شافت ساعة تنهدت براحة
سناء : حمدالله مزال الوقت على أسر باه يجي اووف يا ربي كرهت كرهت كي نجي نخرج ندير الفين حساب
ركبت طنوبيل ديالها و ديمارات حابة تروح لبلاصة تعشقها
بعد أقل من ربع ساعة وقفت سيارتها قدام بحر هبطت نحات صباطها خلاتو في طنوبيل و كملت تمشي وصلت للرملة بعدها البحر قعدت واقفة و تشوف في البحر لي مرة مرة يجي لعندها
لقد إشتقت لك يا سامع أحزاني انت الوحيد على الأرض تعرف مدى حزني ، سبحانك يا الله خلقت البحر لراحة الإنسان غلقت عينيها تستمع بالنسمة هاديك تاع البحر 😍 صوتو برك يتسمع و الريح خفيف
فلاش باك
ناضت ناشطة دخلت تتحمم و خرجت
مرت عمها ( ام أسر ) : صباح الخير بنتي ليوم راكي ناشطة
سناء: نعم طاطا متحمسة 😍 باح خير وينو أسر مزاا راقد
ام اسر : تعرفي الياس ملتزم بوعودو و وقتو منظم تنظيم مقبيل فاق و خرج يحضر روحو اول مرة نشوفو فرحان هكا 😍 ربي يدومها فرحة بنتي ❤️
سناء : امين طاطا ❤️
ام اسر : هيا نوضي اتقهوي قدامنا يوم طويل
سناء : ☺️ اوك طاطا
ناضت طول نهار و هيا تحضر و توجد قرب الوقت للعرس
راحت سناء للاكوافاز (الحفافة)
صونا تلفون : الو حبي كملتي نجي نديك
سناء : لالا حبيبي جيت بطونوبيل تاعي
اسر : شكون راح معاك !؟ امي !!
سناء : لالا خليتها توجد جيت وحدي
اسر : شحال من مرة قتلك ماتروحيش وحدك راني جاي
سناء : أسر بليز راني قريب نكمل اني قتلك جيت بسيارتي مش حايخطفوني متلا😌 (تشتهي الرياح بما لا تشتهي السفن )
اسر : افف مزالتي عنيدة يا سناء جا يهدر كوبات في وجهو
سناء : شعال نعطيك اختي ☺️ ( عملت مايكاب خفيف شوي مش حتى لتم و عملت شعرها )
الماشطة: بصحتك مبروك مدام ☺️ من فضلك
خلصتها و خرجت
ركبت في طنوبيل تاعها و ديمارت شافت في المراية لوطو كحلة تبع فيها من عند الحفافة بعدها بشوي كي دخلت لبلاصة ( كارتي ) خاوي مافيهش ناس بزاف لوطو هاديك دوبلاتها و وقفت قدامها
وقفت سناء لوطو و غلقت جميع البيبان
رفدت تلفون ترجف عيطت لأسر شعال من مرة ماحبش يرد تعيط و تدعي يا ربي يرفد يا رب حتى نزل بنادم من هاديك لوطو
كانت تكتب في ميساج : أسر ساعدني لوطو لونها اسود حبست قدامي جات تكمل حتى رفعت راسها شافت بنادم صغير في العمر لابس كوستيم اسود و خاط لينات رافد مسدس حطو على زاجة تاع تاقة و قالها براسو افتح لباب و انزل
سناء : يا ربي يا ربي ساعدني يا رب رآه يوم فرحي 💔 و علاه يا رب ديمن فرحتي ماتكملش 💔
خبط هداك زاجة بالمسدس تفجعت كي سمعت زجاج الطاقة تكسر دخل يدو فتح لباب
سناء : تقرب ليا نقتلك
ضحك بصوت ؛ شكون حامل المسدس أنا ولا انت
سناء : انت شكون و واش حاب مني يا خويا ليوم لية فرحي خليني نروح راجلي يسنا فيا
تقلق جبدها بقوة خرجها من السيارة و جرجرها حتى لسيارتو ركب و ديمارا سناء من الخلعة الارض لعبت بيها تغاشت
عند أسر شاف تلفونو لقاها معيطة قريب 15 ابال عودلها مرة زوج تلاتة بعدها عيط ليماه يسقسي
اسر : الو يما سناء جات ؟!
امه : لا لا ولدي و نورمالمون طولت
اسر : اوك يما دوك نشوف كوبا مقلق وينها هادي و واش بي جد تلفونها ماحبتش ترفد
باك فتحت عينيها و دموع يسيلو كل ماتتفكر بلي هيا مش ذنبها.. ذنبها الوحيد أنها فرحت اكتر من لازم هداك نهار 💔 و لي كما عليها كي تفكرت كيفاش حب قلبها (أسر ) مر على الحكاية قريب عام و هو مزال مش مأمنها اعتبرها خاينة و من فوقها تزوج عليها باه يقهرها
سناء تبسمت بغصة : انت عمرك ماحبيتني اسر لي يحب يدير التقة و يصدق مش كيما انت تخليت عليا في أول فرصة مش حاب نفهم بلي أنا ماهربتش نهار عرسي انا تم اختطافي 💔
مسحت دموعها : ماراحش نزيد نضعف
كفى ضعفا يا روحي كفى
كفى بكاءا على أناس لا يستحقون حتى دمعة واحدة
شافت في البحر اخر نظرة و رجعت للوراء ماشية
وصلت لطنوبيل ركبت
شافت الساعة : الله يلعني خبطت يدها على الفولو و ديمارات و هيا تلعن في روحها
