ﻫﺰﻳﺖ ﻳﺪﻱ ﻣﺴﺤﺖ ﺩﻣﻮﻋﻲ ... ﻭ ﺟﺒﺪﺗﻮ ﻣﻦ ﻋﻨﺪﻱ ... ﺣﺎﻭﻃﺖ ﻭﺟﻬﻮ ﺑﻴﺪﻱ ﻧﺤﻜﻲ ﺍﻧﺎ : ﺑﺎﺵ ﻧﺠﻲ ﻳﺎ ﺭﻭﺣﻲ ... ﺍﻣﺎ ﻣﺘﻨﺴﺎﺵ ﻻﻧﺖ ﻭﻋﺪﺗﻨﻲ ﺑﺎﺵ ﺗﺸﺪ ﻓﻲ ﻗﺮﺍﻳﺘﻚ ... ﻭ ﺑﺎﺵ ﺗﻜﻮﻥ ﻗﺪ ﺭﻭﺣﻚ ﻋﻤﺎﺩ : ﺍﻧﺎ ﻭﻋﺪﺗﻚ ﻭ ﺍﻧﺘﻲ ﺭﺟﻌﺖ ﺟﺒﺪﺗﻮ ﻋﻨﺪﻱ ﺣﻀﻨﺘﻮ ﺑﻜﻞ ﻗﻮﺗﻲ ﻧﺤﻜﻲ ﺍﻧﺎ : ﻡ ﻣﻨﺠﻤﺶ ﻧﻮﻋﺪﻙ ... ﺍﻣﺎ ﻧﻮﻋﺪﻙ ﻟﻜﻠﺸﻲ ﺑﺎﺵ ﻳﻜﻮﻥ ﺑﺎﻫﻲ ﺣﻀﻨﺘﻮ ﺍﻛﺜﺮ ... ﻗﻠﺒﻲ ﺩﻕ ﺑﺎﻟﻘﺎﻭﻱ ﻭ ﺍﻧﺎ ﻧﺴﻤﻊ ﻓﻲ ﺍﻟﻨﺪﺍﺀ ﺍﻻﺧﻴﺮ .. ﻗﺮﺏ ﻣﻨﻲ ﺯﻳﺎﺩ ﻳﺤﻜﻲ ﺯﻳﺎﺩ : ﻫﻴﺎ ﺳﻮﺍﺭ ﻳﺰﻱ ﺟﺒﺪﺕ ﺭﻭﺣﻲ ﻣﻨﻮ ... ﺑﺴﺘﻮ ﻣﻦ ﺭﺍﺳﻮ ... ﻗﺮﺏ ﻣﻦ ﺯﻳﺎﺩ ... ﻋﻄﺎﻩ ﻳﺪﻭ ﺻﺎﻓﺤﻮ ... ﻫﺰ ﺯﻳﺎﺩ ﻳﺪﻭ ﺿﺮﺑﻮ ﻋﻠﻰ ﻛﺘﻔﻮ ﻳﺤﻜﻲ ﺯﻳﺎﺩ : ﻧﻌﺮﻓﻚ ﺭﺍﺟﻞ ﺭﺩ ﺑﺎﻟﻚ ﻋﻠﻰ ﺭﻭﺣﻚ ﻋﻤﺎﺩ : ﻭ ﺍﻧﺖ ﺭﺩ ﺑﺎﻟﻚ ﻋﻠﻰ ﺍﺧﺘﻲ ﻫﻲ ﻓﻲ ﺣﻤﺎﻳﺘﻚ ﺯﻳﺎﺩ : ﺗﻬﻨﻰ ﻗﺮﺏ ﻣﻨﻮ ﻋﻤﺎﺩ ﺣﻀﻨﻮ ... ﻭ ﺟﺒﺪ ﺭﻭﺣﻮ ﻻﻟﺰﺭﺑﺔ ﻳﺤﻜﻲ ﻋﻤﺎﺩ : ﻣﺮﺳﻲ ﻋﻠﻰ ﻛﻠﺸﻲ ﺗﺒﺴﻤﻠﻮ ﻭ ﻗﺮﺏ ﻣﻨﻲ ... ﺑﺎﺳﻨﻲ ﻣﻦ ﺧﺪﻱ ... ﻭ ﺣﻂ ﻳﺪﻭ ﻋﻠﻰ ﻛﺘﻔﻲ ﻳﺤﻜﻲ ﻋﻤﺎﺩ : ﻃﻤﻨﻲ ﻋﻠﻴﻚ ... ﻭ ﺫﻛﺮﻧﻲ ﺩﻳﻤﺎ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﺩﻣﻮﻋﻲ ﻧﺰﻟﻮ ﻳﺤﺮﻗﻮ ﺑﺎﻟﻮﻗﺖ ... ﻫﺰ ﺑﺎﺳﺒﻮﺭﻭ ﻭ ﺗﺬﻛﺮﺗﻮ ﻣﻦ ﺯﻳﺎﺩ ... ﺑﻌﺪ ﻋﻠﻴﺎ ﻳﻤﺸﻲ ﻣﻦ ﻏﻴﺮ ﻣﺎ ﻳﺘﻠﻔﺘﻠﻲ ... ﺷﻬﻘﺖ ... ﻣﺶ ﻣﺼﺪﻗﺔ ﻟﻤﻌﺎﺩﺵ ﺑﺎﺵ ﻧﺸﻮﻓﻮ ... ﺍﻭﻝ ﻣﺎﺍ ﺩﺧﻞ ﻗﺮﺑﺖ ﻧﺠﺮﻱ ﻭﺭﺍﻩ ... ﻧﺤﺐ ﻧﺨﺎﻟﻂ ﻋﻠﻴﻪ ... ﻭﻗﻔﻨﻲ ﺍﻟﺒﻮﻟﻴﺴﻲ ﻟﻐﺎﺩﻱ ﺑﻴﺪﻭ ... ﺣﺎﻭﻟﺖ ﻧﻔﻠﺖ ﺭﻭﺣﻲ ﻣﻨﻮ ﻧﺤﻜﻲ ﺍﻧﺎ : ﺍﻣﺎﻧﻚ ﺧﻠﻴﻨﻲ ﻧﻌﻨﻖ ﺧﻮﻳﺎ ﻻﺧﺮ ﻣﺮﺓ ﺍﻣﺎﻧﻚ ﻫﻮ : ﻣﻤﻨﻮﻉ ﻣﺪﻣﻮﺯﺍﻝ ﺍﻧﺎ : ﺷﻨﻮﺓ ﻟﻲ ﻣﻤﻨﻮﻉ ... ﺍﻣﺎﻧﻚ ﻣﺮﺓ ﻭﺣﺪﺓ ﻛﻬﻮ ﻫﺰﻟﻲ ﺑﺮﺍﺳﻮ ﻻ ... ﺩﺯﻳﺘﻮ ﺑﻴﺪﻱ ... ﻗﺺ ﻋﻠﻴﺎ ﺯﻳﺎﺩ ... ﻛﻲ ﺣﺎﻭﻃﻨﻲ ﻣﻦ ﺗﺎﻟﻲ ﺷﺪﻧﻲ ﻳﺤﻜﻲ ﺯﻳﺎﺩ : ﻳﺰﻱ ﺳﻮﺍﺭ ﺍﻧﺎ : ﺍﻣﺎﻧﻚ ﺯﻳﺎﺩ ﻗﻠﻬﻢ ﻳﺨﻠﻮﻧﻲ ﻻﺧﺮ ﻣﺮﺓ ﺭﺍﻫﻮ ﺧﻮﻳﺎ ﺯﻳﺎﺩ : ﻣﻌﺎﺩﺵ ﻭﻗﺖ ﻃﻴﺎﺭﺗﻮ ﺑﺎﺵ ﺗﻤﺸﻲ ﻓﻠﺖ ﺭﻭﺣﻲ ﻣﻨﻮ ﺑﺎﻟﺴﻴﻒ ... ﻗﺮﺑﺖ ﻧﺠﺮﻱ ﻣﻦ ﺍﻟﺒﻼﺭ ... ﺣﺠﻴﺖ ﻳﺪﻳﺎ ﺯﻭﺯ ... ﻋﻠﻴﻪ ... ﻧﺶﻭﻑ ﻣﻌﺎﻩ ... ﻳﻤﺸﻲ ﻭ ﻣﻌﺎﻩ ﻭﺍﺣﺪ ... ﻫﺰ ﻳﺪﻭ ﺷﺎﻭﺭﻟﻲ ﻭ ﺗﺒﺴﻢ ... ﺗﺒﺴﻤﺘﻠﻮ ﺑﺎﻟﺴﻴﻒ ... ﻧﺤﺲ ﻓﻲ ﻗﻠﺒﻲ ﺑﺎﺵ ﻳﺎﻗﻒ ... ﻋﻜﺴﻮ ﻫﻮ ﻟﻲ ﻛﻠﻦ ﻗﻮﻱ ﻋﻠﻴﺎ ﻓﻲ ﺍﺧﺮ ﻟﺤﻈﺔ ... ﻣﺸﺎ ﻋﻤﺎﺩ ... ﻏﺎﺏ ﻋﻠﻰ ﻋﻴﻨﻲ ... ﻧﺸﺎ ﺧﻮﻳﺎ ﻭ ﻣﻌﺎﺩﺵ ﺑﺎﺵ ﻧﺸﻮﻓﻮ ... ﺳﻜﺮﺕ ﻋﻴﻨﻴﺎ ﻧﺒﻜﻲ ﺑﺎﻟﺸﻬﻘﺔ ... ﺗﻮﺍ ﻛﻬﻮ ... ﻋﺮﻓﺖ ﻗﺪﺍﺵ ﺩﻧﻴﺎ ﻇﻠﻤﺘﻨﻲ ... ﻗﺪﺍﺵ ﻋﻜﺴﺘﻨﻲ .. ﻭ ﺧﺬﺍﺕ ﻣﻨﻲ ﻛﻠﺸﻲ ... ﺧﻼﺗﻨﻲ ﻭﺣﺪﻱ ... ﻣﻦ ﻏﻴﺮ ﻋﻴﻠﺔ ... ﻣﻦ ﻏﻴﺮ ﻭﺟﻬﺔ ... ﺧﻼﺗﻨﻲ ﻧﻤﺸﻲ ﻟﻠﻤﺠﻬﻮﻝ ﺑﺴﺎﻗﻲ ... ﻧﻤﺸﻲ ﻣﻊ ﺯﻳﺎﺩ ... ﻟﻬﻮ ﺍﻟﺠﻬﻮﻝ ﺑﺬﺍﺗﻮ ... ﺗﻮﺍ ﻗﺪﺭﺕ ﻗﻴﻤﺔ ﻟﺤﻈﺎﺕ ﻟﻜﻨﺖ ﻋﺎﻳﺸﺘﻬﻢ ﻭﺳﻂ ﻋﻴﻠﺘﻲ ... ﺗﻮﺍ ﻋﺮﻓﺖ ﺍﻟﺤﺎﺟﺎﺕ ﺍﻟﺼﻐﻴﺮﺓ ﻛﻲ ﺗﻤﺸﻲ ﻣﺘﺮﺟﻌﺶ ... ﻭ ﻟﺤﻈﺎﺕ ﺍﻟﺤﺰﻥ ﻳﻜﻮﻧﻮ ﺍﻃﻮﻝ ﻣﻦ ﻟﺤﻈﺎﺕ ﺍﻟﻔﺮﺡ ... ﺗﻮﺍ ﻋﺮﻓﺖ ﺍﻧﻮ ﻛﻠﺸﻲ ﻓﻲ ﺍﻟﺪﻧﻴﺎ ﺑﺎﻟﻤﻘﺎﺑﻞ ... ﻭ ﻣﺴﺘﺤﻴﻞ ﻳﺠﻲ ﻧﻬﺎﺭ ﻧﺴﺎﻣﺢ ﻟﻲ ﻛﺎﻥ ﺳﺒﺐ ﻓﻲ ﺩﻣﺎﺭﻱ ... ﺳﺒﺐ ﻟﻲ ﺧﻼﻧﻲ ﻧﺎﻗﻒ ﻫﻮﻧﻲ ﻋﺎﺟﺰﺓ ... ﺣﻠﻴﺖ ﻋﻴﻨﻴﺎ ... ﻋﻠﻰ ﻳﺪ ﺯﻳﺎﺩ ﻟﻲ ﺗﺤﻄﺖ ﻋﻠﻴﺎ ... ﺑﺤﻜﻲ
أنت تقرأ
🔥🔞"في أحضان عزرائيل"🔞🔥
Actionوينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
