ماريا شافت لي صرا تبسمت ( اصلا هيا تكره سناء )
و بعدها لعبتها كيشغل حزنت و دخلت لعندو
ماريا : حبيبي و علاش تعاملها هكا مسكينة ( ستوتة ) غلطت و خلاص
اسر : ماريا اخرجي برا
جات تهدر و ينتهد فيها : قللللت براااااااا ر**
خرجت تجري تعرفو كي يتقلق
ماريا : اففففف منك يا أسر واش حايصبرني مع هاد المريض النفسي أنا 😑
دخلت لبيتها جبدت فاليزتها فتحتها دخلت فيها القش لي جا قدامها و رفدت ساكها و دراهمها
جميلة دخلت تفجعت : يا بنتي انعلي شيطان تعرفي أسر و راهو مقلق قادر يدير فيك حاجة بنتي انعلي شيطان
سناء : يانامار طااطا يانامر خلاص ماقدرتش كل يوم نقول دوك يجي نهار و يفهم و يعذرني راهو مش ذنبي إذا أنا ارتكبت ذنب واحد برك لي هو فرحت اكتر من لازم ليلة عرسي لي تحلم بيها اي طفلة مع واحد تحبو
قاطعتها جميلة : بنتي ربي يفرج ماعليك صبر برك
سناء : يا طااطا صبرت صبرت والله صبرت و عذرته مش ساهلة عليه بصح طااطا ليوم بأن كلش تخيلي قالي قالي شعال لليلة !! طااطا أو دايرني عاهرة يا طااطا أنا اشرف منه و من هاديك المسمومة تاع مرته و ربي العالم
جميلة عنقتها
سناء : طااطا الا عندي معزة عندك ماديريش هكا خليني نروح خلاص ما يهمنيش واش حت يدير متلا حا نخرج حا نخرج مانسمعش بيه
جميلة : عيش بنتي
سناء : طاطا ربي يخليك 💔 و بعدتها عليها و رفدت فاليز تاعها تكركر فيها لبيروه
دخلت بدون طبطيب
سناء : اعطيني كواعطي خليني نروح
اسر شاف فيها و حاول يتمالك نفسو : واش قلتي ماسمعتش اه !! واش نعطيك
سناء : نكوتي و باسبوري و شافت فيه بكل تقة
اسر : هه و متأكدة حانعيهلمك جايا بكل جرأة و تقة
سناء : أنا خارجة ليوم خارجة حيا ولا ميتة
اسر شبك صباعو فوق المكتب ( سناء قعدت تشوف فيه تعرف هاد العفسة مليح مليح هادي يديرها كي يكون مقلق إلى أعلى درجة باه يهدأ يدير هكا )
سناء : أسر افهمني اعطيني كواغطي و ماتزيدش تشوف وجهي والله حانروح معلاباليش وين لي متأكدة منو حابة نبعد من هنا
وقف أسر و توجه ليها هبطت عينيها ( اخرتك يا سناء ) قرب منها يشم ريحتها طلعلها رأسها حط جبهتو على جبهتها و باسها بوسة خفيفة
سناء : أسر بليز اعطيني صوالحي
حكمها من رقبتها بشوي و قعد يزيد يزير حاب يخنقها
اسر : تخرجي على جثتي انشاء الله هه حاب نخليكم تعيشو انت وياه في هناء لا و الف لا صدقيني يا سناء من ليوم مكاش خرجة حتى من غرفتك لاني شايف طلقلتك الحبل و ديتي حرية اكتر من لازم
سناء : ا س.ر خ.ن.قتن.ي
سيبها طاحت في الأرض تنهت ترد في أنفاسها
و دموع يطيحو : صدقني يا أسر انت ظالمني و يجي نهار و تعرف و هداك نهار حا تكون سناء مكاشها مش حا نبررلك حكاية عندها عام و لي فات مات و انا مامسني حد و انا مش عاهرة نبيع نفسي و صدقني أنا اشرف منك و من ماريا تبعك لي دايرها عفيفة و تزوجتها باه تقهرني
اسر : اس ماريا صح اخدتها من البار لكن بينتلي بلي انو العاهرة طلعت اشرف من شي بنات فاميليا كنت حاسبهم و شاف فيها و تقزز
ضحكت سناء : مش المهم واش يشوفو فيك ناس لي يهم اني صافية مع روحي يا وسمك و حمدلله نعرف نفسي و ناضت خرجت و خلاته مش قادرة تزيد تسمع هدرة تسم البدن خلاص كرهت
