ﺑﻘﺎ ﻭﺍﻗﻒ ﻓﻲ ﻧﻔﺲ ﺍﻟﻮﺿﻌﻴﺔ ... ﻋﻴﻨﻲ ﻓﻲ ﻋﻴﻨﻮ ... ﺍﻭﻝ ﻣﺮﺓ ﻧﺠﻤﺖ ﻧﺘﺤﺪﺍ ﺧﻮﻓﻲ ﻭ ﻧﺎﻗﻒ ﻓﻲ ﻭﺟﻬﻮ ... ﺍﻟﻴﺪ ﻫﺎﺫﻱ ﻳﺎﻣﺎ ﺗﻬﺰﺕ ﻓﻲ ﻭﺟﻬﻲ ... ﻗﺪﺍﺵ ﺧﺬﻳﺖ ﺿﺮﺏ ﻓﻲ ﺣﻴﺎﺗﻲ ﻭ ﺳﻜﺖ ... ﺍﻣﺎ ﻫﻮ ﺳﺒﺐ ﻓﻲ ﻛﻠﺸﻲ ... ﻛﻠﺸﻲ ﻭﺻﻠﻨﺎﻟﻮ ﻛﺎﻥ ﻋﻨﺪﻭ ﻳﺪ ﻓﻴﻪ ... ﻃﻮﻝ ﺍﻟﺴﻨﻴﻦ ﻟﻲ ﺗﻌﺪﺍﺕ ﺣﺴﺒﺘﻮ ﺑﺎﺑﺎ ﻭ ﺣﺒﻴﺘﻮ ... ﺍﻣﺎ ﻣﻊ ﻣﻮﺕ ﻛﺮﻫﺖ ﻛﻠﺸﻲ ... ﻛﺮﻫﺘﻮ ﻭ ﻛﺮﻫﺖ ﺍﻟﻈﺮﻭﻑ ... ﻛﺮﻫﺖ ﺭﻭﺣﻲ ... ﻣﻌﺎﺩ ﻋﻨﺪﻱ ﺷﻲ ﻓﻲ ﺩﻧﻴﺎ ... ﻛﺎﻥ ﻋﻤﺎﺩ ... ﻋﻤﺎﺩ ﻟﻲ ﺑﺴﺒﻲ ﺍﻧﺎ ﺧﺴﺮ ﻛﻠﺸﻲ ﺯﺍﺩﺓ ... ﻭ ﻋﻠﻰ ﺧﺎﻃﺮﻭ ﻣﺴﺘﻌﺪﺓ ﻻﻱ ﺷﻲ ... ﻛﺒﺴﺖ ﻋﻠﻰ ﻳﺪﻭ ﺍﻛﺜﺮ ﻧﻄﺮﺗﻬﺎ ﻟﺘﺎﻟﻲ ... ﺑﺎﻗﻲ ﻭﺍﻗﻒ ﻳﺸﻮﻑ ﻣﻌﺎﻳﺎ ﻣﺼﺪﻭﻡ ... ﻗﺤﺮﺗﻠﻮ .
.. ﺗﺒﺴﻢ ﻋﻠﻰ ﺟﻨﺐ ... ﻭ ﻗﺮﺏ ﻣﻨﻲ ﺧﻄﻮﺓ ... ﻫﺰ ﺻﺒﻌﻮ ﻓﻲ ﻭﺟﻬﻲ ﻳﺤﻜﻲ
ﻫﻮ : ﻣﺘﻠﻌﺒﺶ ﻣﻌﺎﻳﺎ ﻳﺎ ﻓﺮﺧﺔ ... ﻣﺘﻨﺠﻤﺶ ﺗﺘﻮﻗﻊ ﺷﻨﻌﻤﻞ ﻓﻴﻚ
ﺍﻧﺎ : ﻫﻬﻬﻬﻬﻬﻬﻬﻬﻬﻪﻩ
ﺿﺤﻜﺖ ... ﺿﺤﻜﺔ ﻋﺎﻟﻴﺔ ... ﻭﻭﺧﺮﺕ ﻟﺘﺎﻟﻲ ... ﺣﻠﻴﺖ ﻳﺪﻳﺎ ﺯﻭﺯ ﻧﺤﻜﻲ
ﺍﻧﺎ : ﻫﻬﻬﻪ ﻣﺤﺴﻮﺏ ﺧﻮﻓﺘﻨﻲ ... ﻫﺎﻧﻲ ﻗﺪﺍﻣﻚ ... ﻗﺮﺏ ﻣﻨﻲ ﻛﺎﻥ ﻧﺠﻤﺖ
ﻗﺤﺮﻟﻲ ... ﺣﺴﻴﺘﻮ ﻭﺻﻞ ﻣﻦ ﺗﻮﺏ ﻣﻦ ﻭﺟﻬﻮ ﻟﻲ ﺣﻤﺎﺭ ﺑﺎﺵ ﻳﻄﺮﺷﻖ ... ﻫﺰ ﻳﺪﻭ ﻳﺤﻜﻲ
ﻫﻮ : ﻫﺬﺍ ﻣﺶ ﻛﻼﻣﻚ ... ﻓﺮﺧﺔ ﻗﺪﻙ ﻣﻴﺨﺮﺟﺶ ﻣﻨﻬﺎ ﻫﺬﺍ ﺍﻟﻜﻞ ... ﺷﻜﻮﻥ ﻭﺭﺍﻙ ﻳﺎﺧﻲ
ﺗﺒﺴﻤﺖ ﻋﻠﻰ ﺟﻨﺐ ... ﻫﺰﻳﺘﻠﻮ ﺑﺮﺍﺳﻲ ... ﻧﺤﻜﻲ
ﺍﻧﺎ : ﺑﺮﺍﺍﻓﻮ ﻫﺎﻙ ﻃﻠﻌﺘﻬﺎ ﻓﻴﺴﻊ ... ﻣﺎﻧﻴﺶ ﻭﺣﺪﻱ ... ﻭ ﺗﻮﺍ ﺑﺎﺵ ﺗﻮﻗﻊ ﺍﻟﻮﺭﻕ ﻫﺬﻭﻣﺎ ... ﺿﻴﻌﺖ ﺑﺮﺷﺎ ﻭﻗﺖ ﻣﻌﺎﻙ
ﻫﻮ : ﻫﻬﻬﻬﻬﻪ ﻓﻲ ﺍﺣﻼﻣﻚ ... ﻋﻤﺎﺩ ﻣﺴﺘﺤﻴﻞ ﻳﺨﺮﺝ ﻣﻦ ﺩﺍﺭ ﻫﺎﺫﻱ ... ﻃﻮﻝ ﻣﺎ ﺍﻧﺎ ﺣﻲ
ﻧﻔﺨﺖ ﻓﻲ ﻭﺟﻬﻮ ﺑﺎﻟﻘﺎﻭﻱ ... ﺣﻄﻴﺖ ﻳﺪﻳﺎ ﺯﻭﺯ ﻋﻠﻰ ﻭﺟﻬﻲ ﺭﺟﻌﺘﻮ ﻟﺘﺎﻟﻲ ... ﻭ ﺗﻠﻔﺖ ﻟﻌﻤﺎﺩ ﻧﺤﻜﻲ
ﺍﻧﺎ : ﻋﻤﺎﺩ ﻋﻴﺶ ﺧﻮﻳﺎ ﺑﺮﺍ ﺣﻀﺮ ﺍﻭﺭﺍﻗﻚ ... ﻭ ﻟﻲ ﺗﺤﺘﺎﺟﻮ ﻛﻬﻮ ... ﺑﺎﺵ ﻧﻤﺸﻮ
ﻋﻤﺎﺩ : ﺑﺎﻫﻲ
ﻫﻮ : ﻋﻤﺎﺍﺍﺩ ﺍﻗﻒ ﻓﻲ ﺑﻼﺻﺘﻚ ... ﻛﺎﻥ ﺗﻔﻜﺮ ﺗﺘﺤﺮﻙ ﺧﻄﻮﺓ ﻣﺎ ﻧﻘﺘﻠﻚ ﺍﻧﺖ ﻭ ﻫﻲ ﻣﻊ ﺑﻌﺾ ... ﻭ ﻧﺤﺴﺐ ﺭﺑﻲ ﻣﺨﻠﻘﻜﻤﺶ ﺯﻭﺯ
ﻋﻤﺎﺩ : ﻳﺰﻱ ﺑﺎﺑﺎ ﻳﺎﺧﻲ ﺷﺘﺤﺐ ﻣﻨﺎ ﺍﻛﺜﺮ ... ﺍﻧﺎ ﻧﺤﺐ ﻧﻤﺸﻲ ﻣﻊ ﺍﺧﺘﻲ
ﻫﻮ؛ﻣﺎﻫﻴﺶ ﺍﺧﺘﻚ ... ﻭ ﻛﻼﻣﻲ ﻣﻴﺘﻌﺎﻭﺩﺵ
ﺍﻧﺎ : ﻋﻤﺎﺍﺍﺍﺩ ﻓﻴﺴﻊ ﺣﻀﺮ ﺭﻭﺣﻚ
ﻗﺤﺮﺗﻠﻮ ... ﺧﺮﺝ ﻣﻦ ﺻﺎﻟﺔ ﻳﺠﺮﻱ ... ﺗﻠﻔﺖ ﻧﺸﻮﻑ ﻣﻌﺎﻩ ... ﻗﺮﺏ ﺑﺎﺵ ﻳﺨﺮﺝ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻭﺭﺍ ﻇﻬﺮﻱ ﺗﺤﺖ ﺍﻟﺨﻠﻌﺔ ... ﺟﺒﺪﺕ ﺍﻟﻔﺮﺩ ... ﺧﺬﻳﺘﻮ ﻣﻦ ﻏﻴﺮ ﻣﺎ ﻳﺸﻮﻓﻨﻲ ... ﺍﺻﻼ ﺧﻼﻩ ﻓﻮﻕ ﺍﻟﻄﺎﻭﻟﺔ ﻣﺘﺎﻉ ﺍﻟﻜﻮﺟﻴﻨﺔ ... ﻭ ﻧﻌﺮﻑ ﻟﻬﻮ ﻋﻨﺪﻭ ﻓﺮﺩﻭ ﺍﻟﺨﺎﺹ ... ﻣﺶ ﺑﺎﺵ ﻳﺎﺧﻮ ﻫﺬﺍ ... ﻛﺒﺴﺖ ﻋﻠﻴﻪ ﻓﻲ ﻳﺪﻱ ... ﻭ ﻫﺰﻳﺘﻮ ﻓﻲ ﻭﺟﻬﻮ ... ﺣﺴﻴﺘﻮ ﺗﺼﺪﻡ ﺍﻛﺜﺮ ... ﻭﺧﺮ ﺧﻄﻮﺓ ﻟﺘﺎﻟﻲ ﻭﻭﻗﻒ ﻳﺸﻮﻑ ﻣﻌﺎﻳﺎ .... ﻏﺰﺭﻟﻲ ﻧﺪﺭﺍ ﻛﻴﻒ ﻳﺤﻜﻲ
ﻫﻮ : ﺷﺘﻌﻤﻞ ﺍﻧﺖ ﻣﻨﻴﻦ ﺟﺒﺘﻮ ﺍﻟﻔﺮﺩ ﻫﺬﺍ
ﺍﻧﺎ : ﻣﻴﻬﻤﻜﺶ ... ﻓﻲﺳﻊ ﻭﻗﻊ ﺍﻟﻮﺭﻕ ﻫﺬﻭﻣﺎ ... ﺧﻒ ﺭﻭﺣﻚ
ﻫﻮ : ﻣﺴﺘﺤﻴﻞ ... ﻣﺎﻙ ﺻﻐﻴﺮﺓ ﻋﺎﻟﻠﻌﺐ ... ﻭ ﻧﻌﺮﻑ ﻻﻧﺖ ﻣﺴﺘﺤﻴﻞ ﺗﻘﺘﻠﻨﻲ
ﺍﻧﺎ : ﻳﺎﺳﺮ ﻋﻨﺪﻙ ﺛﻘﺔ ﻓﻲ ﺭﻭﺣﻚ ... ﺫﻛﺮ ﻻﻧﺎ ﻣﻌﺎﺩﺵ ﺳﻮﺍﺭ ﻟﻲ ﺗﺨﺎﻑ ﻣﻨﻚ ... ﻭ ﺫﻛﺮ ﺯﺍﺩﺓ ﻻﻧﺎ ﻣﻌﺎﺩ ﻋﻨﺪﻱ ﺣﺘﻰ ﺷﻲ ﻧﺨﺴﺮﻭ ... ﻣﻼ ﻭﻗﻊ ﺍﺣﺴﻦ ﻣﺎ ﺗﻜﻮﻥ ﺭﺻﺎﺻﺔ ﻟﻬﻮﻧﻲ ﻓﻴﻚ
ﺑﻘﺎ ﻳﺸﻮﻑ ﻣﻌﺎﻳﺎ ... ﻧﺰﻝ ﻳﺪﻭ ﺷﻮﻳﺔ ... ﺣﻄﻬﺎ ﻓﻲ ﻣﻜﺘﻮﺑﻮ ... ﺟﺒﺪ ﻣﻨﻬﺎ ﺗﻠﻴﻔﻮﻧﻮ ... ﺍﻭﻝ ﻣﺎ ﺣﻂ ﻳﺪﻭ ﺑﺎﺵ ﻳﻄﻠﺐ ... ﺗﺒﺴﻤﺖ ﻋﻠﻰ ﺟﻨﺐ ﻧﺤﻜﻲ
ﺍﻧﺎ : ﻣﺘﺤﺎﻭﻟﺶ ﺑﺮﺷﺎ ... ﻻ ﺍﻟﺸﺮﻃﺔ ﻭ ﻻ ﺣﺪ ﺍﺧﺮ ﻳﻨﺠﻢ ﻳﻔﻜﻚ ﺍﻟﻤﺮﺓ ﻫﺎﺫﻱ ... ﺫﻛﺮ ﻻﻧﺎ ﻣﺎﻧﻴﺶ ﻭﺣﺪﻱ ... ﻭ ﻣﺎﻧﻴﺶ ﻗﻌﺮﺓ ﻟﺪﺭﺟﺔ ﺍﻧﻲ ﻧﺼﺎﻭﺏ ﻋﻠﻰ ﺣﺪ ﺑﻼ ﻣﺎ ﻧﻜﻮﻥ ﻣﺤﻤﻴﺔ
ﻭﺧﺮ ﺧﻄﻮﺗﻴﻦ ﻟﺘﺎﻟﻲ ﻗﺮﺏ ﻣﻦ ﺍﻟﺸﺒﺎﻙ ﻫﺰ ﺍﻟﺮﻳﺪﻭ ... ﻗﺮﺑﺖ ﻣﻨﻮ ﺷﻮﻳﺔ ﻧﺸﻮﻑ ﻣﻦ ﺷﺒﺎﻙ ﻣﻌﺎﻩ ... ﻧﺤﻜﻲ
ﺍﻧﺎ : ﻃﻠﻊ ﻣﻠﻴﺢ ... ﻛﻠﻬﺎ ﻭﺟﻮﻩ ﺟﺪﻳﺪﺓ ﻋﺎﻟﺤﻮﻣﺔ ... ﺍﻏﺰﺭ ﻗﺪﺍﺵ ﻣﻦ ﻛﺮﻫﺒﺔ ﺟﺪﻳﺪﺓ ﻫﻮﻧﻲ ... ﺍﻩ ﺫﻛﺮﺕ ﻭ ﻓﻤﺎ ﻭﺍﺣﺪ ﻣﻨﻬﻢ ﻋﻨﺪ ﺍﻟﺒﺎﺏ ﻟﻮﻃﺔ ... ﻣﺰﻟﺖ ﺑﺎﺵ ﺗﻌﻨﺪ
ﺗﻠﻔﺘﻠﻲ ... ﻣﺼﺪﻭﻡ ... ﻣﻔﻤﺎﺵ ﺗﻔﺴﻴﺮ ﻟﻤﻼﻣﺤﻮ ... ﻭﺧﺮﺕ ﺧﻄﻮﺓ ﻟﺘﺎﻟﻲ ... ﺭﻳﻘﻠﺖ ﺳﻼﺡ ﻓﻲ ﻳﺪﻱ ... ﺣﺴﻴﺘﻮ ﺧﺎﻑ ﺍﻛﺜﺮ ... ﺭﺧﻒ ﺗﻠﻴﻔﻮﻥ ﻣﻦ ﻳﺪﻭ ... ﻃﺎﺡ ﻋﺎﻻﺭﺽ ... ﻗﺤﺮﺗﻠﻮ ﻧﺤﻜﻲ
ﺍﻧﺎ : ﻭﻗﻌﻬﻢ ﻓﻴﺴﻊ ... ﺧﻠﻴﻨﺎ ﻧﺴﻜﺮﻭ ﻋﻠﻰ ﻛﻠﺸﻲ ﺗﻮﺍ
ﻫﻮ : ﺑﺎﻫﻲ ﺭﻳﺾ ﺭﻭﺣﻚ
أنت تقرأ
🔥🔞"في أحضان عزرائيل"🔞🔥
Actionوينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
