🔥🔞"في أحضان عزرائيل"🔞🔥

الحلقة 179

ﺷﺪﻧﻲ ﺿﺤﻚ ... ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﻭ ﻛﺒﺴﺖ ﻋﻠﻴﻪ ﺍﻛﺜﺮ ... ﻧﺤﺲ ﻓﻲ ﻳﺪﻭ ﺗﺮﺧﻔﺖ ﻋﻠﻰ ﻇﻬﺮﻱ ... ﻓﻲ ﺑﺎﻟﻲ ﺑﺎﺵ ﻳﺒﻌﺪ ... ﺍﻣﺎ ﻣﺠﺒﺪﺵ ﺭﻭﺣﻮ ﺣﺘﻰ ﻃﺮﻑ ... ﺟﻴﺴﺖ ﻧﺤﺎ ﺍﻟﻔﺎﺳﺖ ... ﻭ ﺣﻄﻬﺎ ﻓﻮﻕ ﻛﺘﺎﻓﻲ ... ﻭﺭﺟﻊ ﻳﺪﻭ ﻋﻠﻰ ﻇﻬﺮﻱ ﻳﺤﻜﻲ ﺯﻳﺎﺩ : ﺑﺮﺩ ﺍﻟﺤﺎﻝ ... ﺧﻠﻴﻨﺎ ﻧﺮﺟﻌﻮ ﺗﻮﺍ ﺟﺒﺪﺕ ﺭﻭﺣﻲ ﺷﻮﻳﺔ ﻣﻨﻮ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﻫﺰ ﻳﺪﻭ ... ﺣﻄﻬﺎ ﻋﻠﻰ ﻭﺟﻬﻲ ... ﻳﻤﺴﺢ ﻓﻲ ﺩﻣﻮﻋﻲ ... ﻧﺰﻝ ﺑﻴﺪﻳﻪ ﺯﻭﺯ ﺣﻄﻬﻢ ﺗﺤﺖ ﺭﻗﺒﺘﻲ ... ﺧﺮﺟﻠﻲ ﺷﻌﺮﻱ ... ﻭ ﻧﺰﻝ ﻟﻠﻔﺎﺳﺖ ﻟﻔﻨﻲ ﺑﻴﻬﺎ ﺍﻛﺜﺮ ... ﺿﻴﻖ ﻋﻴﻨﻴﻪ ﺷﻮﻳﺔ ﻳﺤﻜﻲ ﺯﻳﺎﺩ : ﺷﻮﻳﺔ ﻭ ﻣﻨﻌﺮﻓﻜﺶ ﻗﺤﺮﺗﻠﻮ ... ﺗﺒﺴﻤﻠﻲ ... ﻭ ﻧﺰﻝ ﺑﻴﺪﻭ ... ﺷﺪﻧﻲ ﻣﻦ ﻳﺪﻱ ... ﻛﺒﺲ ﻋﻼﻫﺎ ... ﺗﻠﻔﺖ ﻳﻤﺸﻲ ﻓﻴﺎ ﻣﻌﺎﻩ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﻟﻠﺤﻈﺔ ﺭﺟﻌﺖ ﻣﻼﻣﺤﻮ ﻟﻲ ﺑﺎﺭﺩﺓ ... ﺳﻮﺭﻳﺘﻮ ﺗﺒﻠﺖ ﺗﺤﺖ ﺍﻟﻤﻄﺮ ... ﺷﻌﺮﻭ ﻳﻘﻄﺮ ﻋﻠﻰ ﻭﺟﻬﻮ ... ﺗﺒﺴﻤﺖ ﻭﺣﺪﻱ ... ﻳﺎﺳﺮ ﺑﻌﺪﻧﺎ ﻋﺎﻟﻜﺮﻫﺒﺔ ... ﻣﻔﻤﺎ ﺣﺘﻰ ﺣﺪ ﺍﻟﺒﺮﺍ ... ﻛﻠﺸﻲ ﻣﺴﻜﺮ ... ﺣﺘﻰ ﻣﻦ ﺍﻟﻤﻄﺮ ﻧﻘﺺ ... ﻭ ﻋﻤﻞ ﺟﻮ ﻋﺎﻟﻤﻲ ... ﻣﻊ ﺍﻟﻔﻮﺍﻧﻴﺲ ﻟﻲ ﺷﺎﻋﻠﺔ ... ﺑﺮﻏﻢ ﺍﻧﻲ ﻟﺘﻮﺍ ﻣﺸﻔﺘﺶ ﺭﻭﻣﺎ ﺑﺎﻟﻘﺪﺍ ... ﻭ ﻣﻨﻌﺮﻓﻬﺎﺵ ﺟﻤﻠﺔ ... ﺍﻣﺎ ﺍﻟﺒﻼﺻﺔ ﻫﺎﺫﻱ ﺑﺎﻟﺬﺍﺕ ... ﺣﺒﻴﺘﻬﺎ ﻋﺎﻟﻠﺨﺮ ... ﻣﻊ ﺍﻧﻲ ﻣﺎ ﺷﻔﺖ ﻣﻨﻬﺎ ﺷﻲ ... ﻛﺎﻥ ﺿﻮ ﻟﻲ ﺷﺎﻋﻞ ﻣﻔﺮﻕ ... ﻣﻨﺰﻟﺘﺶ ﻋﻴﻨﻴﺎ ﻣﻦ ﻭﺟﻬﻮ ... ﻳﻤﻜﻦ ﻣﺘﻜﻮﻧﺶ ﻋﻨﺪﻱ ﻓﺮﺻﺔ ... ﻧﻐﺰﺭﻟﻮ ﺑﺎﻟﻄﺮﻳﻘﺔ ﻫﺎﺫﻱ ﻣﺮﺓ ﺍﺧﺮﻯ ... ﻳﻤﻜﻦ ﻭﻗﺖ ﺗﻮﻓﺎ ﺍﻟﺪﻗﺎﻳﻖ ﻫﺬﻭﻣﺎ ... ﻳﺮﺟﻊ ﺯﻳﺎﺩ ﻟﻲ ﻧﻌﺮﻓﻮ .. ﻭ ﻧﺮﺟﻊ ﺍﻧﺎ ﺩﻧﻴﺰ ... ﻣﻐﺰﺭﺗﺶ ﻟﻼﺭﺽ .. ﻭ ﻣﺤﺴﺒﺘﺶ ﺧﻄﻮﺍﺗﻲ ... ﺧﺎﻃﺮ ﻧﻌﺮﻑ ﻟﻬﻮ ﻣﺴﺘﺤﻴﻞ ﻳﺨﻠﻴﻨﻲ ... ﻛﺒﺴﺖ ﻋﻠﻰ ﻳﺪﻭ ﺍﻛﺜﺮ ... ﻭ ﻗﺮﺑﺖ ﻣﻨﻮ ﺍﻛﺜﺮ ... ﻧﺰﻝ ﺭﺍﺳﻮ ... ﻏﺰﺭﻟﻲ ﺷﻮﻳﺔ ... ﻭﺭﺟﻊ ﺗﻠﻔﺖ ... ﻣﺤﻼﻩ ﻣﻨﻈﺮﻭ ﻫﻜﺎ ... ﺩﻭﺏ ﺗﺒﺴﻤﺖ ﻭﺟﻌﻮﻧﻲ ﺷﻔﺎﻓﻲ ... ﺳﻜﺮﺕ ﻋﻴﻨﻴﺎ ﻭﺭﺟﻌﺖ ﻓﺘﺤﺘﻬﻢ ... ﻣﻨﻌﺮﻓﺶ ﻋﻼﺵ ﺳﺘﺤﻠﻴﺘﻬﺎ ﺍﻟﻮﺟﻴﻌﺔ ... ﻭ ﺧﻼﺗﻨﻲ ﻧﻌﻴﺶ ﺍﺣﺴﺎﺱ ﺟﺪﻳﺪ ... ﺍﻭﻝ ﻣﺎ ﻭﺻﻠﻨﺎ ﻟﻠﻜﺮﻫﺒﺔ ... ﺭﺧﻔﻨﺎ ﻳﺪﻳﻨﺎ ﻓﺮﺩ ... ﺟﺒﺪﺕ ﻳﺪﻱ ﻣﻨﻮ ﻭ ﺍﻧﺎ ﻧﻐﺰﺭﻟﻮ ... ﺭﻣﺎ ﻳﺪﻭ ﻓﺘﺤﻠﻲ ﺍﻟﺒﺎﺏ ... ﺭﻛﺒﺖ ... ﻭ ﻛﺒﺸﺖ ﻓﻲ ﺍﻟﻔﺎﺳﺖ ﻣﺘﺎﻋﻮ ﺍﻛﺜﺮ ... ﻧﺸﻮﻑ ﻓﻴﻪ ﻛﻴﻒ ﺗﻌﺪﺍ ﻋﺎﻟﻜﺮﻫﺒﺔ ... ﻭﺭﻛﺐ ﻗﺪﺍﻣﻲ ... ﺧﺪﻣﻬﺎ ... ﻭ ﻣﺸﺎ ... ﺗﻜﻴﺖ ﻟﺘﺎﻟﻲ ... ﻭ ﻟﻔﺖ ﺭﺍﺳﻲ ﻧﺸﻮﻑ ﻣﻌﺎﻩ ... ﻧﺤﺲ ﺭﻭﺣﻲ ﻗﺎﻋﺪﺓ ﻧﻌﻴﺶ ﻓﻲ ﺣﻠﻤﺔ ﺑﺎﻫﻴﺔ ... ﻭ ﺑﺎﺵ ﺗﻔﻴﻘﻨﻲ ﻋﻠﻰ ﻭﺍﻗﻊ ﺧﺎﻳﺐ ... ﺑﻌﺪ ﻛﻠﺸﻲ ﺗﻌﺪﺍ ﻋﻠﻴﺎ ... ﺑﻌﺪ ﻛﻠﺸﻲ ﺧﺴﺮﺗﻮ ... ﺯﻳﺎﺩ ﻛﻬﻮ ﻟﻲ ﺑﻘﺎ ﻓﻲ ﺣﻴﺎﺗﻲ ... ﺍﺣﺘﻤﺎﻝ ﺍﻧﻮ ﺍﻧﺎ ﺑﺎﺵ ﻧﺒﻌﺪ ﻋﻠﻴﻪ .. ﻳﺨﻠﻲ ﻗﻠﺒﻲ ﻳﻮﺟﻌﻨﻲ ... ﺍﻟﻠﻴﻠﺔ ﻛﺎﻧﺖ ﺑﺪﺍﻳﺔ ﻟﻤﺸﺎﻋﺮ ﺟﺪﻳﺪﺓ ﺣﺴﻴﺘﻬﺎ ﻣﻌﺎﻩ ... ﻣﻨﻌﺮﻓﺶ ﺍﻻﻳﺎﻡ ﻛﻴﻒ ﺑﺎﺵ ﺗﺼﻨﻔﻬﺎ ... ﻭ ﻻ ﺷﻨﻮﺓ ﺑﺎﺵ ﻳﺼﻴﺮ ... ﻣﻨﻌﺮﻓﺶ ﺍﺫﺍ ﻛﺎﻥ ﺑﺎﺵ ﺍﻟﻠﻲ ﻳﺠﻤﻌﻨﺎ ﻣﺒﻌﺪ ﻛﺮﻩ ﻭ ﻻ ﺣﺐ ... ﺻﺪﺍﻗﺔ ﻭ ﻻ ﺧﺪﻣﺔ ... ﺍﻣﺎ ﻟﻲ ﻣﺘﺄﻛﺪﺓ ﻣﻨﻮ ... ﺍﻧﻮ ﺍﻻﺣﺴﺎﺱ ﻫﺬﺍ ﻣﺴﺘﺤﻴﻞ ﻳﻀﻴﻊ ﺑﻴﻨﻬﻢ ... ﺍﺣﺴﺎﺱ ﺍﻭﻝ ﻣﺮﺓ ﻋﺸﺘﻮ ... ﻭ ﺍﻭﻝ ﻣﺮﺓ ﺟﺮﺑﺘﻮ ... ﺳﻜﺮﺕ ﻋﻴﻨﻴﺎ ﻭ ﺣﻠﻴﺘﻬﻢ ﺑﺮﺷﺎ ﻣﺮﺍﺕ ﻭ ﺍﻧﺎ ﻧﺸﻮﻑ ﻓﻴﻪ ... ﻟﻴﻦ ﻫﺰﻧﻲ ﻧﻮﻡ ﻭ ﺭﻗﺪﺕ ... ﺭﻗﺪﺕ ﻣﻦ ﻏﻴﺮ ﻣﺎ ﻧﻔﻜﺮ ﺷﻨﻮﺓ ﺑﺎﺵ ﻳﺼﻴﺮ ﻣﺒﻌﺪ ... ﻭ ﻻ ﺷﻨﻮﺓ ﺑﺎﺵ ﻳﻜﻮﻥ ﻣﻮﻗﻔﻨﺎ ﻣﻦ ﺍﻟﻠﻲ ﺻﺎﺭ ﺍﻟﻠﻴﻠﺔ ... ﻧﺤﺐ ﻧﻬﺮﺏ ﻣﻦ ﻛﻠﺸﻲ ... ﻣﻨﺤﺐ ﻧﻔﻜﺮ ﻓﻲ ﺷﻲ ... ﻧﺤﺐ ﺍﻟﻠﻲ ﺻﺎﺭ ﺗﻮﺍ ... ﺑﺎﺵ ﻳﺒﻘﻰ ﺫﻛﺮﻯ ﻣﺰﻳﺎﻧﺔ ... ﻧﺤﺒﻮ ﻳﺘﻜﺘﺐ ﻓﻲ ﺫﺍﻛﺮﺗﻲ ... ﺫﺍﻛﺮﺓ ﺳﻮﺍﺭ ﻣﺶ ﺩﻧﻴﺰ ... ﺧﺎﻃﺮﻧﻲ ﺍﻧﺎ ﻟﻲ ﻋﺸﺖ ﺍﻟﻠﻲ ﺻﺎﺭ ... ﺍﺻﻼ ﻭﻗﺖ ﻧﺒﺪﺍ ﻓﻲ ﺣﻤﻠﺘﻮ ﺗﻐﻴﺐ ﺩﻧﻴﺰ ... ﻭ ﻛﻬﻮ ﺳﻮﺍﺭ ﺍﻟﻤﻮﺟﻮﺩﺓ