ﺍﻧﺎ : ﺫﻛﺮ ... ﺍﻧﻮ ﻛﺎﻥ ﺍﻧﺖ ﻧﺠﺤﺖ ﻓﻲ ﺍﻟﻤﻬﻤﺔ ﺗﻮﺍ ... ﺑﺎﺵ ﺗﻔﺮﺽ ﺭﻭﺣﻚ ﻓﻲ ﻋﺎﻟﻤﻚ ﺟﺪﻳﺪ ... ﺑﺎﺵ ﺗﻮﺻﻞ ﻟﻲ ﺗﺤﺐ ﻋﻠﻴﻪ ... ﻭ ﺗﺎﺧﻮ ﺣﻘﻚ ﺑﻴﺪﻙ ... ﻭ ﺍﻧﺖ ﺍﺩﺭﻯ ﺑﻜﻼﻣﻲ ﺑﻘﺎﺕ ﺗﺸﻮﻑ ﻣﻌﺎﻳﺎ ... ﺣﺴﻴﺖ ﻟﻲ ﻧﻈﺮﺗﻬﺎ ﺿﺎﻋﺖ ﺷﻮﻳﺔ ... ﺍﻣﺎ ﻛﺎﻥ ﻻﺯﻡ ﻧﺤﻜﻲ ﻫﻜﺎ ... ﻧﻌﺮﻑ ﺍﻧﻮ ﻛﻞ ﻣﺮﺓ ﺗﺘﺬﻛﺮ ﺍﻟﻤﺎﺿﻲ ... ﺗﻘﻮﺍ ﺍﻛﺜﺮ ... ﺟﺎﺕ ﺑﺎﺵ ﺗﺤﻜﻲ ... ﻗﺼﻴﺖ ﻋﻠﻴﻬﺎ ﻛﻴﻒ ﺷﺪﻳﺖ ﺍﻟﻔﺮﺍﻥ ... ﺑﻘﻴﺖ ﻧﺸﻮﻑ ﻣﻌﺎﻫﺎ ... ﻣﻠﻔﺘﺘﺶ ﻭﺟﻬﺎ ﻣﻨﻲ ... ﺩﻭﺭﺕ ﺭﺍﺳﻲ ﻭ ﺣﻠﻴﺖ ﺑﺎﺏ ﺍﻟﻜﺮﻫﺒﺔ ﻧﺰﻟﺖ ... ﺭﻛﺤﺖ ﺍﻟﻔﺎﺳﺖ ﻣﺘﺎﻋﻲ ... ﺗﻠﻔﺖ ﺷﻮﻳﺔ ... ﻧﺸﻮﻑ ﻓﻲ ﻭﺍﺣﺪ ﺭﺟﺎﻝ ﻓﺘﺤﻠﻬﺎ ﺍﻟﺒﺎﺏ ﻧﺰﻟﺖ ... ﻗﺮﺑﺖ ﻣﻨﻲ ... ﻭﻗﻔﺖ ﻗﺪﺍﻣﻲ ... ﻗﺮﺑﺘﻠﻬﺎ ﻳﺪﻱ ﺷﻮﻳﺔ ... ﺩﻭﺭﺕ ﻳﺪﻫﺎ ﻋﻠﻴﺎ ... ﻧﺰﻟﺖ ﺭﺍﺳﻲ ﻧﺸﻮﻑ ﻣﻌﺎﻫﺎ ... ﺗﻐﺰﺭ ﻣﻊ ﺍﻟﺒﺎﺏ ... ﻭ ﻧﻈﺮﺗﻬﺎ ﺿﺎﻳﻌﺔ ... ﻣﺸﻴﺖ ﺧﻄﻮﺓ ﻭ ﻫﻲ ﻣﻌﺎﻳﺎ ... ﺟﺒﺪﺗﻬﺎ ﻟﻴﺎ ﺷﻮﻳﺔ ﻧﺤﻜﻲ ﺍﻧﺎ : ﻭﺭﺍ ﺍﻟﺒﺎﺏ ﻫﺎﺫﻱ ﺑﺎﺵ ﺗﺒﺪﺍ ﻟﻌﺒﺘﻚ ﻳﺎ ﺳﻮﺍﺭ ... ﺫﻛﺮ ﺍﻧﻮ ﻛﻠﺸﻲ ﻋﻤﻠﺘﻮ ﺑﺎﺵ ﺗﺜﺒﺖ ﺭﻭﺣﻚ ﻫﻮﻧﻲ ... ﻭ ﻛﺎﻥ ﻓﺸﻠﺖ ﺷﻮﻳﺔ ... ﺍﻧﺖ ﺑﺎﺵ ﺗﺨﺴﺮ ﻛﻠﺸﻲ ... ﻭﺻﻠﺘﻠﻮ ﻭ ﺑﺎﺵ ﺗﻮﺻﻠﻮ ﻛﺒﺴﺖ ﻋﻠﻰ ﻳﺪﻱ ﺍﻛﺜﺮ ﻭ ﻫﺰﺗﻠﻲ ﺑﺮﺍﺳﻬﺎ ﺑﺎﻫﻲ ... ﻣﻊ ﺗﺒﺴﻴﻤﺔ ﺧﻔﻴﻔﺔ ... ﺗﺒﺴﻴﻤﺔ ﻗﻮﺓ ﻣﺨﻠﻄﺔ ﺑﻮﺟﻴﻌﺔ ... ﺗﺒﺴﻴﻤﺔ ﺩﻳﻨﻴﺰ ﻣﺶ ﺳﻮﺍﺭ ... ﺍﻟﺨﻄﻮﺍﺕ ﺍﻟﻘﻠﻴﻠﺔ ﻟﺒﻘﺎﺕ ﺑﺎﺵ ﻧﻔﻮﺗﻮ ﺍﻟﺒﺎﺏ ﻫﺬﺍ ﺑﺎﺵ ﻳﺘﺒﺪﻝ ﻛﻠﺸﻲ ... ﺍﻣﻴﺮ ﺍﻟﻌﺎﺑﺪ ... ﻣﺶ ﺍﻛﺒﺮ ﺭﺟﺎﻝ ﺍﻟﻤﺎﻓﻴﺎ ﻟﻘﺎﺑﻠﺘﻬﻢ ... ﻭ ﻣﺶ ﺍﺧﻄﺮ ﻭﺍﺣﺪ ﻓﻴﻬﻢ ... ﺍﻣﺎ ﻫﻮ ﺍﻟﻤﻔﺘﺎﺡ ﻟﺒﺮﺷﺎ ﺍﺳﺮﺍﺭ ... ﻋﻤﺮﻭ 33 ﺳﻨﺔ ... ﺍﻣﺎ ﻧﺠﻢ ﻳﻜﻮﻥ ﺭﻭﺣﻮ ﻭ ﻳﺜﺒﺖ ﺍﺳﻤﻮ ... ﻋﺮﻑ ﻛﻴﻒ ﻳﻜﺒﺮ ﺛﺮﻭﺗﻮ ... ﻭ ﻛﻴﻒ ﻳﺴﺘﻐﻞ ﺍﻟﻨﺎﺱ ﻟﻲ ﻣﻌﺎﻩ ... ﻳﻌﺮﻑ ﻛﻴﻒ ﻳﺎﺧﻮ ﻟﻲ ﻳﺤﺐ ﻋﻠﻴﻪ ﺑﺎﻗﻞ ﺍﻻﺿﺮﺍﺭ ... ﻭ ﺍﻫﻢ ﻣﻦ ﻫﻜﺎ ... ﻋﺮﻑ ﻛﻴﻒ ﻳﺨﻠﻲ ﺍﻟﻔﻴﺸﺔ ﻣﺘﺎﻋﻮ ﻧﻈﻴﻔﺔ ... ﻭ ﻳﺒﻘﻰ ﻛﻬﻮ ﺭﺟﻞ ﺍﻻﻋﻤﺎﻝ ﺍﻣﻴﺮ ﺍﻟﻌﺎﺑﺪ ... ﻣﺎﻟﻚ ﺳﻠﺴﻠﺔ ﺍﻟﻔﻨﺎﺩﻕ ﻓﻲ ﺩﻭﻝ ﻣﺨﺘﻠﻔﺔ ... ﻭ ﺷﺮﻛﺔ ﺍﻟﺒﺴﺔ ﺑﻔﺮﻭﻉ ﻣﺘﻨﻮﻋﺔ ... ﻛﻬﻮ ﻟﻲ ﻣﻜﺘﻮﺏ ﻋﻠﻴﻪ ... ﺗﺒﺴﻤﺖ ﻋﻠﻰ ﺟﻨﺐ ... ﺍﻣﺎ ﺣﺪ ﻣﺎ ﻳﻌﺮﻑ ﺷﻜﻮﻥ ﺍﻣﻴﺮ ﺍﻟﻌﺎﺑﺪ ﻏﻴﺮﻱ ... ﻭ ﺍﻟﻔﻼﺷﺔ ﻟﻜﺎﻥ ﻻﺯﻡ ﺗﻜﻮﻥ ﻓﻲ ﻳﺪﻱ ﻣﻦ ﻋﺎﻣﻴﻦ ﻟﺘﺎﻟﻲ ... ﻟﺤﻖ ﺍﻟﻮﻗﺖ ﺑﺎﺵ ﻧﺎﺧﻮﻫﺎ ﻣﻦ ﻋﻨﺪﻭ ... ﻭﺳﻂ ﺍﻻﻓﺘﺘﺎﺡ ... ﻭ ﻣﻦ ﻏﻴﺮ ﻣﺎ ﻳﺤﺲ ﺑﺤﺘﻰ ﺷﻲ ... ﺍﻟﻔﻼﺷﺔ ... ﻟﻲ ﺗﺨﻠﻴﻨﻲ ﻧﻌﺮﻑ ﺍﻟﻌﻤﻠﻴﺎﺕ ﺍﻟﺠﺎﻳﺔ ... ﺍﻟﺼﻔﻘﺎﺕ ... ﻭ ﺍﻟﺮﺟﺎﻝ ﺍﻟﻤﺸﺎﺭﻛﻴﻦ ﺍﻟﻜﻞ ... ﺍﻟﻤﻌﻠﻮﻣﺎﺕ ﻟﻲ ﻣﻴﻨﺠﻤﺶ ﺍﻣﻴﺮ ﻳﺨﻠﻴﻬﻢ ... ﻻ ﻓﻲ ﺑﻴﺴﻲ ﻭ ﻻ ﻓﻲ ﺗﺎﺑﻼﺕ ... ﻭ ﻻ ﻓﻲ ﺧﺰﻧﺔ ... ﻳﺒﻘﺎﻭ ﻣﻌﺎﻩ ﻛﻬﻮ ... ﺑﺎﺵ ﻳﺘﻔﺎﺩﻯ ﺍﻱ ﺧﻄﺮ ﻳﻬﺪﺩﻭ ... ﺧﺎﺻﺔ ﻭ ﺍﻧﻮ ﻛﻞ ﻣﺮﺓ ﻳﺘﻌﺮﺽ ﻟﻠﻘﺮﺻﻨﺔ ... ﻋﺮﻓﺖ ﻫﺬﺍ ﺷﻲ ﻣﻦ ﻭﺭﺍ ﺧﺪﻣﺘﻲ ﻣﻌﺎﻩ ﻟﺴﻨﻴﻦ ... ﻭ ﺗﻮﺍ ﻟﺤﻖ ﺍﻟﻮﻗﺖ ﺑﺎﺵ ﻧﻠﻢ ﺍﻟﻤﻔﺎﺗﺢ ﺍﻟﺴﺒﻌﺔ ... ﺍﻟﻠﻲ ﻳﺨﻠﻮﻧﻲ ﻧﻮﺻﻞ ﻟﺮﺍﺱ ﺍﻟﻜﺒﻴﺮﺓ ﻓﻴﻬﻢ ... ﻭ ﻧﺴﻜﺮ ﻣﻬﻤﺔ ﺑﺪﺍﺕ ﻋﻨﺪﻫﺎ ﺳﻨﻴﻦ ... ﻭ ﺍﻟﻤﻔﺘﺎﺡ ﺍﻻﻭﻝ ﻫﻮ ﺍﻣﻴﺮ ﺍﻟﻌﺎﺑﺪ ... ﺍﻟﻤﻔﺘﺎﺡ ﻟﻲ ﺑﺎﺵ ﻳﻜﻮﻥ ﻓﻲ ﻳﺪ ﺳﻮﺍﺭ ... ﻧﻌﺮﻑ ﺍﻧﻮ ﻣﻜﺎﻧﺶ ﻻﺯﻡ ﻧﺴﻠﻢ ﺍﻟﻔﺮﺻﺔ ﻫﺎﺫﻱ ﻟﻴﻬﺎ ... ﺧﺎﺻﺔ ﻭ ﻫﻲ ﺟﺪﻳﺪﺓ ﻓﻲ ﺩﻭﻣﺎﻥ ... ﺍﻣﺎ ﻣﻜﺎﻧﺶ ﺣﻞ ﺍﺧﺮ ... ﺳﻮﺍﺭ ﻫﻲ ﺍﻟﻠﻐﺰ ﺍﻟﻮﺣﻴﺪ ... ﻟﺒﺎﺵ ﻳﺒﻘﻰ ﻣﻌﻠﻖ ﻓﻲ ﻋﻘﻮﻟﻬﻢ ... ﺍﻣﺎ ﺣﺪ ﻣﺎ ﻳﻨﺠﻢ ﻳﺤﻠﻮ ﻏﻴﺮﻱ ... ﺍﻧﺎ ﻛﻬﻮ ﻟﻲ ﻧﻔﺮﻕ ﺑﻴﻦ ﺳﻮﺍﺭ ﻭ ﺩﻧﻴﺰ
أنت تقرأ
🔥🔞"في أحضان عزرائيل"🔞🔥
Actionوينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
