الليل طاح و السماء اعلنت عن حزنها بالمطر يلي يطيح ..........
طبطب في الباب بعد ما تردد اكثر من مرة ....
جميلة:شكون ....
كبس على يدو و غمض عينيه...
اسر:انا اسر ..
فتحت الباب و دخل معاها للداخل ...
جميلة:اسر ولدي سناء وين؟
اسر:مليحة متخافيش درك نفهمك .....
جميلة:حمدالله مالا نجيبلك حاجة تاكلها ....ناضت و شدها من يدها ....
اسر:يما ريحي معانا ...
شافت فيه و عينيه مذبلين و وجع كبير فيهم ... ريحت معاه .....
و هو بدون سابق انذار رمى روحو في حضنها ......
جميلة:يا ولدي وشبيك غير الخير ....و تمسح على شعرو ....
اسر:يما خليني نهدر و نفرغ قلبي ...
جميلة:اهدر ولدي ..... راني نسمع .......
________
قاعدة تشوف فيها من المرايا عينيها نشفو من دموع .... حداها سناء ......
ليلى:سناء شفتي وين وصل كنت كنت نسناه باش تعطيه جواب و درك هو 😭😢💔 هو ......
سناء:ليلى ليلى شوفي شوفي تحرك و الله حرك يدو نعيط للطبيب .ً....
راحت عيطت للطبيب جاو يجرو ليه .........
بعد نص ساعة ......خرج الطبيب ......
ليلى:دكتور قولي ياك مليح ما صرالو والو اهدر قول ...و تبكي ....
سناء:ليلى بلعقل ....
الطبيب:تهدنس مدام راه مليح و حمدالله فاق من الغيبوبة ة راح يخرجوه من الانعاش للغرفة عادية.....
ليلى: يا شكرا يا رب الف حمدالله💙😭😭😭 و سناء ضحكت معاها
طبيب:حمدالله بصح احسن تجيبو آسر هذا ملي فاق و يهدر باسمو .....
سناء شافت في ليلى ....
سناء:اوك نعيطلو هاك ليلى
ليلى:المهم يرجعلي عيطي ...
تبسمت معاها سناء .......
___
عند اسر .....
راسو في حجر جميلة .....و تمسح على شعرو ...
اسر :يا يما ظلمتها بزاف و ظلمت روحي معاها و ظلمت سفيان يلي بستي اليوم راه في الحالة هذي ....
جميلة:خلاص ولدي قضاء و قدر و سفيان راح يبرا ان شاء الله .....
اسر:ان شاء الله ...
قطع عليه صوت التيليفون .....
اسر:سمحيلي يما .....شاف فيه لقاها سناء. ...و رد عليها
اسر:الو ...
سناء:اسر ارواح اجري سفيان فاق .....
اسر:صح حمدالله راني جاي .....و كوبا ...
اسر من الفرحة معرف واش يدير ...سلم على راس جملية ...
اسر:يما سفيان فاق ...
جميلة:الحمدالله راح نجي معاك ....
اسر:غدوة نديك ليهم انت ريحي
جميلة:لا ولدي حابة نروح و نشوفهم..
اسر:اوك هيا ..
..
..
..
خرجت من عندو قوتها خانتها تكات على الحيط
دموع يطيحو و هيا تمسح تقول : ماتبكيش ماتبكي غلطتك انك حبيتي الشخص الغلط خلاص ريان
( تفكرت حملها ) حطت ايديها على كرشها و غمدت عينيها
ريان : سامحني ولدي بعدتك على باباك سمحني سمحني و هبطت لأرض تبكي
تحطت يد عليها
هبط لمستواها
ليت : ريان كوني قوية في خاطر ولدك
رفعت راسها تشوف فيه عينيها حمرين و انفها تاني حمر ( ماقدرتش تهدر من كترت البكية قعدت غير تشوف فيه )
دموع عاد يطيحو
حط يدو على خدها يمسحلها بكل حنية
ليت : ريان من ليوم مانزيدش نشوفك تبكي و نوعدك لي يبكيك حا نقتلو بيديا هادو دمعتك غالية هيا اسكتي
عنقاتو ( كأنها كانت محتاجة واحد تشكيلو و هو يواسيها و يحن عليها )
بعد ما هدات : شكرا بزاف ليت ماننساش خيرك 🥰
ليت : مادرت والو جبدت روحها منو
وقف و عطاها يدو نوضها
ليت : انسي الماضي و شوفي قدامك
قاطعاتو : ليت ( حط صبعو على فهما و عملها هاديك اشش خليني نكمل : ريان مستعد نعودك على كلش خوك صديقك وين تحطيني تلقايني و مانحبش نزيد نشوف دموع في هاد العنين الزينونين 🥰 شابين
تبسمت
ريان : أصدقاء ( و مدتلو يدها )
صافحها
ليت : صديقك و سندك و خوك و كلش ❤️ هيا ماطموزال ريان ماتنسايش البيبي ليق يتغدا و انت مقبيل تفرغي في الطاقة بالدموع هيا نديك تاكلي
على سيرة الاكل : ييي جيعانة راني .. افف بصح راهي 12 تاع ليل و المطر وين حا نروحو ماشكيتش نلقاو مطعم حال
ليت : 😉 مع ليت يحلو حتى ولو كانت مبلعين نطبطبو عليهم مش مشكل 😌 في وجه طبوزتي الجيعانة نقلب دزاير كل باه نلقا مطعم مفتوح و تشبع هيا و البيبي الصغينون و حط يدو في كرشها
حكمتها رجفة بعدت عليه
و تبسمت
ليت : هيا معايا
داخلين أسر خطوتو سابقاتو
جميلة من وراه ماعيات تلحق عليه والو
وصل قدام غرفة سفيان
شاف في سناء تبسمتلو
دار ليلى قلبت وجها منو
دخل لعندو
شافو كيفاش راقد تقدم لعندو معمر خيوط
اسر : سفيان فيق قالولي كنت تعيط بإسمي هاني جيت نوض حاسبني نوض اضربني عيط عليا سبني لمهم برد غلط مني و سمحني راك خويا و عشيري
.. ( سكت شوي ) تعرف مرات كنت نقول سفيان مستحيل يديرها بعدها شيطان ( اوووب ) سفيان فتح عينيه ( اسر حاط راسو مهدود يحس روحو ظالم )
رفد يدو حطها على كتفو
سفيان : راح تبقا عشيري و خويا و صاحبي و كلش انا مسامحك و انت ياريت تسمحني كنت ضعيف الله غالب عائلتي ما كون عمري مانخونك
اسر:سفيان سمحلي سفيان معاك بزاف انت و سناء بلا ما نسمعلكم ظلمتكم سمحلي صاحبي ليوم شفت صديقي و عشيري لي كان مستعد ينهي حياتو في جالي .....
سفيان يشوف فيه و يتبسم و هو موجوع ....
سفيان:،،هه اسر رحماني يطلب سماح ...
سفيان:، راك مسماح خويا ......
راح اسر من الفرحة تحضنو و سفيان توجع ....
سفيان:ايي
اسر:وشبيك تقول طفلة كي تتجرح😒
سفيان:#$#ايا طير عليا
اسر:هههه بلع يا #*#* غدوة نولي و درك منسيتش وحدة و لا واحد لازم تعيطلها ؟زعما
سفيان: ههه فقت يااا
اسر:احم نقولها تدخل ايا سلام عليكم ....
خرج اسر و هو يضحك .... شاف في ليلى يلي تشوف فيه بنظرة تتمنى تقتلو .....
اسر:ليلى سفيان راه يعيطلك تدخلي ....
تبسمت و مسحت دموعها ......و دخلت ...
