فالكافيتيريا ......
حاطة رجل على رجل فيدها كاس jus و تهز فرجلها ....
ماريا:واش البنات كيفاش
ليلى: راكي تشوفي مع راجلك هذا حاب يطرطڨلي عرڨ طول نهار و هو يامر فيا
ضحكت ضحكة خفيفة....
ماريا:ههه و فدقيقة لبست قناع الشر كله من سناء
ليلى: يا خي واش جابها للشركة 😑
ريان:جات تخدم ....
تلفتو ليها ..فالزوج
ريان:هاي البنات
سلمت عليهم و ريحت
ليلى:كون زدتي شويا ماشي خير
ريان:فالصح ...قاطعتها ماريا
ماريا:ههه ولا مخلاكش ؟
ليلى قحرت فيها ... و شافتها ريان ...
ريان:لا مش هاك
ليلى:افف خلينا من الهم هذي خلينا نكملو الموضوع تاعنا ..
ماريا:ايه على سناء
ليلى:ايه كل يوم ديرلنا مسرحية جديدة فالشركة و تتقرب من آسر ..
ريان جات تهدر سكتتها ليلى وقت ضربتها لرجلها من تحت الطابلة ...
ماريا:خليها خليها راهي تسنى فيها مفاجأة مليحة غدوة
ليلى:يلي هي ؟؟
ماريا:قلنا مفاجأة يا روحي ....
و شافت فساعة ناضت ايا تبفاو على خير انا لازملي نروح نفري حاجة .... سلمت عليهم و راحت ...
فنفس الوقت لخرجت ماريا ليلى جبدت ريان من يدها ...
ليلى:ريان واشبي جدك انت؟ نسيتي بلي رانا فمهمة ياك و علبالك الشاف تاعنا راهو رجع اوك عندنا شهر فيدنا شهر برك
ريان:افف افف فهمنا يا خي و بعدت عليها و رجعت شعرها للور ...شافتها ليلى وساعو عينيها ...
تهدر و تشير لرقبتها ....
ليلى:ريان وشنو هذا؟
تلبكت ريان و غطات رقبتها
ريان:افف والو
ليلى:ريان اهدري ؟
ريان:والو قتلك بعدي نروح
ليلى:ريان انطقي
ريان:افف كيفاش حبيتوني نجيبلكم المعلومات منو ياخي تقرب مني ....
جبدتها من يدها و تعيط ..
ليلى:ريان افهمي متنسايش راكي مخطوبة كيفاش تقرب منك هدي؟صرات حاجة ما بيناتكم ....
ريان هنا تقلقت دزت ليلى و رفدت ساكها ...
ريان:حياتي و مدخليش روحك فيها فهمتي ....
ليلى ااصوت راحلها و معادش قادرة توقف على رجليها ....
في الشركة:
خرجت عبير من الشركة رفدت تلفونها
..
ترن ترن ترن
في سابع نومة
مرة 2 ترن ترن ترن ( بعد ما خرجت ريان هو رجع يرقد )
ترن ترن ترن ترن 3
صهيب : واش بي جدك انت مع صباح ربي
عبير : مسيو صهيب نظن بلي راهي قريب طناعش
صهيب : واش دخل جدك انت طناعش لوحدة زوج واقيل نخدم عندك
عبير : اسمع يا صهيب هذا تحذير ليك أنا مش مجرد خادمة عندك او سكرتيرة راني نعرف صغيرة و كبيرة عليك قادر في رمشة عين نروحك ايمالا يا روحي ديرلي احترام حق العشرة لي بيناتنا و نحبك دروك تنوض تعمل دوش تصحصح بعد شوي جاية عندك حاملتلك اخبار طير العقل 😌 و كوبت
صهيب رما تلفون للحيط طاح تفركت : مش انت لي تشديني من ايدي لي توجعني
ناض دخل دوش دوش خفيف و خرج لاف منشفة على نصو
..
في الشركة
ناض رايح يهد حيطان المكتب على راسها
معول عليها
سناء شافتو هدا الباب بدخولو تكلمت بهدوء : واش كاين اسر سرات حاجة
اسر : صرات يا لالا ملي انت جيتي للشركة هادي ماشافت خير
سناء : اه قول والله و شكون رجع الاسهم لوكان مش انا يا سي اسر كون شركة تهدت على راسك
