ﻛﺒﺴﺖ ﺑﻴﺪﻳﺎ ... ﻋﻠﻰ ﺍﻟﻔﺮﺵ ... ﻭ ﺳﻜﺮﺕ ﻋﻴﻨﻴﺎ ﻧﺬﻛﺮ ﻓﻲ ﻛﻼﻣﻮ ﺍﻟﻠﻲ ﻗﺎﻟﻮ ﻓﻲ ﻭﺫﻧﻲ ﻭﻗﺖ ﺧﺬﺍ ﺣﺎﺟﺘﻮ ﻣﻨﻲ
ﻫﻮ : ﻫﺎﻙ ﻃﻠﻌﺖ ﻛﻌﺒﺔ ﻣﺶ ﻧﻮﺭﻣﺎﻝ ... ﺟﺪﻳﺪﺓ ﻭ ﻣﺰﻳﺎﻧﺔ ﻋﺎﻟﻠﺨﺮ ... ﺍﻣﺎ ﻟﻼﺳﻒ ﻣﻌﺎﺩﺵ ﺗﻨﻔﻌﻨﻲ ... ﻭ ﺑﺎﺵ ﻧﺮﺟﻌﻚ ﻣﻨﻴﻦ ﺟﻴﺖ ... ﻭ ﻫﺬﺍ ﺑﺎﺵ ﻳﺒﻘﻰ ﺳﺮﻙ ﺍﻟﺼﻐﻴﺮ ... ﻳﺎ ﺻﻐﺮﻭﻧﺔ ... ﺍﻩ ﻗﺼﺪﻱ ﻓﻀﻴﺤﺘﻚ ﺍﻟﺼﻐﻴﺮﺓ ... ﻫﻬﻬﻬﻪﻫﻪ
ﻫﺰﻳﺖ ﻳﺪﻳﺎ ﻣﻦ ﺍﻟﻔﺮﺵ ... ﺳﻜﺮﺕ ﻭﺫﻧﻴﺎ ... ﻣﺨﻴﺐ ﺿﺤﻜﺘﻮ ... ﻣﺨﻴﺐ ﺻﻮﺗﻮ ... ﻣﺨﻴﺒﻮ ... ﺷﻬﻘﺖ ﺑﺎﻟﺒﻜﺎ ... ﺻﻮﺗﻮ ﻣﻴﺤﺒﺶ ﻳﺘﻨﺤﺎ ﻣﻦ ﻭﺫﻧﻲ ... ﻛﻼﻣﻮ ﻣﻨﺠﻤﺘﺶ ﻧﻨﺴﺎﻩ ... ﺣﻔﻈﺘﻮ ﻛﻠﻤﺔ ﺑﻜﻠﻤﺔ ... ﺷﻬﻘﺖ ﺑﺎﻟﺒﻜﺎ ... ﺻﻮﺕ ﺍﻟﺒﻮﻟﺴﻴﺔ ﻧﺤﺴﻮ ﺑﻌﻴﺪ ﺑﺮﺷﺎ ﻗﺪﺍﻡ ﺻﻮﺗﻮ ﻟﻲ ﺩﺍﺧﻞ ﺭﺍﺳﻲ
ﻫﻲ : ﺣﺎﻭﻝ ﺗﺤﻜﻲ ... ﺣﺎﻭﻝ ﺗﺬﻛﺮ ... ﻧﻮﻋﺪﻙ ﺍﻭﻝ ﻣﺎ ﻧﻠﻘﺎﻭﻩ ﺑﺎﺵ ﻳﻮﻓﺎ ﺍﻟﻜﺎﺑﻮﺱ ﻣﺘﺎﻋﻚ ... ﻧﻮﻋﺪﻙ ﺑﺎﺵ ﻧﻌﻤﻠﻮ ﺍﻟﻤﺴﺘﺤﻴﻞ ﺑﺎﺵ ﻧﺎﺧﻮ ﺣﻘﻚ ﻣﻨﻮ ... ﺍﻧﺖ ﺑﺮﻙ ﺍﺣﻜﻲ ... ﻫﻴﺎ ﻋﺰﻳﺰﺗﻲ ... ﺍﺣﻜﻲ ﺷﻜﻮﻥ ... ﺷﻜﻮﻥ ﺍﻟﻜﻠﺐ ﻫﺬﺍ
ﻧﺴﻤﻊ ﻓﻴﻬﺎ ... ﻭﺩﻣﻮﻋﻲ ﻧﺎﺯﻟﺔ ... ﻧﻠﻮﺝ ﻋﻠﻰ ﺻﻮﺗﻲ ﺑﺎﺵ ﻧﺤﻜﻲ ... ﻧﺤﺐ ﻧﺤﻜﻲ ﻭ ﻧﺤﻜﻲ ﻭ ﻧﺤﻜﻲ ﻛﻠﺸﻲ ... ﻧﺤﺐ ﻧﻘﻠﻬﻢ ﻣﺸﻔﺘﻮﺵ ... ﺍﻣﺎ ﻣﻦ ﺭﻳﺤﺘﻮ ﻧﺠﻢ ﻧﻌﺮﻓﻮ ... ﻧﺤﺐ ﺷﻜﻮﻥ ﻳﺎﻗﻒ ﻣﻌﺎﻳﺎ ... ﻭ ﻳﺠﻴﺒﻠﻲ ﺣﻘﻲ ... ﺧﺬﻳﺖ ﻧﻔﺲ ﺑﺎﻟﺴﻴﻒ ... ﻧﺨﺮﺝ ﻓﻲ ﺍﻟﺤﺮﻭﻑ ﻣﻦ ﻓﻤﻲ ... ﺑﺎﻟﺴﻴﻒ
ﺍﻧﺎ : ﺍ ﺍ ﺍ ﺍﻧﺎ
ﻗﺺ ﻋﻠﻴﻨﺎ ﺍﻟﺒﺎﺏ ﻛﻲ ﻓﺘﺢ ﺑﻘﻮﺓ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻊ ﺑﺎﺑﺎ ... ﻛﻲ ﻫﺪ ﻋﻠﻴﻨﺎ ... ﻣﺖ ﺍﻟﻒ ﻣﻮﺗﺔ ﻭ ﻣﻮﺗﺔ ... ﻗﺮﺏ ﻣﻨﻲ .. ﺑﺴﺮﻋﺔ ... ﺷﺪﻧﻲ ﻣﻦ ﻛﺘﺎﻓﻲ ... ﻳﻬﺰ ﻓﻴﺎ ﻭ ﻳﺼﻴﺢ ﺑﻜﻞ ﺻﻮﺗﻮ
ﺑﺎﺑﺎ : ﻋﻼﺍﺍﺍﺷﺸﺶ ﺳﻮﻭﻭﺍﺭ ﻋﻼﺍﺍﺍﺵ ﻋﻤﻠﺖ ﻫﻜﺎ ... ﻋﻼﺍﺍﺍﺵ ﺷﻨﻮﺓ ﻋﻤﻠﻨﺎﻟﻚ ﺍﺣﻨﺎ ... ﺷﻜﻮﻥ ﻫﺬﺍ ﺍﺣﻜﻲ ﺣﻞ ﻓﻤﻚ ... ﺷﻜﻮﻥ ﻫﺬﺍ ﺍﻟﻠﻲ ﻋﻤﻞ ﻓﻴﻚ ﻫﻜﺎ ... ﺷﻜﻮﻥ ﻟﻲ ﺳﻤﺤﺘﻠﻮ ﻳﻌﻤﻞ ﻓﻴﻚ ﻫﻜﺎ ﻭ ﻟﻮﺣﻚ ﻛﻲ ﺍﻟﻜﻠﺒﺔ ... ﻣﻴﻜﻮﻧﺶ ﻛﻠﺐ ﻣﻦ ﺍﻟﻜﻼﺏ ﻟﻲ ﻳﻘﺮﺍﻭ ﻣﻌﺎﻙ ... ﺍﺣﻜﻜﻜﻜﻲ ﺷﻜﻮﻭﻥ
ﻣﻨﺠﻤﺘﺶ ﻧﺮﺟﻊ ﻋﻠﻴﻪ ... ﻛﺎﻥ ﺩﻣﻮﻋﻲ ﻧﺎﺯﻟﻴﻦ ... ﻧﺒﻜﻲ ﺑﺎﻟﺸﻬﻘﺔ ... ﺧﺘﻢ ﻛﻼﻣﻮ ... ﺑﻜﻒ ﻋﻠﻰ ﻭﺟﻬﻲ ... ﻗﺮﺏ ﻣﻨﻮ ﺍﻟﺒﻮﻟﻴﺴﻲ ... ﺷﺪﻭ ﻭ ﺑﻌﺪﻭ ﻋﻠﻴﺎ ﻳﺤﻜﻲ
ﻫﻮ : ﻣﺴﻴﻮ ﺍﻣﺎﻥ ﺍﻫﺪﺍ ... ﺑﻨﺘﻚ ﺗﻌﺮﺿﺖ ﻟﺤﺎﻟﺔ ﺍﻏﺘﺼﺎﺏ
ﺑﺎﺑﺎ : ﺍﻏﺘﺼﺎﺏ ... ﻱﺍ ﺳﻮﺍﺭ ﻗﺪﺍﺵ ﻣﻦ ﻣﺮﺓ ﻗﺘﻠﻠﻚ ﻓﻚ ﻋﻠﻴﻚ ﻣﻦ ﺍﻟﻘﺮﺍﻳﺔ ... ﺍﻣﺎ ﺍﻧﺖ ﺭﻛﺒﺘﻬﺎ ﻓﻲ ﻣﺨﻚ ... ﻭ ﻋﻤﻠﺖ ﺭﺍﻳﻚ ﻭ ﺍﺧﺮﺗﻬﺎ ﺍﻏﺘﺼﺎﺏ ... ﻧﺪﺭﺍ ﺷﻜﻮﻥ ﻣﻦ ﺍﻟﻜﻼﺏ ﻟﻲ ﺗﻌﺮﻓﻬﻢ ﺧﺬﺍ ﺣﺎﺟﺘﻮ ﻣﻨﻚ ﻭ ﺭﻣﺎﻙ ... ﻭﺍﻟﻠﻪ ﻳﺎ ﺳﻮﺍﺭ ﻣﻮﺗﻚ ﻋﻠﻰ ﻳﺪﻱ ﺍﻧﺎ ﺍﻟﻠﻲ ﻧﻘﺘﻠﻚ ... ﻭ ﻭ ﻧﻐﺴﻞ ﺷﺮﻓﻲ ﺑﻴﺪﻱ
ﻫﺰﻳﺖ ﻳﺪﻳﺎ ﺳﻜﺮﺕ ﻭﺫﻧﻴﺎ ... ﻣﻨﺤﺒﺶ ﻧﺴﻤﻊ ﺍﻟﻜﻼﻡ ﻫﺬﺍ ... ﺩﻣﻮﻋﻲ ﻗﻮﺍﺕ ... ﺷﻬﻘﺎﺗﻲ ﺭﺟﻌﺖ ﺗﺨﺮﺝ ﺑﺼﻮﺕ ... ﻓﺘﺤﺖ ﻋﻴﻨﻴﺎ ﻧﺸﻮﻑ ﻣﻊ ﺍﻣﻲ ﻭ ﻋﻤﺎﺩ ... ﻣﺤﻀﻨﺎﺗﻮ ﻣﻦ ﺗﺎﻟﻲ ... ﻳﺒﻜﻮ ﺯﻭﺯ ﻭ ﻳﺸﻮﻓﻮ ﻣﻌﺎﻳﺎ ... ﻗﺪﺍﺵ ﺗﻤﻨﻴﺖ ﺍﻧﻲ ﻧﺤﻀﻦ ﺍﻣﻲ ﻭﻗﺘﻬﺎ ... ﻧﺤﻀﻨﻬﺎ ﻭ ﻧﻨﺴﻰ ﻛﻠﺸﻲ ... ﺍﻣﺎ ﺑﺎﺑﺎ ﻛﺎﻥ ﻛﻲ ﺍﻟﺤﺎﺟﺰ ﺑﻴﻨﺎ ... ﻛﺒﺴﺖ ﻋﻠﻰ ﻭﺫﻧﻴﺎ ﺍﻛﺜﺮ ... ﻧﺤﺲ ﻓﻲ ﺭﻭﺣﻲ ﺑﺎﺵ ﻧﻬﺒﻞ ... ﺭﻳﻘﻲ ﺷﺎﺡ ... ﺩﻣﻮﻋﻲ ﺣﺮﻗﺘﻨﻲ ﻣﻦ ﺍﻟﺒﻜﺎ ... ﻧﺸﻮﻑ ﻓﻲ ﺍﻟﻤﺮﺍ ﻗﺮﺑﺖ ﻣﻨﻲ ... ﺗﺤﻜﻲ
ﻫﻲ : ﺳﻮﺍﺍﺭ ﻋﺰﻳﺰﺗﻲ ﺍﻫﺪﺍ
ﺑﺎﺑﺎ : ﺑﺎﺵ ﻧﻘﺘﻠﻚ ... ﺗﻔﻬﻢ ﺷﻤﻌﻨﻰ ﻧﻘﺘﻠﻚ
أنت تقرأ
🔥🔞"في أحضان عزرائيل"🔞🔥
حركة (أكشن)وينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
