🔥🔞"في أحضان عزرائيل"🔞🔥

الحلقة 32

ﺯﻳﺎﺩ : ﺍﺩﺧﻞ ﺗﻮ ﻧﺨﺎﻟﻂ ﻋﻠﻴﻚ
ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﻭ ﻗﺮﺑﺖ ﻣﻦ ﺍﻟﺒﻮﺗﻴﻚ ... ﺧﻄﻮﺓ ﻟﻘﺪﺍﻡ ﻭ ﻋﺸﺮﺓ ﻟﻮﺭﺍ ... ﺩﻭﺏ ﻣﺎ ﻃﻠﻌﺖ ﺩﺭﺟﺎﺕ ... ﻋﺮﺿﺘﻨﻲ ﻟﻲ ﺗﺨﺪﻡ ﻏﺎﺩﻱ ... ﻫﺰﺗﻨﻲ ﻣﻦ ﻓﻮﻕ ﻟﻠﻮﻃﺔ ﺗﺤﻜﻲ ﺑﺘﻤﻘﺼﻴﺺ
ﻫﻲ : ﻣﺪﻣﻮﺯﺍﻝ ﺑﺮﺍ ﻋﻠﻰ ﺭﻭﺣﻚ ... ﻏﺎﻟﻂ ﻓﻲ ﺍﻟﻌﻨﻮﺍﻥ ﺭﺍﻙ
ﻗﺤﺮﺗﻠﻬﺎ ... ﻭ ﻧﺰﻟﺖ ﺩﺭﺟﺔ ﻟﺘﺎﻟﻲ ... ﻋﻨﺪﻫﺎ ﺣﻖ ... ﺣﺎﻟﺘﻲ ﻣﺘﺴﻤﺤﺶ ﻧﺪﺧﻞ ﻟﺒﻼﻳﺺ ﻫﻜﺎ ... ﻗﺺ ﻋﻠﻴﻨﺎ ﺻﻮﺗﻮ ﻣﻦ ﺗﺎﻟﻲ ﻳﺤﻜﻲ
ﺯﻳﺎﺩ : ﻭ ﺷﻜﻮﻧﻚ ﺍﻧﺖ ﺑﺎﺵ ﺗﻘﺮﺭ
ﻫﻲ : ﺍﻩ ﻫﻲ ﻣﻌﺎﻙ
ﺯﻳﺎﺩ : ﻣﻌﺎﻳﺎ ﻭ ﻻ ﻣﺶ ﻣﻌﺎﻳﺎ ... ﺗﺸﺪ ﻓﻤﻚ ﻭ ﺗﻠﺘﺰﻡ ﺣﺪﻭﺩﻙ
ﻫﻲ : ﺱ ﺳﺎﻣﺤﻨﻲ ﻣﺴﻴﻮ
ﺯﻳﺎﺩ : ﺑﺮﺍ ﻋﺎﻭﻧﻬﺎ ﺗﺎﺧﻮ ﻟﻲ ﺗﺤﺐ ﻋﻠﻴﻪ
ﻫﻲ : ﺑﺎﻫﻲ ﺍﺗﻔﻀﻞ ﻣﺪﻣﻮﺯﺍﻝ
ﺗﺒﺴﻤﺖ ﻋﻠﻰ ﺟﻨﺐ ... ﺗﻲ ﻃﻠﻊ ﻛﻠﺸﻲ ﻳﻤﺸﻲ ﺑﺎﻟﻤﻈﺎﻫﺮ ... ﺣﺘﻰ ﺍﻟﺨﺪﺍﻣﻴﻦ ... ﻃﻠﻌﺖ ﻭﺭﺍﻫﺎ ... ﻭ ﻫﻮ ﻣﻌﺎﻧﺎ ... ﻗﻌﺪ ﻋﺎﻟﻔﻮﺗﺎﻱ ... ﻳﺸﻮﻑ ﻣﻌﺎﻳﺎ ... ﺟﺎﺕ ﻋﻴﻨﻲ ... ﻋﻠﻰ ﻟﻲ ﺭﻭﺏ ﻃﻮﺍﻝ ... ﻭ ﻓﻠﻮﺭﺍﺕ ... ﻣﺤﻼﻫﻢ ﻳﻬﺒﻠﻮ ... ﻗﺪﺍﺵ ﻛﻨﺖ ﻧﻌﺸﻘﻬﻢ ... ﻗﺪﺍﺵ ﻛﻨﺖ ﻧﺤﺐ ﻳﻜﻮﻥ ﻋﻨﺪﻱ ﻛﻴﻔﻬﻢ ... ﺗﻲ ﻛﻨﺖ ﻧﺘﻌﺪﺍ ﻣﻦ ﺑﻮﺗﻴﻜﺎﺕ ﻟﻲ ﻛﻴﻤﺎ ﻫﺬﻭﻣﺎ ﺑﺎﺵ ﻧﺸﻮﻓﻬﻢ ﻛﻬﻮ ... ﻗﺮﺑﺖ ﻣﻨﻲ ﺗﺤﻜﻲ
ﻫﻲ : ﺗﺤﺐ ﻣﻨﻬﻢ
ﻗﺺ ﻋﻠﻴﻨﺎ ﺻﻮﺗﻮ ﻣﻦ ﺍﻟﺒﻌﻴﺪ ﻳﺤﻜﻲ ... ﻋﺮﻓﺘﻮ ﻟﻜﺎﻥ ﻣﺮﻛﺰ ﻣﻌﺎﻧﺎ
ﺯﻳﺎﺩ : ﻻ ... ﺍﺧﺘﺎﺭﻟﻬﺎ ﺑﻤﻌﺮﻓﺘﻚ ... ﻧﻈﻦ ﻓﻬﻤﺖ ﻗﺼﺪﻱ
ﻫﻲ : ﺑﺎﻫﻲ ﻣﺴﻴﻮ
ﻏﺼﻴﺖ ... ﻛﻴﻒ ﺑﺎﺵ ﻧﺠﻢ ﻧﺘﺨﻠﻰ ﻋﻠﻰ ﻛﻠﺸﻲ ﻓﻲ ﻟﺤﻈﺔ ... ﺣﺘﻰ ﻣﻦ ﺳﺘﻴﻠﻲ ﺑﺎﺵ ﻳﺘﺒﺪﻝ ... ﺧﺬﻳﺖ ﻧﻔﺲ ﺑﺎﺵ ﻣﻨﺒﻜﻴﺶ ... ﻋﻄﻴﺘﻬﺎ ﻃﺎﻱ ﻣﺘﺎﻋﻲ ... ﻭ ﺑﻘﻴﺖ ﻧﺘﺒﻊ ﻓﻴﻬﺎ ... ﺍﺧﺘﺎﺭﺕ ﻛﺎﻥ ﺩﺑﺶ ﻗﺼﻴﺮ ... ﻭ ﺩﺑﺶ ﺳﺒﻮﺭ ... ﺣﺎﻭﻟﺘﻨﻲ ﻧﺠﺮﺑﻬﻢ ... ﻣﺤﺒﻴﺘﺶ ... ﺣﺘﻰ ﻣﻨﻮ ﻣﻘﺎﻝ ﺷﻲ ... ﺗﻲ ﻣﻨﻌﺮﻓﺶ ﻗﺪﺍﺵ ﺍﺧﺘﺎﺭﺕ ... ﺗﻲ ﺗﺤﺴﻬﺎ ﻓﺮﻏﺖ ﺍﻟﺒﻮﺗﻴﻚ ... ﺣﻄﺘﻬﻢ ﻓﻲ ﻛﻴﺎﺱ ... ﻭ ﻛﻠﻔﺖ ﺷﻜﻮﻥ ﻳﻨﺰﻟﻬﻢ ﻟﻠﻜﺮﻫﺒﺔ ... ﺧﻠﺼﻬﺎ ﻭ ﻫﻮ ﻳﻘﺤﺮﻟﻬﺎ ... ﻭ ﻧﺰﻝ ... ﺧﺎﻟﻄﺖ ﻋﻠﻴﻪ ﻣﻦ ﻏﻴﺮ ﺣﺘﻰ ﻛﻠﻤﺔ ... ﺍﻭﻝ ﻣﺎ ﻭﺻﻠﻨﺎ ﺗﻠﻔﺘﻠﻲ ﻳﺤﻜﻲ
ﺯﻳﺎﺩ : ﻫﺰ ﻟﻨﺠﻤﺖ ﻋﻠﻴﻪ ﻭ ﺗﻮ ﻧﻜﻤﻞ ﺍﻟﺒﺎﻗﻲ
ﺍﻧﺎ : ﺑﺎﻫﻲ
ﻧﺰﻟﺖ ﻣﻦ ﺍﻟﻜﺮﻫﺒﺔ ... ﻫﺰﻳﺖ ﻟﻨﺠﻤﺖ ﻋﻠﻴﻪ ... ﻭ ﺩﺧﻠﺖ ﻟﻠﺒﻨﺎﻳﺔ ... ﻛﻤﻞ ﻫﺰ ﺍﻟﺒﺎﻗﻲ ﻭ ﺧﺎﻟﻂ ﻋﻠﻴﺎ ... ﺩﻭﺏ ﻣﺎ ﺩﺧﻠﻨﺎ ﻟﺪﺍﺭ ... ﺣﻄﻬﻢ ﻣﻦ ﻳﺪﻭ ... ﻛﻤﻠﺖ ﺩﺧﻠﺘﻬﻢ ﻟﺒﻴﺘﻲ ... ﻭ ﻫﻮ ﺩﺧﻞ ﻟﻠﻜﻮﺟﻴﻨﺔ ... ﻧﺪﺭﺍ ﻓﺎﺵ ﻗﺎﻋﺪ ﻳﻌﻤﻞ ... ﻣﺤﺒﻴﺘﺶ ﻧﺨﺮﺝ ﻋﻠﻴﻪ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﻋﻤﻠﺖ ﺩﻭﺵ ... ﻓﺮﻛﺲ ﺩﺑﺶ ... ﺟﺒﺪﺕ ﻣﻨﻮ ﺑﻴﺠﺎﻣﺔ ﻃﻮﻳﻠﺔ ... ﻋﺎﻻﻗﻞ ﺣﻄﺖ ﺷﻲ ﻣﺴﺘﻮﺭ ... ﻟﺒﺴﺘﻬﺎ ﻭ ﻣﺸﻴﺖ ﻟﻠﻜﻮﺟﻴﻨﺔ ... ﻟﻘﻴﺖﻭ ﺩﻳﺠﺎ ﺣﻂ ﺍﻟﻤﺎﻛﻠﺔ ... ﺍﺳﺘﻐﺮﺑﺖ ... ﻋﻤﻠﻲ ﺟﺎﺳﺖ ﺑﻴﺪﻭ ﺑﺎﺵ ﻧﻘﻌﺪ ... ﻫﺰﻳﺖ ﺍﻟﻜﺮﺳﻲ ﻭ ﻗﻌﺪﺕ ... ﻧﺎﻛﻮﻝ ﻋﺎﻟﺴﺎﻛﺖ ﻭ ﻫﻮ ﺯﺍﺩﺓ ... ﺩﻭﺏ ﻣﺎ ﻛﻤﻞ ... ﻏﺰﺭﻟﻲ ﻳﺤﻜﻲ
ﺯﻳﺎﺩ : ﺧﺎﻟﻂ ﻋﻠﻴﺎ ﻟﺼﺎﻟﺔ
ﺍﻧﺎ : ﺑﺎﻫﻲ