ﺳﻮﺍﺭ ﺗﺤﻜﻲ :
ﻧﺤﺲ ﻓﻲ ﻳﺪﻳﺎ ﺯﻭﺯ ﻳﺮﻋﺸﻮ ... ﻣﺰﺍﻝ ﻣﻬﺪﻳﺘﺶ ... ﻟﻠﺤﻈﺔ ﺍﻛﺎ ﺍﻟﻠﻴﻠﺔ ﺗﻌﺪﺍﺕ ﺑﻴﻦ ﻋﻴﻨﻴﺎ ... ﺻﻮﺕ ﺯﻳﺎﺩ ... ﺗﺨﻠﻂ ﻣﻊ ﺻﻮﺗﻮ ﺩﺍﺧﻞ ﺭﺍﺳﻲ ... ﺣﺴﻴﺘﻮ ﻫﻮ ﺍﻟﻠﻲ ﻗﺎﻋﺪ ﻳﺤﻜﻲ ﻣﻌﺎﻳﺎ ... ﻛﺎﻧﻮ ﻳﺤﺐ ﻳﻘﻠﻲ ... ﻻﻧﺖ ﺿﻌﻴﻔﺔ ﻭ ﺍﻧﺎ ﺗﻤﻜﻨﺖ ﻣﻨﻚ ﺧﺎﻃﺮﻙ ﻣﺎ ﺗﺴﻮﺍ ﺷﻲ ... ﻣﻦ ﺍﻟﻘﻮﺓ ﻟﻲ ﻛﺴﺒﺘﻬﺎ ﻟﻠﺤﻈﺔ ... ﺣﺴﻴﺘﻬﺎ ﻃﺎﺣﺖ ﻓﻲ ﺍﻟﻤﺎ ... ﺣﺘﻰ ﻛﻴﻒ ﺭﺟﻌﺖ ﺻﺎﻭﺑﺖ ... ﻣﻨﺠﻤﺖ ﻧﻀﺮﺏ ﺣﺘﻰ ﺩﺑﻮﺯﺓ ﻣﻨﻬﻢ ... ﺣﺴﻴﺖ ﺑﻴﺪﻭ ... ﺗﺤﻄﺖ ﻋﻠﻰ ﻳﺪﻳﺎ ﺯﻭﺯ ... ﻓﻚ ﺍﻟﺴﻼﺡ ﻣﻨﻲ ﻳﺤﻜﻲ
ﺯﻳﺎﺩ : ﻳﻜﻔﻲ ... ﺑﺮﺍ ﺍﺭﺗﺎﺡ ﺗﻮﺍ
ﻣﺮﺟﻌﺘﺶ ﻋﻠﻴﻪ ... ﻧﺰﻟﺖ ﻳﺪﻳﺎ ... ﻧﺸﻮﻑ ﻟﺒﻌﻴﺪ ... ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﺍﺳﺌﻠﺔ ﻛﺒﺴﺖ ﻋﻠﻰ ﻣﺨﻲ ... ﻋﻼﺵ ﺍﻧﺎ ﻫﻮﻧﻲ ... ﻭ ﺷﻨﻴﺔ ﺳﺒﺐ ﻟﻮﺻﻠﻨﻲ ... ﻭ ﻋﻼﺵ ﺭﺿﻴﺖ ﺑﺎﻟﺨﺪﻣﺔ ﻫﺎﺫﻱ ... ﻋﻼﺵ ﺧﻠﻴﺖ ﺣﻴﺎﺗﻲ ... ﺍﻻﺳﺌﻠﺔ ﻫﺬﻭﻣﺎ ﺍﻟﻜﻞ ﻋﻨﺪﻫﻢ ﺟﻮﺍﺏ ﻭﺍﺣﺪ ... ﻟﻲ ﻫﻮ ﻣﻐﺘﺼﺒﻲ ... ﻫﻮ ﺳﺒﺐ ﻓﻲ ﻛﻠﺸﻲ ﻭﺻﻠﺘﻠﻮ ﺍﻧﺎ ﺗﻮﺍ ... ﺍﻣﺎ ﺳﺆﺍﻝ ﻭﺍﺣﺪ ﻛﻬﻮ ﻫﻮ ﺍﻟﻠﻲ ﺑﺎﺵ ﻳﺠﺎﻭﺑﻨﻲ ﻋﻠﻴﻪ ... ﻋﻼﺵ ﺍﻏﺘﺼﺒﻨﻲ ... ﻋﻼﺵ ﺩﻣﺮﻧﻲ ... ﻭ ﺍﻻﻫﻢ ﻣﻦ ﻫﺬﺍ ﺍﻟﻜﻞ ﺷﻜﻮﻥ ﻫﻮ ... ﺑﺎﺵ ﻋﻤﻞ ﻓﻴﺎ ﻫﺬﺍ ﺍﻟﻜﻞ ... ﻭ ﺑﺎﺵ ﻧﻮﺻﻞ ﻟﻼﺟﻮﺑﺔ ﻫﺬﻭﻣﺎ ﺯﻳﺎﺩ ﻫﻮ ﺍﻟﺤﻞ ... ﻫﻮ ﻟﻲ ﺑﺎﺵ ﻳﻮﺻﻠﻨﻲ ﻟﻴﻪ ... ﺑﺎﺵ ﻳﺨﻠﻴﻨﻲ ﻧﺎﺧﻮ ﺑﺤﻘﻲ ﻣﻨﻮ ... ﺍﻣﺎ ﻗﺒﻞ ﻫﺬﺍ ﺍﻟﻜﻞ ... ﻳﻠﺰﻣﻨﻲ ﻧﻌﻤﻞ ﻋﻠﻰ ﺭﻭﺣﻲ ﺍﻛﺜﺮ ... ﺧﺬﻳﺖ ﻧﻔﺲ ... ﻣﻦ ﺍﻟﻨﺴﻤﺔ ... ﺑﺮﺩﺕ ﺑﻴﻪ ﺧﺎﻃﺮﻱ ... ﻭ ﺗﻠﻔﺖ ﻭﺭﺍﻳﺎ ... ﻟﻘﻴﺘﻮ ﻣﺸﺎ ﻋﻠﻰ ﺭﻭﺣﻮ ... ﺗﻲ ﻧﻤﻮﺕ ﻭ ﻧﻌﺮﻑ ﻛﻴﻒ ﻳﻤﺸﻲ ﺑﻼ ﻣﺎ ﻧﺤﺲ ﺑﻴﻪ ﺍﻟﺴﺨﻄﺔ ﻫﺬﺍ ... ﻫﺰﻳﺖ ﺭﻭﺣﻲ ﺭﺟﻌﺖ ﻟﺪﺍﺭ ... ﺩﺭﻳﻜﺴﻴﻮﻥﻟﻠﻜﻮﺟﻴﻨﺔ ... ﺻﺤﻴﺢ ﺑﺎﺵ ﻧﻌﻤﻞ ﺍﻛﺜﺮ ... ﺍﻣﺎ ﻣﺶ ﻋﻠﻰ ﺣﺴﺎﺏ ﻛﺮﺷﻲ ... ﺍﻫﻢ ﺷﻲ ﻋﻨﺪﻱ ﺍﻧﻲ ﻧﺎﻛﻮﻝ ... ﺍﻭﻝ ﻣﺎ ﺷﺒﻌﺖ ... ﻣﺸﻴﺖ ﻟﻠﺒﻴﺖ ﺍﻟﻠﻮﻃﺔ ... ﺳﻜﺮﺕ ﺍﻟﺒﺎﺏ ... ﺗﻜﻴﺖ ﻋﺎﻟﻄﺎﻭﻟﺔ ... ﻧﺪﻭﺭ ﻓﻲ ﻋﻴﻨﻴﺎ ... ﻋﺎﻟﺘﺼﺎﻭﺭ ﻟﻲ ﻋﺎﻟﺤﻴﻂ ... ﺗﻘﺮﻳﺒﺎ ... ﻧﻌﺮﻑ ﺍﻟﺸﺨﺼﻴﺎﺕ ﺍﻟﻜﻞ ... ﺧﺎﺻﺔ ﺍﻟﺸﺨﺼﻴﺔ ﺍﻻﻭﻟﻰ ﻭ ﺍﻟﺜﺎﻧﻴﺔ .... ﺧﺎﻃﺮ
ﻭ ﻣﺮﺗﺒﻬﻢ ... ﻗﺮﺑﺖ ﻻﺧﺮ ﺗﺼﻮﻳﺮﺓ ... ﻧﺸﻮﻑ ﻣﻌﺎﻫﺎ ... ﻓﻤﺎ ﺗﺼﻮﻳﺮﺓ ﻭﺣﺪﺓ ﻛﻬﻮ ﻟﻴﻪ ... ﻋﻜﺲ ﻻﺧﺮﻳﻦ ... ﻟﺘﻮﺍ ﻣﺎ ﻧﻌﺮﻑ ﻋﻠﻴﻪ ﺷﻲ ... ﻭ ﺍﺳﻢ ﻣﺶ ﺿﻤﻦ ﺍﻟﻘﺎﺋﻤﺔ ... ﻭ ﻻ ﻓﻲ CD ﺍﺳﺘﻐﺮﺑﺖ ... ﻟﻤﺎ ﻣﺤﺎﻭﻟﺘﺶ ﻧﺮﻛﺰ ﺑﺮﺷﺎ ... ﻧﻌﺮﻑ ﻭﻗﺖ ﻳﺒﺪﺍ ﺣﺎﺟﺘﻮ ﺑﻴﻪ ... ﻳﺨﺒﺮﻧﻲ ﻋﻠﻴﻪ ... ﻋﺪﻳﺖ ﺑﺎﻗﻲ ﻧﻬﺎﺭ ﻏﺎﺩﻱ ... ﻧﺮﺑﻂ ﻓﻲ ﺍﻻﺣﺪﺍﺙ ﺑﻴﻨﻬﻢ ... ﻭ ﻧﺸﻮﻑ ﻓﻲ ﺩﻭﺳﻴﺎﺕ ﻟﻲ ﻓﻤﺎ ... ﺣﺴﻴﺖ ﺑﺎﻟﺒﺎﺏ ﻓﺘﺢ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﻫﺎﺯ ﻛﺎﺱ ﻓﻲ ﻳﺪﻭ ... ﺳﻜﺮ ﺍﻟﺒﺎﺏ ﺑﺴﺎﻗﻮ ... ﻭ ﻏﺰﺭﻟﻲ ﻳﺤﻜﻲ
ﺯﻳﺎﺩ : ﻣﺶ ﻛﺎﻧﻚ ﻃﻮﻟﺖ ﺑﺮﺷﺎ ﻫﻮﻧﻲ
ﺍﻧﺎ : ﻻ ﻋﺎﺩﻱ
ﺯﻳﺎﺩ : ﻣﻤﻢ ﺑﺎﻫﻲ
ﺍﻧﺎ : ﺯﻳﺎﺩ ﻧﺠﻢ ﻧﺴﺄﻟﻚ
ﺯﻳﺎﺩ : ﺷﻔﻤﺎ
ﺍﻧﺎ : ﺍﻟﻠﻲ ﻓﻲ ﺗﺼﻮﻳﺮﺓ ﺗﺎﻟﻴﺔ ... ﺷﻜﻮﻧﻮ
ﺯﻳﺎﺩ : ﻋﻼﺵ ﺳﺆﺍﻝ
ﺍﻧﺎ : ﺧﺎﻃﺮ ﻣﻔﻤﺎ ﺣﺘﻰ ﺷﻲ ﻳﺨﺼﻮ ... ﻻ ﻓﻲ ﺩﻭﺳﻴﺎﺕ ﻟﻲ ﻫﻮﻧﻲ ... ﻭ ﻻ ﻓﻲ ...CD ﻭ ﺑﺤﻜﻢ ﺍﻧﺖ ﻗﺘﻠﻲ ﻻﺯﻡ ﺗﻌﺮﻓﻬﻢ ﺍﻛﺜﺮ ﻣﻦ ﺭﻭﺣﻚ ... ﻫﺎﻧﻲ ﻧﺴﺄﻝ ﻓﻴﻚ
ﺯﻳﺎﺩ : ﻫﺬﺍﻛﺎ ﻧﺤﻴﻪ ﻣﻦ ﺑﺎﻟﻚ ﺟﻤﻠﺔ ... ﻳﺨﺼﻨﻲ ﺍﻧﺎ ﻛﻬﻮ ... ﻭ ﺍﻧﺖ ﺑﺮﺍ ﺍﺗﻠﻬﻰ ﻓﻲ ﺍﻟﻠﻲ ﻗﺘﻠﻚ ﻋﻠﻴﻬﻢ
ﺍﻧﺎ : ﺑﺎﻫﻲ
ﺯﻳﺎﺩ : ﺑﺮﺍ ﺗﻌﺸﻰ ﻭ ﻃﻠﻊ ﺍﺭﺗﺎﺡ ... ﻳﺰﻳﻚ ﻟﻴﻮﻡ
ﺍﻧﺎ : ﻛﻲ ﺍﻟﻌﺎﺩﺓ ﺣﺘﻰ ﺳﻤﺤﺘﻠﻲ ﻧﺮﺗﺎﺡ
ﺯﻳﺎﺩ : ﺧﺎﻃﺮﻙ ﺑﺎﺵ ﺗﻔﻴﻖ ﺑﻜﺮﻱ ... ﻭ ﻧﻈﻦ ﺑﻌﺪ ﺗﺪﺭﻳﺐ ﻗﺒﻴﻞ ﻣﻜﻨﺘﺶ ﻗﺪ ﺑﻌﻀﻚ
ﺍﻧﺎ : ﻻ ﺟﻴﺴﺖ ﺗﻌﺒﺖ ... ﺑﺎﺵ ﻧﻤﺸﻲ ﺗﻮﺍ
ﺯﻳﺎﺩ : ﺑﺎﻫﻲ
ﺭﺟﻌﺖ ﺷﻌﺮﻱ ﻟﺘﺎﻟﻲ ... ﺗﻌﺪﻳﺖ ﻋﻠﻴﻪ ﺑﺎﺵ ﻧﺨﺮﺝ ... ﻭﻗﻔﻨﻲ ﻳﺤﻜﻲ
ﺯﻳﺎﺩ : ﺷﻜﻮﻧﻮ ؟
ﺗﻠﻔﺖ ﻧﺸﻮﻑ ﻣﻌﺎﻩ ... ﺳﺆﺍﻟﻮ ﺭﻭﻫﺠﻨﻲ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﺷﻜﻮﻥ ؟
ﺯﻳﺎﺩ : ﻟﻲ ﻭﺻﻠﻚ ﻟﻬﻮﻧﻲ ... ﻟﻔﻜﺮﺕ ﻓﻴﻪ ﺗﻮﺍ
ﺗﺒﺴﻢ ﻋﻠﻰ ﺟﻨﺐ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﻨﻌﺮﻑﺵ ﻋﻼﺵ ... ﻧﺤﺲ ﻓﻴﻪ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﺑﺪﻧﻲ ﺭﻋﺶ ... ﻭ ﺳﺎﻗﻴﺎ ﺭﺧﻔﻮ ... ﺷﻌﺮﺓ ﻻ ﻟﻌﺒﺖ ﺑﻴﺎ ﺍﻟﺪﻭﺧﺔ ... ﻣﻨﻌﺮﻓﺶ ﻋﻼﺵ ﺍﻟﺴﺆﺍﻝ ﻫﺬﺍ ﻣﻨﻮ ﻫﻮ ﺑﺎﻟﻈﺒﻂ ... ﺩﺧﻠﻨﻲ ﺑﻌﻀﻲ ... ﻃﻠﻌﺖ ﻋﻴﻨﻴﺎ ... ﻏﺰﺭﺗﻠﻮ ... ﻣﻔﻬﻤﺘﺶ ﻧﻈﺮﺗﻮ ﻟﻴﺎ ... ﻟﻠﺤﻈﺔ ﺣﺴﻴﺘﻬﺎ ﻧﻈﺮﺓ ﺍﺣﺘﻘﺎﺭ ... ﺍﺳﺘﻬﺰﺍﺀ ... ﺧﺮﺟﺖ ﺻﻮﺗﻲ ﺑﺎﻟﺴﻴﻒ ﻧﺤﻜﻲ
أنت تقرأ
🔥🔞"في أحضان عزرائيل"🔞🔥
Actionوينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
