🔥🔞"في أحضان عزرائيل"🔞🔥

الحلقة 24

ﺣﻠﺖ ﻋﻴﻨﻴﻬﺎ ﻓﺮﺩ ﻣﺮﺓ ... ﻭ ﻧﻄﺮﺕ ﻣﻦ ﺑﻼﺻﺘﻬﺎ ﺟﺎﺕ ﻗﺎﻋﺪﺓ ... ﺗﺼﺐ ﺑﺎﻟﻌﺮﻕ ... ﻧﻈﺮﺍﺗﻪﺍ ﺿﺎﻳﻌﺔ ... ﻛﻤﻴﺔ ﺍﻟﺨﻮﻑ ﻟﺸﻔﺘﻬﺎ ﻓﻲ ﻭﺟﻬﺎ ﻟﺤﻈﺘﻬﺎ ... ﻧﻌﺮﻓﻬﺎ ﻣﻠﻴﺢ ... ﻧﻈﺮﺍﺕ ﻫﺬﻭﻣﺎ ﺣﺎﻓﻈﻬﻢ ... ﻓﻘﺖ ﻣﻦ ﺳﺮﺣﺘﻲ ... ﻛﻴﻒ ﺗﺮﻣﺎﺕ ﻋﻠﻴﺎ ... ﺣﻄﺖ ﺭﺍﺳﻬﺎ ﻋﻠﻰ ﺻﺪﺭﻱ ... ﻭ ﺩﻭﺭﺕ ﻳﺪﻳﻬﺎ ﻋﻠﻰ ﻇﻬﺮﻱ ... ﺣﻀﻨﺘﻨﻲ ﺑﺎﻟﻘﺎﻭﻱ ... ﺍﻭﻝ ﻣﺮﺓ ﺑﻌﺪ ﺍﻟﺴﻨﻴﻦ ﻫﺬﻭﻣﺎ ﺍﻟﻜﻞ ... ﺣﺴﻴﺖ ﺑﺸﻲ ﺗﺤﺮﻙ ﺩﺍﺧﻠﻲ ... ﻧﻈﺮﺍﺗﻬﺎ ﻭ ﺧﻮﻓﻬﺎ ﻟﻲ ﻫﻲ ﻓﻴﻪ ﺗﻮﺍ ... ﺭﺟﻌﻨﻲ ﺳﻨﻴﻦ ﻟﺘﺎﻟﻲ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻛﺒﺴﺖ ﻋﻠﻴﺎ ﺍﻛﺜﺮ ... ﺗﺒﻜﻲ ﺑﺎﻟﺸﻬﻘﺔ ... ﻭ ﺗﺤﻜﻲ ﻓﺮﺩ ﻭﻗﺖ ﺳﻮﺍﺭ : ﺍﻣﺎﻥ ﺍﺑﻌﺪ ... ﺳﻴﺒﻨﻲ ... ﺍﻣﺎﻥ ﻓﻤﺎ ﺣﺪ ﻫﻮﻧﻲ ﻫﺰﻳﺖ ﻳﺪﻱ ﺑﺎﺵ ﻧﺤﻄﻬﺎ ﻋﻠﻰ ﻇﻬﺮﻫﺎ ... ﺍﻣﺎ ﺗﺮﺍﺟﻌﺖ ﻓﻲ ﺍﺧﺮ ﻟﺤﻈﺔ ... ﻣﻌﻨﺪﻳﺶ ﻋﻼﺵ ﻧﻮﺍﺳﻴﻬﺎ ... ﺍﺻﻼ ﻣﻜﺎﻧﺶ ﻻﺯﻡ ... ﻧﺤﺲ ﻟﻲ ﺣﺴﻴﺘﻮ ﺗﻮﺍ ... ﺭﺟﻌﺖ ﻳﺪﻱ ﻟﺘﺎﻟﻲ ... ﻭ ﺧﻠﻴﺘﻬﺎ .. ﻣﻌﻨﻘﺘﻨﻲ ... ﺗﺒﻚﻱ ... ﻟﻴﻦ ﺣﺴﻴﺘﻬﺎ ﻫﺪﺍﺕ ... ﻫﺰﻳﺖ ﻳﺪﻳﺎ ﺯﻭﺯ ﺣﻄﻴﺘﻬﻢ ﻋﻠﻰ ﻛﺘﺎﻓﻬﺎ ... ﺭﺟﻌﺘﻬﺎ ﺷﻮﻳﺔ ﻟﺘﺎﻟﻲ ... ﻟﻘﻴﺘﻬﺎ ﺭﻗﺪﺕ ... ﺭﻛﺤﺘﻬﺎ ﻓﻲ ﺑﻼﺻﺘﻬﺎ ... ﻭ ﻫﺰﻳﺖ ﺭﻭﺣﻲ ... ﺟﺒﺖ ﻛﻤﺎﺩﺍﺕ ﻭ ﺭﺟﻌﺘﻠﻬﺎ ... ﺣﻄﻴﺘﻪﻡ ﻋﻠﻰ ﺭﺍﺳﻬﺎ ... ﻣﻔﻤﺎﺵ ﺗﻨﻘﺺ ﺳﺨﺎﻧﺘﻬﺎ ... ﻣﺶ ﻣﻦ ﻋﺎﺩﺗﻲ ﻧﺴﺨﻒ ﻋﻠﻰ ﺣﺪ ... ﻧﻮﺻﻞ ﻣﺮﺍﺕ ﻧﻘﺘﻞ ﻣﻦ ﻏﻴﺮ ﺭﺣﻤﺔ ... ﺍﻣﺎ ﻟﻴﻠﺔ ﻭ ﺗﻮﺍ ﺑﺎﻟﺬﺍﺕ ... ﻣﻨﻌﺮﻓﺶﻋﻼﺵ ﻏﺎﺿﺘﻨﻲ ... ﻋﻼﺵ ﺣﺴﻴﺘﻬﺎ ﻣﻈﻠﻮﻣﺔ ... ﺑﺮﻏﻢ ﻟﻌﺸﺘﻮ ﻓﻲ ﺣﻴﺎﺗﻲ ﺍﻟﻜﻞ ... ﺍﻛﺜﺮ ﺷﻲ ﻧﻜﺮﻫﻮ ... ﺍﻧﻮ ﺣﺪ ﻳﻈﻠﻢ ﺣﺪ ... ﺍﻣﺎ ﺍﻟﻠﻲ ﻣﻘﺘﻨﻊ ﺑﻴﻪ ... ﺍﻧﻮ ﺣﻜﺎﻳﺘﻬﺎ ﻣﺘﻬﻤﻨﻴﺶ ... ﺍﻭﻝ ﻣﺎ ﺗﻮﻓﺎ ﺍﻟﻤﻬﻤﺔ ﻫﺎﺫﻱ ... ﻟﻨﺪﺭﺍ ﻗﺪﺍﺵ ﺑﺎﺵ ﺗﺒﻘﻰ ... ﻭﻗﺘﻬﺎ ﻧﺤﺮﺭﻫﺎ ﺟﻤﻠﺔ ... ﺑﺎﺱ ﻧﺨﻠﻴﻬﺎ ﺗﺒﺪﺍ ﻣﻦ ﺟﺪﻳﺪ ... ﺍﻣﺎ ﻭﻗﺘﻬﺎ ﺑﺎﺯ ﻣﺶ ﺑﺎﺵ ﺗﻜﻮﻥ ﺳﻮﺍﺭ ... ﻟﻲ ﻗﺎﻋﺪ ﻧﺸﻮﻑ ﻓﻴﻬﺎ ﺗﻮﺍ ... ﺩﻭﺏ ﻣﺎ ﻃﻤﻨﺖ ﻟﻬﻲ ﺍﺭﺗﺎﺣﺖ ﺷﻮﻳﺔ ... ﻫﺰﻳﺖ ﺭﻭﺣﻲ ﻭ ﻣﺸﻴﺖ ﻟﺼﺎﻟﺔ ... ﻫﺰﻳﺖ ﺗﻠﻴﻔﻮﻧﻲ ... ﻟﻘﻴﺖ ﻣﻴﺮﺍﻝ ﻃﻠﺒﺘﻨﻲ ﺍﻛﺜﺮ ﻣﻦ ﻣﺮﺓ ... ﺭﺟﻌﺖ ﺭﻣﻴﺘﻮ ﻋﺎﻟﻔﻮﺗﺎﻱ .. ﻭ ﺗﻜﻴﺖ ﺭﺍﺳﻲ ﻟﺘﺎﻟﻲ ... ﻭ ﺳﻜﺮﺕ ﻋﻴﻨﻴﺎ ... ﺭﺟﻌﺖ ﺑﺬﺍﻛﺮﺓ ﺳﻨﻴﻦ ﻟﺘﺎﻟﻲ "... ﺗﻲ ﻭﻳﻨﻚ ﺍﻳﺠﺎ ﻟﻬﻮﻧﻲ ... ﻻ ﺍﻣﻲ ﻫﺎﻧﻲ ﺑﺎﺵ ﻧﻤﺸﻲ ﺑﺤﺬﺍ ﺍﺩﻡ ... ﻻ ﺍﻳﺠﺎ ﻧﺒﺪﻟﻚ ﺳﺎﻋﺔ ... ﻣﻨﺤﺒﺶ ﻳﺎﻣﻲ ... ﺷﺒﻴﻚ ﺗﻜﺒﺲ ... ﺑﺎﻫﻲ ﺍﺗﻮ ﺗﺸﻮﻑ ﻛﻲ ﻧﺤﻜﻤﻚ ... ﺑﺎﺑﺎ ﺑﺎﺵ ﻳﺴﻠﻜﻨﻲ ... ﺑﺎﻫﻲ ﺑﺎﻫﻲ ..." ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻋﺮﻭﻗﻲ ﺗﻜﺒﺴﺖ ... ﺣﻠﻴﺖ ﻋﻴﻨﻴﺎ ... ﻭ ﺧﺮﺟﺖ ﻣﻦ ﻓﻤﻲ ﻛﻠﻤﺔ "... ﺍﻣﻴﻲ ..." ﺧﺮﺟﺖ ﺑﻴﻦ ﺷﻔﺎﻓﻲ ... ﺍﻣﺎ ﺣﺴﻴﺖ ﺑﻴﻬﺎ ﺧﺮﺟﺖ ﻣﻦ ﻋﺮﻭﺵ ﻗﻠﺒﻲ ... ﻟﻠﺤﻈﺔ ﺣﺴﻴﺖ ﺭﻭﺣﻲ ﺿﺎﻳﻊ ﻓﻲ ﺍﻟﻤﺎﺿﻲ ... ﻣﺎﺿﻲ ﺗﻌﺪﺍ ﻋﻠﻴﻪ ﺍﻛﺜﺮ ﻣﻦ 20 ﺳﻨﺔ ... ﺗﻨﻬﺪﺕ ﺑﺎﻟﻘﺎﻭﻱ ... ﺳﻜﺮﺕ ﻋﻴﻨﻴﺎ ... ﻭ ﺍﺳﺘﺴﻠﻤﺖ ﻟﻨﻮﻡ ﺳﻮﺍﺭ ﺗﺤﻜﻲ : ﻓﻘﺖ ﺍﻟﺼﺒﺎﺡ ... ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻧﺤﺲ ﻓﻲ ﺭﺍﺳﻲ ﺭﺯﻳﻦ ... ﻭ ﺑﺪﻧﻲ ﻣﺪﻗﺪﻕ ... ﺍﺧﺮ ﺷﻲ ﻧﺬﻛﺮﻭ ... ﺍﻧﻲ ﻏﻄﺴﺖ ﻓﻲ ﺍﻟﺒﺎﻧﻮ ... ﻧﻄﺮﺕ ﻣﻦ ﺑﻼﺻﺘﻲ ﺟﻴﺖ ﻗﺎﻋﺪﺓ ... ﺯﺡ ﻛﻴﻒ ﺗﻌﺪﺍ ﺍﻟﻮﻗﺖ ﻫﺬﺍ ﺍﻟﻜﻞ ﻭ ﺍﻧﺎ ﺭﺍﻗﺪﺓ ... ﻣﻦ ﺑﺎﺭﺡ ﺻﺒﺎﺡ ﻣﺤﺴﻴﺖ ﺑﺸﻲ ... ﻭ ﻻ ﻛﻠﻴﺖ ﺷﻲ ... ﻭ ﺍﻻﻫﻢ ﻣﻦ ﻫﺬﺍ ... ﻛﻴﻒ ﻭﺻﻠﺖ ﻟﻬﻮﻧﻲ ... ﻧﺰﻟﺖ ﺭﺍﺳﻲ ﻧﻠﻘﺎ ﺭﻭﺣﻲ ﺑﺎﻟﻜﺎﺏ ... ﺳﻜﺮﺕ ﻋﻴﻨﻴﺎ ﻭ ﺭﺟﻌﺖ ﻓﺘﺤﺘﻬﻢ ﺑﺎﻟﻘﺎﻭﻱ ... ﺣﻄﻴﺖ ﻳﺪﻱ ﻋﻠﻰ ﻓﻤﻲ ... ﺧﺮﺟﺖ ﺷﻬﻘﺔ ﺻﻐﻴﺮﺓ ﻣﻨﻲ ... ﻳﻌﻨﻲ ﻫﻮ ... ﻫﻮ ﻟﻲ ﺟﺎﺑﻨﻲ ﻫﻮﻧﻲ ... ﺷﺎﻓﻨﻲ ... ﻫﻮ ﺷﺎﻓﻨﻲ ﻋﺮﻳﺎﻧﺔ ﺍﻛﺎﻛﺎ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﺣﺎﻭﻟﺖ ﻧﺬﻛﺮ ﺍﻱ ﺷﻲ ﺻﺎﺭ ﻭ ﻻ ﺍﻱ ﻛﻼﻡ ﺑﻴﻨﺎ ... ﺍﻣﺎ ﺷﻲ ... ﻭﺟﻴﻌﺔ ﺭﺍﺳﻲ ﺯﺍﺩﺕ ... ﺭﻣﻴﺖ ﻋﻴﻨﻲ ﻟﻠﻜﻮﺍﻓﻮﺯ ... ﺩﺑﺶ ﻣﺰﺍﻝ ﻏﺎﺩﻱ ... ﺑﺎﺯ ﺑﺎﺵ ﻳﺘﻐﺸﺶ ﺗﻮﺍ ... ﺧﺎﻃﺮ ﻫﻮ ﻓﻲ ﺍﻻﺻﻞ ﻛﺎﻥ ﻣﺴﺘﻌﺠﻞ ... ﻫﺰﻳﺖ ﺭﻭﺣﻲ ﺑﺎﻟﺰﺭﺑﺔ ... ﺷﺮﺑﺖ ﺷﻮﻳﺔ ﻣﺎ ... ﻭ ﻫﺰﻳﺖ ﺍﻟﻜﻴﺲ ﻓﻲ ﻳﺪﻱ ... ﻧﺸﻮﻑ ﻓﻴﻪ ... ﺯﺡ ﺍﻛﻴﺪ ﺑﺎﺵ ﻳﺠﻴﻨﻲ ﻛﺒﻴﺮ ... ﺍﺻﻼ ﻣﻔﻤﺎ ﻛﺎﻥ ﺳﺮﻭﺍﻝ ﻭ ﺧﻠﻌﺔ ﻭ ﺭﻭﺑﺔ ﻓﻲ ﺍﻻﺑﻴﺾ ﻣﻌﺎﻫﻢ ... ﺍﺣﺴﻦ ﺷﻲ ﺗﻮﺍ ... ﻧﻠﺒﺲ ﺭﻭﺑﺔ ... ﻣﺒﻌﺪ ﻧﺸﻮﻑ ﻣﻌﺎﻩ ﺣﻞ ﻟﻠﺪﺑﺶ ﻫﺬﺍ