الف مبروك " وقد اصبحت الان زوجته شرعاً امام الله
بينما هى كانت بعالم اخر فضميرها يأنبها لانها كذبت بتلك الكذبة على اخيها  ..... غادر الجميع مكتب المأذون ووقف فهد امام مصعب وهو يهتف بنبرة تحمل فى طيأتها الكره :
_ مبسوط دلوقتى .. بس اوعى تنسى اللى قولتهولك امبارح هااا

ثم نظر الى رؤية التى كانت تنظر له بأعين دامعة وراجية ثم هم بالرحيل فاقبضت على يده وهو تهتف ببكاء متوسلة اياه :
_ فهد ابوس ايدك متبصليش كده

فهد بنبرة قاسية :
_ مبروك يارؤية !

ثم تركها ورحل فاقترب مؤيد من أذن مصعب وهتف بهمس :
_ انا همشى نتقابل فى الشركة