ﺟﺒﺪﺕ ﻳﺪﻳﻬﺎ ﻣﻨﻲ ﺑﺎﻟﻘﺎﻭﻱ ... ﻭﻗﻔﺖ ... ﺣﻄﺖ ﻳﺪﻳﻬﺎ ﺯﻭﺯ ﻋﻠﻰ ﺭﺍﺳﻬﺎ ... ﺩﻣﻮﻋﻬﺎ ﻫﺒﻄﻮ ﺑﺎﻟﻮﻗﺖ ... ﺗﺤﻜﻲ ﻭ ﺗﺒﻜﻲ ﻓﺮﺩ ﻭﻗﺖ
ﺳﻮﺍﺭ : ﻣﺴﺘﺤﻴﻞ ... ﻡﺳﺘﺤﻴﻞ ... ﻻ ﻣﻨﺠﻤﺶ ﻧﺼﺪﻕ ... ﺍﻣﻲ ﻣﺴﺘﺤﻴﻞ ﺗﻜﻮﻥ ﻣﺎﺗﺖ ﺍﻧﺖ ﻗﺎﻋﺪ ﺗﻜﺬﺏ ﻣﺶ ﻫﻜﺎ ﺍﺣﻜﻲ
ﻫﺰﻳﺖ ﺭﻭﺣﻲ ﻭﻗﻔﺖ ﻗﺪﺍﻣﻬﺎ ... ﻧﺤﺲ ﺍﻟﻜﻼﻡ ﻫﺮﺏ ﻣﻨﻲ ... ﻧﻌﺮﻓﻮ ﺍﻟﺸﻌﻮﺭ ﻫﺬﺍ ﺑﺎﻟﻘﺪﺍ ... ﻧﻌﺮﻑ ﺍﻻﺣﺴﺎﺱ ﻫﺬﺍ ... ﻭ ﻋﺸﺘﻮ ﻣﻦ ﻗﺒﻞ ... ﻋﺸﺘﻮ ﻣﻦ ﺳﻨﻴﻦ ﻟﺘﺎﻟﻲ ... ﻋﺸﺘﻮ ﺑﺎﺑﺸﻊ ﻃﺮﻳﻘﺔ ... ﻫﺬﺍﻛﺎ ﻛﺎﻥ ﺍﺻﻌﺐ ﻧﻬﺎﺭ ﻭ ﺍﺻﻌﺐ ﺍﺣﺴﺎﺱ ﻋﺸﺘﻮ ﻓﻲ ﺣﻴﺎﺗﻲ ... ﻓﻘﺖ ﻣﻦ ﺳﺮﺣﺘﻲ ... ﻛﻴﻒ ﺿﺮﺑﺘﻨﻲ ﺑﻴﺪﻳﻬﺎ ﺯﻭﺯ ﻋﻠﻰ ﺻﺪﺭﻱ ﺗﺼﻴﺢ
ﺳﻮﺍﺭ : ﻣﺴﺘﺤﻴﻞ ﻟﻘﺎﻋﺪ ﺗﺤﻜﻲ ﻓﻴﻪ ... ﺍﻧﺖ ﺗﻜﺬﺏ ... ﻗﺎﻋﺪ ﺗﻜﺬﺏ ﻋﻠﻴﺎ ... ﻣﺴﺘﺤﻴﻞ ﺍﻣﻲ ﺗﻜﻮﻥ ﻣﺎﺗﺖ ... ﻣﺴﺘﺤﻴﻞ ﺗﺨﻠﻴﻨﻲ ... ﺍﻧﺎ ﻭﻋﺪﺗﻬﺎ ﺑﺎﺵ ﻧﺮﺟﻌﻠﻬﺎ ... ﻛﻴﻤﺎ ﻭﻋﺪﺗﻨﻲ ﺑﺎﺵ ﺗﺴﺘﻨﺎﻧﻲ ... ﻣﺴﺘﺤﻲﻝ ﺗﻜﻮﻥ ﺧﻼﺗﻨﻲ ... ﺍﻣﺎﻧﻚ ﻗﻮﻝ ﻻﺗﺖ ﺗﻜﺬﺏ ... ﺑﺎﺵ ﻧﻌﻤﻞ ﻛﻠﺸﻲ ﺗﺤﺐ ﻋﻠﻴﻪ ... ﺍﻣﺎﻧﻚ ﺍﺣﻜﻲ ﻗﻮﻝ ﺷﻲ ﺍﻣﺎﻧﻚ
ﺧﻠﻴﺘﻬﺎ ﺗﺤﻜﻲ ... ﻣﺤﺴﻴﺘﺶ ﺑﻀﺮﺑﺎﺕ ﻟﻲ ﻋﻠﻰ ﺻﺪﺭﻱ ... ﻛﺒﺸﺖ ﺑﺪﻳﻬﺎ ﺍﻛﺜﺮ ﻋﻠﻰ ﺳﻮﺭﻳﺘﻲ ... ﻟﺼﻘﺘﻨﻲ ﺗﺤﻜﻲ
ﺳﻮﺍﺭ : ﺍﻧﺖ ﻭﻋﺪﺗﻨﻲ ﺑﺎﺵ ﺗﻬﺰﻧﻲ ﻧﺸﻮﻓﻬﺎ ... ﻭﻋﺪﺗﻨﻲ ﻛﻴﻒ ﺗﻬﺪﺍ ﺍﻻﻣﻮﺭ ﺑﺎﺵ ﺗﻬﺰﻧﻲ ﻻﻣﻲ ... ﻓﺎﺵ ﻗﺎﻡ ﺣﺘﻰ ﺗﻜﺬﺏ ﻋﻠﻴﺎ ﺗﻮﺍ ... ﻳﺎﺧﻲ ﺷﺒﻴﻚ ﺗﻜﺮﻫﻨﻲ ﻟﻬﺪﺭﺟﺔ ﺍﻧﺖ
ﻫﺰﻳﺖ ﻳﺪﻱ ﻣﺘﺮﺩﺩ ... ﺣﻄﻴﺘﻬﺎ ﻋﻠﻰ ﻇﻬﺮﻫﺎ ... ﻣﻦ ﻏﻴﺮ ﻣﺎ ﻧﻜﺒﺲ ﻋﻼﻫﺎ ﻧﺤﻜﻲ
ﺍﻧﺎ : ﺳﺎﻣﺤﻨﻲ
ﻃﻠﻌﺖ ﺭﺍﺳﻬﺎ ... ﺗﺸﻮﻑ ﻣﻌﺎﻳﺎ ... ﻛﺒﺴﺖ ﻋﻠﻰ ﺳﻮﺭﻳﺘﻲ ﺍﻛﺜﺮ ﺗﺤﻜﻲ
ﺳﻮﺍﺭ : ﻫﺰﻧﻲ ﻋﻨﺪ ﺍﻣﻲ ﺍﻣﺎﻥ ... ﻫﺰﻧﻲ ﻋﻨﺪﻫﺎ ﻛﻴﻤﺎ ﻭﻋﺪﺗﻨﻲ .. ﻧﺤﺐ ﻧﺸﻮﻓﻬﺎ ﻭ ﻧﺤﻜﻲ ﻣﻌﺎﻫﺎ ... ﻧﺤﺐ ﻧﺤﻀﻨﻬﺎ ... ﻧﻌﺮﻑ ﻟﻬﻲ ﻗﺎﻋﺪﺓ ﺗﺴﺘﻨﺎ ﻓﻴﺎ ﺍﻣﺎﻧﻚ
ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﻭ ﺟﺒﺪﺗﻬﺎ ﻋﻨﺪﻱ ... ﻛﺒﺴﺖ ﻋﻼﻫﺎ ﺍﻛﺜﺮ ... ﻟﻴﻦ ﻣﻌﺎﺩ ﻓﻤﺎ ﺣﺘﻰ ﻣﺴﺎﻓﺔ ﺑﻴﻨﺎ ... ﺣﺎﻭﻃﺘﻬﺎ ﺑﻴﺪﻳﺎ ﺯﻭﺯ ... ﻧﺴﻤﻊ ﻓﻲ ﺻﻮﺕ ﺷﻬﻘﺎﺗﻬﺎ ﺍﻟﻘﻮﻳﺔ ... ﻣﻨﺠﻤﺘﺶ ﻧﻮﺍﺳﻴﻬﺎ ﻭ ﻻ ﻧﺒﺮﺭ ﺷﻲ ... ﺧﻠﻴﺘﻬﺎ ﺗﺒﻜﻲ ... ﻣﻔﻤﺎﺵ ﺗﺮﺗﺎﺡ ... ﺍﻭﻝ ﻣﺮﺓ ﻧﺤﺲ ﺑﻮﺟﻴﻌﺔ ﺣﺪ ﻟﻬﺪﺭﺟﺔ ... ﺣﺴﻴﺘﻬﺎ ﺭﺧﻔﺖ ﺑﻴﻦ ﻳﺪﻳﺎ ﻭ ﺻﻮﺗﻬﺎ ﺗﻘﻄﻊ ... ﺭﺧﻔﺖ ﻳﺪﻱ ﺷﻮﻳﺔ ... ﺭﺟﻌﺘﻬﺎ ﻟﺘﺎﻟﻲ ... ﻟﻘﻴﺘﻬﺎ ﺩﺍﺧﺖ ... ﻫﺰﻳﺖ ﻳﺪﻱ ﺑﻌﺪﺕ ﺷﻌﺮﻫﺎ ﻋﻠﻰ ﻭﺟﻬﺎ ... ﻋﺪﻳﺖ ﺻﻮﺍﺑﻌﻲ ﻋﻠﻴﻪ ﻧﻤﺴﺢ ﻓﻲ ﺩﻣﻮﻋﻬﺎ ... ﻧﺰﻟﺖ ﻫﺰﻳﺘﻬﺎ ﺑﻴﻦ ﻳﺪﻳﺎ ... ﺩﺧﻠﺘﻬﺎ ﻟﺼﺎﻟﺔ ﺣﻄﻴﺘﻬﺎ ﻋﺎﻟﻔﻮﺗﺎﻱ ... ﻭ ﻗﻌﺪﺕ ﻋﻠﻰ ﺣﺮﻑ ﻃﺎﻭﻟﺔ ... ﻧﻔﻴﻖ ﻓﻴﻬﺎ ... ﺣﻠﺖ ﻋﻴﻨﻴﻬﺎ ﺷﻮﻳﺔ ﺗﺸﻮﻑ ﻣﻌﺎﻳﺎ ... ﺑﻌﺪﺗﻠﻬﺎ ﺷﻌﺮﻫﺎ ﻧﺤﻜﻲ
ﺍﻧﺎ : ﻟﺒﺎﺱ
ﺳﻮﺍﺭ : ﺍﻣﻲ ... ﻧﺤﺐ ﻋﻠﻰ ﺍﻣﻲ
ﺳﻜﺖ ... ﻣﻨﻌﺮﻓﺶ ﻛﻴﻒ ﺑﺎﺵ ﻧﻬﺰﻫﺎ ﻟﻐﺎﺩﻱ ... ﺍﺻﻼ ﺍﻟﻜﻞ ﻓﻲ ﺑﺎﻟﻮ ﻣﺴﺎﻓﺮ ... ﻛﺎﻥ ﺗﻮﺍ ﻇﻬﺮﺕ ﻗﺪﺍﻣﻬﻢ ﻭ ﻣﻊ ﺳﻮﺍﺭ ... ﺑﺎﺵ ﻳﺘﺒﺪﻝ ﻛﻠﺸﻲ ... ﻫﺰﺕ ﺭﻭﺣﻬﺎ ... ﺗﻘﻌﺪﺕ ... ﺣﻄﺖ ﻳﺪﻳﻬﺎ ﺯﻭﺯ ﻋﻠﻰ ﻳﺪﻳﺎ ﺗﺤﻜﻲ ﺑﺼﻮﺕ ﻣﺨﻨﻮﻕ ... ﻏﺎﻟﺒﻮ ﺍﻟﺒﻜﺎ
ﺳﻮﺍﺭ : ﻥ ﻧﺤﺐ ﻧﺸﻮﻑ ﺍﻣﻲ ... ﺍﻧﺎ ﻣﺴﺘﻌﺪﺓ ﻧﻌﻤﻞ ﺍﻱ ﺷﻲ ... ﺍﻣﺎ ﻧﺤﺐ ﻧﺸﻮﻓﻬﺎ ﻟﻠﻤﺮﺓ ﺗﺎﻟﻴﺔ
ﺍﻧﺎ : ﺳﻮﺍﺭ ﺍﺳﻤﻌﻨﻲ ... ﺧﻄﺮ ﻋﻠﻴﻨﺎ ﺯﻭﺯ ﻧﺨﺮﺟﻮ ﻣﻦ ﻫﻮﻧﻲ
ﺳﻮﺍﺭ : ﺭﺍﻫﻲ ﺍﻣﻲ ﻳﺎ ﺯﻳﺎﺩ ... ﺍﻣﺎﻧﻚ ﻣﺘﺤﺮﻣﻨﻴﺶ ﻣﻨﻬﺎ
ﻫﺰﻳﺖ ﻳﺪﻱ ... ﻋﺪﻳﺘﻬﺎ ﻋﻠﻰ ﺧﺪﻫﺎ .. ﻣﺴﺤﺖ ﺩﻣﻮﻋﻬﺎ ﻧﺤﻜﻲ
ﺍﻧﺎ : ﺑﺎﻫﻲ ﺑﺎﺵ ﻧﻬﺰﻙ ... ﺍﺳﺘﻨﻰ ﺷﻮﻳﺔ ﻛﻬﻮ ... ﻧﻜﻠﻢ ﺷﻜﻮﻥ ﻭ ﻧﻤﺸﻮ
ﻫﺰﺗﻠﻲ ﺑﺮﺍﺳﻬﺎ ﺑﺎﻫﻲ ... ﺧﻠﻴﺘﻬﺎ ﻗﺎﻋﺪﺓ ﻓﻲ ﺑﻼﺻﺘﻬﺎ ... ﻭ ﻃﻠﻌﺖ ﻟﺒﻴﺘﻲ ... ﺗﻲ ﺣﺘﻰ ﻣﻦ ﺗﻠﻴﻔﻮﻧﻲ ﻧﺴﻴﺘﻮ ﺟﻤﻠﺔ ... ﻛﻠﻤﺖ ﻭﺍﺣﺪ ﻣﻦ ﺭﺟﺎﻟﻲ ... ﻳﺠﻴﺒﻠﻲ ﻛﺮﻫﺒﺔ ﻭ ﻳﻜﻠﻒ ﺭﺟﺎﻝ ﻳﺮﺍﻗﺒﻮ ﺍﻟﺒﻼﺻﺔ ... ﻋﺮﻓﺖ ﻣﻨﻮ ﺍﻧﻮ ﻣﺮﺍﺳﻢ ﺩﻓﻦ ﺑﺎﺵ ﺗﺒﺪﺍ ﻋﻠﻰ ﺑﻜﺮﻱ ... ﻣﻨﻌﺮﻓﺶ ﻛﺎﻥ ﺑﺎﺵ ﻧﻠﺨﻖ ﻭ ﻻ ﻻ ... ﺣﺘﻰ ﻛﻴﻒ ﻧﻄﻠﺐ ﻃﻴﺎﺭﺓ ﻟﺨﺎﺻﺔ ﻟﺠﺴﻨﺎ ﺑﻴﻬﺎ ﻟﻬﻮﻧﻲ ... ﺑﺎﺵ ﻧﻀﻴﻊ ﻭﻗﺖ ﻛﺒﻴﺮ ... ﻧﻔﺨﺖ ﺑﺎﻟﻘﺎﻭﻱ ... ﻭ ﻧﺰﻟﺖ ﻋﻨﺪﻫﺎ ... ﻟﻘﻴﺘﻬﺎ ﻣﺘﻜﻴﺔ ﺭﺍﺳﻬﺎ ﻟﺘﺎﻟﻲ ... ﺩﻣﻮﻋﻬﺎ ﻧﺎﺯﻟﻴﻦ ﻭﺣﺪﻫﻢ ﻣﻦ ﻏﻴﺮ ﺻﻮﺕ ... ﺣﺎﻃﺔ ﻳﺪﻫﺎ ﻋﻠﻰ ﺭﻗﺒﺘﻬﺎ ... ﻛﺎﺑﺴﺔ ﻋﺎﻟﺸﺮﻛﺔ ... ﻗﺮﺑﺖ ﻣﻨﻬﺎ ﻧﺤﻜﻲ
أنت تقرأ
🔥🔞"في أحضان عزرائيل"🔞🔥
Actionوينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
