🔥🔞"في أحضان عزرائيل"🔞🔥

الحلقة 141

ﺯﻳﺎﺩ : ﻧﺴﻴﺖ ﺍﻟﻤﻮﺿﻮﻉ ﺟﻤﻠﺔ ... ﻣﻼ ﻭﺣﻠﺔ
ﺍﻧﺎ : ﺑﺎﺵ ﻧﻔﺸﻞ ﻣﺶ ﻫﻜﺎ
ﺑﻘﺎ ﻳﺸﻮﻑ ﻣﻌﺎﻳﺎ ... ﻧﺪﺭﺍ ﻛﻴﻒ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ ... ﺟﺒﺪﻧﻲ ﻟﻴﻪ ﺑﻘﻮﺓ ... ﻟﻴﻦ ﺿﺮﺑﺖ ﻓﻲ ﺻﺪﺭﻭ ... ﻣﻦ ﺍﻟﻔﺠﻌﺔ ﺣﻄﻴﺖ ﻳﺪﻱ ﻋﻠﻰ ﻛﺘﻔﻮ ... ﺧﻼ ﻳﺪﻱ ﻓﻲ ﻳﺪﻭ ... ﻭ ﺩﻭﺭ ﻳﺪﻭ ﻻﺧﺮﻯ ﻋﻠﻰ ﻇﻬﺮﻱ ﻳﺤﻜﻲ
ﺯﻳﺎﺩ : ﻣﺶ ﺑﺎﺵ ﺗﻔﺸﻞ ... ﺍﻧﺖ ﻛﻬﻮ ﺍﺭﺧﻒ ﺭﻭﺣﻚ ... ﻭ ﺗﺒﻊ ﺍﻟﺨﻄﻮﺍﺕ ... ﻛﻮﻧﻚ ﻫﺎﺩﻳﺔ ﻭ ﻛﻠﺸﻲ ﻳﻨﺤﻞ
ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﺭﺧﻔﺖ ﺭﻭﺣﻲ ﺑﻴﻦ ﻳﺪﻳﻪ ... ﺑﺎﻗﻴﺔ ﻧﺘﺒﻊ ﻓﻲ ﺧﻄﻮﺍﺗﻮ ... ﺑﻌﺪ ﻋﻠﻴﺎ ﺷﻮﻳﺔ ... ﻣﻦ ﻏﻴﺮ ﻣﺎ ﻳﻔﻠﺖ ﻳﺪﻱ ... ﺩﻭﺭﻧﻲ ﺩﻭﺭﺓ ﻛﺎﻣﻠﺔ ... ﻭ ﺟﺒﺪﻧﻲ ﻟﻴﻪ ... ﺣﺴﻴﺖ ﺑﻈﻬﺮﻱ ﻋﻠﻰ ﺻﺪﺭﻭ ... ﻧﺰﻝ ﻳﺤﻜﻲ ﻓﻲ ﻭﺫﻧﻲ
ﺯﻳﺎﺩ : ﺍﺭﺗﺤﺖ ﺗﻮﺍ
ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﺭﺟﻊ ﺩﻭﺭﻧﻲ ... ﺿﺤﻜﺖ ... ﺿﺤﻜﺔ ﻋﺎﻟﻴﺔ ... ﻳﻤﻜﻦ ﺍﻭﻝ ﻣﺮﺓ ﺑﻌﺪ ﺍﻟﻠﻲ ﺗﻌﺪﺍ ﻋﻠﻴﺎ ﺍﻟﻜﻞ ﻣﻦ ﻧﻬﺎﺭ ﻣﺎﺗﺖ ﺍﻣﻲ ... ﺿﺤﻜﺖ ﺑﺎﻟﻄﺮﻳﻘﺔ ﻫﺎﺫﻱ ... ﺣﺴﻴﺖ ﺑﺸﻲ ﺟﺪﻳﺪ ... ﻣﺶ ﻣﺠﺮﺩ ﺭﻗﺼﺔ ﻭ ﻛﻬﻮ ... ﺍﻣﺎ ﺍﺣﺴﺎﺱ ﻛﺒﻴﺮ ... ﻃﻴﺮﻧﻲ ﻟﺒﻌﻴﺪ ... ﻳﻤﻜﻦ ﺧﺎﻃﺮﻧﻲ ﺷﺎﺩﺓ ﻓﻲ ﻳﺪﻭ ... ﻭ ﻻ ﻳﻤﻜﻦ ﻛﻲ ﻗﺎﻋﺪ ﻳﻌﻠﻢ ﻓﻴﺎ ﻛﻴﻒ ﺻﻐﺎﺭ ... ﺳﺎﻋﺎﺕ ﺍﻟﺤﺎﺟﺎﺕ ﻟﺼﻐﻴﺮﺓ ﻫﺬﻭﻣﺎ ... ﻳﻔﺮﺣﻮ ﺑﺮﺷﺎ ... ﻳﻔﺮﺣﻮ ﺍﻛﺜﺮ ﻣﻦ ﺣﺎﺟﺔ ﺟﻴﻚ ﻫﺪﻳﺔ ... ﻭ ﻻ ﺷﻲ ﻛﺒﻴﺮ ﺗﻌﻤﻞ ﻓﻲ ﺧﺎﻃﺮﻙ ... ﺧﻄﻮﺍﺕ ﺻﻐﻴﺮﺓ ﻧﺘﻌﻠﻢ ﻓﻴﻬﻢ ... ﺧﻄﻮﺍﺕ ﺑﺎﺵ ﻳﻬﺰﻭﻧﻲ ﻟﻌﺎﻟﻢ ﺑﻌﻴﺪ ... ﻋﺎﻟﻢ ﻣﺎ ﻧﻌﺮﻑ ﻣﻨﻮ ﺷﻲ ﻛﺎﻥ ... ﺍﻟﻌﺒﺪ ﻟﻲ ﻗﺎﻋﺪ ﻳﻌﻠﻢ ﻓﻴﺎ ﺗﻮﺍ ... ﻣﺤﺴﻴﺘﺶ ﺑﺎﻟﻮﻗﺖ ﻟﻲ ﺗﻌﺪﺍ ... ﺗﻌﻠﻤﺖ ﺍﻟﺨﻄﻮﺍﺕ ﻓﻴﺴﻊ ... ﻣﺶ ﻛﻠﺸﻲ ﺍﻣﺎ ﻳﻜﻔﻮ ﺑﺎﺵ ﻧﺴﻠﻚ ﺭﺍﺳﻲ ... ﻣﻦ ﺭﻗﺼﺔ ﺗﻌﺪﻳﻨﺎ ﻟﻠﻮﺭﻕ ... ﺣﺘﻰ ﻣﻦ ﻣﺎﻛﻠﺔ ﻃﻠﺒﻬﺎ ﻣﻦ ﺑﺮﺍ ... ﺣﺴﻴﺖ ﺭﻭﺣﻲ ﻣﺘﻔﺮﻫﺪﺓ ... ﻭ ﻃﺎﻗﺘﻲ ﻋﺎﻟﻴﺔ ... ﺑﻘﻴﻨﺎ ﻟﻮﺟﻪ ﺻﺒﺎﺡ ... ﻛﻞ ﻣﺮﺓ ﻳﻨﺒﻬﻨﻲ ﻋﻠﻰ ﺣﺎﺟﺔ ... ﻣﻨﻌﺮﻓﺶ ﻛﻴﻒ ﻫﺰﻧﻲ ﻧﻮﻡ .. ﻭ ﺭﻗﺪﺕ ﻋﻠﻰ ﻛﺘﻔﻮ
ﻓﻘﺖ ﺍﻟﺼﺒﺎﺡ ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻟﻘﻴﺖ ﺭﻭﺣﻲ ﻣﺴﻄﺤﺔ ﻋﺎﻟﻔﻮﺗﺎﻱ ... ﻫﺰﻳﺖ ﺭﻭﺣﻲ ﺗﻘﻌﺪﺕ ... ﻏﺰﺭﺕ ﻟﺴﺎﻋﺔ ﻟﻘﻴﺘﻬﺎ 6 ﻣﺘﺎﻉ ﺻﺒﺎﺡ ... ﻋﺪﻳﺖ ﻳﺪﻳﺎ ﻋﻠﻰ ﻭﺟﻬﻲ ... ﻟﺘﻮﺍ ﻧﺎﻗﺼﺔ ﻧﻮﻡ ... ﻗﺺ ﻋﻠﻴﺎ ﻛﻲ ﺩﺧﻞ ... ﻫﺎﺯ ﻓﻲ ﻳﺪﻭ ﺯﻭﺯ ﻛﻴﺴﺎﻥ ﻗﻬﻮﺓ ... ﺣﻂ ﻭﺍﺣﺪ ﻗﺪﺍﻣﻲ ﻳﺤﻜﻲ
ﺯﻳﺎﺩ : ﺍﺷﺮﺏ ﻗﻬﻮﺗﻚ ﺑﺎﺵ ﺗﺼﺤﺼﺢ ... ﻭ ﻧﻌﻤﻠﻮ ﻃﻠﺔ ﺍﺧﻴﺮﺓ ... ﻧﺤﺒﻚ ﺗﻜﻮﻥ ﺣﺎﺿﺮﺓ ﺑﺎﻟﻘﺪﺍ
ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ .. ﻫﺰﻳﺖ ﺍﻟﻘﻬﻮﺓ ﺷﺮﺑﺘﻬﺎ ... ﻭ ﻛﻤﻠﺖ ﻣﻌﺎﻩ ... ﻓﻬﻤﺖ ﻟﻲ ﺍﻻﻓﺘﺘﺎﺡ ﻳﻜﻮﻥ ﻋﻠﻰ 20:00 ﻭ ﻫﻮ ﻟﺒﺎﺵ ﻳﻬﺰﻧﻲ ﻣﻌﺎﻩ ... ﻭ ﻛﻴﻒ ﻳﺴﺄﻟﻠﻮﻧﻲ ... ﺟﻮﺍﺏﻱ ﺑﺎﺵ ﻳﻜﻮﻥ "... ﺗﺎﺑﻌﺔ ﻟﺰﻳﺎﺩ ..." ﻗﺺ ﻋﻠﻴﻨﺎ ﺻﻮﺕ ﺍﻟﺒﺎﺏ ... ﻫﺰ ﺭﻭﺣﻮ ﻓﺘﺢ ... ﻧﺸﻮﻑ ﻓﻲ ﻭﺣﺪﺓ ... ﺗﺮﻣﺎﺕ ﻋﻠﻴﻪ ﺣﻀﻨﺎﺗﻮ ﻋﻴﻨﻴﺎ ﻭﺳﺎﻋﺖ ... ﺗﻲ ﺗﻘﺮﻳﺒﺎ ﻗﺪﻭ ﻓﻲ ﻃﻮﻝ ... ﻣﻄﻮﻟﻬﺎ ﺯﺡ ... ﺷﻌﺮﻫﺎ ﺍﺻﻔﺮ ﻗﺼﻴﺮ ... ﻋﻴﻨﻴﻬﺎ ﺧﻀﻮﺭﺍ ... ﺗﻲ ﺿﺎﺭﺑﺔ ﺯﻳﻨﺔ ﺩﻭﺑﻞ ... ﺟﺒﺪ ﺭﻭﺣﻮ ﻣﻨﻬﺎ ... ﺷﺪﻫﺎ ﻣﻦ ﻳﺪﻳﻬﺎ ﺯﻭﺯ ﻳﺤﻜﻲ
ﺯﻳﺎﺩ : ﻣﻮﻧﻴﻴﻜﺎ
ﻳﺎﺧﻲ ﺍﺳﻢ ﺷﻨﻮﺓ ﻫﺬﺍ ... ﻛﻤﻞ ﺣﻜﺎ ﻣﻌﺎﻫﺎ ﺑﺎﻻﻳﻄﺎﻟﻲ ... ﻓﻬﻢﺕ ﻛﺎﻥ ﺍﺳﻤﻬﺎ ... ﻣﺘﺤﺮﻛﺘﺶ ﻣﻦ ﺑﻼﺻﺘﻲ ... ﻟﻴﻦ ﺩﺧﻠﻮ ﺯﻭﺯ ... ﻭﻭﺍﺣﺪ ﻭﺭﺍﻫﺎ ... ﻫﺎﺯ ﻓﺎﻟﻴﺰ ﺻﻐﻴﺮﺓ ﻓﻲ ﻳﺪﻭ ... ﺷﺎﻭﺭﻟﻬﺎ ﺑﻴﺪﻭ ﻋﻠﻴﺎ ﻳﺤﻜﻲ ... ﻗﺤﺮﺗﻠﻮ ... ﻣﺶ ﻓﺎﻫﻤﺔ ﻟﻲ ﻗﺎﻋﺪ ﻳﺼﻴﺮ ﺟﻤﻠﺔ ... ﻫﺰﻳﺖ ﺭﻭﺣﻲ ﻭﻗﻔﺖ ... ﻭ ﻏﺰﺭﺗﻠﻮ ﻧﺴﺘﻨﺎﻩ ﻳﻔﻬﻤﻨﻲ ... ﻗﺮﺏ ﻣﻨﻲ ﺷﻮﻳﺔ ﻳﺤﻜﻲ
ﺯﻳﺎﺩ : ﺳﻮﺍﺭ ... ﻫﺎﺫﻱ ﻣﻮﻧﻴﻜﺎ
ﺍﻧﺎ : ﺷﻨﻌﻤﻠﻠﻬﺎ
ﻗﺤﺮﻟﻲ ... ﺣﺴﻴﺘﻮ ﺗﻨﺮﻓﺰ ... ﺣﺎﻭﻝ ﻳﻬﺪﻱ ﻓﻲ ﺭﻭﺣﻮ ﻭ ﻳﺤﻜﻲ
ﺯﻳﺎﺩ : ﺑﺎﺵ ﺗﻌﺎﻭﻧﻚ ﺗﺤﻀﺮ ﺭﻭﺣﻚ ﻭ ﺗﻤﺸﻲ
ﺍﻧﺎ : ﻧﺠﻢ ﻧﺤﻀﺮ ﺭﻭﺣﻲ ﻭﺣﺪﻱ
ﺯﻳﺎﺩ : ﺳﻮﻭﺍﺍﺭ
ﺍﻧﺎ : ﺑﺎﺍﻫﻲ
ﺭﺟﻊ ﻗﺮﺏ ﻣﻨﻬﺎ ﻳﺤﻜﻲ ﻣﻌﺎﻫﺎ ... ﺑﺎﻗﻴﺔ ﻧﻬﺰ ﻓﻴﻪ ﻭ ﻧﺤﻂ ... ﻏﺰﺭﻟﻲ ﻳﺤﻜﻲ
ﺯﻳﺎﺩ : ﺳﻮﺍﺭ ﺍﻧﺎ ﺑﺎﺵ ﻧﻤﺸﻲ ﺗﻮﺍ ... ﻣﺒﻌﺪ ﻧﺮﺟﻊ ... ﻛﺴﻤﺎ ﻭﺻﻴﺘﻚ
ﺍﻧﺎ : ﺍﻧﺎ ﺑﺎﺵ ﻧﻤﺸﻲ ﻧﺪﻭﺵ ... ﺗﺮﺟﻤﻠﻬﺎ ... ﻭ ﻗﻠﻬﺎ ﺑﺎﺵ ﻃﻮﻝ
ﻋﻘﺪ ﺣﻮﺍﺟﺒﻮ ﻳﺸﻮﻑ ﻣﻌﺎﻳﺎ ... ﻗﺤﺮﺗﻠﻬﻢ ﺯﻭﺯ ... ﻗﺒﻞ ﻣﺎ ﻧﻤﺸﻲ ... ﻗﺮﺏ ﻣﻨﻬﺎ ﺳﻠﻢ ﻋﻼﻫﺎ ... ﻭ ﺭﺟﻊ ﻋﻨﻘﻬﺎ ... ﻭ ﺧﺮﺝ ... ﺯﺭﺑﺖ ﻟﺒﻴﺘﻲ ... ﻧﻄﺮﺕ ﺍﻟﺒﺎﺏ ﻭﺭﺍﻳﺎ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ .. ﻣﻨﻌﺮﻓﺶ ﻛﻴﻒ ﻧﺤﻴﺖ ﺩﺑﺸﻲ ... ﻭ ﺩﺧﻠﺖ ﺗﺤﺖ ﺍﻟﻤﺎ ... ﺍﻟﻌﺼﺐ ﻳﻬﺰ ﻓﻴﺎ ﻭ ﻳﺤﻂ ... ﻳﺎﺧﻲ ﺧﻠﺼﻨﺎ ﻣﻦ ﻭﺣﺪﺓ ﻃﻠﻌﺖ ﺛﺎﻳﻨﺔ ﺍﺿﺮﺏ ﻣﻨﻬﺎ ... ﺳﻮﺍﺭ ﺷﺒﻴﻚ ﺷﻌﻠﺖ ﻭﺣﺪﻙ ﺷﻌﻤﻠﺘﻠﻚ ﺍﻟﻤﺨﻠﻮﻗﺔ ... ﺗﻲ ﺣﺘﻰ ﻓﻤﻬﺎ ﻣﺤﻼﺗﻮﺵ ﻣﻌﺎﻙ ... ﻋﺪﻳﺖ ﻭﻗﺘﻲ ﺍﻟﻜﻞ ﻭ ﺍﻧﺎ ﻧﺪﻭﺵ ... ﻛﻞ ﻣﺮﺓ ﻧﺬﻛﺮ ﺗﻌﻨﻴﻘﺘﻮ ﻟﻴﻬﺎ ... ﻧﺤﺲ ﺭﻭﺣﻲ ﺑﺎﺵ ﻧﻄﺮﺷﻖ ... ﻣﻨﻌﺮﻓﺶ ﺷﻨﻴﺔ ﺍﻻﺣﺴﺎﺱ ﻫﺬﺍ ... ﻣﻨﻌﺮﻓﺶ ﻋﻼﺵ ﻧﺤﺴﻮ ... ﻛﺎﻥ ﻭﻗﺖ ﺗﺒﺪﺍ ﻭﺣﺪﺓ ﻣﻌﺎﻩ ... ﻋﻼﺵ ﻭﻗﺖ ﻧﻜﻮﻧﻮ ﻭﺣﺪﻧﺎ ... ﻧﻜﻮﻥ ﻣﺮﺗﺎﺣﺔ ﺍﻛﺜﺮ ... ﻛﻤﻠﺖ ﺍﻟﺪﻭﺵ ... ﻟﻔﻴﺖ ﺍﻟﻜﺎﺏ ﻋﻠﻰ ﺭﻭﺣﻲ ﻭ ﺧﺮﺟﺖ ... ﻟﻘﻴﺘﻬﺎ ﻓﻲ ﺑﻴﺘﻲ ﻗﺤﺮﺗﻠﻬﺎ ... ﺗﺒﺴﻤﺖﻟﻲ ... ﻭ ﻗﺮﺑﺖ ﻣﻨﻲ ﺗﺤﻜﻲ