🔥🔞"في أحضان عزرائيل"🔞🔥

الحلقة 65

ﺳﻮﺍﺭ ﺗﺤﻜﻲ : ﺣﻠﻴﺖ ﻋﻴﻨﻴﺎ ﺑﺎﻟﺴﻴﻒ .. ﻧﺤﺲ ﻓﻲ ﺭﺍﺳﻲ ﺑﺎﺵ ﻳﻄﺮﺷﻖ ﺑﺎﻟﻮﺟﻴﻌﺔ ... ﻭ ﺑﺮﺩﺍﻧﺔ ﻋﺎﻟﻠﺨﺮ ... ﻣﻊ ﺍﻧﻮ ﺍﻟﺠﻮ ﺑﺮﺍ ﻣﻠﻴﺢ ... ﺗﻘﻌﺪﺕ ﺷﻮﻳﺔ ... ﺩﻭﺭﺕ ﻋﻴﻨﻴﺎ ﻧﻔﺮﻛﺲ ﻋﺎﻟﻔﺎﺳﺖ ﻣﺘﺎﻋﻲ ... ﻟﻘﻴﺘﻬﺎ ﻣﺤﻄﻮﻃﺔ ﻋﺎﻟﻄﺎﻭﻟﺔ ... ﻣﺬﻛﺮﺗﺶ ﻻﻧﺎ ﻧﺤﻴﺘﻬﺎ ... ﺟﺎﺕ ﻋﻴﻨﻲ ﻋﻠﻰ ﻣﻨﺸﻔﺔ ﻭ ﺻﺤﻦ ﻓﻴﻪ ﻛﻌﺒﺎﺕ ﺛﻠﺞ ... ﺗﺒﺴﻤﺖ ﺑﺎﻟﺴﻴﻒ ... ﻣﺶ ﻧﻮﺭﻣﺎﻝ ﺍﻟﺮﺍﺟﻞ ﻫﺬﺍ ﺟﻤﻠﺔ ... ﻃﻮﻝ ﺍﻟﻨﻬﺎﺭ ﻋﺎﻗﺪﻫﺎ ... ﻭﻭﻗﺖ ﻧﻤﺮﺽ ﻧﻠﻘﺎﻩ ﻋﻨﺪ ﻭﺟﻬﻲ ... ﻫﺰﻳﺖ ﺭﻭﺣﻲ ﺑﺎﻟﺴﻴﻒ ﻭﻗﻔﺖ ... ﻣﺰﻟﺖ ﺩﺍﻳﺨﺔ ﻭ ﻣﺮﻭﻫﺠﺔ ... ﺍﻣﺎ ﺟﻴﻌﺎﻧﺔ ﻋﺎﻟﻠﺨﺮ ... ﺭﺟﻌﺖ ﺷﻌﺮﻱ ﻟﺘﺎﻟﻲ ... ﺷﺪﻳﺖ ﺭﻭﺣﻲ .. ﻭ ﻣﺸﻴﺖ ﻟﻠﻜﻮﺟﻴﻨﺔ ... ﺍﻭﻝ ﻣﺎ ﺩﺧﻠﺖ ﻟﻘﻴﺘﻮ ﻭﺍﻗﻒ ﻳﺤﺮﻙ ﻓﻲ ﻧﺪﺭﺍ ﺷﻨﻴﺔ ... ﺗﻠﻔﺘﻠﻲ ﺣﺘﻰ ﺑﻼ ﻣﺎ ﻧﻌﻤﻞ ﺣﺲ ... ﻏﺰﺭﻟﻲ ﻣﻦ ﻓﻮﻕ ﻟﻠﻮﻃﺔ ﻳﺤﻜﻲ ﺯﻳﺎﺩ : ﻟﺒﺎﺱ ﺍﻧﺎ : ﻣﻤﻢ ﻣﺮﺳﻲ ﺯﻳﺎﺩ؛ﺍﻗﻌﺪ ﻛﻮﻝ ﺷﻮﻳﺔ ... ﺍﻟﻴﻮﻡ ﺑﺎﺵ ﻧﺨﻠﻴﻚ ﺗﺮﺗﺎﺡ ... ﺍﻣﺎ ﻏﺪﻭﺓ ﺑﺎﺵ ﻧﺮﺟﻌﻮ ﻟﺨﺪﻣﺘﻨﺎ ... ﻳﺎﺳﺮ ﺿﻴﻌﻨﺎ ﻭﻗﺖ ﺍﻧﺎ : ﺑﺎﻫﻲ ﻋﻨﺪﻙ ﺣﻖ ﺯﻳﺎﺩ : ﻣﺶ ﺑﺎﺵ ﻳﺄﺛﺮ ﻋﻠﻴﻚ ﺧﺎﻃﺮ ﻣﺰﻟﺖ ﻣﺮﻳﻀﺔ ﻓﻬﻤﺖ ﻗﺼﺪﻭ ... ﻫﺰﻳﺘﻠﻮ ﺑﺮﺍﺳﻲ ﻻ ... ﻧﺤﺲ ﻓﻲ ﻭﺟﻬﻲ ﺑﺎﺵ ﻳﻄﺮﺷﻖ ... ﻧﺎﻗﺼﺔ ﺍﻧﺎ ﺑﺎﺵ ﻳﺤﺸﻤﻨﻲ ﻫﻮ ... ﻗﺮﺑﺖ ﻣﻦ ﺍﻟﻄﺎﻭﻟﺔ ... ﺟﺒﺪﺕ ﺍﻟﻜﺮﺳﻲ ﻗﻌﺪﺕ ... ﺗﻠﻔﺖ ﻳﻜﻤﻞ ﺭﻳﺤﺔ ﺍﻟﻤﻘﺮﻭﻧﺔ ﻭﺻﻠﺘﻨﻲ ... ﺑﻘﻴﺖ ﻧﺸﻮﻑ ﻣﻌﺎﻩ ... ﻟﺘﻮﺍ ﻣﺶ ﻣﺼﺪﻗﺔ ﻻﻧﺎ ﻋﺎﻳﺸﺔ ... ﻣﻊ ﺭﺍﺟﻞ ﻓﺮﺩ ﺩﺍﺭ ... ﻋﻤﺮﻱ ﻣﺎ ﺗﻮﻗﻌﺖ ﺍﻧﻲ ﻧﻮﺻﻞ ﻟﻠﺤﻴﺎﺓ ﻫﺎﺫﻱ ... ﻭ ﻣﺶ ﺭﺍﺟﻞ ﻛﻬﻮ ... ﺗﻲ ﻇﺎﻫﺮ ﻣﻦ ﺍﻛﺒﺮ ﺭﺟﺎﻝ ﺍﻟﻤﺎﻓﻴﺎ ... ﻛﺎﻥ ﻣﺶ ﻫﻮ ﺭﺋﻴﺲ ﻣﺘﺎﻋﻬﻢ ... ﺍﻣﺎ ﺍﻟﻠﻲ ﻣﺤﻴﺮﻧﻲ ﻟﺘﻮﺍ ... ﻋﻼﺵ ﻣﺶ ﺧﺎﻳﻔﺔ ﻣﻨﻮ ... ﺭﻏﻢ ﻛﻼﻣﻮ ... ﺭﻏﻢ ﻗﻮﺗﻮ ... ﺭﻏﻢ ﺍﻟﻨﻈﺮﺓ ﻣﺘﺎﻋﻮ ﻟﻲ ﻣﺎ ﻧﻔﻬﻢ ﻣﻨﻬﺎ ﺣﺘﻰ ﺷﻲ ... ﺍﻣﺎ ﺭﻏﻢ ﻫﺬﺍ ﺍﻟﻜﻞ ... ﻧﻌﺮﻑ ﺍﻟﻠﻲ ﻫﻮ ﻣﺶ ﺑﺎﺵ ﻳﺄﺫﻳﻨﻲ ... ﻣﺶ ﺑﺎﺵ ﻳﺠﺒﺮﻧﻲ ﻧﻌﻴﺶ ﻧﻬﺎﺭ ﻫﺬﺍﻛﺎ ... ﺍﻧﺎ ﺗﻮﺍ ﺑﺼﻔﺘﻲ ﻣﺪﺭﺑﺔ ﻋﻨﺪﻭ ... ﺍﻣﺎ ﺑﻌﺪ 3 ﺍﺷﻬﺮ ﻣﻨﻌﺮﻓﺶ ﺷﻨﻮﺓ ﺑﺎﺵ ﺗﻜﻮﻥ ﺧﺪﻣﺘﻲ ... ﺗﻲ ﻛﻞ ﻟﻲ ﻓﻬﻤﺘﻮ ﺍﻧﻲ ﺑﺎﺵ ﻧﻨﻘﻠﻮ ﺍﻻﺧﺒﺎﺭ ﺍﻟﻜﻞ ... ﺍﻣﺎ ﻛﻴﻒ ﺑﺎﺵ ﻧﺘﻌﺎﻣﻞ ﻣﻊ ﻧﺎﺱ ﻫﺬﻭﻣﺎ ﻟﺘﻮﺍ ﻣﻨﻌﺮﻓﺶ ... ﻭ ﻣﻌﻨﺪﻳﺶ ﻓﻜﺮﺓ ﻋﻠﻰ ﺍﻟﻤﻮﺿﻮﻉ ... ﻛﻠﺸﻲ ﻧﻌﺮﻓﻮ ﺍﻧﻲ ﻻﺯﻡ ﻧﻜﻮﻥ ﻗﻮﻳﺔ ﻭ ﻛﻬﻮ ... ﺗﻠﻔﺖ ﻳﺸﻮﻑ ﻣﻌﺎﻳﺎ ... ﻣﺰﻟﺖ ﺳﺎﺭﺣﺔ ﻓﻴﻪ ... ﻓﻘﺖ ﻋﻠﻰ ﺻﻮﺕ ﺍﻟﺼﺤﻦ ﻟﻲ ﺣﻄﻮ ﻗﺪﺍﻣﻲ ... ﺣﻂ ﺻﺤﻨﻮ ﻭ ﻗﻌﺪ ﻣﻘﺎﺑﻠﻨﻲ ... ﻳﺎﻛﻮﻝ ... ﻣﻦ ﻏﻴﺮ ﻣﺎ ﻳﻐﺰﺭﻟﻲ ... ﻫﺰﻳﺖ ﺍﻟﻤﻐﺮﻓﺔ ... ﺫﻗﺘﻮ ... ﺑﻨﻴﻦ ﻳﻬﺒﻞ ... ﺗﻮ ﻧﻮﺭﻣﺎﻝ ﻭﺍﺣﺪ ﻛﻴﻤﺎ ﻫﺬﺍ ﻳﻌﺮﻑ ﻳﻄﻴﺐ ... ﺗﻲ ﺷﻴﻬﻤﻚ ﻓﻴﻪ ﻳﺎ ﺳﻮﺍﺭ ... ﻛﻮﻝ ﻭ ﺑﺮﺍ ﻟﺒﻴﺘﻚ ﺍﺭﺗﺎﺡ ... ﺑﻘﻴﺖ ﻧﺎﻛﻮﻝ .. ﻧﺤﺎﻭﻝ ﻣﻨﻐﺰﺭﻟﻮﺵ ... ﺟﺎﺕ ﻋﻴﻨﻲ ﻋﻠﻰ ﻳﺪﻭ ... ﻣﺠﺮﻭﺣﺔ ﺑﺎﻟﻜﻞ ... ﻋﺮﻓﺘﻮ ﻟﻲ ﺗﺠﺮﺡ ﻣﻦ ﺍﻟﻌﺮﻛﺔ ﻣﺘﺎﻉ ﺍﻟﺼﺒﺎﺡ ... ﺫﻛﺮﺕ ﺭﺍﺟﻞ ﻫﺬﺍﻛﺎ ... ﺯﻋﻤﺔ ﻳﻜﻮﻥ ﻣﺎﺕ ... ﻻ ﺑﺎﺯ ﻋﺎﻳﺶ ... ﺷﻤﻔﻜﺮﻧﻲ ﻓﻴﻪ ﺍﻧﺎ ﺗﻮﺍ ... ﻓﻘﺖ ﻣﻦ ﺳﺮﺣﺘﻲ ﻋﻠﻰ ﺻﻮﺗﻮ ﺯﻳﺎﺩ : ﺷﺒﻴﻚ ﺍﻧﺎ : ﻧﺤﺐ ﻧﺴﺄﻟﻚ ﺯﻳﺎﺩ : ﻣﺘﻨﺠﻤﺶ ﺗﻌﺪﻱ ﻧﻬﺎﺭﻙ ﺑﻼ ﺍﺳﺌﻠﺔ ﺍﻧﺖ ﺍﻧﺎ : ﻻ ﻧﺤﺐ ﻧﺴﺄﻟﻚ ﺗﻮﺍ ﺯﻳﺎﺩ : ﺑﺎﻫﻲ ﺷﺘﺤﺐ ﺍﻧﺎ : ﺳﻴﺪ ﻫﺬﺍﻛﺎ ﺯﻳﺎﺩ : ﺷﻜﻮﻥ ﺍﻧﺎ : ﻟﻲ ﺿﺮﺑﺘﻮ ﺍﻧﺖ ﻳﺎﺧﻲ ﻣﺎﺕ ﺯﻳﺎﺩ : ﺷﻴﻌﺮﻓﻨﻲ ﺍﻧﺎ ﺍﻧﺎ : ﻣﺘﺨﺎﻓﺶ ﻳﻤﺸﻲ ﻳﺸﺘﻜﻲ ﺑﻴﻚ ﻳﺎﺧﻲ ﺗﺒﺴﻢ ﻭﺣﺪﻭ ... ﺍﻭﻝ ﻣﺮﺓ ﻧﺸﻮﻓﻮ ﻳﺘﺒﺴﻢ .... ﺭﺟﻌﺖ ﺷﻌﺮﻱ ﻟﺘﺎﻟﻲ ... ﻧﺴﺘﻨﻰ ﻓﻴﻪ ﻳﺤﻜﻲ ... ﻣﺮﺟﻌﻠﻴﺶ ... ﺭﺟﻌﺖ ﻛﻠﻤﺘﻮ ﺍﻧﺎ : ﺯﻳﺎﺩ ﻧﺴﺄﻝ ﻓﻴﻚ ﺭﺍﻫﻮ ... ﻣﺘﺨﺎﻓﺶ ﻳﺸﺘﻜﻲ ﺑﻴﻚ ﺯﻳﺎﺩ : ﻛﺎﻥ ﺍﺷﺘﻜﻰ ﺑﺎﺵ ﻧﺴﻠﻤﻚ ﻓﻲ ﺑﻼﺻﺘﻲ ﺍﻧﺎ : ﺷﻨﻮﺓ ﻓﺎﺵ ﻗﺎﻡ ﺣﺘﻰ ﺗﻌﻤﻞ ﻫﻜﺎ ﺯﻳﺎﺩ؛ﺧﺎﻃﺮ ﺍﻧﺖ ﺳﺒﺐ ﺑﺎﺵ ﺿﺮﺑﺘﻮ ﺍﻧﺎ : ﻭ ﺍﻧﺎ ﻗﺘﻠﻚ ﺍﺿﺮﺑﻮ ﻳﺎﺧﻲ ... ﻓﺎﺵ ﻗﺎﻡ ﺣﺘﻰ ﺗﻀﺮﺑﻮ ﺍﻛﺎﻛﺎ ... ﺗﻲ ﺿﺮﺑﺔ ﻭﺣﺪﺓ ﺗﻜﻔﻲ ... ﻣﺶ ﺗﻘﺘﻠﻮ ... ﺍﻓﻔﻒ ﻣﻼ ﻭﺣﻠﺔ ﻭﺣﻠﻨﺎﻫﺎ ﻓﻲ ﺟﺮﺓ ﻋﺮﻛﺔ ... ﺗﻲ ﺻﺤﻴﺢ ﻫﻮ ﻳﺴﺘﺎﻫﻞ ﻟﻲ ﺻﺎﺭ ﻓﻴﻪ ﺍﻣﺎ ﻣﻴﺠﻴﺶ ﺗﻮﺳﺦ ﻳﺪﻳﻚ ﺑﻴﻪ ... ﺩﻳﺠﺎ ﻣﺘﺨﺎﻓﺶ ﺍﺫﺍ ﺷﺘﻜﻰ ﺑﻴﻚ ﻫﻮﻛﺎ ﺑﺎﺵ ﻧﻘﻮﻟﻬﻢ ﻋﻼﺵ ﺿﺮﺑﺘﻮ ﺑﺎﻫﻲ ﺣﻂ ﺍﻟﻤﻐﺮﻓﺔ ﻭ ﺗﻜﺎ ﻟﺘﺎﻟﻲ ﻳﺸﻮﻑ ﻣﻌﺎﻫﺎ ... ﻛﻤﻠﺖ ﻛﻼﻣﻲ ... ﻭ ﻏﺰﺭﺗﻠﻮ ... ﻣﻨﺰﻟﺶ ﻋﻴﻨﻴﻪ ﻣﻦ ﻭﺟﻬﻲ ... ﺗﺤﺴﻮ ﻣﺴﺘﻐﺮﺏ ﻓﻲ ﻛﻼﻣﻲ .. ﻋﻀﻴﺖ ﺷﻔﺘﻲ ﺍﻟﻠﻮﻃﺎﻧﻴﺔ ... ﻭ ﻛﻤﻠﺖ ﻧﺤﻜﻲ ﺍﻧﺎ : ﻧﻌﺮﻑ ﻟﺤﻜﻴﺖ ﺑﺮﺷﺎ ... ﺍﻣﺎ ﻭﺍﻟﻠﻪ ﺟﻴﺴﺖ ﺑﺎﺵ ﺗﻔﻬﻤﻨﻲ ... ﺍﺻﻼ ﺗﺎﻋﺒﺔ ﻭ ﻣﻨﻌﺮﻓﺶ ﻓﺎﺵ ﻗﺎﻋﺪﺓ ﻧﺤﻜﻲ ﺯﻳﺎﺩ : ﺗﺎﻋﺒﺔ ﻭ ﻫﻜﺎ ... ﻣﻼ ﻛﻲ ﺗﺒﺪﺍ ﻣﻠﻴﺤﺔ ... ﻣﺶ ﺑﺎﺵ ﺗﺴﻜﺖ ﺟﻤﻠﺔ ﺍﻧﺎ : ﻻ ﺑﺎﺵ ﻧﺴﻜﺖ ... ﺍﻣﺎ ﻭﺍﻟﻠﻪ ﺗﻮﺍ ﻧﺤﻜﻲ ﻋﻠﻰ ﺧﺎﻃﺮﻙ ... ﻳﺎﺧﻲ ﻛﺎﻥ ﻳﺸﺘﻜﻲ ﺑﻴﻚ ... ﻣﻜﺎﻧﺶ ﻭﻗﺘﻬﺎ ﻟﻴﺪﺭﺑﻨﻲ ﻣﺶ ﻫﻜﺎ ﺯﻳﺎﺩ : ﻳﺸﺘﻜﻲ ﺑﻴﺎ ﺍﻧﺎ : ﺍﻳﻪ ﺯﻳﺎﺩ : ﻭ ﻣﻜﺎﻧﺶ ﻟﻲ ﻳﺪﺭﺑﻚ ﻭﻗﺘﻬﺎ ﺍﻧﺎ : ﻳﻌﻨﻲ ﻫﻜﺎ ﺯﻳﺎﺩ : ﻣﻼ ﻃﻤﻦ ﻣﻴﻨﺠﻤﺶ ﻳﺸﺘﻜﻲ ... ﻭ ﺍﻧﺖ ﺑﺮﺍ ﺍﺭﺗﺎﺡ ﻋﻠﻰ ﺭﻭﺣﻚ ﺑﻼ ﻣﺎ ﺗﻔﻜﺮ ﻓﻲ ﺍﻣﻮﺭ ﺗﺎﻓﻬﺔ ﻛﻴﻤﺎ ﻫﺎﺫﻱ