🔥🔞"في أحضان عزرائيل"🔞🔥

الحلقة 35

ﺑﻘﻴﺖ ﻧﺸﻮﻑ ﻣﻌﺎﻫﺎ ... ﺍﻭﻝ ﻣﺮﺓ ﺗﺤﻜﻲ ﺑﺎﻟﻄﺮﻳﻘﺔ ﻫﺎﺫﻱ ... ﺍﺻﻼ ﺻﻮﺗﻬﺎ ﻣﻴﺘﺴﻤﻌﺶ ﺑﺮﺷﺎ ... ﺧﺬﻳﺖ ﻧﻔﺲ ... ﻧﻄﻮﻝ ﻓﻲ ﺑﺎﻟﻲ ﻣﻌﺎﻫﺎ ﻧﺤﻜﻲ
ﺍﻧﺎ : ﻳﺎﺧﻲ ﻧﻮﺭﻣﺎﻝ ﺍﻧﺘﻲ ... ﺟﺮﺩ ﺗﺎﺗﻮ ﺻﻐﻴﺮ ﺧﻮﻓﻚ ... ﻣﺶ ﺗﻘﺮﺍ ﻃﺐ ﻭ ﻻ ﻓﺎﺗﻨﻲ ﺷﻲ
ﺳﻮﺍﺭ : ﺷﻤﺪﺧﻞ ﻗﺮﺍﻳﺘﻲ ﻓﻲ ﺍﻟﻮﺳﻂ ﺍﻟﺘﺎﺗﻮ ﻫﺬﺍ ﻣﺴﺘﺤﻴﻞ ﻧﺤﻄﻮ ... ﺍﺻﻼ ﺷﻨﻮﺓ ﻫﺬﺍﻛﺎ ﻟﻤﺮﺳﻮﻡ ﻓﻲ ﻳﺪﻙ ... ﻣﻔﻬﻤﺖ ﻣﻨﻮ ﺷﻲ
ﺍﻧﺎ : ﺷﻴﻬﻤﻚ ﻓﻴﻪ ﺍﻧﺘﻲ ... ﺍﺳﻤﻌﻨﻲ ﺑﺎﺵ ﺗﻌﻤﻠﻮ ﺧﻠﻴﻨﺎ ﻧﻤﺸﻮ
ﺳﻮﺍﺭ : ﻻ ﻣﺴﺘﺤﻴﻞ
ﺍﻧﺎ : ﺑﺎﻫﻲ
ﺣﺴﻴﺘﻬﺎ ﺭﺗﺎﺣﺖ ... ﻛﻴﻒ ﻗﻠﺘﻠﻬﺎ ﺑﺎﻫﻲ ... ﺧﺬﻳﺖ ﻧﻔﺲ ... ﻭ ﺧﻄﻔﺘﻬﺎ ﻣﻦ ﻳﺪﻫﺎ ... ﺩﻭﺭﺗﻬﺎ ﻋﻨﺪﻱ ... ﺣﻀﻨﺘﻬﺎ ﻣﻦ ﺗﺎﻟﻲ ﻭ ﻛﺒﺴﺖ ﻋﻼﻫﺎ .. ﻫﺰﻳﺖ ﻳﺪﻱ ﻻﺧﺮﻯ ﺷﺪﻳﺖ ﻳﺪﻫﺎ ﻭ ﻛﺒﺴﺖ ﻋﻼﻫﺎ ﻧﺤﻜﻲ
ﺍﻧﺎ : ﺍﻋﻤﻞ ﻟﻲ ﻗﺘﻠﻚ ﻋﻠﻴﻪ
ﺳﻮﺍﺭ : ﺳﻴﺒﻨﻲ ﻓﺎﺵ ﺗﻌﻤﻞ ﻳﺎﺧﻲ ﻧﻮﺭﻣﺎﻝ ﺍﻧﺖ
ﺍﻧﺎ : ﺷﺸﺶ ﺍﺳﻜﺖ ... ﺷﻮﻳﺔ ﻭﺟﻴﻌﺔ ﻛﻬﻮ ﻭ ﺗﻮﻓﺎ
ﺳﻮﺍﺭ : ﻣﻨﺤﺒﺶ ﺳﻴﺒﻨﻲ
ﻛﺒﺴﺖ ﻋﻠﻴﻬﺎ ﺍﻛﺜﺮ ... ﺩﻭﺏ ﻣﺎ ﻗﺮﺏ ﻣﻨﻬﺎ ... ﺣﺴﻴﺘﻬﺎ ﺗﻜﺒﺴﺖ ﺑﻴﻦ ﻳﺪﻳﺎ ... ﺛﺒﺖ ﻳﺪﻫﺎ ﺍﻛﺜﺮ ... ﻭ ﻧﺰﻟﺖ ﻧﺤﻜﻲ ﻓﻲ ﻭﺫﻧﻬﺎ ... ﺷﻌﺮﻫﺎ ﻟﺒﻮﻛﻠﻲ ﻭ ﻃﻮﻳﻞ ... ﺩﻏﺪﻏﻨﻲ ﻓﻲ ﻭﺟﻬﻲ ... ﺑﺤﻜﻢ ﻛﺎﺑﺲ ﻋﻼﻫﺎ ﻣﻨﺠﻤﺘﺶ ﻧﺒﻌﺪﻭ
ﺍﻧﺎ : ﺍﺭﺧﻒ ﺭﻭﺣﻚ ﻛﻬﻮ ... ﻭﺟﻴﻌﺔ ﺻﻐﻴﺮﺓ ﻭ ﺑﺎﺵ ﺗﻮﻓﺎ ... ﺍﺻﻼ ﺍﻧﺖ ﺗﺤﻤﻠﺖ ﺍﻛﺜﺮ ﻣﻨﻬﺎ ... ﻭﺟﻴﻌﺔ ﻫﺎﺫﻱ ﻣﺎ ﺟﻲ ﺷﻲ ﻗﺪﺍﻡ ﻭﺟﻴﻌﺘﻚ ... ﻛﻬﻮ ﺍﺭﺧﻒ ﺭﻭﺣﻚ ... ﻭ ﺣﺎﻭﻝ ﺗﺘﻌﺪﺍ ﺍﻟﺨﻮﻑ ... ﺧﺎﻃﺮ ﻣﻦ ﺍﻟﻴﻮﻡ ﺑﺎﺵ ﺗﻌﻴﺶ ﻓﻴﻪ
ﺣﺴﻴﺘﻬﺎ ﺗﺮﺧﻔﺖ ﺷﻮﻳﺔ ... ﻗﻠﺒﻬﺎ ﻳﺪﻕ ﺑﺎﻟﻘﺎﻭﻱ ... ﻧﺤﺲ ﺑﻴﻪ ﻳﻀﺮﺏ ﻓﻲ ﻳﺪﻱ ... ﻧﻔﺴﻬﺎ ﺭﺯﻳﻦ ﻋﺎﻟﻠﺨﺮ ... ﻃﻠﻌﺖ ﺭﺍﺳﻲ ﺷﻮﻳﺔ ... ﻧﺸﻮﻑ ﻣﻊ ﺍﻟﺮﺍﺟﻞ ... ﻟﻘﻴﺘﻮ ﺑﺎﺵ ﻳﻜﻤﻞ ﺗﺎﺗﻮ ... ﺩﻭﺏ ﻣﺎ ﻛﻤﻠﻮ ... ﺭﺧﻔﺖ ﻳﺪﻱ ﻋﻼﻫﺎ ... ﻭﻭﺧﺮﺕ ﺧﻄﻮﺓ ﻟﺘﺎﻟﻲ ... ﻧﺸﻮﻑ ﻣﻌﺎﻫﺎ ... ﻣﺘﺤﺮﻛﺘﺶ ﻣﻦ ﺑﻼﺻﺘﻬﺎ ﺟﻤﻠﺔ ... ﺗﺸﻮﻑ ﻣﻊ ﻳﺪﻫﺎ ... ﻣﺤﺎﻭﻟﺘﺶ ﻧﺮﻛﺰ ﻣﻌﺎﻫﺎ ﺑﺮﺷﺎ ... ﺭﺟﻌﺖ ﻗﺮﺑﺖ ﻣﻨﻬﺎ ... ﺟﺒﺪﺗﻬﺎ ﻣﻦ ﻳﺪﻫﺎ ... ﺟﺮﻳﺘﻬﺎ ﻭﺭﺍﻳﺎ ... ﻭ ﺧﺮﺟﺖ ... ﻟﻘﻴﺖ ﺯﻭﺯ ﻣﻦ ﺭﺟﺎﻟﻲ ﻟﺒﺮﺍ ... ﻫﺰﻳﺘﻠﻬﻢ ﺑﺮﺍﺳﻲ ﺑﺎﺵ ﻳﺪﺧﻠﻮ ... ﻳﻌﺮﻓﻮ ﺧﺪﻣﺘﻬﻢ ... ﺧﺎﻃﺮ ﻟﻌﻤﻞ ﺗﺎﺗﻮ ﻫﺬﺍ ... ﻻﺯﻡ ﻳﻨﺴﺎﻩ ﺟﻤﻠﺔ ... ﺻﺤﻴﺢ ﻣﺶ ﺑﺎﺵ ﻧﻘﺘﻠﻮ ... ﺍﻣﺎ ﺷﻮﻳﺔ ﺗﻬﺪﻳﺪ ﻛﺎﻓﻲ ﺑﺎﺵ ﻳﻨﺴﺎﻩ ﺟﻤﻠﺔ ... ﻗﺮﺑﺖ ﻣﻦ ﺍﻟﻜﺮﻫﺒﺔ ... ﺭﻛﺒﺘﻪﺍ ﻭ ﺭﻛﺒﺖ ... ﻃﻮﻝ ﺍﻟﺜﻨﻴﺔ ﻭ ﻫﻲ ﺳﺎﻛﺘﺔ .. ﺗﺸﻮﻑ ﻣﻊ ﻳﺪﻫﺎ ... ﺣﺴﻴﺖ ﻛﻼﻣﻲ ﻣﻌﺎﻫﺎ ﺩﺧﻠﻬﺎ ﻓﻲ ﺣﻴﻂ ... ﻏﺰﺭﺗﻠﻬﺎ ﻋﻠﻰ ﺟﻨﺐ ﻧﺤﻜﻲ
ﺍﻧﺎ : ﺑﺎﺵ ﺗﺒﻘﻰ ﺗﺤﺮﻕ ﻳﻮﻣﻴﻦ ... ﻣﺒﻌﺪ ﺗﺮﺗﺎﺡ
ﺳﻮﺍﺭ : ﻋﻨﺪﻙ ﺣﻖ ... ﺍﻟﻮﺟﻴﻌﺔ ﻫﺎﺫﻱ ... ﻣﺎ ﺟﻲ ﺷﻲ ﻗﺪﺍﻡ ﻭﺟﻴﻌﺘﻲ
ﺳﻜﺖ ... ﻭﺭﻛﺰﺕ ﻣﻊ ﺍﻟﺜﻨﻴﺔ ... ﻣﺤﺒﻴﺘﺶ ﻧﺤﻜﻲ ﺍﻛﺜﺮ ... ﺳﻤﻌﺘﻬﺎ ﻛﻴﻒ ﺗﻨﻬﺪﺕ ﺗﺤﻜﻲ
ﺳﻮﺍﺭ : ﺑﺎﺵ ﻳﺒﻘﻰ ﻓﻲ ﻳﺪﻱ ﻃﻮﻝ ﻋﻤﺮﻱ
ﺍﻧﺎ : ﻻ ﻭﻗﺖ ﻳﻮﻓﺎ ﻛﻠﺸﻲ ... ﺗﻨﺠﻢ ﺗﻨﺤﻴﻪ
ﺳﻮﺍﺭ : ﻋﻼﺵ ﻋﻤﻠﺘﻮ
ﺍﻧﺎ : ﻭﻓﺮ ﺍﺳﺌﻠﺘﻚ ... ﺧﺎﻃﺮ ﺍﻟﻮﻗﺖ ﻫﻮ ﺑﺎﺵ ﻳﺠﺎﻭﺑﻚ
ﺳﻮﺍﺭ : ﺑﺎﻫﻲ
ﺗﻜﺎﺕ ﺭﺍﺳﻬﺎ ﻟﺘﺎﻟﻲ ... ﺗﺸﻮﻑ ﻣﻊ ﺍﻟﺜﻨﻴﺔ ... ﻫﺰﻳﺖ ﺗﻠﻴﻔﻮﻧﻲ ﻛﻠﻤﺖ ﺷﻜﻮﻥ ... ﻫﺰ ﻋﻠﻴﺎ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﻛﻠﺸﻲ ﺣﺎﺿﺮ
ﻫﻮ : ﺑﺎﻟﻄﺒﻴﻌﺔ
ﺍﻧﺎ : ﺑﺎﻫﻲ ﻣﺴﺎﻓﺔ ﻃﺮﻳﻖ ﻭ ﻧﻮﺻﻞ
ﻫﻮ : ﻣﺘﺄﻛﺪ ﻣﺘﺤﺒﺶ ﺗﺨﺮﺝ ﻣﻦ ﺍﻟﺒﻼﺩ
ﺍﻧﺎ : ﻻ ﺍﻧﺖ ﻛﻬﻮ ﺍﻋﻤﻞ ﻟﻲ ﻗﺘﻠﻚ ﻋﻠﻴﻪ ... ﺍﻟﻤﻬﻢ ﺍﻟﻜﻞ ﻳﻤﺸﻲ ﻓﻲ ﺑﺎﻟﻮ ﻻﻧﺎ ﺧﺮﺟﺖ ﻣﻦ ﺍﻟﺒﻼﺩ ﺟﻤﻠﺔ
ﻫﻮ : ﺑﺎﻫﻲ ﻃﻤﻦ