ﻧﺰﻝ ﻳﺪﻳﻪ ... ﻳﻔﺮﻛﺲ ﻋﻠﻰ ﺳﺘﻴﻠﻮ ﻓﻲ ﺍﻟﻔﺎﺳﺖ ﻣﺘﺎﻋﻮ ... ﺟﺒﺪﻭ ﻭ ﻗﻌﺪ ﻋﺎﻟﻔﻮﺗﺎﻱ ... ﻳﻮﻗﻊ ﻓﻴﻬﻢ ﻭ ﻳﺤﻜﻲ ﻫﻮ : ﺻﺪﻗﻨﻲ ﺑﺎﺵ ﺗﻨﺪﻡ ... ﺑﺎﺵ ﺗﺨﻠﺺ ﻟﻲ ﻋﻤﻠﺘﻮ ﺩﻭﺑﻞ ... ﻭ ﻣﺶ ﺑﺎﺵ ﻧﻌﺪﻳﻬﺎﻟﻚ ... ﺍﻻ ﻣﺎ ﻧﺨﻠﻴﻚ ﺗﺬﻭﻕ ﻟﺤﺒﻮﺱ ﻭ ﺗﺘﻤﺮﻣﺪ ﻓﻴﻬﻢ ﻧﺰﻟﺖ ﻓﻜﻴﺖ ﺍﻟﻮﺭﻕ ﻣﻦ ﻳﺪﻭ ... ﺗﻔﺤﺼﺘﻬﻢ ... ﺗﺒﺴﻤﺖ ﻧﺤﻜﻲ ﺍﻧﺎ : ﺑﺎﻫﻲ ﺑﺮﺍ ﺧﺒﺮﻫﻢ ... ﻭ ﻛﺎﻥ ﻛﻨﺖ ﻗﺪﻫﺎ ﻧﺘﻠﻘﺎﻭ ﻓﻲ ﺍﻟﻤﺤﻜﻤﺔ ﺗﻠﻔﺖ ﺑﺎﺵ ﻧﻤﺸﻲ ... ﺭﺟﻌﺖ ﻭﻗﻔﺖ ... ﻭ ﺗﻠﻔﺘﺘﻠﻮ ... ﻫﺰﻳﺖ ﺳﻼﺡ ﻓﻲ ﻭﺟﻬﻮ ... ﻧﺤﻜﻲ ﺑﻴﻪ ﺍﻧﺎ : ﺍﻩ ﻣﺘﻨﺴﺎﺵ ﺧﺒﺮﻫﻢ ﻟﻬﻲ ﺗﺤﺖ ﺣﻤﺎﻳﺔ ﺍﻟﺸﻴﻄﺎﻥ ... ﺷﻮﻑ ﻭﻗﺘﻬﺎ ﺷﻜﻮﻥ ﺑﺎﺵ ﻳﺸﺪ ﺍﻟﺤﺒﺲ ﺗﺒﺴﻤﺖ ﺑﺎﺳﺘﻬﺰﺍﺀ ... ﻫﺰﻳﺖﻭ ﻭ ﺣﻄﻴﺘﻮ ... ﺧﻠﻴﺘﻮ ﻣﺒﻬﻢ ... ﺟﺎﻣﺪ ﻓﻲ ﺑﻼﺻﺘﻮ ... ﻭ ﺧﺮﺟﺖ ﻣﻦ ﺻﺎﻟﺔ ... ﻧﻌﺮﻑ ﻟﻬﻮ ﻣﺴﺘﺤﻴﻞ ﻳﻤﺸﻲ ﻟﻠﺸﺮﻃﺔ ... ﺧﺎﻃﺮ ﻋﻨﺪﻭ ﺳﻮﺍﺑﻖ ﻣﻦ ﻗﺒﻞ ... ﻭ ﺑﺎﺵ ﻳﻮﺣﻞ ﺭﻭﺣﻮ ﺍﻛﺜﺮ ... ﺍﺻﻼ ﻣﻨﻌﺮﻓﺶ ﻋﻼﺵ ﻗﻠﺖ ﻛﻠﻤﺔ ﺍﻟﺸﻴﻄﺎﻥ ﺑﺎﻟﻈﺒﻂ ... ﻳﻤﻜﻦ ﺧﺎﻃﺮ ﺗﺎﺗﻮ ﻟﻲ ﻓﻲ ﻳﺪﻱ ﻋﻨﺪﻭ ﻧﻔﺲ ﺍﻟﻤﻌﻨﻰ ... ﻭ ﺍﻧﻮ ﺍﻧﺎ ﺯﺍﺩﺓ ﺑﺎﺵ ﻧﻜﻮﻥ ﺟﺰﺀ ﻣﻦ ﺍﻟﺸﻴﻄﺎﻥ ﻧﻔﺴﻮ ... ﺧﺬﻳﺖ ﻧﻔﺲ ﺑﺎﻟﻘﺎﻭﻱ ... ﺷﻔﺖ ﻋﻤﺎﺩ ﺧﺎﺭﺝ ﻣﻦ ﺍﻟﺒﻴﺖ ... ﺧﺒﻴﺖ ﺍﻟﺴﻼﺡ ﺑﺎﻟﺰﺭﺑﺔ ... ﻣﻨﺤﺒﺶ ﻧﻔﺠﻌﻮ ﺍﻛﺜﺮ ... ﺷﻔﺘﻮ ﻫﺎﺯ ﺳﻜﺎﺩﻭ ﻣﺘﺎﻋﻮ ﻋﻠﻰ ﻇﻬﺮﻭ ... ﻭ ﺗﺼﻮﻳﺮﺓ ﺍﻣﻲ ﻓﻲ ﻳﺪﻭ ... ﺩﻣﻮﻋﻮ ﺑﻴﻦ ﻋﻴﻨﻴﻪ ... ﻗﺮﺑﺖ ﻣﻨﻮ ﺍﻛﺜﺮ ﺣﻀﻨﺘﻮ ﻧﺤﻜﻲ ﺍﻧﺎ : ﺷﺸﺶ ﻳﺰﻱ ... ﻧﻮﻋﺪﻙ ﻣﻌﺎﺩ ﺣﺘﻰ ﺣﺪ ﻳﻘﺮﺏ ﻣﻨﻚ ﻭ ﻻ ﻳﻬﺰ ﻳﺪﻭ ﻓﻲ ﻭﺟﻬﻚ ﻋﻤﺎﺩ : ﻳﺎﺧﻲ ﺑﺎﺵ ﻧﻤﺸﻲ ﻣﻌﺎﻙ ﺍﻧﺎ : ﻣﻤﻢ ﺑﺎﺵ ﻧﻤﺸﻮ ﻣﻨﺎ ... ﻣﻌﺎﺩ ﻋﻨﺪﻧﺎ ﺣﺘﻰ ﺣﺪ ﻫﻮﻧﻲ ﻋﻤﺎﺩ : ﺑﺎﻫﻲ ﺟﺒﺪﺗﻮ ﻣﻨﻲ ... ﻫﺰﻳﺖ ﻳﺪﻳﺎ ﻋﺪﻳﺘﻬﻢ ﻋﻠﻰ ﻭﺟﻬﻮ ﻧﺤﻜﻲ ﺍﻧﺎ : ﻟﺤﻈﺔ ﻛﻬﻮ ﻭ ﻧﻤﺸﻮ ﻫﺰﻟﻲ ﺑﺮﺍﺳﻮ ﺑﺎﻫﻲ ... ﺟﺒﺪﺕ ﺭﻭﺣﻲ ﻣﻨﻮ ... ﻗﺮﺑﺖ ﻣﻦ ﺑﻴﺘﻲ .. ﺣﻄﻴﺖ ﻳﺪﻱ ﻋﺎﻟﺒﻮﺍﻧﻲ ﺣﻠﻴﺘﻬﺎ ... ﺳﻜﺮﺕ ﻋﻴﻨﻴﺎ ﻭﺭﺟﻌﺖ ﻓﺘﺤﺘﻬﻢ ... ﻣﺰﺍﻟﺖ ﻛﻴﻤﺎ ﺧﻠﻴﺘﻬﺎ ... ﺗﺒﺴﻤﺖ ﺑﻮﺟﻴﻌﺔ ... ﻭ ﺩﺧﻠﺖ ... ﻗﺮﺑﺖ ﻣﻦ ﺍﻟﺒﻴﺮﻭ ﻣﺘﺎﻋﻲ ... ﻋﺪﻳﺖ ﻳﺪﻱ ﻋﻠﻴﻪ ... ﻭ ﺍﻧﺎ ﻧﺬﻛﺮ ﻛﻴﻒ ﻧﺒﺪﺍ ﻧﺮﻳﻔﻴﺰﻱ ﻭ ﺍﻣﻲ ﺗﺠﻴﺒﻠﻲ ﻛﺎﺳﺔ ﻟﺤﻠﻴﺐ ﺑﺎﺵ ﺗﻘﻮﻳﻨﻲ ... ﺧﺬﻳﺖ ﻧﻔﺲ ﺑﺎﺵ ﻣﻨﺒﻜﻴﺶ ... ﻧﺰﻟﺖ ﺑﻴﺪﻱ ... ﺣﺒﻴﺖ ﺍﻟﻘﺠﺮ ... ﺟﺒﺪﺕ ﻣﻨﻮ ﺍﻟﺒﻮﻣﻲ ﺍﻟﺼﻐﻴﺮ ... ﻛﺒﺴﺖ ﻋﻠﻴﻪ ﻓﻲ ﻳﺪﻱ ... ﻭ ﺷﺮﻛﺔ ﻓﻀﺔ ﻋﻨﺪﻫﺎ ﺳﻨﻴﻦ ... ﺳﻜﺮﺗﻮ ... ﻋﺪﻳﺖ ﻋﻴﻨﻴﺎ ﻋﺎﻟﺒﻴﺖ ﻻﺧﺮ ﻣﺮﺓ ... ﻭﺧﺮﺟﺖ ﻣﻨﻬﺎ ... ﻗﺮﺑﺖ ﻣﻦ ﻋﻤﺎﺩ ... ﺷﺪﻳﺘﻮ ﻣﻦ ﻳﺪﻭ ... ﻛﺒﺴﺖ ﻋﻼﻫﺎ ... ﺗﺒﺴﻤﺘﻠﻮ ... ﻭ ﻫﺰﻳﺘﻠﻮ ﺑﺮﺍﺳﻲ ﺑﺎﺵ ﻧﻤﺸﻮ ... ﻧﺰﻟﺖ ﻣﻌﺎﻩ ... ﺣﺴﻴﺖ ﺑﻴﻪ ﻗﺪﺍﺵ ﻓﺮﺡ ... ﺣﺴﻴﺘﻮ ﻗﺪﺍﺵ ﻛﺎﻥ ﺑﺤﺎﺟﺘﻲ ... ﺩﻭﺏ ﻣﺎ ﻭﺻﻠﻨﺎ ﻟﻮﻃﺔ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ .. ﺗﺒﺴﻤﺘﻠﻮ ﻧﻬﺪﻱ ﻓﻴﻪ ... ﺧﺬﻳﺖ ﻧﻔﺲ ... ﻛﻞ ﻣﺮﺓ ﻧﻘﺮﺏ ﻣﻦ ﺯﻳﺎﺩ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻣﻨﻌﺮﻑﺵ ﺷﻨﻮﺓ ﺑﺎﺵ ﻧﻘﻠﻮ ... ﺍﺻﻼ ﻣﻨﻌﺮﻓﺶ ﻭﻳﻦ ﺑﺎﺵ ﻧﻬﺰ ﻋﻤﺎﺩ ﺗﻮﺍ ... ﺧﺎﻃﺮ ﻣﺴﺘﺤﻴﻞ ﻧﺠﻢ ﻧﺨﻠﻴﻪ ... ﻭ ﺍﻻ ﺑﺎﺯ ﺑﺎﺵ ﻳﺒﻌﺪﻭ ﻋﻠﻴﺎ ... ﺍﻭﻝ ﻣﺎ ﻭﺻﻠﺖ ﻟﻜﺮﻫﺒﺘﻮ ... ﻧﺰﻝ ﻗﺒﻞ ﻣﺎ ﻧﻮﺻﻞ ﻟﻴﻪ ... ﻛﺒﺴﺖ ﻋﻠﻰ ﻋﻤﺎﺩ ﺍﻛﺜﺮ ... ﻣﻌﻨﺪﻳﺶ ﺣﻞ ﺍﺧﺮ ﻛﺎﻥ ﻻﺯﻡ ﻧﺠﻴﺒﻮ ﻣﻌﺎﻳﺎ ﻭ ﻻ ﺑﺎﺵ ﻧﺨﺴﺮﻭ ﺟﻤﻠﺔ ... ﻭﺻﻠﺖ ﻋﻨﺪﻭ ﻭﻗﻔﺖ ﻣﻘﺎﺑﻼﺗﻮ ... ﻏﺰﺭﻝﻱ ﻋﻤﺎﺩ ﻳﺤﻜﻲ ﻋﻤﺎﺩ : ﺳﻮﺍﺍﺭ ﻋﻼﺵ ﻭﻗﻔﺖ ... ﺷﻜﻮﻥ ﻫﺬﺍ ﻫﺰﻳﺖ ﺭﺍﺳﻲ ﻏﺰﺭﺕ ﻟﺰﻳﺎﺩ .. ﻟﻘﻴﺘﻮ ﻳﻘﺤﺮﻟﻲ ... ﻫﺰﻳﺘﻠﻮ ﺑﻜﺘﺎﻓﻲ ... ﻭ ﻏﺰﺭﺗﻠﻮ ﻓﻲ ﻋﻴﻨﻴﻪ ... ﻭ ﻫﺰﻳﺖ ﻳﺪﻱ ﺩﻭﺭﺗﻬﺎ ﻋﻠﻰ ﻋﻤﺎﺩ ﻧﺤﻜﻲ ﺍﻧﺎ : ﻻﺯﻡ ﻧﺤﻜﻮ ﺯﻳﺎﺩ : ﻋﻤﺎﺩ ﺷﺮﺍﻳﻚ ﺗﺮﻛﺐ ﻓﻲ ﺍﻟﻜﺮﻫﺒﺔ ﺗﻮﺍ ﻛﺒﺲ ﻋﻠﻴﺎ ﺍﻛﺜﺮ ... ﻭ ﻫﺰ ﺭﺍﺳﻮ ﻏﺰﺭﻟﻲ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻰ ﺷﻌﺮﻭ ﻣﻦ ﺗﺎﻟﻲ ... ﺗﺒﺴﻤﺘﻠﻮ ﻭ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﺟﺒﺪ ﻳﺪﻭ ﻣﻨﻲ ... ﻭ ﻃﻠﻊ ﻓﻲ ﺍﻟﻜﺮﻫﺒﺔ ... ﺧﺬﻳﺖ ﻧﻔﺲ ﻭ ﻏﺰﺭﺕ ﻟﺰﻳﺎﺩ ﻧﺤﻜﻲ ﺍﻧﺎ : ﻣﻌﻨﺪﻳﺶ ﺣﻞ ﺍﺧﺮ ﺯﻳﺎﺩ : ﺷﺼﺎﺭ ﻗﺮﺑﺖ ﺍﻻﻭﺭﺍﻕ ﻣﻨﻮ ... ﺷﺪﻫﻢ ﻋﻠﻴﺎ ... ﻳﺸﻮﻑ ﻣﻌﺎﻫﻢ ... ﻭ ﻏﺰﺭﻟﻲ ﻳﺤﻜﻲ
أنت تقرأ
🔥🔞"في أحضان عزرائيل"🔞🔥
Actionوينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
