ﺣﻠﻴﺖ ﻋﻴﻨﻴﺎ ﺑﺎﻟﺴﻴﻒ ... ﻫﺰﻳﺖ ﺭﻭﺣﻲ ﺗﻘﻌﺪﺕ ... ﺣﻄﻮ ﻓﻲ ﻳﺪﻱ ... ﺩﻭﺏ ﻣﺎ ﺷﺪﻳﺘﻮ ﻋﻠﻴﻪ ... ﻏﻄﺴﺖ ﻓﻴﻪ ﻧﺎﻛﻮﻝ ﻭ ﻧﺘﺒﻨﻦ .. ﻛﺎﻧﻮ ﻋﻨﺪﻱ ﻋﺎﻡ ﻣﻜﻠﻴﺘﺶ ... ﺗﻲ ﺣﺘﻰ ﻣﻨﻮ .. ﻧﺴﻴﺖ ﺟﻤﻠﺔ ﻟﻬﻮ ﻗﺎﻋﺪ ﻗﺪﺍﻣﻲ ... ﻫﺰﻳﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﻗﺎﻋﺪ ﻋﻠﻰ ﺣﺮﻑ ﺍﻟﻄﺎﻭﻟﺔ ﻳﺸﻮﻑ ﻣﻌﺎﻳﺎ ... ﻫﺰﻳﺖ ﻳﺪﻱ ﺑﻌﺪﺕ ﺷﻌﺮﻱ ... ﺣﺴﻴﺖ ﺭﻭﺣﻲ ﺭﺟﻌﺖ ... ﻭ ﺗﻔﺮﻫﺪﺕ ﺑﻌﺪ ﻣﺎ ﻛﻠﻴﺖ ... ﺗﻜﻴﺖ ﻟﺘﺎﻟﻲ ... ﻭ ﺛﻨﻴﺖ ﺳﺎﻗﻲ ... ﻧﺸﻮﻑ ﻣﻌﺎﻩ ﻧﺰﻝ ﺭﺍﺳﻮ ﻫﺰﻧﻲ ﻭ ﺣﻄﻨﻲ ... ﻧﺰﻟﺖ ﺭﺍﺳﻲ ﻧﺸﻮﻑ ﻣﻊ ﺭﻭﺏ ﻣﺘﺎﻋﻲ ﻃﻠﻌﺖ ﻋﺎﻟﻠﺨﺮ ... ﻭﺟﻬﻲ ﺣﻤﺎﺭ ﺑﺎﻟﻮﻗﺖ ... ﻫﺰﻳﺖ ﻳﺪﻱ ﻧﺰﻟﺘﻬﺎ ... ﻃﻠﻊ ﺭﺍﺳﻮ ﻏﺰﺭﻟﻲ ﻳﺤﻜﻲ ﺯﻳﺎﺩ : ﻛﻴﻒ ﺗﺤﺲ ﻓﻲ ﺭﻭﺣﻚ ﺗﻮﺍ ﺍﻧﺎ : ﻟﺒﺎﺱ ﻣﺮﺳﻲ ﺯﻳﺎﺩ : ﺑﺮﺍ ﺍﻃﻠﻊ ﻟﺒﻴﺘﻚ ﻣﻼ ﺍﻧﺎ : ﺑﺎﻫﻲ ﻫﺰﻳﺖ ﺭﻭﺣﻲ ﻭﻗﻔﺖ ... ﻣﺸﻴﺖ ﺧﻄﻮﺗﻴﻦ ... ﻭﻭﻗﻔﺖ ... ﻣﺰﻟﺖ ﻣﺮﻫﻮﺟﺔ ... ﻭ ﺭﺍﺳﻲ ﻳﻮﺟﻊ ... ﻭﺧﺮﺕ ﺧﻄﻮﺓ ﻟﺘﺎﻟﻲ ... ﺿﺮﺑﺖ ﻓﻴﻪ ... ﻟﺤﻖ ﻳﺎﻗﻒ ﻭﺭﺍﻳﺎ ... ﻫﺰ ﻳﺪﻭ ﺣﻄﻬﺎ ﻋﻠﻰ ﻛﺮﺷﻲ ... ﺑﺪﻧﻲ ﺭﻋﺶ ﺑﺎﻟﻮﻗﺖ ... ﻧﺴﻤﻊ ﻓﻲ ﻳﺤﻜﻲ ﺯﻳﺎﺩ : ﻣﺶ ﻋﻠﻰ ﺍﺳﺎﺱ ﺍﺭﺗﺤﺖ ﺍﻧﺎ : ﺍﻩ ﺍﻳﻪ ﺍﺭﺗﺤﺖ ﻟﺒﺎﺱ ﻧﺤﺲ ﻓﻲ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻳﺎﺧﻲ ﺷﺼﺎﻳﺮ ﺍﻟﻴﻮﻡ ... ﺷﺒﻴﻨﻲ ﻗﺎﻋﺪﺓ ﻧﺤﺲ ﻫﻜﺎ ... ﺑﺎﺯ ﻫﻮ ﻳﺘﺼﺮﻑ ﻋﻠﻰ ﻃﺒﻴﻌﺘﻮ ... ﺷﺒﻴﻨﻲ ﻣﻜﺒﺮﺓ ﺍﻟﺤﻜﺎﻳﺔ ... ﺟﺒﺪﺕ ﺭﻭﺣﻲ ﺷﻮﻳﺔ ... ﺗﻠﻔﺖ ﻋﻨﺪﻭ ﻧﺸﻮﻑ ﻣﻌﺎﻩ ... ﺑﻘﺎ ﻳﺪﻭﺭ ﻓﻲ ﻋﻴﻨﻴﻪ ﻋﻠﻰ ﻭﺟﻬﻲ ... ﻣﻼﻣﺤﻮ ﺑﺎﺭﺩﺓ ﻋﺎﻟﻠﺨﺮ ... ﻣﺘﻨﺠﻢ ﺗﻌﺮﻑ ﻣﻨﻬﺎ ﺷﻲ ... ﻭ ﻻ ﻓﻲ ﺷﻨﻮﺓ ﻳﺨﻤﻢ ... ﻋﻠﻰ ﻫﺬﺍﻛﺎ ﻣﻼﺯﻣﺶ ... ﻧﻀﻌﻒ ﻗﺪﺍﻣﻮ ﺑﺮﺷﺎ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻰ ﺷﻌﺮﻱ ﻧﺤﻜﻲ ﺍﻧﺎ : ﻟﺒﺎﺱ ﻣﻠﻴﺤﺔ ﺍﻧﺎ ... ﻫﺎﻧﻲ ﺑﺎﺵ ﻧﻄﻠﻊ ﻧﺮﺗﺎﺡ ... ﻣﺮﺳﻲ ﺑﺮﺷﺎ ﻣﺮﺟﻌﻠﻴﺶ ... ﻧﺰﻟﺖ ﻳﺪﻳﺎ ... ﺷﺒﻜﺘﻬﻢ ﻣﻊ ﺑﻌﺾ ﻭ ﻛﻤﻠﺖ ﻧﺤﻜﻲ ﺍﻧﺎ : ﺑﻮﻧﻮﻱ ﺗﻠﻔﺖ ﻋﻄﻴﺘﻮ ﺑﻈﻬﺮﻱ ... ﻭ ﺧﺮﺟﺖ ﻣﻦ ﺻﺎﻟﺔ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻟﺪﺭﺟﺔ ﻧﺤﺴﻮ ﺑﺎﺵ ﻳﺨﺮﺝ ... ﻣﻨﻌﺮﻓﺶ ﻛﻴﻒ ﻭﺻﻠﺖ ﻟﺒﻴﺘﻲ ... ﺗﺮﻣﻴﺖ ﻋﺎﻟﺴﺮﻳﺮ ... ﻧﺸﻮﻑ ﻣﻊ ﺍﻟﺴﻘﻒ ... ﺻﻮﺭﺗﻮ ﺑﻴﻦ ﻋﻴﻨﻴﺎ ... ﻫﺰﻳﺖ ﻳﺪﻱ ﻗﺮﺑﺘﻬﺎ ﻣﻨﻲ ... ﻧﺸﻮﻑ ﻣﻊ ﺗﺎﺗﻮ ... ﻋﺪﻳﺖ ﺻﻮﺍﺑﻌﻲ ﻋﻠﻴﻪ ... ﻣﻦ ﺍﻟﻌﻼﻣﺔ ﺍﻟﻜﻞ ﻓﻬﻤﺖ ﻛﺎﻥ ﺣﺮﻑ D ﻟﻲ ﺗﻮﺍ ﻋﺮﻓﺖ ﻣﻌﻨﺎﻫﺎ ...devil ﺍﻭﻝ ﻣﺮﺓ ﻧﺮﻛﺰ ﻣﻊ ﺗﺎﺗﻮ ﻫﺬﺍ ﻟﻬﺪﺭﺟﺔ ... ﺣﺴﻴﺘﻮ ﻳﺎﺳﺮ ﻣﺨﺘﻠﻒ ﻭ ﺍﻭﻝ ﻣﺮﺓ ﻧﺸﻮﻑ ﻛﻴﻔﻮ ... ﻟﺘﻮﺍ ﻣﻨﻌﺮﻓﺶ ﺳﺮ ﻭﺭﺍﻩ ... ﺍﻣﺎ ﻣﺘﺄﻛﺪﺓ ... ﺍﻧﻮ ﻓﻤﺎ ﺷﻲ ﻛﺒﻴﺮ ﻣﺨﺒﻲ ... ﺗﺎﺗﻮ ﻫﺬﺍ ﻋﻨﺪﻭ ﻣﻌﻨﻰ ... ﻭ ﺑﺎﺵ ﺗﻈﻬﺮ ﻓﻲ ﺗﺎﻟﻲ ... ﺭﻣﻴﺖ ﻳﺪﻱ ﻃﻔﻴﺖ ﺿﻮ ﻓﻲ ﺍﻟﻔﻴﻮﺯ ... ﺳﻜﺮﺕ ﻋﻴﻨﻴﺎ ... ﺑﺎﻗﻲ ﻗﻠﺒﻲ ﻳﺪﻕ ﺑﺎﻟﻘﺎﻭﻱ .. ﻣﺰﻟﺖ ﻧﺤﺲ ﺑﻘﺮﺑﻮ ... ﻣﺰﺍﻟﺖ ﺭﻳﺤﺘﻮ ﻓﻲ ﺧﺸﻤﻲ ... ﺍﺣﺴﻦ ﺷﻲ ﻣﻘﺎﺑﻠﺘﻬﺎﺵ ﺗﻮﺍ ... ﺧﺎﻃﺮ ﻣﻌﻨﻴﺪﺵ ﺧﻠﻖ ... ﺑﺎﺵ ﻧﻮﺍﺟﻬﺎ ﻭ ﻧﺤﻜﻲ ﻣﻌﺎﻫﺎ ... ﺑﺎﺯ ﻗﺎﻋﺪﺓ ﺗﺴﺘﻨﺎ ﻓﻴﻪ ﻓﻲ ﺑﻴﺘﻮ ... ﻛﺒﺴﺖ ﺑﻴﺪﻱ ﻋﺎﻟﻤﺨﺪﺓ ﻏﻤﻴﺖ ﻋﻠﻰ ﺭﺍﺳﻲ ... ﻭ ﻏﻄﺴﺖ ﻓﻲ ﻧﻮﻡ ... ﺑﻌﺪ ﺗﻌﺐ ﺍﻟﻴﻮﻡ ﻣﻨﻌﺮﻓﺶ ﻛﻴﻒ ﺑﺎﺵ ﻧﻔﻴﻖ ﺻﺒﺎﺡ ... ﻭ ﻻ ﻛﻴﻒ ﻧﻮﺍﺟﻬﻮ ﻭ ﻧﻄﻠﻊ ﻓﻲ ﻭﺟﻬﻮ ﺑﻌﺪ ﺍﻟﻠﻲ ﺻﺎﺭ ﺍﻟﻴﻮﻡ
أنت تقرأ
🔥🔞"في أحضان عزرائيل"🔞🔥
Actionوينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
