راقد على كرشو فنص السرير و شعرو طايح على وجهو و غارق فالاحلام و لا نقول النوم الحل الوحيد للهروب من الواقع ناض على صوت التيليفون ..
صفيان:افف يا زح حتى الرقاد يحرموك منو...الو
:راك راقد
:لا نجرب فالموت
:ايه مليح قريب تروح ليها
صفيان:واش تحب
:قريت الملف
صفيان:ايه
: واش تسنى مالا
صفيان:بصح يت سيد x حبيت نفكرك باتفاقنا
:راك تهدد فيا؟
صفيان:منيش نهدد فيك بصح نتا درت واش حبيت و درك ابعد على سناء و آسر و لا متعرفش واش نقدر ندير
:ههههه ضحكتني و الله سيي زهرك و ان شاء بربي راح تشوف يماك جثة و اختك عاهرة فالملهى
كبس على تيلفون
صفيان :اشفى مليح على كلامك و كلامي
:واش سي حبيبنا كبرت وقيلا و لا راك حاب ترجع عندو اسمع يا ويلك نسمع راهم مع بعض فهمت و اليوم
على ساعة 23h حابك نتا و ال### هذيك هنا و كوبا عليه
صفيان:الصبر يا الله ......
عند آسر:
يسوق و يخمم و كل دقيقة يضرب فالفولو
:افففف منك يا سناء اففف بسبتك وليت هكذا اففف تاكدي موتك على يدي يا #### و رفع راسو و شاف لفوطو لعلقها فاللطو تاعو ....و طاحت عينيه على باباه و غمض عينيه
:استغفر الله تاكدي يا سناء راح تدفعي الثمن نتي و *#*### تاعك هبطلتينا راسنا قدام الناس
هو يسوق و يخمم حتى شاف للطريق و بالخف جبد الفرا و فرينا فآخر لحظة و غمض عينيه و حط راسو عالفولو
:حمدالله
و فتح الباب و خرج بالزربة و هبط لمستوى هذيك الطفلة لغمضت عينيها من الخوف و الناس تجمعت تشوف
:ياك ساڤا ما صرالك والو؟
نطقت و هي تشهق:.ا.ي...ايه عمي .خ..لا..ص م.ا...صرا..لي والو
رفعلها راسها و هي شافتو و تبسمت:عمي هذا نتا
رفع حاجبو و يشوف فيه باستغراب:راكي مليحة؟
ضحكت :ههه عمي آسر معقلتنيش ؟
ضحك معاها:لا قوليلي شكون القمر لراني نهدر معاها درك؟
:ههه عمي آسر انا سمرة و طاطا سناء وين راهي مجاتش معاك انا هذيك تاع البحر كنت نبيع الورد و نتا و طا سناء عاونتوني
آسر دور وجهو و يسيي يمحي كل ذكرى معاها و تبسم معاها:اميرتي ايه ايه تفكرت يا كبرتي ههه و نسيتينا
سمرة؛لا عمي كنت نجي لداركم لقلتولي عليها بلي راح تسكنو فيها بعد الشهر بصح ملقيتكمش 😢😔
آسر غمض عينيه و يتفكر كل لحظة معاها
سمرة:اميري
آسر:وي اميرتي
سمرة:لازم نروح ماما تتقلق عليا
آسر:نوصلك ايا
سمرة: لا اميري بفضلك نتا شرينا دار صغيرة راهي هنا و انا راني نقرا لهيه
آسر:الله يبارك حمدالله اميرتي سلميلي على طاطا لامية
سمرة:نتا تاني سلملي على سناء و جيبها كاش نهار حابة نشوفها و نهدر معاها و نحكيلها
آسر:احكي ليا انا
سمرة:😌لا تتدخل فامور النسوان
ضحك :ههه مزال متفكرة كلامها
سمرة؛ايه كيفاش ننسى سنفورتي ايا باي اميري
آسر:تهلاي فروحك اميرتي .....
دخل اللطو تاعو و مسح على شعرو و ديماراا للشركة وين يلهى فالخدمة تاعو ...
