🔥🔞"في أحضان عزرائيل"🔞🔥

الحلقة 108

ﻣﺨﻴﺒﻬﺎ ﺍﻟﺤﻠﻤﺔ ﻫﺬﻳﻜﺎ ﻣﺎ ﻓﻬﻤﺖ ﻣﻨﻬﺎ ﺷﻲ ... ﻭ ﻣﺎ ﺫﻛﺮﺕ ﻣﻨﻬﺎ ﻛﺎﻥ ﺑﺮﻛﺔ ﺩﻡ ﻟﻲ ﻗﺎﻋﺪﺓ ﻧﻐﺮﻕ ﻓﻴﻬﺎ ... ﻭ ﻋﻤﺎﺩ ﻗﺎﻋﺪ ﻳﻤﺪﻟﻲ ﻓﻲ ﻳﺪﻭ ﺑﺎﺵ ﻧﺨﺮﺝ ﻣﻨﻬﺎ ... ﻛﺒﺴﺖ ﻋﻠﻰ ﺭﺍﺳﻲ ﺍﻛﺜﺮ ﻧﺤﺐ ﻧﺬﻛﺮ ﺑﺎﻗﻲ ﺍﻟﻤﻨﺎﻡ ﻣﻨﺠﻤﺘﺶ ... ﻫﺰﻳﺖ ﺭﻭﺣﻲ ﻟﺒﻴﺖ ﺍﻟﺒﺎﻧﻮ ... ﻏﺴﻠﺖ ﻭﺟﻬﻲ ... ﻧﺸﻮﻑ ﻣﻊ ﺭﻭﺣﻲ ﻓﻲ ﺍﻟﻤﺮﺍﻳﺎ ... ﻋﺪﻳﺖ ﺻﻮﺍﺑﻌﻲ ﻋﻠﻰ ﻭﺟﻬﻲ ... ﻣﺰﻟﺖ ﻣﺮﻋﻮﺑﺔ ... ﺧﺮﺟﺖ ﻟﺒﻴﺘﻲ ﻧﺮﺟﻊ ﻓﻲ ﻧﻔﺲ ... ﺑﺪﻟﺖ ﺩﺑﺸﻲ ﻛﻴﻤﺎ ﺟﺎ ﻭ ﻧﺰﻟﺖ ﻟﻮﻃﺔ ... ﻣﻨﺠﻤﺘﺶ ﻧﻔﻄﺮ ... ﺩﺧﻠﺖ ﻫﺰﻳﺖ ﺩﻭﺳﻲ ﺍﻣﻴﺮ ﻋﺎﺑﺪ ... ﻭ ﺧﺮﺟﺖ ﻟﻠﺠﻨﻴﻨﺔ ﻣﻦ ﺍﻟﻮﺭﺍﻧﻲ .. ﻗﻌﺪﺕ ﻋﺎﻟﻜﺮﺳﻲ ... ﻧﺸﻮﻑ ﻣﻌﺎﻩ ... ﺧﺎﺻﺔ ﺍﻧﻮ ﺍﺳﺒﻮﻉ ﻻﺯﻡ ﻧﻜﻮﻥ ﻧﻌﺮﻓﻮ ﻟﻼﻣﻴﺮ ﻫﺬﺍ ﺑﺎﻟﻘﺪﺍ ... ﻛﺎﻧﻲ ﻛﻨﺖ ﻧﻌﺮﻓﻮ ﻣﻦ ﺳﻨﻴﻦ ... ﻭ ﺍﻫﻢ ﺷﻲ ﻛﻴﻒ ﻧﺘﻌﺎﻣﻞ ﻣﻌﺎﻩ ... ﻳﻠﺰﻣﻨﻲ ﻧﻌﺮﻑ ﻛﻠﺸﻲ ﺑﺎﻟﻘﺪﺍ ... ﻭ ﻣﻦ ﻏﻴﺮ ﺣﺘﻰ ﻏﻠﻄﺔ ﺯﻳﺎﺩ ﻳﺤﻜﻲ : ﺗﻌﺪﺍ ﺍﺳﺒﻮﻉ ﺍﺧﺮ ... ﺗﺤﺴﻨﺖ ﺑﺮﺷﺎ ... ﺍﻣﺎ ﻣﺰﺍﻝ ﻋﻨﺪﻫﺎ ﻣﺸﻜﻠﺔ ﻓﻲ ﺳﻼﺡ ... ﻣﺰﺍﻝ ﻣﺘﻨﺠﻤﺶ ﺗﺼﺎﻭﺏ ﺑﺎﻟﻘﺪﺍ .. ﻣﻦ ﻭﻗﺖ ﻣﺸﺎﺕ ﺯﻳﻨﺔ ... ﺣﺴﻴﺘﻬﺎ ﺗﻔﺮﻫﺪﺕ ﺑﺮﺷﺎ ... ﻭ ﻋﻤﻠﺖ ﻣﺠﻬﻮﺩ ﺍﻛﺒﺮ ... ﺩﻭﺭﺕ ﺭﺍﺳﻲ ﻏﺰﺭﺕ ﻟﺴﺎﻋﺔ ... ﻟﻘﻴﺘﻬﺎ 7:00 ... ﻧﻔﺨﺖ ﺑﺎﻟﻘﺎﻭﻱ ... ﻭ ﻫﺰﻳﺖ ﺭﻭﺣﻲ ﻟﺒﻴﺖ ﺍﻟﺒﺎﻧﻮ ... ﻏﺴﻠﺖ ﻭﺟﻬﻲ ... ﻭ ﺗﻜﻴﺖ ﺑﺪﻳﺎ ﻋﺎﻟﺮﺧﺎﻣﺔ ... ﻧﺸﻮﻑ ﻣﻊ ﺭﻭﺣﻲ ﻓﻲ ﺍﻟﻤﺮﺍﻳﺎ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻰ ﺗﺮﺍﺱ ﺿﺮﺑﺔ ﺗﺤﺖ ﻋﻴﻨﻲ ... ﺗﺮﺍﺱ ﻋﻨﺪﻭ ﺳﻨﻴﻦ .. ﺭﺟﻌﻨﻲ ﺑﺎﻟﺬﺍﻛﺮﺓ ﻟﺘﺎﻟﻲ ... ﻛﺒﺴﺖ ﺑﻴﺪﻳﺎ ﺍﻛﺜﺮ ﻋﺎﻟﺮﺧﺎﻣﺔ ... ﻭ ﺳﻜﺮﺕ ﻋﻴﻨﻴﺎ "... ﻳﺎﺧﻲ ﺷﻜﻮﻥ ¤¤¤¤ ﺍﻟﻠﻲ ﺿﺮﺑﻚ ... ﺗﻮ ﻧﻮﺭﻳﻚ ﻓﻴﻪ "..." ﺍﺷﺶ ﺍﺩﻡ ... ﻋﺪﻳﻬﺎ ﻟﻴﻠﺔ ﻛﺎﻥ ﻳﺴﻤﻊ ﺑﺎﺑﺎ ﺑﺎﺵ ﺗﺮﺻﺎﻟﻲ ﻓﻲ ﻃﺮﺡ ﺩﺭﺱ ﻋﺎﻟﻤﻲ ".." ﻭ ﺍﻧﺖ ﻓﺮﺥ ﻗﺪ ﻭﺫﻧﻲ ﻋﻼﺵ ﺩﺧﻞ ﻓﻲ ﺭﻭﺣﻚ ﻳﺎﺧﻲ ".." ﺍﻟﻄﻔﻠﺔ ﺻﻐﻴﺮﺓ ... ﻓﻤﺎ ﺷﻜﻮﻥ ﺣﺐ ﻳﺘﻌﺪﺍ ﻋﻼﻫﺎ ... ﺗﻲ ﺧﺎﺭﺟﺔ ﻣﻦ ﺍﻟﻤﺪﺭﺳﺔ ﺭﺍﻫﻮ ... ﺑﺎﺵ ﻧﺨﻠﻴﻬﻢ ﻳﻌﻤﻠﻮ ﻟﻲ ﻳﺤﺒﻮ ﻋﻠﻴﻪ ... ﺟﺎﺏ ﺭﺑﻲ ﺗﻌﺪﻳﺖ ﺑﺎﻟﺼﺪﻓﺔ ".." ﺗﻲ ﻟﻲ ﻳﺴﻤﻌﻚ ﻳﻘﻮﻝ ﺗﺨﺪﻡ ﻓﻲ ﺣﻤﺎﻳﺔ ﻃﻔﻮﻟﺔ ".." ﺑﺮﺍ ﺯﻣﺮ ﻋﻠﻰ ﺍﺳﺎﺱ ﺍﻧﺖ ﻛﻨﺖ ﺑﺎﺵ ﺗﺴﻤﺤﻠﻬﻢ ".." ﻣﺶ ﺑﺎﺵ ﻧﺴﻤﺤﻠﻬﻢ ... ﺍﻣﺎ ﻣﺴﺘﺤﻴﻞ ﻛﻨﺖ ﻧﺎﺧﻮ ﺿﺮﺑﺔ ﻛﻴﻒ ﻫﺎﺫﻱ ... ﻭ ﺍﺻﻼ ﺍﻧﺎ ﻣﺴﺘﺤﻴﻞ ﻧﺘﻌﺪﺍ ﻣﻦ ﺑﻼﻳﺺ ﺍﻛﺎﻛﺎ .." ﻗﺤﺮﺗﻠﻮ ... ﺿﺮﺑﻨﻲ ﻋﻠﻰ ﻛﺘﻔﻲ ﻭ ﻛﻤﻞ ﻳﺤﻜﻲ " ﻫﻴﺎ ... ﻭ ﻛﺎﻥ ﺳﺄﻟﻚ ﺗﻮﻓﻴﻖ ... ﺳﻠﻚ ﺭﻭﺣﻚ ﻣﻌﺎﻩ ".." ﺑﺎﻫﻲ ﻧﺒﺪﻝ ﺩﺑﺸﻲ ﻭ ﻧﺠﻲ ".." ﺑﺎﻫﻲ ..." ﻓﺘﺤﺖ ﻋﻴﻨﻴﺎ ﻋﻠﻰ ﺻﻮﺕ ﺗﻠﻴﻔﻮﻧﻲ ﻳﻨﻮﻗﺰ ... ﺧﺬﻳﺖ ﻧﻔﺲ ﺑﺎﻟﻘﺎﻭﻱ ... ﻭﺭﺟﻌﺖ ﻏﺴﻠﺖ ﻭﺟﻬﻲ ... ﺳﺎﻋﺎﺕ ﻣﻨﺤﺒﺶ ﻧﺬﻛﺮ ﺍﻟﻤﺎﺿﻲ ﺟﻤﻠﺔ ... ﻧﻔﺨﺖ ﺑﺎﻟﻘﺎﻭﻱ ... ﻭ ﺧﺮﺟﺖ ﻟﻠﺒﻴﺖ ... ﺑﺎﻗﻲ ﺗﻠﻴﻔﻮﻥ ﻳﻨﻮﻗﺰ ... ﺍﺳﺘﻐﺮﺑﺖ ... ﺑﺎﻟﻌﺎﺩﺓ ﻛﻴﻒ ﻳﺒﺪﺍ ﺷﻲ ﻣﻬﻢ ... ﻳﺨﻠﻮﻟﻲ ﻣﻴﺴﺎﺝ ... ﻗﺮﺑﺖ ﻫﺰﻳﺖ ﺗﻠﻴﻔﻮﻥ ﻓﻲ ﻳﺪﻱ ... ﻟﻘﻴﺘﻮ ﻭﺍﺣﺪ ﻣﻦ ﺍﻫﻢ ﺭﺟﺎﻟﻲ ... ﻫﺰﻳﺖ ﻋﻠﻴﻪ ... ﻧﺴﻤﻊ ﻓﻲ ﻳﺤﻜﻲ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻭ ﻋﺮﻭﻕ ﺑﺪﻧﻲ ﺗﻜﺒﺴﺖ ... ﻣﺼﺪﻭﻡ ﻣﻦ ﺍﻟﻠﻲ ﻗﺎﻋﺪ ﻧﺴﻤﻊ ﻓﻴﻪ ... ﻣﺘﻮﻗﻌﺘﺶ ﺟﻤﻠﺔ ﺍﻧﻲ ﺑﺎﺵ ﻧﺴﻤﻊ ﺧﺒﺮ ﻛﻴﻤﺎ ﻫﺬﺍ ... ﻭ ﻓﻲ ﺍﻟﻮﻗﺖ ﻫﺬﺍ ... ﻋﻠﻘﺖ ﻋﻠﻴﻪ ... ﻭ ﺭﺧﻔﺖ ﺗﻠﻴﻔﻮﻥ ﻣﻦ ﻳﺪﻱ ... ﻃﺎﺡ ﻋﺎﻟﺴﺮﻳﺮ ... ﺑﺎﻗﻲ ﻭﺍﻗﻒ ﻓﻲ ﺑﻼﺻﺘﻲ ... ﻻ ﻧﺠﻤﺖ ﻧﻘﺮﺏ ﻭ ﻻ ﻧﻮﺧﺮ ... ﻛﻬﻮ ﻭﺍﻗﻒ ... ﻭﺍﻗﻒ ﻣﻦ ﻏﻴﺮ ﺣﺘﻰ ﺣﺮﻛﺔ