ﺣﺒﻴﺒﺘﻮ ... ﻗﺮﺑﺖ ﻣﻦ ﻛﻮﺍﻓﻮﺯ ﺣﻄﻴﺖ ﺍﻟﺒﻴﺴﻲ ... ﺑﺎﻟﻘﺎﻭﻱ ... ﺟﻴﺖ ﺑﺎﺵ ﻧﺘﻠﻔﺖ ... ﺟﺎﺕ ﻋﻴﻨﻲ ﻋﺎﻟﻤﺮﺍﻳﺎ ... ﺣﻄﻴﺖ ﻳﺪﻳﺎ ﺯﻭﺯ ﻋﺎﻟﻜﺮﺳﻲ ... ﺍﺳﺘﻨﺪﺕ ﻋﻠﻴﻪ ... ﻧﺸﻮﻑ ﻣﻊ ﺭﻭﺣﻲ ... ﺷﻌﺮﻱ ﺩﺍﺧﻞ ﺑﻌﻀﻮ ... ﻭﺟﻬﻲ ﺍﺣﻤﺮ ﺑﺎﺵ ﻳﻄﺮﺷﻖ .... ﻗﻠﺒﻲ ﻧﺤﺲ ﻓﻴﻪ ﻳﺨﺾ ﺑﺎﻟﻘﺎﻭﻱ ... ﺍﺳﺘﻐﺮﺑﺖ ﺣﺎﻟﺘﻲ ... ﻧﺰﻟﻮ ﺩﻣﻮﻋﻲ ﺑﻼ ﻣﺎ ﻧﺤﺲ ﺑﻴﻬﻢ ... ﻫﺰﻳﺖ ﻳﺪﻳﺎ ﺯﻭﺯ ﻧﻤﺴﺢ ﻓﻲ ﻭﺟﻬﻲ ﺑﺎﻟﻘﺎﻭﻱ ... ﻭ ﻧﺮﺟﻊ ﻓﻲ ﺷﻌﺮﻱ ﻟﺘﺎﻟﻲ ... ﺧﺬﻳﺖ ﻧﻔﺲ .. ﻭ ﺗﻌﺪﻟﺖ ﻓﻲ ﻭﻗﻔﺘﻲ ... ﻧﺸﻮﻑ ﻣﻊ ﺭﻭﺣﻲ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻰ ﻃﻮﻝ ﺷﻌﺮﻱ ... ﻋﻠﻰ ﺧﺪﻱ ﻭ ﺷﻔﺎﻓﻲ ... ﻧﺸﻮﻑ ﻣﻊ ﺑﺪﻧﻲ ... ﻣﻔﻤﺎ ﺣﺘﻰ ﻣﻘﺎﺭﻧﺔ ﺑﻴﻨﻲ ﻭ ﺑﻴﻨﻬﺎ ... ﺗﻲ ﻣﺎ ﻧﺸﺒﻬﺎ ﻓﻲ ﺣﺘﻰ ﺷﻲ ... ﻋﻨﺪﻭ ﺣﻖ ... ﺗﻲ ﻫﻲ ﺯﻳﻦ ﻭ ﻗﺪ ... ﺣﺘﻰ ﺳﺘﻴﻠﻬﺎ ﻳﺎﺳﺮ ﻣﺰﻳﺎﻥ ... ﻧﺰﻟﺖ ﻋﻴﻨﻴﺎ ﻧﺸﻮﻑ ﻓﻲ ﺍﻟﻤﻜﻴﺎﺝ ﻟﻤﺤﻄﻮﻁ ﻋﺎﻟﻜﻮﺍﻓﻮﺯ ... ﻣﻦ ﻧﻬﺎﺭ ﺟﺒﺘﻮ ﻣﻊ ﺩﺑﺶ ﻭ ﺣﻄﻴﺘﻮ ﻫﻮﻧﻲ ... ﻣﺴﺘﻌﻤﻠﺘﻮﺵ ... ﻗﺮﺑﺖ ﻳﺪﻱ ﻣﺘﺮﺩﺓ ... ﻫﺰﻳﺖ ﺍﻟﺮﻭﺝ ﻟﻲ ﻏﺎﺩﻱ ... ﻗﻌﺪﺕ ﻋﺎﻟﻜﺮﺳﻲ ... ﺣﻠﻴﺘﻮ ﻧﺸﻮﻑ ﻣﻌﺎﻩ ... ﻗﺮﺑﺘﻮ ﻣﻦ ﺷﻔﺎﻓﻲ ... ﻧﻌﺪﻱ ﻓﻴﻪ ... ﺣﻄﻴﺘﻮ ﻧﺸﻮﻑ ﻣﻊ ﺭﻭﺣﻲ ... ﺷﻮﻳﺔ ﺭﻭﺝ ﺯﺍﺩ ﻓﻴﺎ ﺷﻄﺮ ... ﻋﺪﻳﺖ ﺻﻮﺍﺑﻌﻲ ﺑﺨﻔﺔ ﻋﻠﻰ ﺷﻔﺎﻓﻲ ... ﻫﺰﻳﺖ ﻳﺪﻳﺎ ﺯﻭﺯ ... ﺭﻛﺤﺖ ﺷﻌﺮﻱ ﻫﺒﻄﻮ ﺧﺼﻼﺗﻮ ﻋﻠﻰ ﻭﺟﻬﻲ ... ﻋﺪﻳﺖ ﻓﺘﺮﺓ ﻣﻠﻴﺤﺔ ﻧﺸﻮﻑ ﻣﻊ ﺭﻭﺣﻲ ... ﺳﺮﺣﺖ ﻟﺒﻌﻴﺪ ... ﻻﻛﺎ ﺍﻟﻠﻴﻠﺔ ﺍﻟﺨﺎﻳﺒﺔ ... ﺳﻜﺮﺕ ﻋﻴﻨﻴﺎ ﺑﺎﻟﻘﺎﻭﻱ ... ﻧﺰﻟﺖ ﻣﻨﻬﻢ ﺩﻣﻌﺔ ... ﺣﺮﻗﺘﻨﻲ ﻓﻲ ﺧﺪﻱ ... ﻓﺘﺤﺖ ﻋﻴﻨﻴﺎ ... ﺗﺒﺴﻤﺖ ﺑﻮﺟﻴﻌﺔ ... ﺷﻨﻮﺓ ﺍﻟﻠﻲ ﻗﺎﻋﺪﺓ ﻧﺨﻤﻢ ﻓﻴﻪ ﺍﻧﺎ ... ﻋﻼﺵ ﺣﺘﻰ ﻧﺒﻜﻲ ... ﻋﻼﺵ ﻧﺴﺘﻨﺎ ﺯﻳﺎﺩ ﻳﻐﺰﺭﻟﻲ ﻛﻴﻤﺎ ﻳﻐﺰﺭ ﻟﺰﻳﻨﺔ ... ﻛﻴﻒ ﻧﺨﻠﻲ ﺍﻻﺣﺴﺎﺱ ﻫﺬﺍ ﻳﻐﻠﺒﻨﻲ ... ﻛﻴﻒ ﻧﺴﻤﺢ ﻟﺮﻭﺣﻲ ﻧﺨﻤﻢ ﻓﻴﻪ ﺑﺎﻟﻄﺮﻳﻘﺔ ﻫﺎﺫﻱ ﻛﻴﻒ ﻧﻨﺴﺎ ﻻﻛﺎ ﻟﻴﻠﺔ ﺧﺬﺍﺕ ﻣﻨﻲ ﻛﻠﺸﻲ ﺑﺎﻫﻲ ﻓﻲ ﺣﻴﺎﺗﻲ ... ﻭ ﺧﺬﺍﺕ ﻛﻞ ﺣﻖ ﻣﻨﻲ ... ﺣﻖ ﺍﻧﻲ ﻧﺘﻘﺎﺭﻥ ﻣﻊ ﺣﺘﻰ ﻃﻔﻠﺔ ... ﻛﻠﺸﻲ ﻭﻓﺎ ﻣﻦ ﺍﻛﺎ ﺍﻟﻠﻴﻠﺔ ... ﻭﺍﻟﻠﻲ ﻗﺎﻋﺪﺓ ﻧﺤﺲ ﻓﻴﻪ ﺗﻮﺍ ﺯﺍﻳﺪ ... ﺍﻻﺣﺴﺎﺱ ﻟﻨﺤﺴﻮ ﻣﻊ ﺯﻳﺎﺩ ... ﻣﺎ ﻳﻌﻨﻲ ﺣﺘﻰ ﺷﻲ ... ﺧﺎﻃﺮ ﻣﺴﺘﺤﻴﻞ ﻳﺼﻴﺮ ﺷﻲ ... ﻣﻦ ﺍﻟﻠﻲ ﻗﺎﻋﺪ ﻳﺪﻭﺭ ﻓﻲ ﻣﺨﻲ ... ﻣﺴﺘﺤﻴﻞ ﻳﺠﻤﻌﻨﻲ ﺑﻴﻪ ﺷﻲ ﻏﻴﺮ ﺍﻟﺨﺪﻣﺔ ... ﺍﺻﻼ ﻫﻮ ﻣﻴﻮﺻﻠﺶ ﻳﻄﻠﻊ ﻟﻮﺣﺪﺓ ﻛﻴﻔﻲ ﺑﺸﻄﺮ ﻋﻴﻦ ... ﺗﻲ ﻛﺎﻥ ﻣﺰﻟﺖ ﻧﻘﻴﺔ ... ﻣﻨﻮﺻﻠﺶ ﻧﻜﻮﻥ ﻓﻲ ﺍﻟﺒﻼﺻﺔ ﻫﺎﺫﻱ ﺟﻤﻠﺔ ... ﻭ ﻧﺘﺨﻠﻰ ﻋﻠﻰ ﻛﻠﺸﻲ ﻓﻲ ﺣﻴﺎﺗﻲ ... ﻣﺒﺎﺩﺋﻲ ... ﺍﺧﻼﻗﻲ ﻟﻲ ﺗﺮﺑﻴﺖ ﻋﻼﻫﺎ ... ﻭ ﻋﻴﻠﺘﻲ ﺍﻟﺼﻐﻴﺮﺓ ﻟﻲ ﻣﻌﻨﺪﻳﺶ ﻏﻴﺮﻫﺎ
أنت تقرأ
🔥🔞"في أحضان عزرائيل"🔞🔥
Actionوينكم🙋تلموولي هنا من جدييد انا جيييت🙋 توحشتوني أكيد نعرف،نعرف☺❤ نلقاكم الكلكم فادين و تحبو على كرونيك تضيعو بيها اىوقت🎰😤و كيما نعرفو بلي هذايا وقت الحجر الصحي جبتلكم كرونيك نااار🔥🔞بون الكرونيك قدديمة تسرقت مع الكونط متاعي القديم، أما حلووة ع...
