🔥🔞"في أحضان عزرائيل"🔞🔥

الحلقة 61

ﺍﻧﺎ : ﺟﻌﺖ
ﺯﻳﺎﺩ : ﺑﺮﺍ ﻛﻮﻝ ﺷﻲ ﺣﺎﺟﺔ
ﺍﻧﺎ : ﻣﻔﻤﺎﺵ ﻋﺸﺎ ﻳﺎﺧﻲ
ﺯﻳﺎﺩ : ﺷﻨﻮﺓ ﺳﺘﺎﻧﺴﺖ
ﺍﻧﺎ : ﻻ ﺍﻣﺎ ﻣﺰﻟﺖ ﺗﺎﻋﺒﺔ ﺭﺍﻫﻮ
ﺯﻳﺎﺩ : ﺷﻮﻳﺔ ﻭﺟﻴﻌﺔ ﻣﺘﺎﻉ ﻟﻴﻐﺎﻗﻞ ﺗﻌﺒﺎﺗﻚ
ﻧﺒﺰﻧﻲ ﺍﻟﺴﺨﻄﺔ ... ﻣﻼ ﺣﺸﻤﺔ ... ﻧﺰﻟﺖ ﺭﺍﺳﻲ ... ﻧﺤﺲ ﻓﻲ ﻭﺟﻬﻲ ﺑﺎﺵ ﻳﻄﺮﺷﻖ ... ﺣﺴﻴﺖ ﺑﻴﻪ ﻛﺎﻥ ﻛﻲ ﻭﻗﻒ ﻗﺪﺍﻣﻲ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﺭﺟﻌﺖ ﻧﺰﻟﺖ ﺭﺍﺳﻲ ﻧﺤﻜﻲ
ﺍﻧﺎ : ﺑﺎﺵ ﻧﻤﺸﻲ ﻟﻠﻜﻮﺟﻴﻨﺔ
ﺯﻳﺎﺩ : ﻫﻮﻛﺎ ﻣﺰﺍﻝ ﻓﻤﺎ soup ﻣﺘﺎﻉ ﺻﺒﺎﺡ ﺳﺨﻨﻬﺎ ﺑﺎﺵ ﺗﻨﻔﻌﻚ
ﺍﻧﺎ : ﺑﺎﻫﻲ
ﺗﻠﻔﺖ ﺑﺎﺵ ﻧﻤﺸﻲ ﻟﻠﻜﻮﺟﻴﻨﺔ ... ﻭﻗﻔﻦﻱ ﻳﺤﻜﻲ
ﺯﻳﺎﺩ : ﺍﺳﻤﻊ
ﺗﻠﻔﺖ ﻋﻨﺪﻭ ... ﻏﺰﺭﺗﻠﻮ ... ﻭ ﻧﺰﻟﺖ ﺭﻟﺴﻲ ﻧﺤﻜﻲ
ﺍﻧﺎ : ﺷﻨﻮﺓ
ﺯﻳﺎﺩ : ﻣﺘﺒﻘﺎﺵ ﺣﻔﻴﺎﻧﺔ
ﺍﻧﺎ : ﺑﺎﻫﻲ
ﻣﺸﻴﺖ ﻟﻠﻜﻮﺟﻴﻨﺔ ﻧﺠﺮﻱ ... ﻣﻨﻌﺮﻓﺶ ﻛﻴﻒ ﺳﺨﻨﺖ ﺍﻟﻤﺎﻛﻠﺔ ﻭ ﻻ ﻛﻴﻒ ﻛﻠﻴﺖ ... ﻣﻼ ﺗﺒﻬﺪﻳﻠﺔ ﻗﺪﺍﻣﻮ ... ﺗﻲ ﺣﺘﻰ ﻫﻮ ﻣﻴﻌﺮﻓﺶ ﺍﻟﺤﺸﻤﺔ ﺣﺘﻰ ﻃﺮﻑ ﺯﺡ ... ﻛﻞ ﻣﺮﺓ ﻳﺤﻄﻨﻲ ﻓﻲ ﻣﻮﻗﻒ ﻳﺤﺸﻢ ﺍﻛﺜﺮ ﻣﻦ ﺍﻟﻠﻲ ﻗﺒﻠﻮ ... ﺍﻭﻝ ﻣﺎ ﻛﻤﻠﺖ ﻋﺸﺎﺗﻲ ... ﻃﻠﻌﺖ ﻟﺒﻴﺘﻲ ... ﺑﺪﻟﺖ ﺩﺑﺸﻲ ... ﻭ ﺗﺮﻣﻴﺖ ﻋﺎﻟﺴﺮﻳﺮ ... ﺩﻭﺏ ﻣﺎ ﺳﻜﺮﺕ ﻋﻴﻨﻴﺎ ... ﻏﻄﺴﺖ ﻓﻲ ﻧﻮﻡ ... ﺍﺻﻼ ﺗﺎﻋﺒﺔ ﻭ ﻧﺤﺲ ﻓﻲ ﺑﺪﻧﻲ ﻣﺪﻓﺪﻕ ... ﻓﻘﺖ ﺍﻟﺼﺒﺎﺡ ... ﺣﻠﻴﺖ ﻋﻴﻨﻴﺎ ﺑﺎﻟﺴﻴﻒ ... ﺿﻮ ﺍﻟﺸﻤﺲ ﺿﺮﺏ ﻓﻲ ﻋﻴﻨﻲ ... ﻧﻄﺮﺕ ﻣﻦ ﺑﻼﺻﺘﻲ ﺟﻴﺖ ﻗﺎﻋﺪﺓ ... ﺯﺡ ﺑﺎﺯ ﺗﺄﺧﺮﺕ ... ﺭﻣﻴﺖ ﻋﻴﻨﻲ ﻟﺴﺎﻋﺔ ﻧﻠﻘﺎﻫﺎ 9:00
ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﺭﻳﻘﻠﺖ ﺭﻭﺣﻲ ... ﻭﺭﺟﻌﺖ ﻟﻠﺒﻴﺖ ... ﺑﺪﻟﺖ ﺩﺑﺸﻲ ... ﻛﻲ ﺍﻟﻌﺎﺩﺓ ... ﻭ ﻧﺰﻟﺖ ﻋﻨﺪﻭ ﺍﻟﻠﻮﻃﺔ ... ﻟﻘﻴﺘﻮ ﻓﻲ ﺍﻟﻜﻮﺟﻴﻨﺔ ... ﻳﻌﻤﻞ ﻓﻲ ﻗﻬﻮﺓ ... ﻧﻠﻔﺘﻠﻲ ﻳﺤﻜﻲ
ﺯﻳﺎﺩ : ﺍﻗﻌﺪ
ﺍﻧﺎ : ﻣﺶ ﻗﺼﺪﻱ ﻧﺘﺄﺧﺮ ... ﺑﺎﺵ ﻧﻤﺸﻮ ﺗﻮﺍ
ﺯﻳﺎﺩ : ﻳﺎﺧﻲ ﻣﺘﺴﻤﻌﺶ ﻣﻠﻴﺢ ﺍﻧﺘﻲ ﺍﻗﻌﺪ
ﺍﻧﺎ : ﺑﺎﻫﻲ
ﻗﺮﺑﺖ ﻣﻦ ﻃﺎﻭﻟﺔ ... ﻟﻘﺒﺖ ﻓﻄﻮﺭ ﺣﺎﺿﺮ ... ﻗﺮﺏ ﻣﻨﻲ ﻗﻌﺪ ﻳﺸﺮﺏ ﻓﻲ ﻗﻬﻮﺗﻮ ... ﺑﻘﻴﺖ ﻧﺸﻮﻑ ﻣﻌﺎﻩ ... ﻃﻠﻊ ﺣﺎﺟﺒﻮ ﻳﺤﻜﻲ
ﺯﻳﺎﺩ : ﺷﺒﻴﻚ
ﺍﻧﺎ : ﺷﻲ
ﺯﻳﺎﺩ : ﺍﻓﻄﺮ ﻋﻨﺪﻧﺎ ﻣﺎ ﻧﻌﻤﻠﻮ
ﺍﻧﺎ : ﺑﺎﺵ ﻧﺠﺮﻭ ﻳﺎﺧﻲ
ﺯﻳﺎﺩ : ﻻ ﺷﻲ ﺟﺪﻳﺪ
ﺍﻧﺎ : ﺷﻨﻮﺓ ﻫﻮ
ﺯﻳﺎﺩ : ﻣﺒﻌﺪ ﺗﻌﺮﻑ
ﺍﻧﺎ : ﺑﺎﻫﻲ ﺟﻮ ... ﺍﺣﺴﻦ ﻣﻦ ﺍﻟﺠﺮﻱ ﻋﺎﻟﺼﺒﺎﺡ ... ﻭﺍﻟﻠﻪ ﺻﺒﺤﺖ ﺗﺎﻋﺒﺔ ... ﻫﻜﺎ ﺑﺎﺵ ﻧﻔﻄﺮ ﻓﻲ ﺭﺍﺣﺘﻲ ... ﻭ ﺯﺍﺩﺓ ﻓﻄﻮﺭ ﻣﻠﻮﻛﻲ ﻛﻲ ﺍﻟﻌﺎﺩﺓ ﺟﻮ
ﻛﻨﺖ ﻧﺤﻜﻲ ... ﺑﻴﻨﻲ ﻭ ﺑﻴﻦ ﺭﻭﺣﻲ .. ﺍﻣﺎ ﺑﺼﻮﺕ ﻣﺴﻤﻮﻉ ... ﻃﻠﻌﺖ ﺭﺍﺳﻲ ﻟﻘﻴﺘﻮ ﻳﻐﻮﺭﻟﻲ ﻣﺴﺘﻐﺮﺏ ... ﺗﺒﺴﻤﺘﻞﻭ .. ﻭ ﻛﻤﻠﺖ ﻧﺎﻛﻮﻝ .. ﻣﻦ ﻏﻴﺮ ﻣﺎ ﻧﺮﺟﻊ ﻧﻄﻠﻊ ﻓﻴﻪ ﺟﻤﻠﺔ ... ﺍﺻﻼ ﻧﻌﺮﻑ ﻛﺎﻥ ﺍﻟﻤﺮﺓ ﻫﺎﺫﻱ ﻧﻐﺰﺭﻟﻮ ﺑﺎﺵ ﻳﻨﺒﺰﻧﻲ ... ﻗﺎﻝ ﺷﻨﻴﺔ ﻣﻴﺤﺒﺶ ﻟﻲ ﻳﺤﻜﻮ ﺑﺮﺷﺎ .. ﻋﺎﻣﻠﻲ ﻓﻴﻬﺎ ﻧﺪﺭﺍ ﺷﻨﻮﺓ ... ﺍﻣﺎ ﻭﺍﻟﻠﻪ ﺍﻟﻔﻄﻮﺭ ﻣﺤﻼﻩ ... ﺗﻲ ﺯﺡ ﺷﺒﻴﻪ ﻳﻌﺮﻑ ﻳﻄﻴﺐ ﻫﻜﺎ ... ﻃﻠﻊ ﺍﺣﺴﻦ ﻣﻨﻲ ﺟﻤﻠﺔ ... ﺍﺻﻼ ﻋﻤﺮﻱ ﻣﺎ ﺷﻔﺖ ﻭﺍﺣﺪ ﺷﺮﻳﺮ ﻳﻌﺮﻑ ﻳﻄﻴﺐ ... ﻭ ﻻ ﻳﺤﻜﻲ ﻛﻠﻤﺘﻴﻦ ﻋﻠﻰ ﻗﺪ ﺑﻌﻀﻌﻬﻢ .. ﺩﻭﺏ ﻣﺎ ﻛﻤﻠﺖ ... ﻏﺰﺭﻟﻲ ﻳﺤﻜﻲ
ﺯﻳﺎﺩ : ﻛﺎﻥ ﻛﻤﻠﺖ ﺧﻠﻴﻨﺎ ﻧﺨﺮﺟﻮ
ﺍﻧﺎ : ﺑﺎﻫﻲ ﻫﻴﺎ
ﺯﻳﺎﺩ : ﺑﺎﻫﻲ
ﻫﺰﻳﺖ ﺭﻭﺣﻲ ﻭﻗﻔﺖ ... ﺧﺮﺝ ﻣﻦ ﺍﻟﻜﻮﺟﻴﻨﺔ ... ﺧﺎﻟﻂﺕ ﻋﻠﻴﻪ ... ﻟﻘﻴﺘﻮ ﺩﻳﺠﺎ ﺧﺮﺝ ﻟﺒﺮﺍ .. ﺯﻋﻤﺔ ﺷﻨﻴﺔ ﺍﻟﺸﻲ ﺟﺪﻳﺪ ﻟﻲ ﺑﺎﺵ ﻧﻌﻤﻠﻮﻉ ﺗﻮﺍ ... ﺍﻧﺸﺎﺀ ﺍﻟﻠﻪ ﻳﻜﻮﻥ ﺍﺣﻴﻦ ﻣﻦ ﺍﻟﺠﺮﻱ ﻭ ﻛﻬﻮ