قعدو على الطابلة تبسملها اسر باش ميبينلها والو ..
اسر:ياا انت لدرتيه؟
ماريا:تبغي صح نهه لا
اسر:معليش هيا ...
حطتلو ياكل و هي تاني ...بقى يشوف فالفراغ .....و يتفكر سناء اصلا ديما شاغلة تفكيرو ينوض بيها يرقد بيها .... تنهد وقت تفمر ذكرى تاعهم تحت الطابلة حس بقلبو مزير غمض عينيه و زير على الفرشيطة بيدو ....
ماريا لاحظت هذا شيء و قلبت عينيها بصح بزربة لبست قناع البراءة ..... حطت يدها على يدو
ماريا:حبيبي وشبيك ...
فاق على روحو ....
اسر:اه لا والو تفكرت برك يما جميلة و ماكلتها غلطت في حقها بزاف
ماريا:بصح واش دارو فيا ....
ناض من الطابلة خاف لا يغلط معاها و طلع لبيتو
فجيهة اخرى ...
ڨارا قدام دارها و نحى الحزام و نلفت ليها ...
ليلى:merci صفيان ...
صفيان:بلا مزيا ... و رفع راسو شاف فدارها مكانش الضو اصلا شكون راح يكون عندها ملي ماتت يماها بقات وحدها ...
ليلى:تصبح على الخير
صفيان:انت من اهلو
جات تهبط حبسها ...
صفيان:ليلى
ليلى:وي
شدلها يدها بين يديه و تبسملها ...
صفيان:ليلى نقولك حاجة بصح متفهميهش بحاجة خلاف ....
حست قلبها يدق بالقاوي ..
ليلى:غير الخير
صفيان:ليلى عندنا اربع سنين ملي تعارفنا انا وياك و رانا زملاء فالخدمة بصح حاب نقول احسبيني صديقك المقرب و خوك و بوك اي حاجة تحبيها راني هنا اي حاجة تصرالك راني هنا تلقايني وراك ..... تعمرو عينيها بدموع شحال كانت حابة تسمع الكلام هذا ملي ماتت يماها واحد ما عبرها انك تعيش بلا اب بلا سند و لا ام بلا حنية صعيب بزاف نزلو دموعها ....
زرب مسحهم بيديه ...
صفيان:ليلى متبكيش خلاص سمحيلي .....
رمات روحها فحضنو و تبكي بالشهقة و هو زير عليها ...
ليلى:صفيان علبالك عمري لا حسيت بحنان الاب و لا الاخ طول عمري عايشة بلا سند غير انا و ماما لتبقى طول الليل نايضة و خايفة على جالها دخلت للشرطة باش نحيلها الخوف و متتقلقش عليا بصح فداخلي كنت نخاف و اليوم انت الوحيد لفهمتني ...
زاد زير عليها....
صفيان:ليلى راني معاك و راح نكوم سندك فالدنيا مدامني عايش .....
بعد مدة تهدنت و بعدت عليها مسحلها اخر قطرات دموع من خدودها و تبسملها ...
ليلى:merci صفيان ... و باساتو من خدو و فتحت الباب هربت ...
شد خدو و يضحك ..
صفيان:هههه اه واش درتي فيا يا ليلى ...
شافها دخلت راح قلع للدارو
.. في بيت سناء
جميلة قاعدة و هيا راقدة في حجرها يتفرجو
سناء : ماما جميلة عجباتك لحيا هنا احسن من العيشة مع هاديك الخنز
جميلة : وي بنتي أما قلبي واجعني
سناء ناضت مقلقة ( شافت فيها ): علاش ماما جميلة غير الخير بيك شي
جميلة : لا يا بنتي راني مليحة ( و ردتها لبلاصتها و كملت تمشطلها في شعرها بيديها ) قلبي واجعني على أسر هاديك مش حا تقدر تحمل مسيؤوليتو و اسر يحب كلش منظم و موالف ماكلتي حتى ماكلة امو ربي يرحمها مكانش يأكلها يقولها نحب ماكلة ماما جميلة
سناء : اهيه ماما جميلة هو حب هكا واش نديرو ( تنهدت ) هو راح يجرح في العباد لي حولو واحد واحد و يجي نهار وين مايلقاهمش
جميلة : معليش يا بنتي أسر ولدي و نعرفو هو صح مقلق أما قاطعتها
سناء : للمرة التانية يا ماما جميلة انت الطيبة أسر كان طيب كان فعل ماضي ناقص أما دروك عاد أسر اخر متوحش منرفز ماوليتش معرفة
جميلة : يا بنتي انت وياه لبعض و حا ذلو لبعض و أنا متأكدة و قولي قالتها امي جميلة
سناء : ماشكيتش طاطا و حتى هو يرجع أسر القديم يا امي مانرجعلوش حطت يدها فوق قلبها و قالتها تعرفي يا ماما علاش ؟!
جميلة : علاش بنتي هو يحبك
سناء : هه
