🔥🔞"في أحضان عزرائيل"🔞🔥

الحلقة 33

ﺍﻭﻝ ﻣﺎ ﺧﺮﺝ ﻣﻦ ﺍﻟﻜﻮﺟﻴﻨﺔ ... ﻫﺰﻳﺖ ﺭﻭﺣﻲ ﻭﻗﻔﺖ ... ﺣﺴﻴﺖ ﻟﻬﻮ ﺑﺎﺵ ﻳﺤﻜﻲ ﺷﻲ ... ﺑﻘﻴﺖ ﻧﺎﺧﻮ ﻓﻲ ﻧﻔﺲ ﻃﻮﻳﻞ ﻭ ﻧﺤﻜﻲ ﻭﺣﺪﻱ
ﺍﻧﺎ : ﺍﻫﺪﺍ ﺳﻮﺍﺭ ... ﺑﺎﺯ ﺑﺎﺵ ﻳﺤﻜﻲ ﻓﻲ ﺷﻲ ﻛﻴﻒ ﻋﺎﺩﺗﻮ ... ﺭﺩ ﺑﺎﻟﻚ ﺗﻐﻠﻂ ﻣﻌﺎﻩ ... ﻻﺯﻣﻚ ﺗﻜﻮﻥ ﺍﻗﻮﻯ ... ﻫﻴﺎ ﺑﺮﻙ
ﺷﺮﺑﺖ ﻛﺎﺱ ﻣﺎ ... ﻭ ﻫﺰﻳﺖ ﺭﻭﺣﻲ ﻟﺼﺎﻟﺔ ... ﻟﻘﻴﺘﻮ ﻗﺎﻋﺪ ﻋﺎﻟﻔﻮﺗﺎﻱ .. ﻛﻴﻒ ﻋﺎﺩﺗﻮ ... ﻗﺮﺑﺖ ﻣﻨﻮ ... ﺟﻴﺖ ﻭﺍﻗﻔﺔ ﻣﻘﺎﺑﻼﺗﻮ ... ﻋﻤﻠﻲ ﺟﺎﺳﺖ ﺑﻴﺪﻭ ﺑﺎﺵ ﻧﻘﻌﺪ ... ﻗﻌﺪﺕ ﻋﺎﻟﻔﻮﺗﺎﻱ ﻟﻲ ﻣﻘﺎﺑﻠﻮ ... ﺿﻤﻴﺖ ﺳﺎﻗﻴﺎ ﻟﺒﻌﺾ ... ﻧﺸﻮﻑ ﻣﻌﺎﻩ ... ﺗﻜﺎ ﻟﺘﺎﻟﻲ ﻳﺤﻜﻲ
ﺯﻳﺎﺩ : ﻧﺤﺒﻚ ﺗﺴﻤﻌﻨﻲ ﻣﻠﻴﺢ ... ﻭ ﺗﻔﻬﻢ ﻛﻞ ﻛﻠﻤﺔ ﻧﻘﻮﻟﻬﺎ ... ﺧﺎﻃﺮ ﻣﺶ ﺑﺎﺵ ﻧﻌﺎﻭﺩﻟﻚ ﻣﺮﺓ ﺍﺧﺮﻯ
ﺍﻧﺎ : ﺑﺎﻫﻲ
ﺯﻳﺎﺩ : ﺍﻟﺒﻼﺻﺔ ﻫﺎﺫﻱ ﻣﺶ ﺍﻣﻨﺔ ﻟﻴﻚ ... ﻭ ﻻ ﻟﻴﺎ ... ﺍﺣﻨﻰ ﺑﺎﺵ ﻧﺒﻌﺪﻭ ﻣﻦ ﻫﻮﻧﻲ 3 ﺍﺷﻬﺮ
ﺍﻧﺎ : 3 ﺍﺷﻬﺮ ؟
ﻗﺤﺮﻟﻲ ... ﺭﺟﻌﺖ ﺳﻜﺖ ... ﻭ ﺿﻤﻴﺖ ﻳﺪﻳﺎ ﻟﺒﻌﺾ .. ﻧﺴﻤﻊ ﻓﻴﻪ
ﺯﻳﺎﺩ 3: ﺍﺷﻬﺮ ﺑﺎﺵ ﺗﺘﻌﻠﻢ ﻓﻴﻬﻢ ﻛﻠﺸﻲ ... ﻛﻴﻒ ﺗﻤﺸﻲ ... ﻛﻴﻒ ﺗﺤﻜﻲ ... ﺷﻨﻮﺓ ﺗﻠﺒﺲ ... ﺷﻨﻮﺓ ﺗﺎﻛﻮﻝ ... ﺷﻨﻮﺓ ﺗﺸﺮﺏ ... ﺣﺘﻰ ﺳﻼﺡ ﺑﺎﺵ ﺗﺘﻌﻠﻢ ﺗﻬﺰﻭ ﻭ ﺗﺼﺎﻭﺏ ﺑﻴﻪ ... ﻛﻠﺸﻲ ﻓﻲ ﺣﻴﺎﺗﻚ ﻣﻌﻤﻠﺘﻮﺵ ﻣﻦ ﻗﺒﻞ ﺑﺎﺵ ﺗﻌﻤﻠﻮ ... ﻭ ﺍﻫﻢ ﺷﻲ ﻣﻦ ﻫﺬﻭﻣﺎ ﺍﻟﻜﻞ ... ﺗﻨﺴﻰ ﺍﻟﺨﻮﻑ ﺟﻤﻠﺔ ... ﺗﻨﺴﻰ ﻛﻠﻤﺔ ﺧﻮﻑ ... ﻻﺯﻣﻚ ﺗﻜﻮﻥ ﺟﺮﻳﺌﺔ ... ﻭ ﺣﺪ ﻣﺎ ﻳﻌﺪﻳﻬﺎ ﻋﻠﻴﻚ ... ﻓﻬﻤﺘﻨﻲ
ﻫﺰﻳﺘﻠﻮ ﺑﺮﺍﺳﻲ ﻻ ... ﻗﺤﺮﻟﻲ ... ﺭﺝﻋﺖ ﺷﻌﺮﻱ ﻟﺘﺎﻟﻲ ﻧﺤﻜﻲ
ﺍﻧﺎ : ﻧﺤﺐ ﻧﻌﺮﻑ ﻋﻼﺵ ﺑﺎﺵ ﻧﻌﻤﻞ ﻫﺬﻭﻣﺎ ﺍﻟﻜﻞ ... ﺷﻨﻮﺓ ﺍﻟﻬﺪﻑ ﻣﻨﻬﻢ
ﺯﻳﺎﺩ : ﺑﺎﺵ ﺗﻜﻮﻥ ﺍﻟﻤﻔﺘﺎﺡ ﻟﻜﻠﺸﻲ ... ﺑﺎﺵ ﺗﻜﻮﻥ ﺍﻟﻄﻔﻠﺔ ﻟﺤﺪ ﻣﺎ ﻳﻌﺮﻑ ﻋﻼﻫﺎ ﺷﻲ ... ﻭ ﻛﻞ ﺣﺪ ﺗﻘﺮﺏ ﻣﻨﻮ ﺗﺒﻘﻰ ﻟﻐﺰ ﻓﻲ ﺣﻴﺎﺗﻮ ... ﻭ ﺍﻟﺤﻞ ﻣﺘﺎﻋﻮ ﻋﻨﺪﻱ ﺍﻧﺎ ﻛﻬﻮ
ﺍﻧﺎ : ﻭ ﺷﻜﻮﻧﻬﻢ ﻫﺬﻭﻣﺎ
ﺯﻳﺎﺩ : ﺍﻫﻢ ﺍﻟﺸﺨﺼﻴﺎﺕ ﻣﺘﺤﻠﻤﺶ ﺍﻧﻚ ﺗﻘﺎﺑﻠﻬﻢ ﻓﻲ ﺣﻴﺎﺗﻚ ﻭ ﺭﺟﺎﻝ ﺍﻻﻋﻤﺎﻝ ... ﻣﺎﻓﻴﺎ ... ﺷﺮﻃﺔ ... ﻣﻨﺠﻤﺶ ﻧﺤﺪﺩﻟﻚ ... ﺧﺎﻃﺮ ﻛﻞ ﻣﺮﺓ ﺑﺎﺵ ﺗﻜﻮﻥ ﻓﻲ ﺑﻼﺻﺔ ... ﻛﻞ ﻣﺮﺓ ﺑﺎﺵ ﺗﺴﺎﻓﺮ ﻟﺒﻼﺩ ... ﻟﻴﻦ ﺗﻮﻓﺎ ﺍﻟﻤﻬﻤﺔ ﺟﻤﻠﺔ
ﺍﻧﺎ : ﻣﻬﻤﺔ ﺷﻨﻮﺓ
ﺯﻳﺎﺩ : ﺍﺳﺌﻠﺘﻚ ﻭﻓﺎﺕ ﻫﻮﻧﻲ ... ﺍﻟﺒﺎﻗﻲ ﺗﻌﺮﻓﻮ ﻣﻊ ﺍﻟﻮﻗﺖ
ﺍﻧﺎ : ﺍﺧﺮ ﺳﺆﺍﻝ
ﺯﻳﺎﺩ : ﺑﺎﻫﻲ
ﺍﻧﺎ : ﺯﻋﻤﺔ ﻧﺠﻢ ﻧﻌﻤﻞ ﻫﺬﺍ ﺍﻟﻜﻞ
ﺯﻳﺎﺩ : ﺍﻧﺎ ﻭﺭﺍﻙ ... ﻭ ﻻﺯﻣﻚ ﺗﻔﻬﻢ ﺍﻫﻢ ﺷﻲ ... ﻛﻴﻒ ﺗﺤﺐ ﻋﻠﻰ ﺷﻲ ﺗﻮﺻﻠﻮ ... ﻭ ﺍﻧﺖ ﺛﻨﻴﺘﻚ ﻃﻮﻳﻠﺔ ﺑﺮﺷﺎ ... ﺍﻣﺎ ﻛﺎﻥ ﻛﻨﺖ ﻗﺪﻫﺎ ﺑﺎﺵ ﺗﺨﺘﺼﺮ ﺑﺮﺷﺎ ﺣﺎﺟﺎﺕ
ﺍﻧﺎ : ﺑﺎﻫﻲ
ﺯﻳﺎﺩ : ﺷﻲ ﺍﺧﺮ ... ﺛﻴﻘﺔ ... ﺍﻩﻡ ﺷﻲ ... ﻛﺎﻥ ﻓﻜﺮﺕ ﻣﺮﺓ ﺗﺨﻮﻥ ﺛﻘﺘﻲ ... ﻣﺶ ﺑﺎﺵ ﻧﻬﺪﻣﻚ ﺍﻧﺖ ﻛﻬﻮ ... ﺑﺎﻟﻌﻜﺲ ﺑﺎﺵ ﺗﻜﻮﻥ ﻓﺘﺤﺖ ﺟﻬﻨﻢ ﺑﻴﺪﻳﻚ
ﺍﻧﺎ : ﻃﻤﻦ
ﻧﺰﻝ ﻳﺪﻳﻪ ﻟﻄﺎﻭﻟﺔ ... ﻗﺮﺑﻠﻲ ﻇﺮﻑ ... ﺑﻘﻴﺖ ﻧﺸﻮﻑ ﻣﻌﺎﻩ ... ﻏﺰﺭﻟﻲ ﻳﺤﻜﻲ
ﺯﻳﺎﺩ : ﻇﺮﻑ ﻫﺬﺍ ﻫﻮ ﺑﺪﺍﻳﺔ ﻣﺸﻮﺍﺭﻙ
ﻏﺰﺭﺗﻠﻮ ... ﻭ ﻧﺰﻟﺖ ﻋﻴﻨﻴﺎ ﻟﻈﺮﻑ ... ﻫﺰﻳﺘﻮ ﻓﻲ ﻳﺪﻱ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﺧﺬﻳﺖ ﻧﻔﺲ ﻭ ﺣﻠﻴﺘﻮ ... ﺟﺒﺪﺕ ﻣﻨﻮ ﻫﻮﻳﺔ ﻭ ﺑﺎﺳﺒﻮﺭ ... ﺷﺪﻳﺘﻬﻢ ﻓﻲ ﻳﺪﻱ ... ﻭ ﺣﻄﻴﺖ ﻇﺮﻑ ﻋﺎﻟﻄﺎﻭﻟﺔ ... ﻓﺘﺤﺖ ﺍﻟﻬﻮﻳﺔ ﺍﻭﻝ ﺷﻲ ... ﻋﻴﻨﻴﺎ ﻭﺳﺎﻋﺖ ... ﻓﺘﺤﺖ ﺍﻟﺒﺎﺳﺒﻮﺭ ﻧﻔﺲ ﺷﻲ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﻣﺘﻜﻲ ﻟﺘﺎﻟﻲ ... ﺧﺮﺟﺖ ﺻﻮﺗﻲ ﻣﺼﺪﻭﻣﺔ
ﺍﻧﺎ : ﺩﻧﻴﻴﺰ ؟؟