رفدت التيليفون تاعها طلعت رقمو و عيطت مع كل رنة قلبها يرن معاها ...
صهيب: وي
ريان:اه صهيب صباح الخير
صهيب:صباح النور ريان ني مشغول درك
ريان:وين؟
صهيب:ريان مدخليش روحك في خدمتي اوك ايا منبعد ...
ريان:اسنى ....
صهيب:اهدري واش ...
غمضت عينيها و نزلت دمعة :صهيب اعرف بلي نحبك بزاف ....
صهيب:يا روح صهيب لعشية نحكو ...و كوبا ...
ما صدقت قال الكلمة هذيك نزلو دموعها كثر ....ولات تبكي بالشهقة و تعيط ...
ريان:علاش علاش يا ربي 😭😭علاش راني بين نارين 💔 علاش .....
ليث سمعها راح يجري ليها ويهديها ...
ليث:ريان اشش خلاص رانا في السبيطار ...
ريان:علاش ليث كتبلي نتعذب هاك ...
ليث:اشش خلاص هيا عاونها تنوض ....
و هي مقدرتش حست دنيا دارت بيها .....و داخت ....
ليث رفدها و يجري بيها للاستعجالات .... ..
بعد نص ساعة خرجت الطبيبة .....
ليث:دكتور راهي مليحة
هي:وي مليحة بصح فالفترة هذي لازم تهتم بيها و راهي حساسة بزاف و قادر يصرا تاثير على الجنين
ليث :😕😕جنين؟
هي:معلبالكمش مالا مبروك المدام راهي بالحمل ...
غمض عينيه و عض شفتو ...
ليث:اوك يسلمك ......
دخل لعندها لقاها متسطحة و حاطة يدها على كرشها ....
ليث:حمدالله على سلامتك ريان ...
ريان:يسلمك ....
ليث:يكمل السيروم و نخرجو .. و جا خارج ..
ريان:ليث ...
ليث:وي
ريان:ليث يبقى بيناتنا يعرف كنان راح يطردني
ليث:متخافيش ريان
ريان:اوك merci....
تمس في مرشها و تضحك ....
ريان:علبالك ولدي انت املي فهذي الحياة راح ندير كلشي على جالك و راح نعيش معاك و نبعدك على المستنثع تاعي و تاه باباك و راح تبقى ريحة منو 💙
بعد شوي
وصل سفيان عندهم للجيهة اللوخرى للميناء
سفيان : صباح الخير جماعة
ردو صباح الخير
سفيان : نظن هدا هو اليخت لي راح نروحو فيه
هو يهدر و جا واحد يتقدم من جيهتم يضحك و يتبسملهم
: اهلا بيكم شرفتونا ( دار عند اسر و سناء ) مدام و ميسيو اسر رحماني و انت ميسيو سفيان (و دار عندو ) مصطفاوي تفضلو معايا
وصلهم لليخث طلع الخدام ( لي هدر معاهم ) و مد يدو : مدام سناء نساعدك
حكم يدو و : ماتحتاجش مساعدة راجلها هنا
و طلع اسر و حكم يدها و جبدها
أما سفيان قعد يشوف و واقف بعدها ركب
: تفضلو معايا اقعدو تفضلو تحبو نجيبلكم تشربو حاجة
سناء : لا مرسي
..
عند صهيب قارا لوطوتو في البور و نزل وقف قدام البحر يستنشق الهواء و يشوف في اليخث : أخرتكم يا ولاد رحماني على يدي و في هاد البلاصة
تقدم يمشي لليخث صونا تلفونو رقم مجهول
رفد : الو ميسيو صهيب رحماني نتصلو بيك من المشفى ماريا رحماني تكون اختك ؟!
صهيب : نعم وا كاين هيا بخير
المشفى : للأسف البقية في حياتك عظم الله اجرك ربي يصبرك طاحلو تلفون من يدو طاح هو بكلو في الأرض
..
من بلاصة بعيدة تراقب في هداك الشخص لي طاح في الارض راحت تجري
ليلى : ميسيو ميسيو انت بخير
صهيب :___
عاونتانو يوقف و هو في صدمة غير واعي
يشوف في عبده تهدر معاه فمها يتحرك بصح يسمع في صوتها بعيد بعيد بزاف
دوها طاحت وراح لليخث يتمشا و دايخ
ليلى تشوف فيه بصدمة : تفو انا نعاون فيه و هو يدفعني ياخي مريض نفسي الله يلعن لي خمم يدير فيك خير
هبط لمستوى الما لاح يدو يقعد يرمي الما على وجهو فطن طاحت دمعة من عينو اما ماتبانش تخلطت مع الما لي فوجهو
كبس على يدو : راح نجيب بثارك يا اختي ربي يرحمك نوعدك راح ندمرهم راح نلحقهم عندك و ناض نفد روحو ملغبرة و طلع في اليخث
..
ليلى شافت تلفونو مقيوس رفداتو كانت حا تلحقو تمدولو لكن اليخث قلع و بدا يبعد على البر
