🔥🔞"في أحضان عزرائيل"🔞🔥

الحلقة 103

ﺳﻮﺍﺭ ﺗﺤﻜﻲ : ﺍﻭﻝ ﻣﺎ ﺧﺮﺟﺖ ﻣﻦ ﻋﻨﺪﻫﻢ ... ﻃﻠﻌﺖ ﺍﻟﺪﺭﻭﺝ ﻧﺠﺮﻱ ... ﻣﻨﻌﺮﻓﺶ ﻛﻴﻒ ﻭﺻﻠﺖ ﻟﺒﻴﺘﻲ ... ﺳﻜﺮﺕ ﺍﻟﺒﺎﺏ ... ﻭ ﺗﻜﻴﺖ ﻋﻼﻫﺎ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻗﻠﺒﻲ ... ﻳﺨﺾ ﺑﺎﻟﻘﺎﻭﻱ .. ﻧﺤﺲ ﻓﻴﻪ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﺳﻜﺮﺕ ﻋﻴﻨﻴﺎ ... ﻧﺘﻨﻔﺲ ﺑﺎﻟﺴﻴﻒ ... ﻣﺶ ﻣﺼﺪﻗﺔ ﻟﻲ ﺻﺎﺭ ﻗﺒﻴﻞ ... ﺍﻭﻝ ﻣﺮﺓ ﻧﺤﺲ ﺑﻘﺮﺑﻮ ﻟﻬﺪﺭﺟﺔ ... ﺗﻲ ﻋﻠﻰ ﺷﻌﺮﺓ ﻛﺎﻥ ﺑﺎﺵ ﻳﺒﻮﺳﻨﻲ ... ﻛﺎﻥ ﻣﺶ ﺯﻳﻨﺔ ﻛﻨﺖ ﺑﺎﺵ ﻧﻀﻴﻊ ﺑﻴﻦ ﻳﺪﻳﻪ ... ﺯﻋﻤﺔ ﻋﻼﺵ ﺗﺼﺮﻑ ﻣﻌﺎﻳﺎ ﺍﻛﺎﻛﺎ ... ﻋﻼﺵ ﻗﺮﺏ ﻣﻨﻲ ﻟﻬﺪﺭﺟﺔ ... ﺯﻋﻤﺔ ؟ ... ﻟﻠﺤﻈﺔ ﺍﻓﻜﺎﺭﻱ ﻫﺰﺗﻨﻲ ﻟﺒﻌﻴﺪ ... ﻗﺺ ﻋﻠﻴﺎ ... ﺩﻗﺎﻥ ﺍﻟﺒﺎﺏ ﺍﻟﻘﻮﻱ ... ﻓﺘﺤﺖ ﻋﻴﻨﻴﺎ ... ﻫﺰﻳﺖ ﻳﺪﻳﺎ ﺯﻭﺯ ﺣﻄﻴﺘﻬﻢ ﻋﻠﻰ ﺧﺪﻭﺩﻱ ... ﻧﺒﺮﺩ ﻓﻴﻬﻢ ... ﻟﺘﻮﺍ ﻣﺰﻟﺖ ﻣﺮﻭﻫﺠﺔ ﻣﻦ ﻗﺮﺑﻮ ﻣﻨﻲ ... ﻟﺘﻮﺍ ﻣﺰﻟﺖ ﻣﺼﺪﻭﻣﺔ ... ﺧﺬﻳﺖ ﻧﻔﺲ ﻃﻮﻳﻞ ... ﺭﺟﻌﺖ ﺷﻌﺮﻱ ﻟﺘﺎﻟﻲ ... ﺑﻌﺪﺕ ﻋﺎﻟﺒﺎﺏ ... ﺣﻄﻴﺖ ﻳﺪﻱ ﻋﺎﻟﺒﻮﺍﻧﻲ ... ﺣﻠﻴﺖﻭ ... ﺟﺎﺕ ﻋﻴﻨﻲ ﻓﻲ ﻋﻴﻨﻬﺎ ... ﻛﺒﺴﺖ ﻋﻠﻰ ﺳﻨﻴﺎ ... ﻧﺤﺎﻭﻝ ﻧﺘﺼﺮﻑ ﻋﺎﺩﻱ ﻣﻌﺎﻫﺎ ... ﻣﻦ ﻭﺟﻬﺎ ﻇﺎﻫﺮ ﻣﻨﺮﻓﺰﺓ ﻋﺎﻟﻠﺨﺮ ... ﻣﻨﻌﺮﻓﺶ ﺷﺼﺎﺭ ﻣﻌﺎﻫﻢ ﻟﻮﻃﺔ ... ﻳﻤﻜﻦ ﺗﻐﺸﺖ ﺧﺎﻃﺮ ﻟﻘﺎﺗﻮ ﻣﻌﺎﻳﺎ ... ﻋﻨﺪﻫﺎ ﺣﻖ ﻓﻲ ﻧﻬﺎﻳﺔ ﻫﻲ ﺣﺒﻴﺒﺘﻮ ... ﻭﺧﺮﺕ ﻋﺎﻟﺒﺎﺏ ... ﺧﻄﻮﺓ ﻟﺘﺎﻟﻲ ... ﻗﺤﺮﺗﻠﻲ ... ﻗﺤﺮﺓ ﻣﻮﺕ ... ﻭ ﺩﺧﻠﺖ ﺗﺤﻜﻲ ﺯﻳﻨﺔ : ﺍﺳﻤﻌﻨﻲ ﺍﻧﺎ : ﺷﻨﻮﺓ ﺯﻳﻨﺔ : ﺑﺮﻭﻗﺮﺍﻣﻲ ﺗﺒﺪﻝ ... ﺧﺪﻣﺘﻨﺎ ﻻﺯﻡ ﺗﻮﻓﺎ ﻓﻲ 3 ﺍﻳﺎﻡ ﻛﻬﻮ ... ﻧﺤﺒﻚ ﺗﻜﺒﺲ ﺭﻭﺣﻚ ... ﻭ ﻣﺘﻀﻴﻌﺶ ﻭﻗﺖ ﺗﺒﺴﻤﺖ ﻋﻠﻰ ﺟﻨﺐ ... ﻭﺭﺑﻌﺖ ﻳﺪﻳﺎ ... ﻏﺰﺭﺗﻠﻬﺎ ﻧﺤﻜﻲ ﺍﻧﺎ : ﻭﺍﻟﻠﻪ ﺍﻧﺎ ﻫﻮﻧﻲ ﻋﻠﻰ ...24 ﻛﺎﻥ ﺍﻧﺎ ﻣﺘﻠﺘﻬﺎﺵ ﻓﻲ ﺍﻣﻮﺭ ﺍﺧﺮﻯ ... ﺑﺎﺵ ﻧﻜﻤﻠﻮ ﻓﻲ ﻧﻬﺎﺭ ﻣﺶ 3 ﺍﻳﺎﻡ ﺯﻳﻨﺔ؛ﺷﺘﻘﺼﺪ ﺑﻜﻼﻣﻚ ﻳﺎﺧﻲ ﺍﻧﺎ؛ﺗﻌﺮﻑ ﻛﻼﻣﻲ ﻣﺶ ﻣﻬﻢ ﺑﺮﺷﺎ ... ﺧﻠﻴﻨﺎ ﻧﺒﺪﺍﻭ ﺍﺣﺴﻦ ﺧﻠﻴﺘﻬﺎ ﻭﺍﻗﻔﺔ ﺗﺸﻮﻑ ﻣﻌﺎﻳﺎ ... ﻗﺮﺑﺖ ﻣﻦ ﺍﻟﻜﻮﺍﻓﻮﺯ ... ﻧﻌﺪﻱﻓﻲ ﻳﺪﻱ ﻋﻠﻰ ﻣﺎﻛﻴﺎﺝ ﻟﻲ ﻏﺎﺩﻱ ... ﻭ ﻛﻤﻠﺖ ﻧﺤﻜﻲ ﺍﻧﺎ : ﺍﻳﻪ ﺷﻨﻌﻤﻠﻮ ﺗﻮﺍ ... ﺑﺎﺵ ﻧﻜﻤﻠﻮ ﻭ ﻻ ﻧﻌﻤﻠﻮ ﺷﻲ ﺛﺎﻧﻲ ﻗﺮﺑﺖ ﻣﻨﻲ ﻭﻗﻔﺖ ﻗﺪﺍﻣﻲ ﺑﺎﻟﻈﺒﻂ ... ﺑﺤﻜﻢ ﻛﺎﻧﺖ ﻻﺑﺴﺔ ﻛﻌﺐ ... ﻛﺎﻧﺖ ﺍﻃﻮﻝ ﻣﻨﻲ ﺷﻮﻳﺔ ... ﺍﺳﺘﻨﺪﺕ ﺑﻴﺪﻫﺎ ﻋﺎﻟﻜﻮﺍﻓﻮﺯ ... ﻭ ﻏﺰﺭﺗﻠﻲ ﺑﺎﺳﺘﻬﺰﺍﺀ ﺗﺤﻜﻲ ﺯﻳﻨﺔ؛ﻳﺎﺧﻲ ﺷﻨﻮﺓ ﺑﻴﻨﻚ ﻭ ﺑﻴﻦ ﺯﻳﺎﺩ ﺣﻄﻴﺖ ﺍﻟﻠﻲ ﻛﺎﻥ ﻓﻲ ﻳﺪﻱ ... ﺭﺟﻌﺖ ﺷﻌﺮﻱ ﻟﺘﺎﻟﻲ ﻧﺤﻜﻲ ﺍﻧﺎ : ﺷﺘﻘﺼﺪ ﺑﺴﺆﺍﻟﻚ ﺯﻳﻨﺔ : ﺷﻜﻮﻧﻚ ﺍﻧﺖ ... ﻭ ﻋﻼﺵ ﻳﻌﻤﻞ ﻫﺬﺍ ﺍﻟﻜﻞ ﻣﻌﺎﻙ ... ﻳﺎﺧﻲ ﺷﻨﻴﺔ ﻟﻲ ﺻﺎﻳﺮ ﺗﺒﺴﻤﺖ ﻋﻠﻰ ﺟﻨﺐ ... ﻭ ﻏﺰﺭﺗﻠﻬﺎ ﻓﻲ ﻭﺟﻬﺎ ﻧﺤﻜﻲ ﺍﻧﺎ : ﻣﻤﻢ ﺻﻌﺐ ﻧﺠﺎﻭﺑﻚ ﺯﻳﻨﺔ : ﻳﻌﻨﻲ ﺍﻧﺎ : ﻳﻌﻨﻲ ... ﻛﺎﻥ ﺗﺤﺐ ﺗﻔﻬﻢ ﻟﻲ ﺻﺎﻳﺮ ... ﺑﺮﺍ ﻋﻨﺪﻭ ﻭ ﺗﻮ ﻫﻮ ﻳﻔﻬﻤﻚ ﻋﻠﻰ ﻗﺎﻋﺪﺓ ﺯﻳﻨﺔ : ﻣﻤﻤﻢ ﻫﺎﻙ ﻃﻠﻌﺖ ﻗﺪﻫﺎ .. ﻭ ﺗﻌﺮﻑ ﺟﺎﻭﺏ ﺑﺎﻟﻘﺪﺍ ... ﻳﻌﻨﻲ ﺷﻮﻳﺔ ﺭﺗﻮﺵ ﻋﻠﻴﻚ ﻭ ﺗﺮﺟﻊ ﺣﺎﺿﺮﺓ ﺍﻧﺎ : ﻣﻼ ﺧﻠﻴﻨﺎ ﻧﺒﺪﺍﻭ ﻣﻦ ﺗﻮﺍ ... ﻣﻌﺎﺩﺵ ﺑﺮﺷﺎ ﻭ ﺗﻮﻓﺎ 3 ﺍﻳﺎﻡ ﻗﺤﺮﺗﻠﻲ ... ﺗﺒﺴﻤﺘﻞﻫﺎ ... ﻣﻦ ﺳﺎﻋﺎﺕ ﻟﻲ ﻋﺪﻳﺘﻬﻢ ﻣﻌﺎﻫﺎ ... ﻋﺮﻓﺖ ﺍﻧﻮ ﺍﺳﻠﻮﺑﻬﺎ ﺍﺳﺘﻔﺰﺍﺯﻱ ﻋﺎﻟﻠﺨﺮ ... ﻭ ﺑﺎﺵ ﻧﻮﺍﺟﻬﺎ ... ﻧﻌﺎﻣﻠﻪﺍ ﺑﻨﻔﺲ ﺍﺳﻠﻮﺑﻬﺎ ... ﻣﻨﻌﺮﻑﺵ ﻛﻴﻒ ﺗﻌﺪﺍ ﻧﻬﺎﺭ ... ﺩﻭﺏ ﻣﺎ ﺧﺮﺟﺖ ﻣﻦ ﺑﻴﺘﻲ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﻋﻤﻠﺖ ﺩﻭﺵ ﺳﺨﻮﻥ ﻓﺮﻫﺪﺕ ﺑﻴﻪ ﺭﻭﺣﻲ ... ﻟﺒﺴﺖ ﺭﻭﺑﺔ ﻗﻄﻦ ﻋﻨﺪ ﺍﻟﺮﻛﺒﺔ ... ﺷﻴﺤﺖ ﺷﻌﺮﻱ ﺑﺎﻟﻤﻨﺸﻔﺔ ... ﻭ ﺧﻠﻴﺘﻮ ﻣﺴﻴﺐ ... ﺑﺎﺵ ﻳﻨﺸﻒ ... ﻛﻨﺖ ﺑﺎﺵ ﻧﺮﺟﻊ ﻟﺴﺮﻳﺮ ... ﺍﻣﺎ ﺣﺴﻴﺖ ﺑﺪﻭﺧﺔ ﻗﻮﻳﺔ ... ﺍﺳﺘﻨﺪﺕ ﺑﻴﺪﻱ ﻋﺎﻟﻘﺎﺭﺩ ﺭﻭﺏ ... ﻭ ﺣﻄﻴﺖ ﻳﺪﻱ ﻻﺧﺮﻯ ﻋﻠﻰ ﺭﺍﺳﻲ ... ﻣﻦ ﺻﺒﺎﺡ ﻣﺎ ﻛﻠﻴﺖ ﺷﻲ ... ﻟﺒﺴﺖ ﺷﻼﻛﺘﻲ ... ﻭ ﻫﺰﻳﺖ ﺭﻭﺣﻲ ﺧﺮﺟﺖ ﻣﻦ ﺍﻟﺒﻴﺖ ... ﻧﺰﻟﺖ ﺍﻟﺪﺭﻭﺝ ﻫﺬﺍﻛﺎ ﺑﺎﻟﺴﻴﻒ ... ﻣﻨﻌﺮﻓﺶ ﻛﻴﻒ ﻭﺻﻠﺖ ﻟﻠﻜﻮﺟﻴﻨﺔ .. ﺩﻭﺏ ﻣﺎ ﺩﺧﻠﺖ ﺷﻌﻠﺖ ﺍﻟﻀﻮ ... ﻭ ﻓﺘﺤﺖ ﺍﻟﻔﺮﻳﺠﻴﺪﺍﺭ ... ﺟﺐﺩﺕ ﺟﺒﻨﺔ ﻭ ﺯﻳﺘﻮﻥ ﻭ ﻋﻈﻢ ... ﺣﻄﻴﺘﻬﻢ ﻋﺎﻟﺮﺧﺎﻣﺔ ... ﻭ ﺳﻜﺮﺗﻮ ... ﻧﺤﺐ ﻧﺤﻀﺮ ﺷﻲ ﺧﻔﻴﻒ ﻧﺸﺪ ﺑﻴﻪ ﺍﻟﺠﻮﻉ ... ﻭ ﻧﻄﻠﻊ ﻧﺮﺗﺎﺡ ... ﺧﺎﻃﺮ ﻧﺤﺲ ﻓﻲ ﺑﺪﻧﻲ ﻣﻬﺪﻭﺩ ... ﻳﺎﺳﺮ ﺗﺎﻋﺒﺔ ... ﻳﺎﺳﺮ ﻣﻈﻐﻮﻃﺔ ... ﻣﻌﺎﺩ ﻧﺠﻢ ﻧﺮﻛﺰ ﻓﻲ ﺷﻲ ... ﻗﺒﻞ ﻣﺎ ﻧﺘﻠﻔﺖ ... ﺣﺴﻴﺖ ﺑﻴﻪ ﺩﺧﻞ ﻟﻠﻜﻮﺟﻴﻨﺔ ﻣﻦ ﺭﻳﺤﺘﻮ ... ﻭ ﻣﻦ ﺟﻬﺎﻣﺘﻮ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﻻﺑﺲ ﺳﺮﻭﺍﻝ ﺳﻴﺮﻓﺎﺗﻤﻮﻥ ... ﺑﺪﻥﻭ ﻋﺮﻳﺎﻥ ﻣﻦ ﻓﻮﻕ ... ﻭ ﻋﺮﻗﺎﻥ ﺯﺍﺩﺓ ... ﻳﺎﺧﻲ ﻗﺎﻋﺪ ﻳﻌﻤﻞ ﺳﺒﻮﺭ ﻓﻲ ﻧﺺ ﺍﻟﻠﻴﻞ ... ﻳﺎﺧﻲ ﻧﻮﺭﻣﺎﻝ ﻫﺬﺍ ﻓﻲ ﻣﺨﻮ ... ﻧﺰﻟﺖ ﻋﻴﻨﻴﺎ ﻣﻨﻮ ... ﺣﺸﻤﺖ ﻋﺎﻟﻠﺨﺮ ... ﺑﻘﻴﺖ ﻭﺍﻗﻔﺔ ﻓﻲ ﺑﻼﺻﺘﻲ ... ﻣﻜﻨﺘﺶ ﻧﺘﻮﻗﻊ ﻟﻬﻮ ﺑﺎﺵ ﻳﻨﺰﻝ ﺗﻮﺍ ... ﺧﺎﻃﺮ ﻓﻲ ﺑﺎﻟﻲ ﺑﺎﺵ ﻳﻜﻮﻥ ﻏﺎﻃﺲ ﻣﻌﺎﻫﺎ ... ﻣﺤﻜﺎﺵ ﻣﻌﺎﻳﺎ ... ﻗﺮﺏ ﻣﻦ ﺍﻟﻔﺮﻳﺠﻴﺪﺍﺭ ... ﺟﺐﺩ ﺩﺑﻮﺯﺓ ﻣﺎ ... ﺷﺮﺏ ﻣﻨﻬﺎ ﻓﺮﺩ ﻣﺮﺓ ... ﻛﻲ ﻋﺎﺩﺗﻮ ... ﻗﺮﺏ ﻣﻨﻲ ﻭﻗﻒ ﻗﺪﺍﻣﻲ ... ﻭﺧﺮﺕ ﺷﻮﻳﺔ ﻟﺘﺎﻟﻲ ... ﻫﺰﻧﻲ ﻭ ﺣﻄﻨﻲ ﺑﻌﻴﻨﻴﻪ ... ﺣﻂ ﺩﺑﻮﺯﺓ ﺍﻟﻤﺎ ﻋﺎﻟﻄﺎﻭﻟﺔ ... ﺣﻚ ﻟﺤﻴﺘﻮ ﻳﺤﻜﻲ