ﻣﺮﺟﻌﻠﻴﺶ ... ﻗﺮﺏ ﻓﺘﺢ ﺍﻟﺒﻴﺴﻲ ﻋﺎﻟﺒﻴﺮﻭ ... ﺣﻄﻬﺎ ... ﻋﺪﺍ ﻳﺠﻴﺐ ﻋﺸﺮ ﺩﻗﺎﻳﻖ ﻳﺘﻔﺤﺺ ﻓﻴﻬﺎ ... ﻭﺭﺟﻊ ﻧﺤﺎﻫﺎ ... ﺣﻄﻬﺎ ﻓﻲ ﻣﻜﺘﻮﺑﻮ ... ﺑﻘﻴﺖ ﻧﺸﻮﻑ ﻣﻌﺎﻩ ﺑﺘﺒﻬﻠﻴﻞ .. ﻧﺤﻜﻲ ﺍﻧﺎ : ﺷﻔﻤﺎ ﻳﺎﺧﻲ ﺷﺒﻴﻚ ﺗﻔﺠﻌﺖ ﻟﻬﺪﺭﺟﺔ ﺍﻣﻴﺮ : ﺷﻲ ﺷﻲ ﻣﻨﻌﺮﻓﺶ ﻛﻴﻒ ﻃﺎﺣﺖ ﻣﻨﻲ ﺍﻧﺎ : ﻳﻤﻜﻦ ﻭﻗﺖ ﺭﻣﻴﺖ ﺍﻟﻔﺎﺳﺖ ﻣﺘﺎﻋﻚ ﺑﻐﺰﻭﻝ ﺧﺎﻃﺮ ﻛﺒﻴﺖ ﻋﻠﻴﻚ ﺍﻟﻜﺎﺳﺔ ... ﺳﺎﻣﺤﻨﻲ ﻣﺮﺓ ﺍﺧﺮﻯ ﺍﻣﻴﺮ : ﻋﺎﺩﻱ ﻣﺎ ﺻﺎﺭ ﺷﻲ ... ﻫﻴﺎ ﻧﺨﺮﺟﻮ ﺍﻧﺎ : ﻭ ﺍﻟﺒﺮﺍﺻﻠﻲ ﺍﻣﻴﺮ : ﻣﻤﻢ ﻣﺸﺎﺕ ﻣﻦ ﺑﺎﻟﻲ ﺍﻧﺎ : ﺑﺮﺑﻲ ﻳﺎﺧﻲ ﻣﺶ ﺍﺣﺘﺎ ﻫﻮﻧﻲ ﻋﻠﻰ ﺧﺎﻃﺮﻫﺎ ﺍﻣﻴﺮ؛ﻫﻴﺎ ﺑﺮﻙ ﻭ ﺗﻮ ﻧﻜﻠﻒ ﺷﻜﻮﻥ ﻳﻠﻮﺟﻠﻚ ﻋﻼﻫﺎ ﺍﻧﺎ : ﺑﺎﻫﻴﻲ ﻛﺎﻥ ﻫﻜﺎ ﺧﺮﺟﺖ ﻣﻌﺎﻩ ﻭ ﺍﻧﺎ ﻣﺶ ﻣﺼﺪﻗﺔ ﻟﻲ ﻭﻓﺎﺕ ﻋﻠﻰ ﺧﻴﺮ ... ﻣﺶ ﻣﺼﺪﻗﺔ ﻻﻧﺎ ﻧﺠﺤﺖ ﻭ ﻋﺪﻳﺘﻬﺎ ... ﻣﻜﻨﺘﺶ ﻧﻌﺮﻑ ﻻﻧﺎ ﺑﺎﺵ ﻧﻜﻮﻥ ﺑﺎﻟﻘﻮﺓ ﻫﺎﺫﻱ .. ﺣﺘﻰ ﻣﻦ ﺍﻟﻜﻼﻡ ﻣﻜﻨﺘﺶ ﻧﻌﺮﻑ ﻣﻨﻴﻦ ﻧﺠﻴﺒﻮ ... ﺗﻌﺎﻣﻠﺖ ﻣﻌﺎﻩ ﺑﺸﺨﺼﻴﺔ ﺩﻧﻴﺰ ... ﺍﻣﺎ ﺍﺳﺘﻐﻠﻴﺖ ﺳﻮﺍﺭ ﺍﻟﺤﻘﺎﻧﻴﺔ ﺷﻮﻳﺔ ... ﻣﻜﺎﻧﺘﺶ ﻣﻬﻤﺔ ﻣﺴﺘﺤﻴﻠﺔ ... ﺍﻣﺎ ﺻﻌﻴﺒﺔ ﺑﺮﺷﺎ ... ﺧﺮﺟﺖ ﻣﻦ ﺍﻟﺒﻴﺮﻭ ﻫﺬﺍﻛﺎ ... ﻭ ﺍﻧﺎ ﻧﻌﺮﻑ ﻟﺪﺧﻠﺖ ﻟﻌﺎﻟﻢ ﺟﺪﻳﺪ ... ﻭ ﺍﻟﻤﻬﻤﺎﺕ ﺍﻟﺠﺎﻳﺔ ﻟﺼﻌﺐ ﻣﻦ ﻫﺎﺫﻱ ﺑﺒﺮﺷﺔ ... ﺍﻣﺎ ﻫﺬﺍ ﺍﻟﻜﻞ ﻛﻮﻡ ... ﻭ ﻣﻌﺎﻣﻠﺔ ﺯﻳﺎﺩ ﺑﻄﺮﻳﻘﺔ ﻫﺎﺫﻱ ﻛﻮﻡ ﺍﺧﺮ ... ﻣﻨﻌﺮﻓﺶ ﻛﻴﻒ ﺑﺎﺵ ﻧﺘﻌﺎﻣﻞ ﻣﻌﺎﻩ ... ﻭ ﻻ ﺷﺒﻴﻪ ﻳﺘﺼﺮﻑ ﻫﻜﺎ ... ﺳﺎﻋﺎﺕ ﻧﺤﺴﻮ ﻳﺒﺪﺍ ﻫﺎﺩﻱ ﻭ ﻣﺤﻼﻩ ... ﻭ ﺳﺎﻋﺎﺕ ﻳﺴﺘﻔﺰﻧﻲ ﺑﻜﻼﻣﻮ ﻭ ﻳﻮﺻﻞ ﻳﺠﺮﺣﻨﻲ ﺑﻴﻪ ... ﻣﺮﺓ ﻭﺣﺪﺓ ﻧﺤﺐ ﻧﻔﻬﻤﻮ ... ﻭ ﻧﻔﻬﻢ ﺭﻭﺣﻲ ﻣﻌﺎﻩ ... ﺷﺒﻴﻨﻲ ﻧﺘﺄﺛﺮ ﺑﻴﻪ ﺯﻳﺎﺩﺓ ... ﺷﺒﻴﻨﻲ ﻧﻔﺪ ﻣﻦ ﺑﻨﺎﺕ ﻟﻲ ﻳﻌﺮﻓﻬﻢ ... ﻭ ﻟﻲ ﺣﺎﺭﻗﻨﻲ ﺍﻛﺜﺮ ... ﻋﻼﺵ ﻳﻌﺎﻣﻠﻬﻢ ﺍﺣﺴﻦ ﻣﻨﻲ ... ﻋﻼﺵ ﻳﺤﻜﻲ ﻣﻌﺎﻫﻢ ﻋﺎﺩﻱ ... ﺷﻨﻮﺓ ﺍﻟﻔﺮﻕ ﺑﻴﻨﺎ ... ﻣﺶ ﻫﻮﻣﺎ ﺯﺍﺩﺓ ﻳﺨﺪﻣﻮ ﻣﻌﺎﻩ ﻛﻴﻔﻲ ... ﺯﻋﻤﺔ ﻣﺶ ﺑﺎﻫﻴﺔ ﻛﻴﻔﻬﻢ ... ﻭ ﻻ ﻫﻮﻣﺎ ﻋﻨﺪﻫﻢ ﺣﺎﺟﺎﺕ ﺳﺒﻴﺴﻴﺎﻝ ... ﻭ ﻻ ﺍﻧﺎ ﺧﺎﻃﺮﻧﻲ ﻭﺣﺪﺓ ﻣﻐﺘﺼﺒﺔ ... ﺗﺒﺴﻤﺖ ﺑﻮﺟﻴﻌﺔ ﻛﻴﻒ ﺷﻔﺘﻮ ﻣﻦ ﺑﻌﻴﺪ ... ﺍﻳﻪ ﻳﻤﻜﻦ ﻫﺬﺍ ﺳﺒﺐ ﻛﺎﻓﻲ ﺑﺎﺵ ﻧﻜﻮﻥ ﻣﺨﺘﻠﻔﺔ ﻋﻠﻴﻬﻢ ... ﺍﻧﺎ ﻫﻮﻧﻲ ﺑﺎﺵ ﻧﻮﺻﻞ ﻟﻠﺸﺨﺺ ﻟﻲ ﺩﻣﺮﻧﻲ ... ﻣﺶ ﻋﻠﻰ ﺧﺎﻃﺮ ﺧﺪﻣﺔ ﻭ ﻛﻬﻮ ... ﻭ ﻣﻌﻨﺪﻳﺶ ﺣﻖ ﻧﻠﻮﻡ ﺣﺪ ﻋﻠﻰ ﺗﻌﺎﻣﻠﻮ ﻣﻌﺎﻳﺎ ... ﺧﺎﻃﺮ ﻣﻬﻤﺎ ﺻﺎﺭ ... ﻣﻬﻤﺎ ﺣﻜﻴﺖ ﻭ ﻓﺴﺮﺕ ... ﻣﺶ ﺑﺎﺵ ﻧﺘﺒﺪﻝ ﻓﻲ ﻧﻈﺮﺓ ﺣﺪ ﻓﻴﻬﻢ .. ﺑﺎﺵ ﻧﺒﻘﻰ ﻭﺣﺪﺓ ﻣﻐﺘﺼﺒﺔ ... ﻭ ﻣﻌﻨﺪﻳﺶ ﺷﺮﻑ ... ﻛﻬﻮ ﻣﻔﻬﻮﻫﻢ ﻟﻼﻏﺘﺼﺎﺏ ... ﺍﻧﻮ ﻣﻌﺎﺩﺵ ﻓﻤﺎ ﺷﻲ ﺗﺮﻓﻊ ﺑﻴﻪ ﺭﺍﺳﻚ ... ﻭ ﻣﺴﺘﺤﻴﻞ ﺗﻨﺠﻢ ﺗﻌﻴﺶ ﻛﻴﻤﺎ ﻟﺒﻨﺎﺕ ﺍﻟﻜﻞ ... ﺣﺪ ﻣﺎ ﻳﻄﻠﻊ ﻟﻠﻮﺟﻴﻌﺔ ﻭ ﺍﻟﺠﺮﺡ ﺍﻟﻠﻲ ﻓﻲ ﻗﻠﺒﻚ ... ﺣﺪ ﻣﺎ ﻳﺤﺎﻭﻝ ﻳﺒﺮﺭﻟﻚ ﻭ ﻳﺎﻗﻒ ﻣﻌﺎﻙ ... ﺍﻟﻜﻞ ﻳﺠﻮ ﺿﺪﻙ ... ﺣﺘﻰ ﻛﺎﻥ ﻣﻌﻨﺪﻛﺶ ﺫﻧﺐ ﻓﻲ ﺍﻟﻠﻲ ﺻﺎﺭ ... ﺍﻣﺎ ﺑﺎﺵ ﻳﻨﺼﻔﻮﻙ ﺍﻟﻤﺬﻧﺒﺔ ﺍﻻﻭﻟﻰ ... ﺍﻣﺎ ﺣﺪ ﻣﺎ ﻳﻌﺮﻑ ... ﺍﻧﻮ ﺍﻟﻜﻞ ﻣﺬﻧﺐ ... ﻣﺶ ﺍﻧﺎ ﻛﻬﻮ ... ﻻﻏﺘﺼﺒﻨﻲ .... ﻭ ﻟﻲ ﻛﺎﻥ ﺳﺒﺐ ... ﻭ ﻋﻴﻠﺘﻲ ... ﻭ ﻧﺎﺱ ﻟﻲ ﻧﻌﺮﻓﻬﺎ ... ﺍﻟﻜﻞ ... ﺍﺻﻼ ... ﺍﻟﻤﺬﻧﺐ ﺍﻟﻮﺣﻴﺪ ﻫﻮ ﺍﻟﻤﺠﺘﻤﻊ ... ﻛﻬﻮ ﻋﻼﺵ ﻣﻌﻨﺪﻳﺶ ﺣﻖ ﻧﻠﻮﻡ ﺣﺪ ﻋﻠﻰ ﺗﺼﺮﻓﺎﺗﻮ ﻣﻌﺎﻳﺎ .. ﻭ ﺧﺎﺻﺔ ﺯﻳﺎﺩ ﺑﺎﻟﺪﺭﺟﺔ ﺍﻻﻭﻟﻰ ... ﺧﺎﻃﺮ ﻧﻌﺮﻓﻮ ﻗﺪﺍﺵ ﻳﺘﻘﺰﺯ ﻣﻨﻲ ... ﻭ ﻛﻴﻒ ﻳﺤﺎﻭﻝ ﻳﺬﻛﺮﻧﻲ ﻛﻞ ﻣﺮﺓ ﺑﺎﻟﻠﻲ ﺻﺎﺭ ... ﻣﻦ ﻏﻴﺮ ﺣﺘﻰ ﻣﺎ ﻳﺤﻜﻲ ﻓﻴﻪ
أنت تقرأ
🔥🔞"في أحضان عزرائيل"🔞🔥
Actionوينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
