🔥🔞"في أحضان عزرائيل"🔞🔥

الحلقة 60

ﺧﺮﺟﺖ ﺍﻟﺒﺮﺍ ... ﺿﺮﺑﺖ ﻧﺴﻤﺔ ﺑﺎﺭﺩﺓ ﻓﻲ ﻭﺟﻬﻲ ... ﺧﺬﻳﺖ ﻧﻔﺲ ﻣﻨﻬﺎ ... ﺣﻄﻴﺖ ﻳﺪﻳﺎ ﺯﻭﺯ ﻭﺭﺍ ﺭﺍﺳﻲ ... ﺭﺟﻌﺖ ﺗﺒﺴﻤﺖ ﻭﺣﺪﻱ ... ﺻﻮﺭﺗﻬﺎ ﻟﺘﻮﺍ ﺑﻴﻦ ﻋﻴﻨﻴﺎ ... ﺗﻲ ﺗﺤﺴﻬﺎ ﻃﻔﻠﺔ ﺻﻐﻴﺮﺓ ... ﺍﺻﻼ ﺍﻭﻝ ﻣﺮﺓ ﻧﺘﻌﺎﻣﻞ ﻣﻊ ﻃﻔﻠﺔ ﺻﻐﻴﺮﺓ ... ﻓﺮﺧﺔ ﻋﻤﺮﻫﺎ ﻋﺸﺮﻳﻦ ﺳﻨﺔ ... ﻣﻌﺮﻓﺘﺶ ﺍﺫﺍ ﺑﺎﺵ ﻧﺪﺭﺑﻬﺎ ﻭ ﻻ ﻧﺮﺑﻴﻬﺎ ... ﺗﻲ ﻣﻼ ﻭﺣﻠﺔ ﻭﺣﻠﺖ ﺭﻭﺣﻲ ﻓﻴﻬﺎ ... ﻣﺶ ﻛﻨﺖ ﻧﺨﺘﺎﺭ ﻭﺣﺪﺓ ﺍﻛﺒﺮ ﻣﻨﻬﺎ ﺍﺣﺴﻦ ... ﺍﺻﻼ ﻣﻨﻌﺮﻓﺶ ﺍﺫﺍ ﺑﺎﺵ ﺗﻨﺠﺢ .. ﻇﻮ ﻟﺖ ﺑﺎﺵ ﺗﺒﻘﻰ ﺗﺘﻔﻮﺭﺥ ﻫﻜﺎ ... ﺯﺍﺩﺓ ﺍﻟﻠﻲ ﻣﺘﺄﻛﺪ ﻣﻨﻮ ﺍﻧﻮ ﺩﻳﻤﺎ ﺑﺎﺵ ﻧﻜﻮﻥ ﻭﺭﺍﻫﺎ .. ﻓﻲ ﻛﻞ ﺧﻄﻮﺓ ﺗﻌﻤﻠﻬﺎ ... ﺧﺎﻃﺮ ﻧﻌﺮﻑ ﻛﺎﻥ ﺑﺎﺵ ﻧﺴﻴﺒﻬﺎ ... ﻳﺘﻘﻠﺐ ﻛﻠﺸﻲ ﻋﻠﻰ ﺭﺍﺳﻲ ... ﺧﺬﻳﺖ ﻧﻔﺲ ... ﻭ ﺩﺧﻠﺖ ﻟﺪﺍﺭ
ﺳﻮﺍﺭ ﺗﺤﻜﻲ :
ﻣﺒﻨﻬﺎ ﺍﻟﻤﺎﻛﻠﺔ ... ﻣﺶ ﺧﺎﻳﺒﺔ ﺣﺘﻰ ﻃﺮﻑ ... ﻃﻠﻊ ﻳﻌﺮﻑ ﻳﺼﻨﻒ ... ﻋﺎﻻﻗﻞ ﻳﻨﻔﻊ ﻓﻲ ﺣﺎﺟﺔ ﻣﻔﻴﺪﺓ ... ﺑﻌﻴﺪﺓ ﻋﺎﻟﺨﺪﻣﺔ ﺍﻟﺨﺎﻳﺒﺔ ﻣﺘﺎﻋﻮ ... ﻛﻠﻴﺖ ﺍﻟﻠﻲ ﻓﻲ ﺻﻴﻨﻴﺔ ﺍﻟﻜﻞ ... ﺍﺻﻼ ﻭﺟﻴﻌﺔ ﺍﻟﻠﻲ ﻓﻲ ﻛﺮﺷﻲ ﻧﻘﺼﺖ ... ﻭ ﺷﻬﻴﺘﻲ ﺍﻧﻔﺘﺤﺖ ... ﻗﺎﻝ ﺷﻨﻮﺓ ﺑﺎﺵ ﻳﻌﻤﻠﻲ ﺭﻳﺠﻴﻢ ... ﺗﻲ ﺍﺻﻼ ﺍﻟﺸﻲ ﺍﻟﺒﺎﻫﻲ ﻓﻲ ﺩﺍﺭ ﻫﺎﺫﻱ ﻛﻬﻮ ... ﻫﻮ ﺍﻟﻤﺎﻛﻠﺔ ... ﻏﺼﻴﺖ ﻭ ﺍﻧﺎ ﻧﺬﻛﺮ ﻓﻲ ﺍﻣﻲ ... ﺯﻋﻤﺔ ﺷﻌﺎﻣﻠﺔ ﺗﻮﺍ ... ﺯﻋﻤﺔ ﻧﺴﺎﻭﻧﻲ ... ﻛﻨﺖ ﻛﻲ ﻧﻤﺮﺽ ﻫﻲ ﺍﻟﻠﻲ ﺗﻌﻤﻠﻲ ﺗﻴﺰﺍﻧﺔ .. ﻭ ﺗﺒﻘﺎ ﻣﻌﺎﻳﺎ ﻟﻴﻦ ﻧﺮﺗﺎﺡ ... ﺍﻣﺎ ﺗﻮﺍ ﺑﻘﻴﺖ ﻭﺣﺪﻱ ... ﺣﻄﻴﺖ ﺍﻟﺼﻴﻨﻴﺔ ﻋﺎﻟﻄﺎﻭﻟﺔ ... ﺧﺬﻳﺖ ﻧﻔﺲ ﻧﻤﻨﻊ ﻓﻲ ﺩﻣﻮﻋﻲ ... ﺯﻋﻤﺔ ﺷﻨﻮﺓ ﺳﺒﺐ ﻟﻲ ﻭﺻﻠﻨﻲ ﻟﻬﻮﻧﻲ ... ﻳﺎ ﺭﻳﺖ ﻣﺎ ﻋﺸﺖ ﻣﻦ ﻧﻬﺎﺭ ﻫﺬﺍﻛﺎ ... ﻳﺎ ﺭﻳﺖ ﻧﻌﺮﻑ ﺳﺒﺐ ﻟﻮﺻﻠﻨﻲ ﻟﻬﻮﻧﻲ ... ﻫﺰﻳﺖ ﺭﻭﺣﻲ ﻭﻗﻔﺖ ﺑﺎﻟﺴﻴﻒ ﻣﺎﺯﻟﺖ ﺗﺎﻋﺒﺔ ... ﺟﻴﺖ ﺑﺎﺵ ﻧﺨﺮﺝ ﻣﻦ ﺻﺎﻟﺔ ﻟﻘﻴﺘﻮ ﻭﺍﻗﻒ ﻋﻨﺪ ﺍﻟﺒﺎﺏ ... ﻣﺴﻜﺮ ﺍﻟﺨﺮﺟﺔ ﺍﻟﻜﻞ ﺑﺠﻬﺎﻣﺘﻮ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﻏﺰﺭﻟﻲ ﺷﻮﻳﺔ ... ﺭﺟﻌﺖ ﺷﻌﺮﻱ ﺑﻴﺪﻱ ﻧﺤﻜﻲ
ﺍﻧﺎ : ﻣﺮﺳﻲ ﻋﺎﻟﻤﺎﻛﻠﺔ ﺑﻨﻴﻨﺔ
ﺯﻳﺎﺩ : ﺑﺎﻫﻲ ﻭﻳﻦ ﻣﺎﺷﻴﺔ
ﺍﻧﺎ : ﻟﺒﻴﺘﻲ ﻧﺒﺪﻝ ﺩﺑﺸﻲ ﻭ ﻧﺮﺟﻌﻠﻚ
ﺯﻳﺎﺩ : ﻻ ﻣﺘﺮﺟﻌﺶ ... ﺑﺮﺍ ﺍﺭﺗﺎﺡ ﺍﻟﻴﻮﻡ
ﺍﻧﺎ : ﻣﻠﻴﺤﺔ ﺑﺎﺵ ﻧﻨﺰﻝ
ﺯﻳﺎﺩ : ﺍﺳﻤﻊ ﺍﻟﻜﻼﻡ
ﺍﻧﺎ : ﺑﺎﻫﻲ
ﺑﻘﺎ ﻳﺸﻮﻑ ﻣﻌﺎﻳﺎ ... ﻃﻠﻌﺖ ﺭﺍﺳﻲ ﺟﺎﺕ ﻋﻴﻨﻲ ﻓﻲ ﻋﻴﻨﻮ ... ﺯﺡ ﻧﻈﺮﺍﺗﻮ ﻗﺪﺍﺵ ﺑﺎﺭﺩﻳﻦ ... ﺷﻌﺮﻭ ﺩﺍﺧﻞ ﺑﻌﻀﻮ ... ﻟﺤﻴﺘﻮ ﻫﺎﻳﺠﺔ ﺷﻮﻳﺔ ... ﺍﻣﺎ ﻣﺤﻼﻫﺎ ... ﺿﺮﺑﺔ ﺻﻐﻴﺮﺓ ﻟﻲ ﺗﺤﺖ ﻋﻴﻨﻮ ... ﻇﺎﻫﺮ ﺗﺮﺍﺱ ﻣﺘﺎﻉ ﻋﺮﻛﺔ ﻗﺪﻳﻤﺔ ... ﺯﺍﻳﺪﺓ ﻓﻴﻪ ﺷﻄﺮ ... ﻣﻨﻌﺮﻓﺶ ﻋﻼﺵ ﺳﺮﺣﺖ ﻓﻴﻪ ﻫﻜﺎ ... ﻓﻘﺖ ﻣﻦ ﺳﺮﺣﺘﻲ ﻋﻠﻰ ﺻﻮﺗﻮ
ﺯﻳﺎﺩ : ﻣﺰﺍﻝ ﻣﻄﻮﻟﺔ
ﺍﻧﺎ : ﺍﻩ ﻻ ﻻ ﺑﺎﺵ ﻧﻄﻠﻊ
ﺯﻳﺎﺩ : ﺑﺎﻫﻲ
ﺟﺒﺪ ﺭﻭﺣﻮ ﺷﻮﻳﺔ ... ﺑﻌﺪ ﻋﺎﻟﺒﺎﺏ ... ﻧﺰﻟﺖ ﺭﺍﺳﻲ ... ﻭﺧﺮﺟﺖ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﺍﻭﻝ ﻣﺎ ﻭﺻﻠﺖ ﻟﺪﺭﻭﺝ ... ﺣﻄﻴﺖ ﻳﺪﻱ ﻋﻠﻰ ﻗﻠﺒﻲ ﻧﺮﺟﻊ ﻓﻲ ﻧﻔﺲ ... ﺯﺡ ﺷﺒﻴﻨﻲ ... ﻧﺤﺲ ﻫﻜﺎ ... ﺧﺬﻳﺖ ﻧﻔﺲ ... ﻭ ﻃﻠﻌﺖ ... ﺍﻭﻝ ﻣﺎ ﻭﺻﻠﺖ ﻟﺒﻴﺘﻲ ﺗﺮﻣﻴﺖ ﻋﺎﻟﺴﺮﻳﺮ ... ﺍﺣﺴﻦ ﺷﻲ ﻣﻔﻤﺎﺵ ﺧﺪﻣﺔ ﺍﻟﻴﻮﻡ ... ﻫﺰﻳﺖ ﺍﻟﺒﻴﺴﻲ ... ﺣﻄﻴﺖ ﻋﻠﻰ ﻓﻴﻠﻢ ... ﺍﻭﻝ ﻣﺮﺓ ﻧﺘﻔﺮﻫﺪ ﺑﻌﺪ ﺍﻛﺎ ﻧﻬﺎﺭ ... ﻭ ﻧﻌﻤﻞ ﺷﻲ ﻧﺤﺒﻮ ﺍﻧﺎ ... ﻋﺪﻳﺖ ﻧﻬﺎﺭ ﻓﻲ ﺍﻟﺒﻴﺖ ... ﺩﻭﺏ ﻣﺎ ﻃﺎﺡ ﺍﻟﻠﻴﻞ ... ﺟﻌﺖ ﺑﺮﺷﺎ ... ﻫﺰﻳﺖ ﺭﻭﺣﻲ ... ﻧﺰﻟﺖ ﺍﻟﻠﻮﻃﺔ ... ﻗﺮﺑﺖ ﻣﻦ ﺍﻟﺼﺎﻟﺔ ... ﻭﻗﻔﺖ ﻋﻨﺪ ﺍﻟﺒﺎﺏ ... ﺗﻠﻔﺖ ﻳﺸﻮﻑ ﻣﻌﺎﻳﺎ ... ﺗﻲ ﻣﻨﻌﺮﻓﺶ ﻛﻴﻒ ﺣﺲ ﺑﻴﺎ ... ﻓﺎﻋﺪ ﻋﺎﻟﻔﻮﺗﺎﻱ ... ﻳﺸﺮﺏ ... ﻏﺰﺭﻟﻲ ﻣﻦ ﻓﻮﻕ ﻟﻠﻮﻃﺔ ... ﺷﺒﻜﺖ ﻳﺪﻳﺎ ﻧﺤﻜﻲ