🔥🔞"في أحضان عزرائيل"🔞🔥

الحلقة 140

ﺳﻮﺍﺭ ﺗﺤﻜﻲ :
ﺗﻌﺪﺍ ﺍﺳﺒﻮﻉ ... ﺍﺳﺒﻮﻉ ﻓﻲ ﺍﻳﻄﺎﻟﻴﺎ ... ﺑﻌﺪ ﻧﻬﺎﺭ ﺍﻻﻭﻝ ﻣﺨﺮﺟﺘﺶ ﺟﻤﻠﺔ ... ﺍﺳﺒﻮﻉ ﺗﻌﺪﺍ ﻛﺎﻥ ﺧﺪﻣﺔ ... ﺍﻣﻴﺮ ﺍﻟﻌﺎﺑﺪ ... ﺍﻻﺳﻢ ﻟﻜﺎﻥ ﻳﺘﻌﺎﻭﺩ ﻛﻞ ﻳﻮﻡ ... ﺻﺒﺎﺡ ﻭ ﻋﺸﻴﺔ ... ﻛﻴﻒ ﺗﺘﻌﺎﻣﻞ ﻣﻌﺎﻩ ... ﺷﻨﻮﺓ ﺗﺤﻜﻲ ... ﺭﺩ ﺑﺎﻟﻚ ﺗﻐﻠﻂ ﻓﻲ ﺍﻟﻜﻼﻡ ... ﺗﺼﺮﻑ ﻋﺎﺩﻱ ... ﻭ ﺑﺮﺷﺎ ﺣﺎﺟﺎﺕ ﺍﺧﺮﻯ ... ﻟﻴﻦ ﻓﺪﻳﺖ ﻭ ﺭﻭﺣﻲ ﻃﻠﻌﺖ ... ﻭ ﺍﻟﻬﺪﻑ ﻣﻦ ﻫﺬﺍ ﺍﻟﻜﻞ ... ﻧﺎﺧﻮ ﺍﻟﻔﻼﺷﺔ ﻣﻨﻮ ... ﻭﻧﺮﺟﻌﻬﺎ ﻣﻦ ﻏﻴﺮ ﻣﺎ ﻳﺤﺲ ﺑﻴﺎ ... ﺍﻟﻔﻼﺷﺔ ﻟﻲ ﻣﺎ ﻳﻨﺠﻢ ﻳﺴﻠﻢ ﻓﻴﻬﺎ ﻟﺤﺪ ... ﻭ ﻻ ﻳﻨﺠﻢ ﻳﺨﻠﻴﻬﺎ ﻓﻲ ﺑﻼﺻﺔ ... ﻓﻼﺷﺔ ﻓﻴﻬﺎ ﺍﻫﻢ ﺍﻟﻤﻌﻠﻮﻣﺎﺕ ... ﻟﻲ ﺗﻨﺠﻢ ﺗﺨﻠﻴﻨﺎ ﻧﻨﺘﻘﻠﻮ ﻟﻠﻤﺮﺣﻠﺔ ﺛﺎﻧﻴﺔ ... ﻣﻌﻠﻮﻣﺎﺕ ﺍﻧﺎ ﻣﺎ ﻧﻌﺮﻑ ﻋﻠﻴﻬﺎ ﺷﻲ ... ﺍﻣﺎ ﻓﻲ ﻛﻞ ﻫﺬﺍ ﺍﻟﻜﻞ ﻣﻨﻌﺮﻓﺶ ﻛﻴﻒ ﺑﺎﺵ ﻧﻌﻤﻞ ﻫﺬﺍ ﺍﻟﻜﻞ ... ﺭﻏﻢ ﺍﻟﻘﻮﺓ ﻟﻲ ﻗﺎﻋﺪﺓ ﻧﺒﻴﻦ ﻓﻴﻬﺎ ... ﻣﻦ ﺩﺍﺧﻠﻲ ﺧﺎﻳﻔﺔ ﻋﺎﻟﻠﺨﺮ ... ﺧﺎﺻﺔ ﻭ ﺍﻧﻮ ﺑﺎﺵ ﻧﺎﺧﺬ ﺍﻟﻔﻼﺷﺔ ﻭ ﻧﺮﺟﻌﻬﺎ ﻳﻌﺘﻤﺪ ﻋﻠﻴﺎ ... ﻭ ﻣﻦ ﻏﻴﺮ ﺗﺨﻄﻴﻂ ... ﻭ ﻛﻠﺸﻲ ﺑﺎﺵ ﻳﻜﻮﻥ ﻻﻭﻝ ﻣﺮﺓ ... ﻓﻘﺖ ﺍﻟﺼﺒﺎﺡ ﺑﺎﻟﺴﻴﻒ ... ﺍﺻﻼ ﺑﻘﻴﻨﺎ ﻟﻨﺺ ﺍﻟﻠﻴﻞ ... ﻧﺤﻜﻮ ﻓﻲ ﺗﻔﺎﺻﻴﻞ ﻟﻲ ﺑﻘﺎﺕ ... ﻫﺰﻳﺖ ﺭﻭﺣﻲ ... ﻟﺒﻴﺖ ﺍﻟﺒﺎﻧﻮ ﻏﺴﻠﺖ ﻭﺟﻬﻲ ... ﻭ ﺧﺮﺟﺖ ﻣﻦ ﺍﻟﺒﻴﺖ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ﻣﻠﻘﻴﺘﻮﺵ ... ﺯﻋﻤﺔ ﻣﺰﺍﻝ ﻓﻲ ﺑﻴﺘﻮ ... ﻋﻮﺟﺖ ﻓﻤﻲ ... ﻭ ﺩﺧﻠﺖ ﻟﻠﻜﻮﺟﻴﻨﺔ ... ﻟﻘﻴﺖ ﺍﻟﻔﻄﻮﺭ ﺣﺎﺿﺮ ... ﻋﻘﺪﺕ ﺣﻮﺍﺟﺒﻲ ... ﻛﻨﺖ ﺑﺎﺵ ﻧﻤﺸﻴﻠﻮ ﻟﺒﻴﺘﻮ ... ﺍﻣﺎ ﺭﺟﻌﺖ ﻟﺘﺎﻟﻲ ... ﻛﻲ ﻟﻘﻴﺖ ﻭﺭﻗﺔ ﻋﺎﻟﻄﺎﻭﻟﺔ ... ﻫﺰﻳﺖﻫﺎ ﻓﻲ ﻳﺪﻱ ﻧﻘﺮﺍ ﻓﻴﻬﺎ " ﺑﺎﺵ ﻧﺮﺟﻊ ﺍﻟﻌﺸﻴﺔ pc... ﻭ ﺩﻭﺳﻴﺎﺕ ﻋﺎﻟﻄﺎﻭﻟﺔ ... ﻛﻤﻞ ﺧﺪﻣﺘﻚ ﻟﻴﻦ ﻧﺮﺟﻊ ..." ﻓﺪﻳﺖ ﻭ ﺍﻧﺎ ﻧﻘﺮﺍ ﻓﻲ ﺍﻟﻮﺭﻗﺔ ... ﻳﺎﺧﻲ ﻭﻳﻦ ﻳﻜﻮﻥ ﻣﺸﺎ ﺍﻟﺴﺨﻄﺔ ... ﻧﻔﺨﺖ ... ﺣﻄﻴﺖ ﺍﻟﻮﺭﻗﺔ ... ﻭ ﻗﻌﺪﺕ ﻋﺎﻟﻄﺎﻭﻟﺔ ... ﻧﺸﻮﻑ ﻣﻌﺎﻫﺎ ... ﺷﺒﻴﻪ ﻳﺤﻄﻠﻲ ﻓﻄﻮﺭ ﻛﺎﻧﻲ ﻋﺎﻣﻠﺔ ﺭﺟﻴﻢ ... ﻣﺤﺎﻭﻟﺘﺶ ﻧﺮﻛﺰ ﺑﺮﺷﺎ ... ﻋﺒﻴﺖ ﻛﺮﺷﻲ ﺑﺎﻟﻘﺪﺍ ... ﻭ ﻣﺸﻴﺖ ﻟﺼﺎﻟﺔ ... ﺗﺮﻣﻴﺖ ﻋﺎﻟﻔﻮﺗﺎﻱ ... ﻭﺣﻠﺖ ﻓﻲ ﺍﻟﻮﺭﻕ ... ﻣﻜﺘﻮﺏ ﻓﻴﻬﻢ ﺷﻨﻮﺓ ﻟﻲ ﻳﺤﺘﺎﺟﻮﻩ ﻣﻦ ﺍﻟﻔﻼﺷﺔ ... ﻭ ﻻﺯﻣﻨﻲ ﻧﺤﻔﻈﻬﻢ ﻟﺘﺎﻟﻲ ... ﺑﺎﺵ ﻧﻨﻘﻠﻬﻢ ﺑﺘﺮﺗﻴﺐ ... ﺣﺴﻴﺖ ﺭﻭﺣﻲ ﺗﻬﺪﻳﺖ ... ﻋﻤﻠﺖ ﻗﻬﻮﺓ ﻭﺭﺟﻌﺖ ... ﻓﺘﺤﺖ ﺍﻟﺒﻴﺴﻲ ... ﻛﻨﺖ ﺑﺎﺵ ﻧﻜﻤﻞ ﻧﻘﺮﺍ ﺍﻟﺒﺎﻗﻲ ... ﺍﻣﺎ ﺿﺮﺑﺖ ﻓﻲ ﺭﺍﺳﻲ ... ﻧﻌﻤﻞ ﻃﻠﺔ ... ﻋﺎﻟﺤﻔﻼﺕ ﻫﺬﻭﻣﺎ ... ﻛﻴﻒ ﻳﻜﻮﻧﻮ ... ﺷﻨﻮﺓ ﻧﻠﺒﺲ ... ﻛﻴﻒ ﻧﻤﺸﻲ ... ﻭ ﺷﻨﻮﺓ ﻧﻌﻤﻞ ﺑﺎﻟﻈﺒﻂ ... ﻣﻨﻌﺮﻓﺶ ﻋﻼﺵ ﻣﻔﻜﺮﺗﺶ ﻓﻴﻬﺎ ﻣﻦ ﻗﺒﻞ ... ﺣﻄﻴﺖ ﺍﻟﻜﺎﺳﺔ ﻣﻦ ﻳﺪﻱ ... ﻭ ﺣﻄﻴﺖ ﻋﻠﻰ ﻓﻴﺪﻳﻮﺍﺕ ... ﻋﻴﻨﻴﺎ ﻭﺳﺎﻋﺖ ... ﻣﺴﺘﺤﻴﻞ ... ﻳﺎﺭﺑﻲ ... ﻛﻴﻒ ﺑﺎﺵ ﻧﻜﻮﻥ ﻭﺳﻂ ﻧﺎﺱ ﻫﺬﻭﻣﺎ ﺍﻟﻜﻞ ... ﺗﻲ ﻭ ﻻ ﻣﺮﺓ ﺳﺘﺨﺎﻳﻠﺖ ﺑﺎﺵ ﻧﺤﻀﺮ ﺣﻔﻼﺕ ﻫﻜﺎ ... ﺯﺍﺩﺓ ﺍﻧﺎ ﻣﺎ ﺟﺒﺖ ﺣﺘﻰ ﺷﻲ ﻣﻦ ﺩﺑﺶ ﺍﻟﺤﻔﻼﺕ ... ﻣﻼ ﻭﺣﻠﺔ ... ﻭ ﺍﻻﺳﻮﺀ ﻣﻦ ﻫﻜﺎ ﺍﻧﻮ ﺷﻄﺮ ﺍﻟﺤﻔﻠﺔ ﺗﻌﺘﻤﺪ ﻋﺎﻟﺮﻗﺺ ... ﺗﻲ ﺷﺒﺎﺵ ﻧﻌﻤﻞ ﺍﻧﺎ ﺗﻮﺍ ... ﺑﺎﺯ ﺑﺎﺵ ﻧﺨﺮﺏ ﺩﻧﻴﺎ ... ﺳﻜﺮﺕ ﺍﻟﺒﻴﺴﻲ ... ﻭ ﺗﻜﻴﺖ ﻟﺘﺎﻟﻲ ... ﺩﺧﻠﺖ ﺑﻌﻀﻲ ... ﻭ ﻣﻌﺮﻓﺘﺶ ﺷﺒﺎﺵ ﻧﻌﻤﻞ ... ﺩﻧﻴﺎ ﺑﺪﺍﺕ ﺗﻈﻼﻡ ... ﻭ ﻫﻮ ﻟﺘﻮﺍ ﻻ ﺟﺎ ... ﻭ ﺍﻟﺤﻔﻠﺔ ﻏﺪﻭﺓ ... ﺗﻲ ﻛﻴﻒ ﺑﺎﺵ ﻧﻠﺤﻖ ﻧﺘﻌﻠﻢ ﻫﺬﺍ ﺍﻟﻜﻞ ... ﻗﺺ ﻋﻠﻴﺎ ﺗﻔﻜﻴﺮﻱ ... ﺻﻮﺕ ﺍﻟﺒﺎﺏ ﻛﻲ ﻓﺘﺢ ... ﻧﻄﺮﺕ ﻣﻦ ﺑﻼﺻﺘﻲ ﺟﻴﺖ ﻭﺍﻗﻔﺔ ... ﻫﺰﻧﻲ ﻭ ﺣﻄﻨﻲ ﻣﺴﺘﻐﺮﺏ ... ﻣﺤﺎﻭﻟﺶ ﻳﺤﻜﻲ ﻣﻌﺎﻳﺎ ... ﻗﺮﺏ ﻣﻨﻲ ... ﺭﻣﻰ ﺍﻟﻤﻔﺎﺗﺢ ﻋﺎﻟﻄﺎﻭﻟﺔ ... ﻭ ﺗﺮﻣﺎ ﻋﺎﻟﻔﻮﺗﺎﻱ ﻳﺸﻮﻑ ﻣﻌﺎﻳﺎ ... ﺑﻘﻴﺖ ﻭﺍﻗﻔﺔ ﻧﻐﺰﺭﻟﻮ ... ﺗﻜﺎ ﻟﺘﺎﻟﻲ ... ﻫﺰﻧﻲ ﻭ ﺣﻄﻨﻲ ﻣﺮﺓ ﺍﺧﺮﻯ ... ﻋﻘﺪ ﺣﻮﺍﺟﺒﻮ ﻳﺤﻜﻲ
ﺯﻳﺎﺩ : ﺷﺒﻴﻚ
ﺍﻧﺎ : ﻣﻨﻌﺮﻓﺶ
ﺯﻳﺎﺩ : ﺷﻨﻮﺓ
ﺍﻧﺎ : ﺗﻲ ﻗﺼﺪﻱ ... ﺍﻧﻮ ﺍﻧﺎ ... ﺍﻟﺤﻔﻠﺔ ﻏﺪﻭﺓ
ﻭﺣﻞ ﺍﻟﻜﻼﻡ ﻓﻲ ﻟﺴﺎﻧﻲ ... ﻭ ﻣﻌﺮﻓﺘﺶ ﺷﻨﺤﻜﻲ ﺩﺧﻠﺖ ﺑﻌﻀﻲ ... ﻭ ﻣﻌﺎﺩﺵ ﻓﻤﺎ ﻭﻗﺖ ... ﺑﺎﺵ ﻧﻔﺸﻞ ﻣﻦ ﺍﻟﺒﺪﺍﻳﺔ ... ﻋﺪﻳﺖ ﻳﺪﻳﺎ ﺍﻟﺰﻭﺯ ﻋﻠﻰ ﻭﺟﻬﻲ ﺑﺎﻟﺰﺭﺑﺔ ... ﺳﻜﺮﺕ ﻋﻴﻨﻴﺎ ﻭ ﺭﺟﻌﺖ ﻓﺘﺤﺘﻬﻢ ... ﻭﻗﻒ ... ﻭ ﻗﺮﺏ ﻣﻨﻲ ... ﻏﺰﺭﻟﻲ ﻳﺤﻜﻲ
ﺯﻳﺎﺩ : ﺗﻨﺠﻢ ﺗﻬﺪﺍ ﻭ ﺗﻔﻬﻤﻨﻲ ﺷﺼﺎﻳﺮ
ﺍﻧﺎ : ﺯﻳﺎﺩ ﺍﻧﺎ ﺑﺎﺯ ﺑﺎﺵ ﻧﻔﺸﻞ ... ﻣﺴﺘﺤﻴﻞ ﻧﺠﻢ ﻧﻨﺠﺢ
ﺯﻳﺎﺩ : ﻋﻼﺵ ﺷﺼﺎﺭ
ﺍﻧﺎ : ﺑﺮﺷﺎ ﺣﺎﺟﺎﺕ ... ﺍﻭﻟﻬﻢ ﺍﻧﻮ ﺍﻧﺎ ﻣﻨﻌﺮﻑ ﺷﻲ ﻋﻠﻰ ﻫﺬﻭﻣﺎ ﺍﻟﺤﻔﻼﺕ
ﺯﻳﺎﺩ : ﺷﻨﻮﺓ ﻟﻲ ﻣﺘﻌﺮﻓﻮﺵ
ﺍﻧﺎ : ﻛﻠﺸﻲ ... ﺗﻲ ﻣﺸﺎ ﻓﻲ ﺑﺎﻟﻲ ﺑﺎﺵ ﺗﻜﻮﻥ ﺣﻔﻠﺔ ﻋﺎﺩﻳﺔ ... ﺍﻣﺎ ﻃﻠﻊ ﺍﻟﻌﻜﺲ ... ﺑﺎﺵ ﻳﻜﻮﻥ ﻓﻤﺎ ﺑﺮﺷﺎ ﻧﺎﺱ ... ﻭ
ﻗﺺ ﻋﻠﻴﺎ ﺍﻟﻜﻼﻡ ... ﻛﻴﻒ ﻧﺰﻝ ﻳﺪﻭ ... ﺷﺪﻧﻲ ﻣﻦ ﻳﺪﻱ ... ﻳﺤﻜﻲ
ﺯﻳﺎﺩ : ﺍﻫﺪﺍ ﻣﺎ ﻓﻤﺎ ﺷﻲ ﻳﺨﻮﻑ ﻣﺠﺮﺩ ﺣﻔﻠﺔ ﻭ ﺑﺎﺵ ﺗﻮﻓﺎ
ﺍﻧﺎ : ﺍﻣﺎ
ﺯﻳﺎﺩ : ﺍﻣﺎ ﺷﻨﻴﺔ
ﺍﻧﺎ : ﺍﻧﺎ ﻟﺘﻮﺍ ﻣﻨﻌﺮﻓﺶ ﻛﻴﻒ ﻳﺮﻗﺼﻮ ... ﺍﻛﺎ ﺍﻟﺮﻗﺺ
ﺩﻭﺭﺕ ﻭﺟﻬﻲ ... ﻭ ﻋﺪﻳﺖ ﻳﺪﻱ ﻋﻠﻰ ﺷﻌﺮﻱ ﺭﺟﻌﺘﻮ ﻟﺘﺎﻟﻲ ... ﻣﺰﺍﻝ ﺷﺎﺩ ﻳﺪﻱ ﻓﻲ ﻳﺪﻭ ... ﻫﺰ ﻳﺪﻭ ﺣﻚ ﻟﺤﻴﺘﻮ ... ﻭ ﺗﺒﺴﻢ ﻋﻠﻰ ﺟﻨﺐ ﻳﺤﻜﻲ