🔥🔞"في أحضان عزرائيل"🔞🔥

الحلقة 114

ﺯﻳﺎﺩ ﻳﺤﻜﻲ :
ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ... ﻭ ﺍﺣﻨﺎ ﻓﻲ ﺍﻟﺜﻨﻴﺔ ... ﻣﺤﺴﻴﺘﺶﺑﺎﻟﻮﻗﺖ ﺟﻤﻠﺔ ... ﺑﻘﻴﺖ ﻧﺸﻮﻑ ﻣﻊ ﺣﺎﻟﺘﻬﺎ ﻭ ﻫﻲ ﻣﺘﻜﻴﺔ ﻋﻠﻰ ﺻﺪﺭﻱ ... ﻭﺟﻬﺎ ﻣﻨﻔﻮﺥ ﻣﻦ ﺍﻟﺒﻜﺎ ... ﻭ ﺭﻭﺑﺘﻬﺎ ﺍﻟﺒﻴﻀﺔ ... ﺭﺟﻌﺖ ﺑﻠﻮﻥ ﺍﻟﺘﺮﺍﺏ ... ﺷﻌﺮﻫﺎ ﺩﺍﺧﻞ ﺑﻌﻀﻮ ... ﻳﻤﻜﻦ ﺗﻜﻮﻥ ﻫﺎﺫﻱ ﺍﺻﻌﺐ ﻭﺟﻴﻌﺔ ﻋﺎﺷﺘﻬﺎ ﻓﻲ ﺣﻴﺎﺗﻬﺎ ... ﺍﺻﻼ ﻣﻔﻤﺎﺵ ﻭﺟﻴﻌﺔ ﺍﻗﻮﻯ ﻣﻨﻬﺎ ... ﻭﺟﻴﻌﺔ ﻧﻌﺮﻓﻬﺎ ﺑﺎﻟﻘﺪﺍ ... ﻭﺟﻴﻌﺔ ﻋﺸﺘﻬﺎ ﺳﻨﻴﻦ ﻟﺘﺎﻟﻲ ... ﻋﺸﺘﻬﺎ ﻭ ﺍﻧﺎ ﻋﻤﺮﻱ 8 ﺳﻨﻴﻦ ... ﻧﺰﻟﺖ ﺭﺍﺳﻲ ﻧﺸﻮﻑ ﻣﻌﺎﻫﺎ ﻟﻘﻴﺘﻬﺎ ﺭﻗﺪﺕ ... ﻏﺰﺭﺕ ﻟﻴﺪﻫﺎ ﻟﻘﻴﺘﻬﺎ ﻛﺎﺑﺴﺔ ﻋﻠﻴﻬﺎ ... ﻧﺰﻟﺖ ﻳﺪﻱ ﺣﻠﻴﺘﻬﺎ ... ﻧﻠﻘﺎﻫﺎ ﺷﺎﺩﺓ ﺗﺮﺍﺏ ﻓﻲ ﻳﺪﻫﺎ ... ﺳﺨﻔﺘﻨﻲ ﻋﺎﻟﻠﺨﺮ ... ﻳﻤﻜﻦ ﺑﻌﺪ ﺍﻟﺴﻨﻴﻦ ﻫﺎﺫﻱ ﺍﻟﻜﻞ ﻟﻲ ﻋﺸﺘﻬﺎ ... ﺍﻭﻝ ﻣﺮﺓ ﻧﺴﺨﻒ ﻋﻠﻰ ﺣﺪ ... ﺍﻭﻝ ﻣﺮﺓ ﻳﻐﻴﻀﻨﻲ ﺣﺪ ... ﺍﻟﻠﻲ ﺷﻔﺘﻮ ﺍﻟﻴﻮﻡ ﻛﺎﻥ ﻣﻦ ﺍﻛﺒﺮ ﺍﻟﻤﻮﺍﻗﻒ ﻟﻲ ﻋﺸﺘﻬﺎ ... ﻫﺰﻳﺖ ﻳﺪﻱ ﻛﺒﺴﺖ ﻋﻼﻫﺎ ﺍﻛﺜﺮ ... ﻭ ﺗﻜﻴﺖ ﻟﺘﺎﻟﻲ ... ﺳﻜﺮﺕ ﻋﻴﻨﻴﺎ ... ﻧﺤﺲ ﻓﻲ ﺭﺍﺳﻲ ﺑﺎﺵ ﻳﻄﺮﺷﻖ .. ﻓﻘﺖ ﻣﻦ ﺳﺮﺣﺘﻲ ... ﻛﻴﻒ ﻭﻗﻔﺖ ﺍﻟﻜﺮﻫﺒﺔ ... ﻧﺰﻝ ﺍﻟﺸﻮﻓﻮﺭ ﻓﺘﺤﻠﻲ ﺍﻟﺒﺎﺏ ... ﻏﺰﺭﺗﻠﻬﺎ ﻟﻘﻴﺘﻬﺎ ﻏﺎﻃﺴﺔ ﻓﻲ ﻧﻮﻡ ... ﺗﻲ ﺍﺫﺍ ﻣﺪﺍﺧﺘﺶ ... ﺧﺎﺻﺔ ﻧﻬﺎﺭ ﺍﻟﻜﻞ ﻭ ﻫﻲ ﺗﺒﻜﻲ ... ﺑﻌﺪﺗﻬﺎ ﻋﻠﻴﺎ ﺷﻮﻳﺔ .. ﻭ ﻧﺰﻟﺖ ... ﻗﺮﺑﺖ ﻣﻦ ﺟﻴﻬﺘﻬﺎ ﻧﺰﻟﺖ ﻋﻼﻫﺎ ﺍﻛﺜﺮ ﻫﺰﻳﺘﻬﺎ ﺑﻴﻦ ﻳﺪﻳﺎ ... ﻃﻠﻌﺘﻬﺎ ﻟﺒﻴﺘﻬﺎ ... ﺣﻄﻴﺘﻬﺎ ﻋﺎﻟﺴﺮﻳﺮ ... ﺣﺎﻟﺘﻪﺍ ﺣﺎﻟﺔ ... ﻣﺴﺨﺔ ﺑﺘﺮﺍﺏ ... ﻭﺟﻬﺎ ﺍﺣﻤﺮ ﺑﺎﺵ ﻳﻄﺮﺷﻖ ... ﻣﺶ ﺣﺎﺳﺔ ﻋﻠﻰ ﺷﻲ .. ﻻ ﻛﻴﻒ ﺣﻤﻠﺘﻬﺎ ﻟﻬﻮﻧﻲ ... ﻭ ﻻ ﻛﻲ ﺣﻄﻴﺘﻬﺎ ... ﻋﺪﻳﺖ ﻳﺪﻱ ﻋﻠﻰ ﺷﻌﺮﻱ ... ﺩﻧﻴﺎ ﺑﺪﺍﺕ ﺗﻈﻼﻡ ... ﺍﺻﻼ ﺳﺎﻋﺎﺕ ﻧﻌﺪﻭﻫﻢ ﻓﻲ ﺛﻨﻴﺔ ﺑﺎﺵ ﻧﻤﺸﻮ ﻟﺘﻮﻧﺲ ﻭ ﻧﺮﺟﻊ ... ﺑﺤﻜﻢ ﺍﻟﺒﻼﺻﺔ ﺟﺎﻳﺔ ﻓﻲ ﺭﻳﻒ ... ﻫﺰﻳﺖ ﺗﻠﻴﻔﻮﻧﻲ ﻭ ﺧﺮﺟﺖ ... ﻛﻠﻤﺖ ﺭﺟﺎﻟﻲ ... ﻧﻄﻤﻦ ﻋﺎﻻﺧﺒﺎﺭ ... ﻭ ﺍﺫﺍ ﺣﺪ ﺷﻚ ﻻﻧﺎ ﻫﻮﻧﻲ ﻓﻲ ﺗﻮﻧﺲ ... ﺭﺟﻌﺖ ﻋﻨﺪﻫﺎ ... ﻣﺰﺍﻟﺖ ﻛﻴﻤﺎ ﺣﻄﻴﺘﻬﺎ ... ﻗﺮﺑﺖ ﻣﻨﻬﺎ ﺍﻛﺜﺮ ... ﺑﺎﺵ ﻧﻔﻴﻘﻬﺎ ... ﻣﻦ ﺻﺒﺎﺡ ﻣﺎ ﻛﻼﺕ ﺷﻲ ... ﻭ ﺯﻳﺪ ﺣﺎﻟﺘﻬﺎ ﺑﺎﻟﻮﻳﻞ ... ﺣﺎﻭﻟﺖ ﻧﻔﻴﻘﻬﺎ ﺍﻣﺎ ﺷﻲ ... ﺣﻄﻴﺖ ﻳﺪﻱ ﻋﻠﻰ ﺭﺍﺳﻬﺎ ... ﻟﻘﻴﺘﻬﺎ ﺑﺎﺵ ﺗﻄﺮﺷﻖ ﻣﻦ ﺳﺨﺎﻧﺔ ... ﺍﻟﺮﻭﺑﺔ ﻟﻲ ﻻﺑﺴﺘﻬﺎ ﻟﺼﻘﺖ ﻋﻠﻰ ﻟﺤﻤﻬﺎ ﻣﻦ ﺍﻟﻌﺮﻕ ... ﻫﻮﻛﺎ ﻭﺣﻠﻨﺎ ﻓﻲ ﺷﻲ ﺍﺧﺮ ... ﻧﻔﺨﺖ ﺑﺎﻟﻘﺎﻭﻱ ... ﺣﻄﻴﺖ ﺗﻠﻴﻔﻮﻧﻲ ﻋﺎﻟﺘﺎﺑﻞ ﺩﻭﻧﻮﻱ ... ﻭ ﺩﺧﻠﺖ ﻟﺒﻴﺖ
ﺍﻟﺒﺎﻧﻮ ... ﻋﺒﻴﺖ ﺍﻟﺒﺎﻧﻮ ﺑﻤﺎ ﺩﺍﻓﻲ ... ﻭ ﺭﺟﻌﺘﻠﻬﺎ ... ﻗﻌﺪﺕ ﺑﺤﺬﺍﻫﺎ ... ﺣﻄﻴﺖ ﻳﺪﻱ ﻭﺭﺍ ﻇﻬﺮﻫﺎ ﺟﺒﺪﺗﻬﺎ ﻋﻨﺪﻱ ... ﺟﺎ ﺭﺍﺳﻬﺎ ﻋﻠﻰ ﺻﺪﺭﻱ ... ﺟﺒﺪﺗﻬﺎ ﺷﻮﻳﺔ ... ﻫﺰﻳﺖ ﺭﻭﺣﻲ ﻭﻗﻔﺖ .. ﻭ ﻫﺰﻳﺘﻬﺎ ﻓﻲ ﺣﻤﻠﺘﻲ ... ﺣﻄﻴﺘﻬﺎ ﺩﺍﺧﻞ ﺍﻟﺒﺎﻧﻮ ﺑﺎﻟﺮﻭﺏ ... ﻣﺤﺒﻴﺘﺶ ﻧﺤﻴﻬﺎﻟﻬﺎ ... ﺧﺎﻃﺮ ﻧﻌﺮﻑ ﺑﺎﺵ ﺗﺤﻞ ﻋﻠﻰ ﺭﺍﺳﻲ ﻗﻀﻴﺔ ..