🔥🔞"في أحضان عزرائيل"🔞🔥

الحلقة 126

ﺗﺒﺴﻤﺘﻠﻮ ... ﻭ ﻗﺮﺑﺖ ﻣﻦ ﺍﻟﻘﺎﺭﺩ ﺭﻭﺏ ﺟﺒﺪﺕ ﺩﺑﺸﻲ ... ﻭ ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﺣﻄﻴﺘﻬﻢ ... ﻭ ﺍﺳﺘﻨﺪﺕ ﺑﻴﺪﻳﺎ ﻋﺎﻟﺮﺧﺎﻣﺔ ... ﻧﺸﻮﻑ ﻣﻊ ﺭﻭﺣﻲ ... ﻟﺘﻮﺍ ﻣﺶ ﻣﺴﺘﻮﻋﺒﺔ ﺷﺨﺼﻴﺘﻲ ﺍﻟﺠﺪﻳﺪﺓ ... ﺩﻭﺏ ﻏﺰﺭﺕ ﻟﺮﻭﺣﻲ ﺑﻬﺖ ... ﻫﺎﺫﻱ ﻣﺶ ﺍﻧﺎ ... ﻣﺶ ﺳﻮﺍﺭ ... ﻫﺎﺫﻱ ﺩﻳﻨﻴﺰ ... ﻫﺎﺫﻱ ﺷﺨﺼﻴﺘﻲ ﺍﻟﺠﺪﻳﺪﺓ ... ﺍﻣﺎ ﻣﺤﺒﻴﺘﻬﺎﺵ ﺣﺘﻰ ﻃﺮﻑ ... ﺣﻠﻴﺖ ﺍﻟﺴﺒﺎﻟﺔ ... ﻭ ﻧﺰﻟﺖ ﻧﻐﺴﻞ ﻓﻲ ﻭﺟﻬﻲ ... ﻧﺤﻚ ﻓﻲ ﺷﻔﺎﻓﻲ ... ﻧﺤﺐ ﻧﺤﻲ ﺍﻟﺮﻭﺝ ﻫﺬﺍﻛﺎ ﺟﻤﻠﺔ ... ﻧﺤﺐ ﻧﺮﺟﻊ ﻟﻄﺒﻴﻌﺘﻲ ... ﻫﺰﻳﺖ ﺍﻟﻤﻨﺸﻔﺔ ﻣﺴﺤﺖ ﻭﺟﻬﻲ ... ﻭﺣﺴﻴﺖ ﺭﻭﺣﻲ ﺗﻔﺮﻫﺪﺕ ﺷﻮﻳﺔ ... ﻧﺤﻴﺖ ﺍﻟﺸﺮﻛﺔ ﻣﻦ ﻣﻜﺘﻮﺑﻲ ... ﺑﺪﻟﺖ ﺩﺑﺸﻲ ... ﻭ ﺭﺟﻌﺖ ﻟﻌﻤﺎﺩ ﺧﻠﻴﺘﻮ ﺩﺧﻞ ﻟﺒﻴﺖ ﺍﻟﺒﺎﻧﻮ ... ﻭ ﻣﺸﻴﺖ ﻗﻌﺪ ﻋﺎﻟﺴﺮﻳﺮ ... ﺷﻮﻳﺔ ﻭﺭﺟﻊ ﻋﻨﺪﻱ ... ﻗﺮﺏ ﻗﻌﺪ ﺑﺤﺬﺍﻳﺎ ... ﺗﻜﺎ ﻋﻠﻴﺎ ... ﺑﻘﻴﺖ ﻧﻌﺪﻱ ﻓﻲ ﻳﺪﻱ ﻋﻠﻰ ﺷﻌﺮﻭ ﻭ ﻧﺤﻜﻲ ﺍﻧﺎ : ﺗﻌﺮﻑ ﻟﻲ ﺗﻮﺣﺸﺘﻚ ﺑﺮﺷﺎ ﻋﻤﺎﺩ : ﻭ ﺍﻧﺎ ﺯﺍﺩﺓ ﻳﺎ ﺳﻮﺍﺭ ... ﺗﻮﺣﺸﺘﻚ ﻭ ﺗﻮﺣﺸﺖ ﺳﻜﺖ ... ﻻ ﻫﻮ ﻧﺠﻢ ﻳﻘﻮﻟﻬﺎ ... ﻭ ﻻ ﺍﻧﺎ ﻧﺠﻤﺖ ﻧﻜﻤﻠﻬﺎ ... ﻳﺎﺳﺮ ﺻﻌﻴﺒﺔ ... ﺻﻌﻴﺒﺔ ﺑﺮﺷﺎ ... ﻭ ﻣﺎ ﻳﺤﺲ ﺑﻴﻬﺎ ﻛﺎﻥ ﻟﻲ ﺟﺮﺑﻬﺎ ... ﺗﺒﺴﻤﺖ ﺑﻮﺟﻴﻌﺔ ... ﻭ ﺭﻣﻴﺖ ﻳﺪﻱ ﻭﺭﺍﻩ ﻫﺰﻳﺖ ﺍﻻﻟﺒﻮﻡ ﻣﻦ ﺗﺎﺑﻞ ﺩﻭﻧﻮﻱ ﻓﺘﺤﺘﻮ ... ﺑﻘﺒﻨﺎ ﻧﺸﻮﻑ ﻓﻲ ﺍﻟﺼﻮﺭ ﻣﻊ ﺑﻌﺾ ... ﻏﺰﺭﺗﻠﻮ ﻧﺤﻜﻲ ﺍﻧﺎ : ﻋﻤﺎﺩ ﻧﺤﺐ ﺗﺴﺎﻣﺤﻨﻲ ... ﺳﺎﻣﺤﻦﻱ ﻋﻠﻰ ﻛﻠﺸﻲ ... ﻋﻠﻰ ﺍﻣﻲ ﻟﺨﺴﺮﻧﺎﻫﺎ ﻭ ﻋﻠﻰ ﻟﻲ ﻭﺻﻠﺘﻠﻮ ﺗﻮﺍ ﻋﻤﺎﺩ : ﺍﻧﺖ ﻣﺎ ﻋﻨﺪﻙ ﺣﺘﻰ ﺫﻧﺐ ﺍﺧﺘﻲ ... ﻟﻲ ﺻﺎﺭ ﺗﻘﺪﺭﻟﻨﺎ ﻧﻌﻴﺸﻮﻩ ... ﺍﻧﺖ ﺑﺮﻙ ﺍﺑﻘﺎ ﻣﻌﺎﻳﺎ ﻭ ﻣﻌﺎﺩ ﺣﺎﺟﺘﻲ ﺑﺤﺘﻰ ﺷﻲ ﺍﻧﺎ : ﻋﻴﺶ ﺧﻮﻳﺎ ﺍﻟﻐﺎﻟﻲ ... ﺍﻣﺎ ﺍﻧﺎ ﻭ ﺍﻧﺖ ﺑﺎﺵ ﻧﺘﻔﺎﺭﻗﻮ ﺷﻮﻳﺔ ... ﻣﺒﻌﺪ ﻧﺮﺟﻌﻮ ﻧﻌﻴﺸﻮ ﻣﻊ ﺑﻌﺾ ﻋﻤﺎﺩ : ﻋﻼﺵ ﺍﻧﺎ : ﺍﻛﺎﻛﺎ ﻇﺮﻭﻑ ﻋﻤﺎﺩ؛ﻇﺮﻭﻑ ﺷﻨﻴﺔ ﻳﺎ ﺳﻮﺍﺭ ... ﻣﺰﺍﻝ ﺑﺎﺵ ﻧﻌﻴﺶ ﻭﺣﺪﻱ ﻳﺎﺧﻲ ﺍﻧﺎ : ﻧﻮﻋﺪﻙ ﺷﻮﻳﺔ ﻭﻗﺖ ﻛﻬﻮ ... ﻣﺒﻌﺪ ﻧﺨﺎﻟﻂ ﻋﻠﻴﻚ ﻋﻤﺎﺩ : ﻋﻼﺵ ﻭﻳﻦ ﺑﺎﺵ ﻧﻌﻴﺶ ﺍﻧﺎ : ﻭﻳﻦ ﺗﺤﺐ ﺍﺧﺘﺎﺭ ﺍﻟﺒﻼﺩ ﻟﻲ ﺗﺤﺐ ... ﻭ ﺍﻱ ﺑﻼﺻﺔ ﺗﺤﺐ ﺗﻌﻴﺶ ﻓﻴﻬﺎ ﻋﻤﺎﺩ : ﺷﻨﻴﺔ ﻛﻴﻒ ﻫﻜﺎ ﺍﻧﺎ : ﺍﻧﺖ ﻛﻬﻮ ﺍﺧﺘﺎﺭ ... ﻭ ﻧﻮﻋﺪﻙ ﺑﺎﺵ ﺗﻌﻴﺶ ﻛﻴﻤﺎ ﺗﺤﺐ ﻭ ﺍﻛﺜﺮ ﻋﻤﺎﺩ : ﻭ ﺍﻧﺖ ﺍﻧﺎ : ﺩﻭﺏ ﻣﺎ ﻧﻜﻤﻞ ﺧﺪﻣﺘﻲ ﻧﺨﺎﻟﻂ ﻋﻠﻴﻚ ﻭ ﻧﻌﻴﺸﻮ ﻣﻊ ﺑﻌﺾ ﺑﺎﻫﻲ ﺑﻘﺎ ﻳﺸﻮﻑ ﻣﻌﺎﻳﺎ ... ﺟﺒﺪ ﺭﻭﺣﻮ ﻣﻨﻲ ﺷﻮﻳﺔ ... ﻭ ﻛﺒﺲ ﻋﺎﻟﺘﺼﻮﻳﺮﺓ ﻓﻲ ﻳﺪﻭ ﻳﺤﻜﻲ ﻋﻤﺎﺩ : ﺗﻜﺬﺏ ﺍﻧﺎ : ﺷﻨﻮﺓ ﻋﻤﺎﺩ : ﺣﺪ ﻓﻴﻜﻢ ﻣﺎ ﻋﺎﺩ ﻳﺤﺐ ﻳﺒﻘﻰ ﻣﻌﺎﻳﺎ ... ﺍﻣﻲ ﻣﺸﺎﺕ ... ﻭ ﺍﻧﺘﻲ ﺑﺎﺵ ﺗﺨﻠﻴﻨﻲ ﻭﺣﺪﻱ ... ﻳﺰﻱ ﻛﻬﻮ ﺗﻌﺒﺖ ﺭﺍﻧﻲ ﺟﺒﺪﺗﻮ ﻋﻨﺪﻱ ﺣﻀﻨﺘﻮ ﺑﻜﻞ ﻗﻮﺗﻲ ... ﺣﻀﻨﺘﻮ ﺑﻮﺟﻴﻌﺔ ... ﻧﺤﺲ ﻓﻲ ﺍﻟﻜﻼﻡ ﻫﺮﺏ ﻣﻨﻲ ... ﺩﻣﻮﻋﻲ ﻧﺰﻟﻮ ﻣﻊ ﺩﻣﻮﻋﻮ ... ﻭﻭﺟﻴﻌﺘﻲ ﻗﻮﺍﺕ ... ﻣﻨﻌﺮﻓﺶ ﺷﻨﻮﺓ ﻟﻲ ﺑﺎﺵ ﻳﺼﻴﺮ ... ﻭ ﻻ ﺷﻨﻮﺓ ﻧﻌﻤﻞ ... ﻧﺤﺲ ﺭﻭﺣﻲ ﻓﻲ ﺩﻭﺍﻣﺔ ﻛﺒﻴﺮﺓ ... ﻭ ﻛﻞ ﻣﺮﺓ ﻧﻐﺮﻕ ﻓﻲ ﺍﻟﻤﺠﻬﻮﻝ ﺍﻛﺜﺮ