🔥🔞"في أحضان عزرائيل"🔞🔥

الحلقة 57

ﺣﻂ ﻳﺪﻭ ﻭﺭﺍ ﻇﻬﺮﻱ .... ﻭ ﻧﺰﻝ ﻫﺰﻧﻲ ﻓﻲ ﺣﻤﻠﺘﻮ ... ﺣﻄﻴﺖ ﺭﺍﺳﻲ ﻋﻠﻰ ﻛﺘﻔﻮ ... ﻧﺤﺲ ﻓﻲ ﺑﺪﻧﻲ ﻣﺮﺧﻮﻑ ... ﻓﺎﺗﺤﺔ ﻋﻴﻨﻴﺎ ﺑﺎﻟﺴﻴﻒ ... ﻭ ﻫﻮ ﻳﻤﺸﻲ ... ﻋﺒﺎﺭﺓ ﻣﺶ ﻫﺎﺯ ﺷﻲ ﻓﻲ ﻳﺪﻭ ... ﺣﻄﻴﺖ ﻳﺪﻱ ﻋﻠﻰ ﻛﺮﺷﻲ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻣﻨﻌﺮﻑﺵ ﻋﻼﺵ ... ﺭﻏﻢ ﺍﻧﻲ ﺩﺍﻳﺨﺔ ... ﺍﻣﺎ ﺣﺎﺳﺔ ﺑﻴﺪﻳﻪ ﻟﻲ ﻛﺎﺑﺴﺔ ﻋﻠﻴﺎ ... ﺩﻗﺎﺕ ﻗﻠﺒﻮ ﻟﻲ ﻧﺴﻤﻊ ﻓﻴﻬﺎ ... ﺍﻭﻝ ﻣﺮﺓ ﻧﺤﺲ ﺑﻘﺮﺑﻮ ﻟﺪﺭﺟﺔ ﻫﺎﺫﻱ ... ﺍﻭﻝ ﻣﺮﺓ ﻧﺤﺲ ﻫﻜﺎ ... ﺩﻭﺏ ﻣﺎ ﻭﺻﻠﻨﺎ ... ﻧﺪﺭﺍ ﻛﻴﻒ ﺣﻞ ﺍﻟﺒﺎﺏ ﻭ ﺩﺧﻞ ﻟﺼﺎﻟﺔ ... ﺣﻄﻨﻲ ﻋﺎﻟﻔﻮﺗﺎﻱ ... ﺗﻠﻜﻢﺕ ﻋﻠﻰ ﺭﻭﺣﻲ ... ﻭ ﻛﺒﺴﺖ ﻋﻠﻰ ﻛﺮﺷﻲ ... ﺩﻣﻮﻋﻲ ﻧﺰﻟﻮ ﺑﺎﻟﻮﻗﺖ ... ﻣﻌﺎﺩﺵ ﻧﺠﻢ ﺍﻛﺜﺮ ﻗﻌﺪ ﻋﺎﻟﻄﺎﻭﻟﺔ ﻣﻘﺎﺑﻠﻨﻲ ﻳﺤﻜﻲ ﺯﻳﺎﺩ : ﺳﻮﺍﺭ ﺷﻔﻤﺎ ﻳﺎﺧﻲ ﺷﻨﻮﺓ ﻳﻮﺟﻊ ﻓﻴﻚ ﺍﻧﺎ : ﺵ ﺷﻲ ﺯﻳﺎﺩ : ﺍﺳﻤﻌﻨﻲ ﻗﻮﻟﻲ ﺷﻨﻴﺔ ﻳﻮﺟﻊ ﻓﻴﻚ ... ﻋﺎﻻﻗﻞ ﻧﻤﺸﻮ ﻻﻗﺮﺏ ﻛﻠﻴﻨﻴﻚ ﻫﻮﻧﻲ ... ﻭ ﻻ ﻧﺨﺒﺮﻫﻢ ﻳﺠﻴﺒﻮﻟﻚ ﻃﺒﻴﺐ ﺍﻧﺎ : ﻛﺮﺷﻲ ﺗﻮﺟﻊ ﻓﻴﺎ ﺑﺮﺷﺎ ﺯﻳﺎﺩ : ﻋﻼﺵ ﻛﻠﻴﺖ ﺷﻲ ﻣﺶ ﺑﺎﻫﻲ ﺍﻧﺎ : ﻝ ﻻ ﺍﻛﺎﻛﺎ ﺑﺮﻙ ... ﺗﻮ ﻧﺮﺗﺎﺡ ﻋﺪﺍ ﻳﺪﻭ ﻋﻠﻰ ﻭﺟﻬﻮ ... ﻭ ﻧﻔﺦ ﺑﺎﻟﻘﺎﻭﻱ ... ﻣﺒﺴﺖ ﻋﻠﻰ ﻛﺮﺷﻲ ﺍﻛﺜﺮ ... ﻭ ﻏﻄﺴﺖ ﺭﺍﺳﻲ ﻓﻲ ﺍﻟﻤﺨﺪﺓ ... ﻧﺴﻤﻊ ﻓﻴﻪ ﻳﺤﻜﻲ ﺯﻳﺎﺩ : ﻳﺎﺧﻲ ﻣﺘﻜﻮﻧﺶ ﻟﻴﻐﺎﻗﻞ ﻋﻤﻠﺖ ﻓﻴﻚ ﻫﻜﺎ ﻃﻠﻌﺖ ﺭﺍﺳﻲ ﺷﻮﻳﺔ ﻧﺸﻮﻑ ﻣﻌﺎﻩ ... ﻣﻼ ﺻﺤﺔ ﺭﻗﻌﺔ ﻋﻨﺪﻭ ... ﻗﺤﺮﺗﻠﻮ ... ﻭ ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﺣﻚ ﻟﺤﻴﺘﻮ ﻳﺤﻜﻲ ﺯﻳﺎﺩ : ﺗﺤﺐ ﻧﻜﻠﻢ ﻃﺒﻴﺐ ﻳﺸﻮﻓﻚ ﺍﻧﺎ : ﻝ ﻻ ﺯﻳﺎﺩ : ﺑﺎﺵ ﺗﺒﻘﻰ ﻫﻜﺎ ﺍﻧﺎ : ﺗﻮ ﻧﻘﻮﻡ ﻧﻌﻤﻞ ﺗﻴﺰﺍﻧﺔ ﻧﺮﺗﺎﺡ ﻋﻼﻫﺎ ﺯﻳﺎﺩ : ﻻ ﺍﺑﻘﻰ ﻫﻮﻧﻲ ﺗﻮ ﺍﻧﺎ ﻧﻌﻤﻠﻬﺎ ﺍﻧﺎ : ﺑﺎﻫﻲ ﻣﺸﺎ ﻟﻠﻜﻮﺟﻴﻨﺔ ... ﺑﻘﻴﺖ ﻛﺎﺑﺴﺔ ﻋﻠﻰ ﻛﺮﺷﻲ ... ﻣﻔﻤﺎﺵ ﺗﻨﻘﺺ ﺍﻟﻮﺟﻴﻌﺔ ... ﺍﻛﺎﻛﺎ ﻭ ﻧﺸﻮﻑ ﻓﻴﻪ ﺭﺟﻊ ﻓﻲ ﻳﺪﻭ ﻛﺎﺱ ﺣﻠﻴﺐ ﺣﻄﻬﺎ ﻋﺎﻟﻄﺎﻭﻟﺔ ... ﻭ ﻗﺮﺏ ﻣﻨﻲ ... ﻗﻌﺪﻧﻲ ... ﻭ ﺣﻂ ﺍﻟﻜﺎﺳﺔ ﻓﻲ ﻳﺪﻱ ﺯﻳﺎﺩ : ﻣﻠﻘﻴﺘﺶ ﺗﻴﺰﺍﻧﺔ ... ﺩﺑﺮ ﺭﻭﺣﻚ ﺑﻬﺬﺍ ﺗﻮﺍ ... ﻭ ﺍﻧﺎ ﺑﺎﺵ ﻧﻜﻠﻢ ﺣﺪ ﻣﻦ ﺭﺟﺎﻝ ﻳﺠﻴﺒﻬﺎ ﺍﻧﺎ : ﻝ ﻻ ﺗﻮ ﻧﺮﺗﺎﺡ ﻋﻠﻰ ﻫﺬﺍ ﻣﺮﺳﻲ ﺯﻳﺎﺩ : ﺑﺎﻫﻲ ﺣﺸﻤﺖ ﻧﻄﻠﺐ ﻣﻨﻮ ﺷﻲ ﺍﺧﺮ ... ﻣﻜﻔﺎﺵ ﻓﺎﺯﺓ ﺍﻟﺒﻴﺖ ... ﺗﻮ ﺍﻟﻔﺎﺯﺓ ﻣﺘﺎﻉ ﺍﻟﻴﻮﻡ ... ﺗﻲ ﻣﻌﺎﺩﺵ ﻋﻨﺪﻱ ﻭﺟﻪ ﺍﺻﻼ ﺑﺎﺵ ﻧﻄﻠﻊ ﻓﻴﻪ ... ﺷﺮﺑﺖ ﺍﻟﺤﻠﻴﺐ ﻫﺬﺍﻛﺎ ﺑﺎﻟﺴﻴﻒ ... ﻭ ﻫﻮ ﻳﺸﻮﻑ ﻣﻌﺎﻳﺎ ... ﺩﻭﺏ ﻣﺎ ﻛﻤﻠﺘﻮ ﺭﺟﻌﺖ ﺗﺴﻄﺤﺖ ... ﻭ ﺳﻜﺮﺕ ﻋﻴﻨﻴﺎ ... ﻧﺤﺎﻭﻝ ﻧﺮﺗﺢ ﺑﺪﻧﻲ ﻭ ﻧﻨﺴﺎ ﺍﻟﻮﺟﻴﻌﺔ ... ﻣﻔﻤﺎﺵ ﺗﻮﻓﺎ ﻭ ﻧﺮﺗﺎﺡ ﻣﻨﻬﺎ