🔥🔞"في أحضان عزرائيل"🔞🔥

الحلقة 11

ﺳﻮﺍﺭ ﺗﺤﻜﻲ : " ﺳﻮﺍﺭ ... ﺳﻮﺍﺭ ... ﺳﻮﺍﺭ ... ﺑﻨﺘﻲ ﺍﻟﻐﺎﻟﻴﺔ ... ﺳﻮﺍﺭ ﺍﻳﺠﺎ ﻋﻨﺪﻱ ... ﺍﻣﻤﻤﻤﻲ "..." ﻻﺍﺍﺍ ﺳﻴﺒﻨﻲ ﺍﻣﺎﻧﻚ ﻻﺍ ﺍﻣﻲ ﺗﺴﺘﻨﺎ ﻓﻴﺎ ﺳﻴﺒﻨﻲ .... ﺳﻮﺍﺍﺍﺭ ... ﺑﻨﺘﻲ .... ﺍﻣﻤﻢﻣﻲ ﺳﻠﻜﻨﻲ ﺍﻣﺎﻧﻚ ..." ﻓﺘﺤﺖ ﻋﻴﻨﻴﺎ ﻓﺮﺩ ﻣﺮﺓ ... ﻣﻊ ﺻﻴﺤﺔ ﻛﺒﻴﺮﺓ ﺧﺮﺟﺖ ﻣﻨﻲ "... ﺍﻣﻤﻤﻤﻤﻤﻲ ..." ﺻﻮﺗﻲ ﺧﺮﺝ ... ﺑﻌﺪ 3 ﺍﻳﺎﻡ ﻣﻦ ﺍﻟﺤﺎﺩﺛﺔ ... ﻧﺠﻤﺖ ﻧﺤﻜﻲ ... ﻫﺰﻳﺖ ﺭﻭﺣﻲ ﺗﻘﻌﺪﺕ .. ﻏﻄﻴﺖ ﻭﺟﻬﻲ ﺑﻴﺪﻳﺎ ﺍﻟﺰﻭﺯ ... ﻭ ﻓﺤﻤﺖ ﺑﺎﻟﺒﻜﺎ ... ﻣﻌﺎﺩﺵ ﻧﺠﻢ ... ﻳﺎﺳﺮ ﺗﻌﺒﺖ ... ﻣﻌﺎﺩﺵ ﻋﻨﺪﻱ ﻗﻮﺓ ... ﺗﻮﺣﺸﺖ ﺍﻣﻲ ... ﻛﺎﻧﻮ ﻋﻨﺪﻱ ﺷﻬﻮﺭ ﻣﺸﻔﺘﻬﺎﺵ ... ﺗﻮﺣﺸﺖ ﻋﻤﺎﺩ ... ﺗﻮﺣﺸﺖ ﺑﻴﺘﻲ ﺍﻟﺼﻐﻴﺮﺓ ... ﻟﻲ ﻃﻞ ﻋﺎﻟﺤﻮﻣﺔ ... ﺍﻟﺤﻮﻡﺓ ﻟﻲ ﺗﺮﺑﻴﺖ ﻓﻴﻬﺎ ... ﺍﻟﺤﻮﻣﺔ ﻟﻲ ﺣﺒﻴﺖ ﻧﺎﺳﻬﺎ ﻭ ﺣﺒﻮﻧﻲ ... ﺍﻟﺤﻮﻣﺔ ﺍﻟﻠﻲ ﻛﻨﺖ ﻛﻞ ﺻﺒﺎﺡ ﻧﻤﺸﻲ ﻓﻴﻬﺎ ﻭ ﻧﺼﺒﺢ ﻋﻠﻰ ﺍﻟﻨﺴﺎ ﻟﻴﺒﻜﺮﻭ ﺻﺒﺎﺡ ﺭﺑﻲ ... ﻭ ﻧﺴﻤﻊ ﺩﻋﺎﻭﻳﻬﻢ ﻟﻴﺎ ... ﺍﻟﺤﻮﻣﺔ ﻟﻜﻨﺖ ﻧﺤﻠﻢ ﻧﺨﺮﺝ ﻣﻨﻬﺎ ﻋﺮﻭﺳﺔ ... ﻳﻤﻜﻦ ﻟﺤﺪ ﻣﻦ ﻧﺎﺳﻬﺎ ﻭ ﻻ ﻟﺤﺪ ﺍﺧﺮ ... ﺗﻤﻨﻴﺖ ﻧﺮﺟﻊ ﻃﺒﻴﺒﺔ ﻛﺒﻴﺮﺓ ﻫﻮﻧﻲ ... ﻭ ﺍﻟﻜﻞ ﻳﻔﺮﺡ ﺳﺘﺎﻧﺴﺖ ﺑﺎﻟﻮﺿﻊ ﻫﻜﺎ ... ﺳﺘﺎﻧﺴﺖ ﺑﻨﺎﺳﻲ ﻭ ﺣﻮﻣﺘﻲ ... ﺍﻣﺎ ... ﻙﻝ ﺣﻠﻤﺔ ﺣﻠﻤﺘﻬﺎ ﻃﺎﺣﺖ ﻓﻲ ﺍﻟﻤﺎ ... ﺑﻌﺪ ﺍﻟﻠﻴﻠﺔ ﻫﺬﻳﻜﺎ ... ﻣﻌﺎﺩ ﻋﻨﺪﻱ ﺣﻖ ﻓﻲ ﺣﺘﻰ ﺷﻲ ... ﻣﺼﻴﺮ ﺑﻌﺪ ﺍﻛﺎ ﻧﻬﺎﺭ ﻣﺠﻬﻮﻝ ... ﺧﺴﺮﺕ ﻛﻠﺸﻲ ﻓﺮﺩ ﻣﺮﺓ ﺷﺮﻓﻲ ... ﻗﺮﺍﻳﺘﻲ ﻭ ﺍﻫﻠﻲ ... ﺗﻜﻴﺖ ﻟﺘﺎﻟﻲ ... ﻧﺸﻮﻑ ﻣﻊ ﺍﻟﺴﻘﻒ ... ﻭ ﺗﻔﻜﻴﺮﻱ ﺑﻌﻴﺪ ... ﺯﻋﻤﺔ ﻛﻲ ﻧﺨﺮﺝ ﻣﻦ ﻫﻮﻧﻲ ﻭﻳﻦ ﺑﺎﺵ ﻧﻤﺸﻲ ... ﺷﻨﻮﺓ ﺑﺎﺵ ﻧﻌﻤﻞ ... ﺯﻋﻤﺔ ﺑﺎﻟﺤﻖ ﺍﻟﺸﺮﻃﺔ ﺑﺎﺵ ﺟﻴﺒﻠﻲ ﺣﻘﻲ ... ﺯﻋﻤﺔ ﺑﺎﺵ ﻳﻠﻘﺎﻭ ﺍﻟﺤﻴﻮﺍﻥ ﻟﻲ ﻋﻤﻞ ﻓﻴﺎ ﻫﻜﺎ ... ﻧﺤﺲ ﻓﻲ ﻣﺨﻲ ﻳﺘﺤﺮﻕ ﻛﻲ ﻧﺬﻛﺮ ﻛﻼﻣﻮ ﻭ ﺻﻮﺗﻮ ... ﺍﻋﻌﻌﻊ ﻣﺨﻴﺒﻮ ... ﻳﺎ ﺭﻳﺖ ﻻ ﺧﺮﺟﺖ ... ﻭ ﻻ ﻋﺸﺖ ﻟﻴﻠﺔ ﻫﺬﻳﻜﺎ ... ﻛﺮﻫﺖ ﺍﻟﺮﺟﺎﻝ ﻭ ﺭﻳﺤﺘﻬﻢ ... ﻛﺮﻫﺖ ﺟﻨﺲ ﺍﺩﻡ ﺟﻤﻠﺔ ... ﻣﻌﺎﺩ ﻧﺤﻤﻞ ﺣﺘﻰ ﺣﺪ ... ﻭ ﻻ ﺣﺪ ... ﻣﺨﻴﺒﻬﻢ ﺍﻟﻜﻞ ﻛﻴﻒ ﺑﻌﺾ ... ﻣﺴﺤﺖ ﺩﻣﻮﻋﻲ ... ﺗﺴﻄﺤﺖ ﻭ ﺳﻜﺮﺕ ﻋﻴﻨﻴﺎ ... ﻧﺤﺐ ﻧﺮﻗﺪ ... ﻧﺤﺐ ﻧﺮﺗﺎﺡ ﻣﻦ ﺍﻟﺪﻭﺍﻣﺔ ﻟﻲ ﺩﺧﻠﺖ ﻓﻴﻬﺎ ﺑﻴﻦ ﻟﻴﻠﺔ ﻭ ﻧﻬﺎﺭ ... ﻧﺤﺐ ﻧﻨﺴﻰ ﻛﻠﺸﻲ ... ﻭ ﻧﻔﻴﻖ ﻋﻠﻰ ﺻﻮﺕ ﺍﻣﻲ ﻭ ﺭﻳﺤﺔ ﺍﻟﻘﻬﻮﺓ ... ﻧﺤﺐ ﻧﺮﺟﻊ ﻟﺪﺍﺭﻧﺎ ﻭ ﻛﻬﻮ ﻓﻘﺖ ﺍﻟﺼﺒﺎﺡ ... ﻋﻠﻰ ﺻﻮﺕ ﻃﺒﻴﺐ ﻳﺤﻜﻲ ﻣﻊ ﺍﻟﻔﺮﻣﻠﻴﺔ ... ﺣﻠﻴﺖ ﻋﻴﻨﻴﺎ ﺑﺎﻟﺴﻴﻒ ... ﻗﺮﺏ ﻣﻨﻲ ﻳﺤﻜﻲ ﻃﺒﻴﺐ : ﺗﺤﺲ ﻓﻲ ﺭﻭﺣﻚ ﻟﺒﺎﺱ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﻛﻤﻞ ﻓﺤﺼﻨﻲ ... ﻭ ﺑﻌﺪ ﻋﻠﻴﺎ ﻳﺤﻜﻲ ﻃﺒﻴﺐ : ﺑﻌﺪ ﺳﺎﻋﺔ ﺑﺎﺵ ﻳﺠﻮ ﺍﻟﺸﺮﻃﺔ ... ﺣﺎﻭﻝ ﺗﺤﻜﻴﻠﻬﻢ ﻛﻠﺸﻲ ﺻﺮﺍ ﻣﻌﺎﻙ ... ﻭ ﻫﻮﻣﺎ ﺑﺎﺯ ﺑﺎﺵ ﻳﻌﺎﻭﻧﻮﻙ ﺑﺎﻫﻲ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﺍﺻﻼ ﻣﻌﻨﺪﻳﺶ ﻗﻮﺓ ﺑﺎﺵ ﻧﺤﻜﻲ ﻣﻌﺎﻩ ... ﺗﻔﻜﻴﺮﻱ ﺍﻟﻜﻞ ﻓﻲ ﺍﻣﻲ ... ﻭ ﺍﻟﻜﻼﻡ ﻟﺒﺎﺵ ﻧﻘﻮﻟﻮ ﻟﺸﺮﻃﺔ ... ﻭﻭﻳﻦ ﺑﺎﺵ ﻧﻤﺸﻲ ﺑﻌﺪ ﻣﺎ ﻧﺨﺮﺝ ﻣﻦ ﻫﻮﻧﻲ ... ﻧﺤﺲ ﻓﻲ ﺭﺍﺳﻲ ﺑﺎﺵ ﻳﻄﺮﺷﻖ ... ﻛﻤﻞ ﺧﺪﻣﺘﻮ ﻭ ﺧﺮﺝ ... ﺟﻴﺖ ﺑﺎﺵ ﻧﺮﺝ ﻧﺘﺴﻄﺢ ... ﻧﺸﻮﻑ ﻓﻲ ﺍﻟﺒﺎﺏ ﻓﺘﺢ ﻣﺮﺓ ﺍﺧﺮﻯ ... ﺍﻣﺎ ﺍﻟﻤﺮﺓ ﻫﺎﺫﻱ ... ﻟﻲ ﺩﺧﻞ ﻣﺶ ﺍﻟﻄﺒﻴﺐ ... ﻋﻴﻨﻴﺎ ﻭﺳﺎﻋﺖ ... ﻭ ﺍﻧﺎ ﻧﺸﻮﻑ ﻣﻌﺎﻩ ... ﺗﻲ ﺍﺻﻼ ﺍﻻﺷﻜﺎﻝ ﻫﺎﺫﻱ ﻣﺘﺸﻮﻓﻬﺎﺵ ﺑﺮﺷﺎ ... ﺗﻲ ﻃﻮﻟﻮ ﻭﺣﺪﻭ ﻗﺪ ﺍﻟﺒﺎﺏ ... ﺟﺎﺕ ﻋﻴﻨﻲ ﻓﻲ ﻋﻴﻨﻮ ... ﻟﻠﺤﻈﺔ ﺣﺴﻴﺖ ﺑﺒﺮﻭﺩﺓ ﻓﻲ ﺑﺪﻧﻲ ... ﻭ ﻧﻔﺲ ﺍﻟﺨﻮﻑ ﻟﻲ ﺣﺴﻴﺘﻮ ﻟﻴﻠﺔ ﻫﺬﻳﻜﺎ ... ﺭﺟﻌﺖ ﺗﻘﻌﺪﺕ ... ﻭﻭﺧﺮﺕ ﻟﺘﺎﻟﻲ ... ﺗﻜﻴﺖ ﻭ ﻛﺒﺴﺖ ﺑﻴﺪﻳﺎ ﻋﺎﻟﻔﺮﺵ ... ﻧﺮﻗﻞ ﻭﺣﺪﻱ .. ﻭﺍﺣﺪ ﻛﻴﻒ ﻫﺬﺍ ... ﺷﻴﺤﺐ ﻋﻨﺪﻱ ... ﻭ ﺷﻤﺪﺧﻠﻮ ﻟﻬﻮﻧﻲ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ﻧﺤﺴﻮ ﺑﺎﺵ ﻳﻄﻴﺢ ... ﺗﻌﺪﺍﺕ ﻟﻴﻠﺔ ﻫﺬﻳﻜﺎ ﺑﻴﻦ ﻋﻴﻨﻴﺎ ... ﺍﻟﻮﺣﺶ ﻫﺬﺍﻛﺎ ﺗﻘﺮﻳﺒﺎ ﻓﻲ ﻧﻔﺲ ﺟﻬﺎﻣﺘﻮ ... ﺗﻠﻜﻤﺖ ﻋﻠﻰ ﺭﻭﺣﻲ ... ﻭ ﺭﻛﺰﺕ ﻣﻊ ﻭﺟﻬﻮ ... ﺣﺴﻴﺖ ﺍﻧﻲ ﻧﻌﺮﻓﻮ ... ﺍﻧﻲ ﺷﻔﺘﻮ ﻣﻦ ﻗﺒﻞ ... ﺍﻣﺎ ﻭﻳﻦ ... ﻭ ﺍﻻﻫﻢ ﻣﻦ ﻫﻜﺎ ... ﺷﻴﻌﻤﻞ ﻫﻮﻧﻲ ... ﻭ ﺷﻴﺤﺐ ﻣﻨﻲ