🔥🔞"في أحضان عزرائيل"🔞🔥

الحلقة 14

ﺣﻠﻴﺖ ﺍﻟﺒﺎﺏ ... ﻭ ﺧﺮﺟﺖ ... ﺧﺮﺟﺖ ﻭ ﺍﻧﺎ ﺣﺎﻣﻠﺔ ﺣﻘﺪ ﺍﻟﺪﻧﻴﺎ ﺍﻟﻜﻞ ﻓﻲ ﻗﻠﺒﻲ ﻋﻠﻰ ﺭﺟﺎﻝ ﺍﻟﻜﻞ ... ﺧﺮﺟﺖ ﻭ ﺍﻧﺎ ﺣﺎﻣﻠﺔ ﺷﺤﻨﺔ ﺍﻧﺘﻘﺎﻡ ﻗﻮﻳﺔ ... ﺗﻜﻔﻲ ﺑﺎﺵ ﻧﺪﻣﺮ ﻛﻞ ﺭﺍﺟﻞ ﻳﻘﺮﺏ ﻣﻨﻲ ﺣﺘﻰ ﺑﻜﻠﻤﺔ ﻛﻬﻮ ... ﺣﻄﻴﺖ ﻳﺪﻳﺎ ﺯﻭﺯ ﺗﺤﺖ ﺭﻗﺒﺘﻲ ... ﺧﺮﺟﺖ ﺷﻌﺮﻱ ... ﻣﻦ ﺗﺤﺖ ﺍﻟﻔﻮﻻﺭ ... ﺭﺟﻌﺘﻮ ﻟﺘﺎﻟﻲ ... ﻫﺰﻳﺖ ﺭﺍﺳﻲ ﺍﻟﻔﻮﻕ ... ﻧﺸﻮﻑ ﻣﻊ ﺍﻟﺒﺎﺏ ... ﻣﻬﻤﻨﻴﺶ ﻓﻲ ﺷﻌﺮﻱ ﻟﻤﻌﺎﺩﺵ ﻣﻐﻄﻲ .. ﻭ ﻻ ﻓﻲ ﺭﻭﺏ ﻟﻲ ﺟﺎﻳﺔ ﻋﻨﺪ ﺭﻛﺒﺔ ... ﻭ ﻻ ﻓﻲ ﻧﺎﺱ ﺍﻟﻠﻲ ﻗﺎﻋﺪﺓ ﺗﺸﻮﻑ ﻣﻌﺎﻳﺎ ... ﻭ ﻻ ﻓﻲ ﺍﻟﻮﺟﺎﻳﻊ ﻟﻘﺎﻋﺪﺓ ﻧﺤﺲ ﺑﻴﻬﺎ ﻓﻲ ﻗﻠﺒﻲ ﻭ ﺑﺪﻧﻲ ... ﻭ ﻣﻨﻌﺮﻓﺶ ﺯﺍﺩﺓ ﺍﻟﻘﺮﺍﺭ ﻟﺒﺎﺵ ﻧﺎﺧﻮ ﺗﻮﺍ ﺻﺤﻴﺢ ﻭ ﻻ ﻏﺎﻟﻂ ... ﺍﻣﺎ ﺑﻌﺪ ﻣﺎ ﺧﺴﺮﺕ ﻛﻠﺸﻲ ... ﺍﻟﺮﺍﺟﻞ ﺍﻟﻠﻲ ﺟﺎﻧﻲ ﺍﻟﻴﻮﻡ ... ﺑﺎﺵ ﻳﻜﻮﻥ ﺍﻟﻮﺳﻴﻠﺔ ﺍﻟﻮﺣﻴﺪﺓ ... ﺍﻧﻲ ﻧﺨﺮﺝ ﻣﻦ ﺍﻟﻮﺣﻠﺔ ... ﻫﺎﺫﻱ ... ﻋﺎﻻﻗﻞ ﺍﻟﻤﺠﻬﻮﻝ ﻟﺒﺎﺵ ﻧﻤﺸﻲ ﻟﻴﻪ ﺗﻮﺍ ... ﻧﺴﺘﻔﺎﺩ ﻣﻨﻮ ... ﻭ ﻳﺨﻠﻴﻨﻲ ﻧﻮﺻﻞ ﻟﻲ ﻧﺤﺐ ﻋﻠﻴﻪ ... ﺑﺮﻏﻢ ﻧﻌﺮﻑ ﻭ ﻣﺘﺄﻛﺪﺓ ... ﻟﺒﺎﺵ ﻳﻄﻠﺒﻮ ... ﺍﻛﺒﺮ ﻣﻨﻲ ﺑﺒﺮﺷﺎ ... ﺍﻣﺎ ﺑﻌﺪ ﻣﺎ ﺧﺴﺮﺕ ﻛﻠﺸﻲ ... ﺑﺎﺵ ﻧﻜﺒﺶ ﻓﻲ ﺍﺧﺮ ﻓﺮﺻﺔ ... ﺑﺎﺵ ﻧﻌﻴﺶ ﻓﻲ ﺍﺣﻀﺎﻥ ﺍﻟﻤﻮﺕ ... ﺑﺎﺵ ﻧﺮﺟﻊ ﺣﻘﻲ ﻣﻦ ﺍﻟﻠﻲ ﺿﻠﻤﻨﻲ ... ﻭ ﺑﺎﺵ ﻧﺤﻤﻲ ﺍﻣﻲ ﻭ ﺧﻮﻳﺎ ... ﺑﺎﺵ ﻧﻌﻮﺿﻌﻬﻢ ﻋﻠﻰ ﻛﻠﺸﻲ ... ﺣﺘﻰ ﻛﺎﻥ ﺧﻄﻔﺘﻨﻲ ﺍﻟﻤﻮﺕ ... ﺑﺎﺵ ﻧﻤﻮﺕ ﻣﺮﺗﺎﺣﺔ ... ﻣﺮﺗﺎﺣﺔ ﺧﺎﻃﺮ ﺧﻠﻴﺖ ﺷﻜﻮﻥ ﻭﺭﺍﻳﺎ ... ﻳﺴﺘﺤﻖ ﻳﻌﻴﺶ ... ﻭ ﻳﺤﻘﻖ ﻛﻠﺸﻲ ﺗﻤﻨﻴﺘﻮ ﺍﻧﺎ
______\\___________________________
ﺯﻳﺎﺩ ﻳﺤﻜﻲ :
ﺑﻘﻴﺖ ﻣﺘﻜﻲ ﻋﺎﻟﻜﺮﻫﺒﺔ .. ﻧﺸﻮﻑ ﻣﻊ ﺍﻟﺒﺎﺏ ... ﻣﻨﻌﺮﻓﺶ ﻟﻲ ﻋﻤﻠﺘﻮ ﺻﺤﻴﺢ ﻭ ﻻ ﻏﺎﻟﻂ ... ﻣﻨﻌﺮﻓﺶ ﺍﺫﺍ ﺍﻧﺎ ﺗﻮﺍ ﻧﺴﺘﻐﻞ ﻓﻲ ﺿﻌﻔﻬﺎ ﻭ ﻻ ﺭﺍﻧﻲ ﻧﻌﻄﻴﻬﺎ ﻓﺮﺻﺔ ... ﺍﻧﻬﺎ ﺗﺎﻗﻒ ﻣﻦ ﺟﺪﻳﺪ ... ﺍﻣﺎ ﻗﺪ ﻣﺎ ﺗﻜﻮﻥ ﻓﺮﺻﺔ ﻟﻴﻬﺎ ... ﻫﻲ ﺑﺎﺵ ﺗﻜﻮﻥ ﺍﻛﺒﺮ ﻓﺮﺻﺔ ﻟﻴﺎ ... ﺗﻔﺎﺻﻴﻞ ﻭﺟﻬﺎ ﻭ ﻫﻲ ﺗﻐﺰﺭ ﻣﻌﺎﻳﺎ ﺑﻜﻞ ﺍﻫﺘﻤﺎﻡ ... ﺧﻼﺗﻨﻲ ﻧﺘﺄﻛﺪ ﺍﻧﻮ ﻫﻲ ﺑﺎﺵ ﺗﻮﺍﻓﻖ ... ﻭ ﻋﻤﺮﻱ ﻣﺎ ﻏﻠﻄﺖ ﻓﻲ ﻧﻈﺮﺗﻲ ﻟﺤﺪ ... ﻫﺰﻳﺖ ﻳﺪﻱ ﻃﻠﻌﺖ ﻟﻤﻨﻘﺎﻟﺘﻲ ... ﺭﺑﻊ ﺳﺎﻋﺔ ﺑﺎﻟﻈﺒﻂ ... ﻫﺰﻳﺖ ﺭﺍﺳﻲ ﻟﺒﺎﺏ ... ﻧﺴﺘﻨﺎ ﻓﻴﻬﺎ ... ﻛﻨﺖ ﺑﺎﺵ ﻧﺘﻠﻔﺖ ... ﻭ ﻧﻤﺸﻲ ... ﺧﺎﻃﺮ ﻓﻲ ﻋﺎﺩﺗﻲ ﻟﻴﺘﺄﺧﺮ ... ﻭ ﻟﻲ ﻳﺮﻓﺾ ﺍﻭﻝ ﻓﺮﺻﺔ ... ﻣﻌﺎﺩﺵ ﻳﻨﻔﻌﻨﻲ ... ﺩﻭﺏ ﻣﺎ ﺟﻴﺖ ﻧﺘﻠﻔﺖ ... ﺟﺎﺕ ﻋﻴﻨﻲ ﻋﻠﻴﻬﺎ ... ﺟﺎﻳﺔ ﺗﻤﺸﻲ ... ﺭﺍﺳﻬﺎ ﻟﻔﻮﻕ ... ﺑﺮﻏﻢ ﺍﻟﺨﻮﻑ ﻟﻲ ﻓﻲ ﻋﻴﻨﻴﻬﺎ ﺍﻻ ﺍﻧﻮ ﻋﻨﺪﻫﺎ ﻗﻮﺓ ... ﻗﻮﺓ ﻣﻤﺰﻭﺟﺔ ﺑﻴﻦ ﺍﻟﺘﺤﺪﻱ ﻭ ﺍﻟﺨﻮﻑ ... ﻛﻴﻒ ﺟﺎﺕ ﻋﻴﻨﻬﺎ ﻋﻠﻰ ﻋﻴﻨﻲ ... ﺗﺮﺑﺜﺖ ... ﻧﺰﻟﺖ ﺭﺍﺳﻬﺎ ﻭ ﻗﺮﺑﺖ ﻣﻨﻲ ... ﻫﺰﻳﺘﻬﺎ ﻣﻦ ﺍﻟﻔﻮﻕ ﻟﻠﻮﻃﺔ ... ﻣﺰﺍﻟﺖ ﺑﺪﺑﺶ ﺍﻟﻜﻠﻴﻨﻴﻚ ... ﻃﻠﻌﺖ ﺭﺍﺳﻬﺎ ﺷﺎﻓﺖ ﻓﻴﺎ ﺷﻮﻳﺔ ... ﻣﻦ ﻭﺟﻬﺎ ﻇﺎﻫﺮ ﻳﺎﺳﺮ ﺗﺎﻋﺒﺔ ... ﻭﻭﺍﻗﻔﺔ ﺑﺎﻟﺴﻴﻒ ... ﻭ ﻛﻴﻒ ﺟﺎﺕ ﻟﻬﻮﻧﻲ ... ﻳﻌﻨﻲ ﻭﺍﻓﻘﺖ ﺑﺎﺵ ﺗﻜﻮﻥ ﻣﻌﺎﻳﺎ ... ﻏﺰﺭﺕ ﻓﻲ ﻋﻴﻨﻴﻬﺎ ﻧﺤﻜﻲ
ﺍﻧﺎ : ﺩﻗﻴﻘﺔ ﺭﻭﺗﺎﺭ
ﺳﻮﺍﺭ؛ﻣﻬﻢ ﺍﻧﻲ ﺟﻴﺖ
ﺍﻧﺎ : ﺍﻭﻝ ﺷﻲ ﻻﺯﻡ ﺗﺘﻌﻠﻤﻮ ﻫﻮ ﺍﻧﻚ ﺗﻜﻮﻥ ﻋﺎﻟﻮﻗﺖ ﺑﺎﻟﻈﺒﻂ ... ﺩﻗﻴﻘﺔ ﺭﻭﺗﺎﺭ ﺗﺘﺤﺴﺐ ﻋﻠﻴﻚ
ﺳﻮﺍﺭ : ﺑﺎﻫﻲ
ﻭﺧﺮﺕ ﺷﻮﻳﺔ ﻟﺘﺎﻟﻲ ...