🔥🔞"في أحضان عزرائيل"🔞🔥

الحلقة 27

ﺩﻗﺎﺕ ﻗﻠﺒﻲ ﻗﻮﺍﺕ ... ﺩﻧﻴﺎ ﻇﻠﻤﺔ ... ﻛﺎﻥ ﺿﻮ ﺧﻔﻴﻒ ﻓﻲ ﺍﺧﺮ ﻧﻬﺞ ... ﺍﻣﺎ ﻧﺤﺲ ﻓﻲ ﺑﺪﻧﻲ ﻣﻜﺒﻮﺱ ... ﻣﻨﺠﻤﺶ ﻧﺘﺤﺮﻙ ... ﻧﻔﺲ ﻗﻮﻱ ﻋﻠﻰ ﺭﻗﺒﺘﻲ ﻭﻭﺟﻬﻲ ... ﻗﺪ ﻣﺎ ﺣﺎﻭﻟﺖ ﻧﺒﻌﺪﻭ ﻣﻨﺠﻤﺘﺶ ... ﺻﻮﺗﻮ ﻗﻮﺍ ﻓﻲ ﻭﺫﻧﻲ ... ﺷﻲ ﺍﻗﻮﻯ ﻣﻨﻲ ﻳﺨﻠﻴﻨﻲ ﻧﺴﻤﻌﻮ ... ﻣﺴﺘﺤﻴﻞ ﻳﻜﻮﻥ ﺭﺟﻊ ... ﻻ ﻣﺴﺘﺤﻴﻞ ... ﺍﻧﺎ ﻓﻲ ﺣﻠﻤﺔ ﻭ ﻻﺯﻡ ﻧﻔﻴﻖ ﻣﻨﻬﺎ ... ﻻﺯﻡ ﻧﻔﻴﻖ ... ﻣﺴﺘﺤﻴﻞ ﻧﺨﻠﻴﻪ ﻳﺤﻂ ﻳﺪﻭ ﻋﻠﻴﺎ ﺣﺘﻰ ﻓﻲ ﺍﻟﺤﻠﻢ ... ﺣﻄﻴﺖ ﻳﺪﻳﺎ ﺯﻭﺯ ﻋﻠﻰ ﻭﺫﻧﻴﺎ ... ﻣﻨﺤﺒﺶ ﻧﺴﻤﻌﻮ ... ﻛﻴﻒ ﻗﻮﺍ ﺻﻮﺗﻮ ﺍﻛﺜﺮ ... ﺣﻠﻴﺖ ﻋﻴﻨﻴﺎ ﻋﻠﻰ ﻭﺳﻌﻬﻢ ... ﻭ ﻧﻄﺮﺕ ﻣﻦ ﺑﻼﺻﺘﻲ ﺟﻴﺖ ﻗﺎﻋﺪﺓ ... ﺷﻔﺎﻓﻲ ﻳﺮﻋﺸﻮ ... ﺍﻟﻌﺮﻕ ﻳﺼﺐ ﻋﻠﻴﺎ ... ﺑﺪﻧﻲ ﻳﺮﻗﻞ ... ﺣﺴﻴﺖ ﺑﺸﻜﻮﻥ ﻓﻲ ﺍﻟﺼﺎﻟﺔ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﺟﺎﺕ ﻋﻴﻨﻲ ﻓﻲ ﻋﻴﻨﻮ ... ﻳﻐﺰﺭ ﻓﻴﺎ ﻛﻴﻒ ﻋﺎﺩﺗﻮ ... ﺻﻮﺭﺗﻮ ﻣﻀﺒﺔ ﺑﻴﻦ ﻋﻴﻨﻴﺎ ... ﻣﻀﺒﺔ ﺧﺎﻃﺮ ﺩﻣﻮﻋﻲ ... ﻧﺰﻟﻮ ﻭﺣﺪﻫﻢ ... ﻧﺰﻟﻮ ﻳﺤﺮﻗﻮ ... ﺑﻌﺪ ﻛﻞ ﺣﻠﻤﺔ ﻳﻨﺰﻟﻮ ﻳﺤﺮﻗﻮ ﺍﻛﺜﺮ ... ﻭ ﺣﺮﻗﻮﻧﻲ ﺍﻛﺜﺮ ﺧﺎﻃﺮ ﻭﺟﻬﻲ ﺑﻄﺒﻴﻌﺘﻮ ﻣﺘﻀﺮﺭ ﺑﻌﺪ ﺍﻟﻠﻲ ﺻﺎﺭ ﻓﻲ ﺍﻟﺒﺎﻧﻮ ... ﻛﺒﺴﺖ ﻋﻠﻰ ﻳﺪﻳﺎ ﺯﻭﺯ .. ﻧﺤﺐ ﻧﻜﺘﻢ ﺷﻬﻘﺎﺗﻲ ﺍﻣﺎ ﻣﻨﺠﻤﺘﺶ ... ﻣﻨﺠﻤﺘﺶ ﺧﺎﻃﺮ ﺷﻲ ﺍﻗﻮﻯ ﻣﻨﻲ ... ﻣﺰﻟﺖ ﻧﺤﺲ ﺑﻴﻪ ... ﻣﺰﻟﺖ ﻧﺴﻤﻊ ﺻﻮﺗﻮ ... ﻣﻨﺠﻤﺶ ﻧﻨﺴﻰ ... ﻫﻮ ﺳﻜﻦ ﻓﻴﺎ ... ﺳﻜﻦ ﻓﻴﺎ ﺑﻮﺳﺨﻮ ... ﺑﺼﻮﺗﻮ ﻟﻨﺘﻘﺰﺯ ﻣﻨﻮ ... ﻭ ﺍﻛﺜﺮ ﻣﻦ ﻫﻜﺎ ﻛﻴﻒ ﺟﻲ ﻋﻴﻨﻲ ﻓﻲ ﺯﻳﺎﺩ ﻧﺬﻛﺮﻭ ... ﻳﺠﻲ ﺑﻴﻦ ﻋﻴﻨﻴﺎ ... ﺍﺻﻼ ﻛﻞ ﺭﺍﺟﻞ ﻧﺸﻮﻓﻮ ... ﻧﺸﻮﻑ ﻭﺟﻬﻮ ﻏﺎﺩﻱ ... ﻧﺤﺲ ﻓﻲ ﺭﻭﺣﻲ ﺑﺎﺵ ﻧﻬﺒﻞ ... ﻭ ﺭﺍﺳﻲ ﻛﺒﺲ ﻋﻠﻴﺎ ﻣﻦ ﺍﻟﻮﺟﻴﻌﺔ ... ﻫﺰﻳﺖ ﻳﺪﻳﺎ ﺯﻭﺯ ﻛﺒﺴﺖ ﻋﻠﻴﻪ ... ﻧﺤﺐ ﻧﻨﺴﻰ ﻭ ﻛﻬﻮ ... ﺣﺴﻴﺖ ﺑﻴﻪ ﻛﻴﻒ ﻗﻌﺪ ﻋﺎﻟﻄﺎﻭﻟﺔ ﻗﺪﺍﻣﻲ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﻣﻼﻣﺤﻮ ﺑﺎﺭﺩﺓ ﻋﺎﻟﻠﺨﺮ ... ﻣﺘﻨﺠﻢ ﺗﻌﺮﻑ ﻣﻨﻬﺎ ﺷﻲ ... ﻻ ﻓﻲ ﺷﻨﻮﺓ ﻳﺨﻤﻢ ﻭ ﻻ ﻓﻲ ﺷﻨﻮﺓ ﺭﺍﺡ ﻳﺤﻜﻲ ... ﻭﺧﺮﺕ ﺷﻮﻳﺔ ﻟﺘﺎﻟﻲ ... ﻫﺰﻳﺖ ﻳﺪﻱ ﻣﺴﺤﺖ ﺩﻣﻮﻋﻲ ... ﻋﻘﺪ ﺣﻮﺍﺟﺒﻮ ﺷﻮﻳﺔ ﻳﺤﻜﻲ ﺯﻳﺎﺩ : ﺍﻻﺣﻼﻡ ﻫﺬﻭﻣﺎ ﻭ ﺍﻟﺪﻣﻮﻉ ... ﺑﺎﺵ ﻳﻜﻮﻧﻮ ﺟﺰﺀ ﻣﻦ ﺣﻴﺎﺗﻚ ... ﻣﺴﺘﺤﻴﻞ ﺗﻨﺴﺎﻫﻢ ... ﻭ ﻻ ﻳﻐﻴﺒﻮ ﻋﻠﻴﻚ ﻧﻬﺎﺭ ... ﺍﻣﺎ ﻻﺯﻡ ﺗﺘﻌﻠﻢ ﺍﻫﻢ ﺷﻲ ... ﻻﺯﻣﻚ ﺗﺘﻌﻠﻢ ﺗﺘﻌﺎﻳﺶ ﻣﻌﺎﻫﻢ ... ﺗﺘﻌﻠﻢ ﻛﻴﻒ ﺗﺘﻐﻠﺐ ﻋﻠﻴﻬﻢ ﻭ ﺗﺼﻨﻊ ﻣﻨﻬﻢ ﻗﻮﺗﻚ ... ﻭ ﺗﺎﺧﻮ ﺣﻘﻚ ... ﺧﺎﻃﺮ ﻭ ﻻ ﺣﺪ ﻓﻲ ﺩﻧﻴﺎ ﻳﻨﺠﻢ ﻳﻌﺎﻭﻧﻚ ... ﻭ ﻻ ﻳﺨﻠﻴﻚ ﺗﻨﺴﻰ ... ﻛﺎﻥ ﺍﻧﺘﻲ ... ﻭ ﻛﺎﻥ ﺑﺎﺵ ﺗﺨﻠﻴﻬﻢ ﻳﻐﻠﺒﻮﻙ ﺑﺎﺵ ﻳﺤﻄﻮ ﺣﺪ ﻟﺤﻴﺎﺗﻚ ... ﻭ ﻣﺴﺘﺤﻴﻞ ﺗﺮﺗﺎﺡ ﻗﺼﻴﺖ ﻋﺎﻟﺒﻜﺎ ... ﻭ ﺍﻧﺎ ﻧﺴﻤﻊ ﻓﻴﻪ ... ﻫﺰ ﺭﻭﺣﻮ ﻭﻗﻒ ... ﻏﺰﺭﻟﻲ ... ﻭ ﻛﻤﻞ ﻳﺤﻜﻲ ﺯﻳﺎﺩ : ﻫﺬﺍ ﺍﻭﻝ ﺩﺭﺱ ﺑﺎﺵ ﺗﺤﻔﻈﻮ ﻣﻦ ﺗﻮﺍ ... ﺧﺎﻃﺮ ﺛﻨﻴﺔ ﺑﺎﺵ ﺗﻜﻮﻥ ﻃﻮﻳﻠﺔ ﻗﺪﺍﻣﻚ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﻣﺸﺎ ﺷﻮﻳﺔ ... ﻭﺭﺟﻊ ﺗﻠﻔﺘﻠﻲ ﻳﺤﻜﻲ ﺯﻳﺎﺩ : ﻏﺪﻭﺓ ﺑﺎﺵ ﺗﺸﻮﻑ ﺍﻣﻚ ﻣﻊ ﺍﻟﻜﻠﻤﺔ ﻧﻄﺮﺕ ﻣﻦ ﺑﻼﺻﺘﻲ ... ﺟﻴﺖ ﻭﺍﻗﻔﺔ ﻗﺪﺍﻣﻮ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﺍﺻﻼ ﻣﺎ ﻧﺠﻲ ﺷﻲ ﻗﺪﺍﻡ ﺟﻬﺎﻣﺘﻮ ... ﻋﻴﻨﻴﺎ ﺯﻏﻠﻮ ﻭ ﺍﻧﺎ ﻧﺤﻜﻲ ﺍﻧﺎ : ﺑﺎﻟﺤﻖ ﺑﺎﺵ ﻧﺸﻮﻑ ﺍﻣﻲ ... ﺑﺎﺵ ﺗﻬﺰﻧﻲ ﻋﻨﺪﻫﺎ ﺯﻳﺎﺩ : ﻣﻤﻢ ﺍﻧﺎ : ﺑﺎﻫﻲ ﻭﻋﻤﺎﺩ ﺯﺍﺩﺓ ﺑﺎﺵ ﻧﺸﻮﻓﻮ ﻣﺶ ﻫﻜﺎ ﺯﻳﺎﺩ : ﺍﻳﻪ ﺍﻧﺎ : ﻭﻳﻦ ﺯﻳﺎﺩ : ﺷﻘﺘﻠﻚ ﻋﺎﻻﺳﺌﻠﺔ ﺍﻧﺎ : ﺑﺎﻫﻲ ﺑﺎﻫﻲ ﺳﺎﻣﺤﻨﻲ ﺑﺎﺵ ﻧﻤﺸﻲ ﺗﻮﺍ ﺯﻳﺎﺩ : ﺍﺳﺘﻨﻰ ﺍﻧﺎ : ﺷﻨﻮﺓ ﺯﻳﺎﺩ : ﺑﺎﺵ ﺗﻠﻘﻰ ﻣﻊ ﺍﻟﻘﻀﻴﺔ ... ﺑﻮﻣﺎﺩ ﺗﺨﻔﻒ ﺍﻟﺤﺮﻳﻖ ﻫﺬﺍ ﺍﻧﺎ : ﺑﺎﻫﻲ ﻣﺮﺳﻲ ﺧﺬﻳﺖ ﻧﻔﺲ ... ﻭ ﻧﺸﻴﺖ ﻟﻠﻜﻮﺟﻴﻨﺔ ... ﺣﻄﻴﺖ ﺍﻟﻘﻀﻴﺔ ﻋﺎﻟﻄﺎﻭﻟﺔ ... ﻭ ﺯﺍﺩﺓ ﻣﻌﺎﻩ ﻋﺸﺎ ... ﻛﻠﻴﺖ ﻟﻘﺪﺭﺕ ﻋﻠﻴﻪ ... ﻫﺰﻳﺖ ﺍﻟﺒﻮﻣﺎﺩ ... ﻭ ﺩﺧﻠﺖ ﻟﺒﻴﺘﻲ ... ﻣﻦ ﻏﻴﺮ ﻣﺎ ﻧﺮﺟﻊ ﻟﺼﺎﻟﺔ ... ﺍﺻﻼ ﻫﺬﺍ ﺍﺫﺍ ﻣﻜﺎﻧﺶ ﻣﺸﺎ ... ﺧﺎﻃﺮ ﻣﺴﻤﻌﺘﺶ ﺻﻮﺗﻮ ﺟﻤﻠﺔ