صباح جديد :
ناضت و راسها واجعها من البارح حست بجسم تاع عبد و هي عليه.... رفعت راسها و شافتو راقد و يدو حاطها على كرشها تفكرت نهار البارح و كلامو جبدت روحها بلعقل باش ميفيقش راحت للدوش غسلت وجهها و شدت شعرها و خرجت ...ديراكت للدارها .....
فجيهة اخرى:
ناضت على صوتو و هو يحكي فالتيليفون تبسمت كي شافتو وعاطيها بالظهر و يشوف من التاقة و يهدر و الشوميز البيضا المزيرة عليها يلي بينت الكور تاعو و عروق يديه البارزين رفدت الشوميز تاعو من الارض لبستها و ناضت تمشي على صباعتين رجليها و حضناتو من اللور ...
ترسمت تبسيمة على شفايفو ....و حط يديه على يديها الصغرونين ....
صهيب: ديري واش قتلك بلاكي تغلطي ايا منبعدا رديلي الخبر .. و كوبا
تلفت لعندها و حط يد على خصرها و جبدها لصدرو ...
صهيب:صباح الخير و تبسم ...
وقفت على بعتين رجليها باش تلحق لطولو و باستو من خدو و تبسمت ...
ريان:صباح النور ...
شد خصلات من شعرها فيدو و يلعب بيها ... و يتبسم و هي تلعب بقفايل الشوميز و مترددة تحكي ..
تبسم عرف بلي حابة تقول حاجة اصلا حافظ كل تصرفاتها ...
صهيب:امم اني نسمع اهدري
وساعو عينيها
ريان:وين علبالك بلي حابة نقول حاجة يعني ...
باسها من رقبتها و طلع راسو يشوف فيها ...
صهيب:نعرفك كثر من روحي ...
ريان:شوف يعني راحنخرجمع ماريا (قالتها بالزربة) ...
ضحك من تصرفها تقول شيء طفل صغير
صهيب:هههههه اوك روحي مطوليش تعرفي نتوحشك ..و غمزلها
حمارو خدودها و حشات راسها صدرو ......
فتح عينيها و بقى يستوعب شكون هو وين راه ..... حتى رجعلو عقلو و تفكر واش صرا كامل واش صرا ليلة البارح و عرف بلي هي خرجت ... نفخ و يهدر وحدو ...
آسر:افف منك آسر و شاف ساعة راح الحال على الشركة ....ناض راح دوش و لبس كوستيم تاعو (لبسة الخدمة) و عدل شعرو و دار من البارفان تاعو .. و خرج للشركة ........
قاعدين فقاعة الاجتماعات يسناو فيهم يلحقو ...
صفيان:اه مدام عبير تشربي حاجة
عبير:كاس jus d'orange svp
شاف فليلى :ليلى روحي جيبيلها ..
ليلى شافت فيه شوف تاع منبعد نتفاهمو ... ضحك عليها الشيء يلي استفزها اكثر ....
نزلت من اللوطو تاعها لابسة روبا مزيرة فالباج مع طالون فالباج و ساك فالنوار و طالقا شعرها و مكياج خفيف غير الروج لحمقاتو يبان من بعيد ... فنفس الوقت نزل هو و لمحها كيفاش تمشي و مش معباراتو و لبستها حاب يروحها و يعطيها طريحة باش تتربى كبس على يد و طلع للشركة يمشو كيف كيف و كل واحد منهم راسو فالسما (عايلة مغرورة) لحقو للباب غرفة الاجتماعات حطت يدها على passe و فنفس الوقت حط يدو ..شافو فبعض و منبعد فاقت على روحها نحات يدها فتح الباب و دخلو ...
آسر: شكرا على انتظاركم .
سناء:صباح الخير
عبير:صباح النور ...
اما صفيان تكتفى بالصمت .. قعدو فبلايصهم ... ..بدا الاجتماع
عبير:ايه كيما قتلكم الاستاذ قبل بالشراكة معاكم بصح ..قاطعتها سناء
سناء:بصح واش؟
عبير: راه عارضكم غدوة للعشاء في اليخت عندو باش تتفاهمو مليح و تسينيو العقد ...
صفيان : امم بصح ماشي غريب شويا المدير تاعكم هذا مرة عندو شغل مرة فاليخت؟!؟
سناء:امم صح كاين لوش فالحكاية
آسر:سبب مقنع يخليه ميجيش للهنا
عبير:لاسباب شخصية منقدرش نصرح عليها ...
بعد مدة نطق آسر :اوك قابلين ...
سناء:بصح
اسر:قلتي قراري و خلاص ....
تصافح مع عبير جات تصفحها بناضت و خرجت ضربت الباب من وراها و صفيان تصافح معاها...
صفيان:آسر رد بالك و خمم ايا سلام ... و خرج ...
عبير:تبقى على خير مسيو آسر و خرجت و ن تبسمت تبسيمة نصر ....
