شافت ساعة
سناء : اوف هيا ماباقيش نفوت على كوافاز نعمل شعري و مايكاب و نروح طيارة لشركة
..
في الشركة
ليلى حاكمة تلفون تشوف في الوقت
: يا ربي وينها يا ربي حا تقتلني هادي
سمعت صوته وراها رجفت رجفة وحدة
اسر : وينكم يا زح الاجتماع ماباقيش عليه ( صوتو معبي الشركة ) ليلى ليلىىىى
ليلى : نعم ميسيو أسر
اسر : ليلى انت سوكروتور ولا انا مش شغلك انت تنظمي كلش
ليلى : كونك هاني مسيو أسر كلش منظم قاعة الاجتماعات واجدة
اسر : وينهم سناء و سفيان
ليلى : ااا سناء راهي راهي بلاك تكون في ليتولات اما سفيان ماريتوش
اسر : راني في بيرويا كي تجي سناء قولها تطلعلي
ليلى : اوك ميسيو
راح
تنفست ليلى رفدت تلفونها تعيط لسناء
..
ترن ترن ترن في صالو ..
صوت سيشوارات قاوي تلفون مايتسمعش
ليلى : اففف واش بي جدها هادي مابغاتش ترد يا ربي واش ندير دروك أنا راهي 10.50
.. من جهة أخرى بطلتنا خلصت وجدت روحها شعرها وجها لبست برك روبة و خرجت تجري قريب ما لوات رجليها بطالو
بعد 10 د :
اسر يعيط : ليلى مش قتلك قولها تطلعلي
ليلى : ميسيو المدام جات وراهي تسنا فيك في قاعة الاجتماعات
اسر راح بلا ما يهدر باسكو الصفقة اهم
دخل للقاعة
اسر : السلام عليكم
سكرتيرة ( هادي باعتها السيد المجهول سوكرتيرة تاعو ) : و عليكم السلام ميسيو أسر .. أنا سوكرتيرة التنفيذية. تاع ميسيو كرم لي حا يعقد معاكم الصفقة اليوم للأسف عندو ظروف ماقدرش يجي نتأسف بنيابة عنو
مدلها يدو : متشرفين ماطموزال
عبير : عبير اسمي عبير ( صرحت معاه 😍 عجبها )
تبسم معاها و قعد
دخل سفيان : سلام عليكم
ردو عليه ؛ و عليكم السلام
قعد
سفيان : وينها مدام سناء
خزر فيه أسر تاع بلع
..
داخلة لشركة بكل تقة كامل دارو يشوفو فيها و يتغامزو
سوختو الرجال الطايح اكتر من الواقف
وصلت لقاعة الاجتماعات خدات نفس
سمعتهم يهدرو عليها سفيان يسقسي
فتحت الباب و دخلت بكل ثقة
سناء : أنا هنا
دارو يشوفو فيها
اسر فتح فمو قعد متمالك اعصابوو قاعد و ساكت مدار حتى رياكسيو و هيا تبسمت و مدت يدها لعبير
سناء : مرحبا بيك ماطموزال أنا سناء رحماني شريكة في هاد الشركة تاع بابا و عمي ربي يرحمهم
ردتلها الابتسامة : متشرفين ماطموزال سناء
اسر : مدام سناء تفضلي اقعدي خلينا نبدو الاجتماع
بدا الاجتماع فبيرو طويل على راسهم آسر و من جيهتو اليمنى سناء لقاعدة و حاطة رجل على رجل و تناقش و تخدم شي لخلا اسر يتفاجى بيها عمرو لا ظن تكون بالشطارة هذي و من جيهة اليسرى صفيان لقاعد يسمع و يشوف فيهم .....
عبير:مدام سناء عجبني اقتراحك بصح اقتراح المدير هذا هو منقدرش نغيرو
جبدت نفس و سندت على الكرسيو شادة ستيلو فيدها :مالا قولي للمدير حوس على شركة واحد اخرى حنا نديرو مواد تجميل و عندنا خبراء انت جيتي بفكرة و انا زدت فكرة عليها و اذا تحبو شراكتنا مرحبا بيكم المواد راح يتم تصنيعها هنا فالمصنع تاعنا و نكون تحت مراقبتها ...و لا واش رايك آسر ....
يشوف فيها و باهت كيفاش تقولها بكل ثقة ...
آسر:امم نظن عندها الحق مدام سناء آسر رحماني .....
وساعو عينيها كيفاش قالها و هو مزير على سنيه ...تبسمت على جنب و شافت في عبير ....
سناء:هيه و انت صفيان ....
على خروج اسمو من شفايفها آسر عينيه ولاو حمورا شاف فيها بنظرة مش مفهومة بصح فهمت لهي مدلش على خير ....
صفيان: معاكم فالفكرة .
عبير دورت عينيها ما لقات ما دير غير انها توافق خافت منو .....
عبير:اممم اوك معليش مالا متفاهمين غدوة يلحق الغدوة و نقعو عليه مبروك علينا ...
آسر: متشرفين بشراكة معكم ....
عبير:و لينا شرف خمست معاهم ... الكل و سلمت على سناء لبادلتها نظرات مفهمتهمش ...
سناء:منقدر نقول والو حتى نشوفو النتائج ...
عبير:ان شاء الله ... و خرجت ....
من وراها صفيان ...
سناء جمعت الملف و رفدت ال pc ,,تاعها و جات تخرج حبسها صوتو لكل ما تسمعو تحس ببدنها يرجف صوتو لتعشقو ....
آسر:احبسي فبلاصتك
تلفتت ليه
سناء:انعم مسيو اسر رحماني
قرب لعندها و نحى pc من يدها و الملف حطهم على البيرو و شدها من يدها
سناء:واش دير اطلق يدي خليني نروح
يهدر من بين سينيه: سناء متنسايش راكي مرت راجل هنا شركة تاع خدمة ماشي دار دعارة باش تلبسي هكا ......
قلقتها هدرتو بصح لبست قناع البرود: نحي يدك مسيو اسر يا انت لتقول انت#*#*# و راك عاودتها واش راح تلبس #*#* مثلا ؟
زير على يدها و عيط:سناءء
سناء:سناء واش؟ نحي جد يدك و خليني نروح
حط يدو على خصرها و جبدها ليه....
اسر:دير مليح فراسك هذا بلي راكي على اسمي اسم رحماني
شافت فيه نظرة تحدي
سناء:دير في بالك مليح ماشي انت لعطيتني الاسم هذا و احترم روحك راني بنت عمك ....و روح حوس على لعطيتها لقبنا و شوف واش راهي دير قبل ما توسخ اسمك و جبدت روحها منو و خرجت طربقت الباب من وراها و اسر ضرب البيرو و كسر كامل واش كاين فيه ........
