رواية زوجتي الصغيرة رومنسيه خليجية

الجزء ٣٢

في بيت صديقتها

كانت اول مرة تجي لعندها هي مو صديقتها المقربة بس تعرفت عليها اخر مرة وكل مرة وهي عازمتها ووعد ترفض

بس المرة هذي استحت انها ترفض حاولت مع فيصل حتى رضى لانه هو المسؤول عنها لما يكون ابوها مسافر

كانت جالسة في الصالة و هي تنتظرها لانها قامت تجيب القهوة و خرابيط البنات سمعت صوت وراها

لفت وهي تقول : هنادي يلا بس جلسي معي ما ابي قهو.....

ارتبكت وخافت وهي تشوف شاب اسمر و شكله عادي بس جسمه رياضي و هو يشوف معاها بنظرات جريئة

كانت لابسة جينز سكيني و بلوزه بيضاء

قامت بخوف وهي تقول : انت ما تستحي اطلع من هنا

قال بكلمات جريئة : في حلوة في بيتنا وتبيني اطلع لا حبيبتي

بدت تصرخ : هنادي هنادي وينك انتي

شافته طلع لبست عبايتها و اتصلت على فيصل ما تبي تقعد دقيقة وحدة في البيت هذا

رد عيها فيصل : هلا وعودة

ردت وهي ما سكة دموعها : هلا فيصل ..... فيصل ممكن تجيني ابي اروح البيت اللحين

فيصل بخوف : وعد شنو فيك

ردت وهي تحاول تتماسك اكثر : لا بس تعبانه شوي و ابي اررجع للبيت

فيصل : طيب شوي و انا عندك

قفلت من فيصل وهي ممستغربه ان هنادي ما جات ولا لها اثر من قامت تجيب القهوة

شافت فيصل يتصل عرفت انه جا خرجت و هي تحاول ما تبين لان فيصل بيسالها شنو فيها

دخلت السيارة وهي تبتسم : هلا فيصل

فيصل بخوف عليها : شنو فيك وعودة

وعد : لا بس احس نفسي تعبانه شوي

بعد ما وصلو للبيت راحت على طول لغرفتها اخذت شاور و بدلت ملابسها و لبست بيجامه و جلست على السرير

و هي تفكر منو اللي شافته اليوم اكيد اخوها بس ليش ما خبرته اني عندها و ليش لما صرخت ما جات

يمكن هي اللي دخلته على بس لا ان بعض الظن اثم مستحيل تسوي كذا

و نامت و هي تفكر في اللي صار وخايفة من المستقبل

@@@@@@@@@@@@@@@@@@@@@@@@@@@@@@@@@@@@@

في بيت ابو خالد

جالسين في الصالة

خالد : ههههههههه لا بس صراحة انصدمت

ملاك : هههههههههههههههههههه

ام خالد : لا لا تنصدم يمه في حريم يصير معاهن اكثر من كذا

لف على نور و هو يضحك بقوة : لا و تستلذ فيه و تاكل و كانها تاكل شكولاطه

ام خالد وهي تشوف الدموع في عيون نور : بس خلاص وقفو ضحك هذي الحاجة ما تضحك

خالد : لا والدكتورة تقول عادي بس تاكل شوي بس و الا تسبب لها حصى الكلى و تقول انها ممكن تشتهي اشياء

اغرب من التراب و ....

توقفوا عن الضحك وهم يشوفوها تبكي و صاعدة الدرج بسرعة

قام خالد : شنو فيها

ام خالد بسخرية : لا و الله اللحين شنو فيها من الصبح وانتو تتمصخرون عليها و تبونها ما تزعل يا ولدي راعي

شعورها هي حامل و تصير تزعل على اتفه الاشياء و لازم تصبر عليها