🔥🔞"في أحضان عزرائيل"🔞🔥

الحلقة 2

ﻧﺴﻤﻊ ﻓﻲ ﺻﻮﺗﻬﺎ ... ﺑﻌﻴﺪ ﺑﺮﺷﺎ ... ﺻﻮﺭﺗﻬﺎ ﺗﻤﺸﻲ ... ﻭ ﺗﺒﻌﺪ ... ﺩﻣﻮﻋﻲ ﺿﺒﻮ ﻋﻠﻴﺎ ﻭ ﻣﻌﺎﺩﺵ ﻧﻌﺮﻑ ﻭﻳﻦ ﺍﻧﺎ ... ﻭ ﻻ ﺷﻨﻮﺓ ﺍﻟﻠﻲ ﺻﺎﺭ ﻓﻴﺎ ... ﺭﺟﻌﺖ ﻟﻈﻼﻡ ﻟﻔﻘﺖ ﻣﻨﻮ ﻟﺤﻈﺎﺕ ﻛﻬﻮ ... ﻟﺤﻈﺎﺕ ﺭﺟﻌﺘﻨﻲ ﻟﻠﻮﺍﻗﻊ ﻟﺒﺎﺵ ﻧﻌﻴﺸﻮ ... ﻭ ﺧﻄﻔﺘﻨﻲ ﻣﺮﺓ ﺍﺧﺮﻯ ... ﺗﻤﻨﻴﺖ ﻛﺎﻥ ﻣﺖ ﻭﻗﺘﻬﺎ ... ﺗﻤﻨﻴﺖ ﻛﺎﻥ ﻭﻓﺎﺕ ﺣﻴﺎﺗﻲ ... ﻣﻦ ﻏﻴﺮ ﻣﺎ ﻧﻄﻠﻊ ﻓﻲ ﺣﺘﻰ ﺣﺪ ﺍﺧﺮ .. ﻭ ﻣﺎ ﻧﺒﺮﺭ ﻟﺤﺘﻰ ﺣﺪ ﻟﻲ ﺻﺎﺭ ... ﺧﺎﻃﺮ ﻓﻲ ﺍﻻﺧﻴﺮ ﺍﻧﺎ ﻟﺒﺎﺵ ﻧﻄﻠﻊ ﺍﻟﺨﺎﺳﺮﺓ ﺍﻟﻮﺣﻴﺪﺓ ... ﺍﻧﺎ ﻟﺒﺎﺵ ﻧﻜﻮﻥ ﺍﻟﺨﻄﻴﺌﺔ ... ﺍﻧﺎ ﻟﺒﺎﺵ ﻧﺘﺴﻤﻰ ﺍﻟﻌﺎﻫﺮﺓ ... ﺑﺎﺵ ﻧﺘﻨﺴﻰ ... ﺍﻟﻜﻞ ﺑﺎﺵ ﻳﺪﻓﻨﻲ ﻓﻲ ﺫﺍﻛﺮﺓ ﺍﻟﻤﺎﺿﻲ ... ﺑﺎﺵ ﻧﻜﻮﻥ ﻣﻦ ﺍﻟﻴﻮﻡ ﻣﺠﺮﺩ ﺭﺫﻳﻠﺔ ... ﻫﺬﺍ ﺍﻟﻜﻞ ﺧﺎﻃﺮ ﺍﻟﻤﺠﺘﻤﻊ ﻳﻘﻴﻤﻨﺎ ﺑﻘﻄﺮﺍﺕ ﺩﻡ ... ﻣﻴﻬﻤﺶ ﻟﻌﺸﺘﻮ ﻭ ﻻ ﻟﻲ ﺷﻔﺘﻮ ... ﻣﻴﻬﻤﺶ ﺷﻨﻮﺓ ﺍﻟﻠﻲ ﻗﺎﻋﺪ ﺗﺤﺲ ﻓﻴﻪ ... ﺍﻟﻤﻬﻢ ﺍﻧﻚ ﻋﺬﺭﺍﺀ ... ﻭ ﻳﻜﻔﻲ ﺑﺎﺵ ﻳﺴﻤﻮﻙ ﺷﺮﻳﻔﺔ ... ﻫﻲ ﻗﻄﺮﺍﺕ ﺩﻡ ﻛﻬﻮ ... ﺗﻜﻔﻲ ﺑﺎﺵ ﺗﺤﺪﺩ ﻣﺼﻴﺮﻙ ﻭ ﻣﻜﺎﻧﺘﻚ ﻓﻲ ﺍﻟﻤﺠﺘﻤﻊ ... ﻳﻜﻔﻲ 0 ﺑﺎﺵ ﺗﻜﻮﻥ ﺷﺮﻳﻔﺔ ... ﻳﻜﻔﻲ ... ﻳﻜﻔﻲ ... ﻭ ﻳﻜﻔﻲ ﺑﺎﺵ ﺗﻌﻴﺶ ﻓﺎﻟﻤﺠﺘﻤﻊ ﻫﺬﺍ ... ﻣﺠﺘﻤﻊ ﺍﻟﻜﺒﺖ ﻭ ﺍﻟﻔﻀﻴﺤﺔ ... ﺍﺻﻮﺍﺕ ﺑﻌﻴﺪﺓ ﻓﻴﻘﺘﻨﻲ ﻣﺮﺓ ﺍﺧﺮﻯ ... ﺍﺻﻮﺍﺕ ﻗﺮﻳﺒﺔ ﻭ ﺑﻌﻴﺪﺓ ﻓﺮﺩ ﻭﻗﺖ ... ﺿﻮ ﺍﺧﺮ ﺟﻬﺮ ﻓﻲ ﻋﻴﻨﻲ ... ﺣﻠﻴﺖ ﻋﻴﻨﻴﺎ ... ﻧﻠﻘﺎ ﺍﻛﺜﺮ ﻣﻦ ﻭﺍﺣﺪ ﺩﺍﻳﺮ ﺑﻴﺎ ... ﻳﺠﺮﻭ ﺑﻴﺎ ﻓﻲ ﺳﺮﻳﺮ ... ﻭ ﻳﺤﻜﻮ ﺑﻴﻨﻬﻢ ... ﺣﻮﺍﺭ ﻧﺴﻤﻊ ﻓﻴﻪ ﻭ ﻣﺶ ﻓﺎﻫﻤﺔ ﻣﻨﻮ ﻃﺮﻑ " ﻋﻨﺪﻫﺎ ﻧﺰﻳﻒ ﻗﻮﻱ ﺑﺮﺷﺎ "..." ﻳﻤﻜﻦ ﻋﻨﺪﻫﺎ ﺗﻤﺰﻕ ﻓﻲ ﺭﺣﻢ "..." ﻣﺪﺍﻡ ﺗﺴﻤﻊ ﻓﻴﻨﺎ ﺭﺩ ﺑﺎﻟﻚ ﺗﻐﻴﺐ ..." ﺑﺮﺍ ﺣﻀﺮ ﻏﺮﻓﺔ ﺍﻟﻌﻤﻠﻴﺎﺕ ﺑﺴﺮﻋﺔ "..." ﻭ ﺷﻮﻑ ﺯﻣﺮﺓ ﺩﻣﻬﺎ ﺷﻨﻮﺓ ﻓﻴﺴﻊ "..." ﺯﻋﻤﺔ ﺷﺒﻴﻬﺎ ﻭﻟﺪﻱ " ﻧﻈﻦ ﺣﺎﻟﺔ ﺍﻏﺘﺼﺎﺏ ..." ﺍﻟﻜﻼﻡ ﻫﺬﺍ ﺍﻟﻜﻞ ﻧﺴﻤﻊ ﻓﻴﻪ ... ﻛﻞ ﻣﺮﺓ ﻣﻦ ﻭﺍﺣﺪ ... ﻣﺮﺓ ﺍﻟﻔﺮﻣﻠﻴﺔ ... ﺍﻟﻄﺐﻳﺐ ... ﻭ ﺍﻟﻤﺮﺍ ﻣﺘﺎﻉ ﻗﺒﻴﻞ ... ﺣﻠﻴﺖ ﻋﻴﻨﻴﺎ ... ﻧﺸﻮﻑ ﻓﻲ ﺟﻬﺎﻣﺔ ... ﺟﻬﺎﻣﺔ ﺭﺍﺟﻞ ... ﻣﻨﻌﺮﻓﺶ ﻋﻼﺵ ﺑﻘﻴﺖ ﻧﺸﻮﻑ ... ﻣﻊ ﺍﻧﻮ ﺻﻮﺭﺗﻮ ﻣﺶ ﻭﺍﺿﺤﺔ ﻓﻲ ﻋﻴﻨﻲ ... ﺍﻣﺎ ﺣﺴﻴﺘﻮ ... ﻳﻄﻠﻊ ﻓﻴﺎ ... ﻭﺟﺎﻳﻊ ﻗﻮﻳﺔ ﻧﺤﺲ ﺑﻴﻬﺎ ﻣﻦ ﺍﻟﻠﻮﻃﺔ ... ﺗﺤﺴﻬﺎ ﺳﻜﺎﻛﻦ ﻗﺎﻋﺪﺓ ﺗﻘﻄﻊ ﻓﻴﻚ ... ﻟﻠﺤﻈﺔ ﺗﺴﻜﺮﺕ ﺍﻟﺒﺎﺏ ... ﻭ ﺗﺴﻜﺮﻭ ﻋﻴﻨﻴﺎ ... ﺑﻌﺪ ﻣﺎ ﺯﺭﻗﻮﻟﻲ ... ﻭ ﻫﺰﻭﻧﻲ ﻟﻌﺎﻟﻢ ﺍﺧﺮ ... ﻏﺎﺩﺭﺕ ﺍﻟﻮﺍﻗﻊ ... ﺳﺎﻋﺎﺕ ﺭﺟﻌﺖ ﺑﻴﻬﻢ ﻟﺤﻴﺎﺗﻲ ... ﺣﻴﺎﺗﻲ ﺑﻨﻬﺎﺭ ﻗﺒﻞ ... ﻣﺎ ﻧﻮﺻﻞ ﻟﻬﻮﻧﻲ ... ﻟﺒﻴﺖ ﺑﺎﺭﺩﺓ ﻋﺎﻟﻠﺨﺮ ... ﺑﻴﻦ ﻳﺪﻳﻦ ﺍﻃﺒﺎﺀ ﻳﺤﺎﻭﻟﻮ ﻳﻠﻤﻮ ﻓﻀﻴﺤﺘﻲ ... ﻭﻗﺘﻬﺎ ﻓﻘﺖ ﺍﻟﺼﺒﺎﺡ ... ﻋﻠﻰ ﺭﻳﺤﺔ ﺍﻟﻘﻬﻮﺓ ... ﻟﻌﻤﻠﺘﻪﺍ ﺍﻣﻲ ... ﻫﺰﻳﺖ ﺭﻭﺣﻲ ... ﻛﻴﻒ ﻛﻞ ﺻﺒﺎﺡ ... ﺑﺎﺵ ﻧﻤﺸﻲ ﻟﻘﺮﺍﻳﺘﻲ ... ﻭ ﻻ ﺑﺎﺵ ﻧﺤﻘﻖ ﺣﻠﻤﻲ ﺑﺎﻟﺪﺭﺟﺔ ﺍﻻﻭﻟﻰ ﺍﻧﻲ ﻧﻜﻮﻥ ﻃﺒﻴﺒﺔ ... ﻟﺒﺴﺖ ﺣﺠﺎﺑﻲ ... ﻛﻲ ﺍﻟﻌﺎﺩﺓ ... ﺣﻄﻴﺖ ﺍﻟﻔﻮﻻﺭ ﻣﺘﺎﻋﻲ ... ﻭ ﻟﻤﻴﺖ ﻛﺘﺒﻲ ... ﻣﻦ ﺍﻟﺒﻴﺮﻭ ﻭ ﻧﺺ ﻋﺎﻻﺭﺽ ... ﺣﺘﻰ ﻣﻨﻲ ﻋﺪﻳﺖ ﻟﻴﻠﺔ ﺍﻟﻜﻞ ﻧﺤﻀﺮ ﻻﺧﺮ ﻛﻮﻧﺘﺮﻭﻝ ﻋﻨﺪﻱ ... ﻭ ﺑﺎﺵ ﻧﺎﺧﻮ ﻋﻄﻠﺔ ﻭ ﻧﺘﻬﻨﻰ ... ﺧﺮﺟﺖ ﻟﺒﺮﺍ ... ﻟﻘﻴﺖ ﺍﻣﻲ ﺣﻀﺮﺕ ﻃﺎﻭﻟﺔ ... ﺗﻔﻄﺮ ﻓﻲ ﻋﻤﺎﺩ ... ﻋﻤﺎﺩ ﺧﻮﻳﺎ ﺻﻐﺮﻭﻥ ... ﺑﺮﻏﻢ ﻋﺎﻣﻮ ﺍﻻﻭﻝ ﻓﻲ ﺍﻟﻠﻴﺴﻲ ... ﺍﻣﺎ ﺗﺤﺴﻮ ﺭﺍﺟﻞ ﺩﺍﺭ ... ﻓﻲ ﺍﻟﻮﻗﺖ ﻟﻴﺒﺪﺍ ﺑﺎﺑﺎ ﻏﺎﻳﺐ ... ﺑﺤﻜﻢ ﺧﺪﻣﺘﻮ ... ﻛﻴﻤﺎ ﺯﺍﺩﺓ ﻧﺤﺴﻮ ﺣﻨﻴﻦ ﺑﺮﺷﺎ ... ﻋﻠﻴﺎ ﻭ ﻋﻠﻰ ﺍﻣﻲ ... ﻗﺪﺍﻡ ﻗﺴﻮﺓ ﺑﺎﺑﺎ ... ﻳﻤﻜﻦ ﺧﻮﻳﺎ ﺑﺮﻏﻢ ﺻﻐﺮﻭ ... ﻛﺎﻥ ﻣﻌﻮﺿﻨﻲ ﻋﻠﻰ ﺑﺎﺑﺎ ﺑﺮﺷﺎ ... ﺑﺎﺑﺎ ﻟﻌﻤﺮﻭ ﻣﺎ ﻗﺎﺑﻨﺎ ﻛﻠﻤﺔ ﻣﻠﻴﺤﺔ ... ﻋﻤﺮﻭ ﻣﺎ ﺣﺴﺴﻨﺎ ﺑﺎﻻﻣﺎﻥ ... ﻛﻬﻮ ﻓﻲ ﺭﺍﺳﻮ ﺷﻲ ﻭﺍﺣﺪ ﺗﻐﻠﻂ ﺗﺨﻠﺺ ... ﺧﺬﻳﺖ ﻧﻔﺲ ... ﻭ ﺻﺒﺤﺖ ﻋﻠﻴﻬﻢ ... ﻗﺮﺑﺖ ﻣﻦ ﻃﺎﻭﻟﺔ ... ﻫﺰﻳﺖ ﻃﺮﻑ ﺧﺒﺰ ... ﺣﻄﻴﺖ ﻓﻴﻪ ﻣﻌﺠﻮﻥ ﻋﺎﻟﻮﺍﻗﻒ ... ﻗﺤﺮﺗﻞﻱ ﺍﻣﻲ ﺗﺤﻜﻲ ﺍﻣﻲ : ﺳﻮﺍﺭ ﻳﺎ ﺑﻨﺘﻲ ﺍﻗﻌﺪ ﻭ ﻛﻮﻝ ﻛﻴﻤﺎ ﻧﺎﺱ
ﺍﻧﺎ : ﺗﺄﺧﺮﺕ ﺑﺮﺷﺎ ... ﻭ ﺯﻳﺪ ﻣﻌﻨﺪﻳﺶ ﻓﻠﻮﺱ ﺑﺎﺵ ﻧﺤﻜﻢ ﻃﺎﻛﺴﻲ ﺍﻣﻲ