حاطة راسها على الطابلة تخمم في حياتها و مصيرها .... افكار سلبية دور في راسها بصح كي تتفكر وجود بيبي في كرشها و قطعة من صهيب تترسم ضحكة على شفايفها ..... و كي تتفكر صهيب تتمحى الضحكة ......تبسمت بقهر ...
ريان:شحال انانية يا ريان ...انت يلي قتلتي حبك انت يلي خسرتيه على جال خدمتك بصح على جال بلادي و على جال العدالة ..... مسحت دموعها .... و تبسمت .:..الحمد الله على كل شيء ..... قطع على تخمامها صوت التيليفون ....
ريان:الو وي عبدو
عبدو:😒تقولي شي صاحبك ماشي المعلم تاعكم هذا كي مجيتش قلوقس كيفو ...
تبسمت ريان:ههه هيا عبدو انت احسن معلم
عبدو:اممم شوفي كنان قالك ارواحي ديري تحقيق مع صهيب ليلى راهي في السبيطار سفيان تصاوب ....
ريان:اه علاش و انت؟و هو؟
عبدو: هو رايح للدارو و انا عندي مهمة جديدة و لازملي ندرس القضية
ريان:بصح
عبدو:😒ريان تعرفي كنان سييت نهدر معاه مقدرتش so احسن تجي خير ما يقلبها علينا ...
ريان:اوك عبدو ....
و كوبات .... تنفست و ضربت بيدها على جبينها ....
ريان:يا الله .......اه يا كنان 😣 ........ الله غالب لازم نروح اففف
راحت للخزانة جبدت حوايجها ...يلي هوما سروال جينز سليم و تيشرت فالنوار و باسكت نوار دارت ضفيرة لي شعرها ....حطت pistolet تاعها في خصرها و خرجت ......
في السبيطار:.....
يمشي و متردد حتى لحق للغرفة الانعاش وين سفيان ..... تنهد و راح يفتح الباب حبسو صوتها من بعيد ....
ليلى:مسيو اسر حبس في بلاصتك ....
تلفت لعندها يشوف فيها باستغرب....و رفع حاجب ...
قدمت لعندو تشوف فيه نظرات تحدي ...
ليلى:اسر بلاك تدخل للداخل فهمت درك تفكرت بلي عندك صاحبك وقت شكيت فيه و هو كان في امس الحاجة ليك عايلتو يماه ختو كانو في خطر و دار واش دار تحت التهديد و انت واش درت ههههه طبعا رجعتو خاين اليوم هو هنا بسبتك بسة انو صاحب واحد من عايلتكم عايلة رحماني كون راه درك معايا حدايا علاه علاه تضرب فيه في صدرو و تبكي 😭😭و لا سناء يلي عذبتها و كرهتلها حياتها علامات الضرب مزالهم في بدنها علبالك انت قلبك كحل انت ماشي عبد .......
سناء تسمع كانت موراهم و تبكي طاحت عالارض تبكي و تشهق و ليلى تلوم في آسر يلي حس قلبو راه يتحرق و النار الندم شاعلة فيه ......
يقدم خطوات نحوها و جبدها من يدها ....
كنان:ليلى معندكش حق تمنعيه ما يشوفش صاحبو
ليلى:الشاف نحتارمك و انت الشاف تاعنا بصح هنا منيش العاملة ليلى انا هنا بصفتي ليلى ليلى حبيبتو لسفيان محال نخليه يدخل ليه بسبتو هو راه هنا دمرني و دمر الكل معاه ........
آسر بلا ما يحكي كلمة راح و خرج من السبيطار ركب فاللوطو مش عارف وين يمشي المهم يهرب ...
و كنان بقى يدي في ليلى و سناء ..... من بعدها خرج ....
