كوبا عليها و عينيه يقدحو نار ....
صهيب:مزال غير الجاسوس هذا نلقاه نحرقو و نقطعو ...
في جيهة اخرى :...
قاعدة و الخوف متملكها . بعد ما عرفت كلشي عليه اليوم عرفاتو اكثر قداشو خطير ...كون يكشفها يقتلها كالنملة ...
ريان:واش درتي في روحك يا ربي انت عارف و الله ما قصدت .... جات في بالها فكرة .....
رفدت التيليفون تاعها ...و عيطت .....
ريان:الو
عبدو:شرفتنا العميلة ريان
ريان: عبدو لازم نجي ليك انت و كنان
عبدو:ريان تعرفي خطورة هذي شيء كون يكشفوك
ريان:عبدو لازم عندي ادلة عليه
عبدو:اممم شوفي درك تخرجي من تما مع ليث
ريان:شكون؟
عبدو:الحارس تاعك تما يلي ينقل كل اخبارك يا لالة و يحميك
ريان :😳واط
عبدو:مش وقتها ازربي هيا و هو يجيبك لهنا اذا سقساك كاش واحد قولي راكي رايحة عند ماريا
ريان:علبالك؟و حطت يدها فمها و تملاو عينيها بالدموع ..
عبدو:ريان مش وقتها هيا ......
ريان:اوك ...
كوبات و رحت غسلت وجهها و لمت شعرها طمطومة ...لبست سروال نوار و تيشرت فالنوار مع باسكت و خرجت ......
حبسها العساس:مدام وين؟
ريان قلبت عينيها : عند ماريا نشوفها
العساس:بصح ...
نطق من وراه
ليث:انا نديها عادي
العساس:اوك ...
و خرجت معاه .....
لحقت للمقر ... و دخلت بعد التحية العسكرية ....
عبدو:اهلا بالعميلة تاعنا ...
ريان:سلام عبدو راك مليح
ترمى على الكرسي
عبدو:القضية هذي تبعتنا ... و الحل مكانش ...
ريان:فالصح عبدو اليوم لقيت ورقة فالمكتب تاعو يعني الخدم كانو يمسحو الدنيا استغليت الوضع و صورتها ...
عبدو:ريان واش عندك فراسك يرحم باباك يسمع كنان تموتي علبالك بلي دارو فيها كاميرات و احمدي ربي ليث تصرف كي طاحت ماريا
شهقت و تراجعت للور نزلو دموعها ... حاصلة بين زوج طرق بين قلبها و عقلها ....
ناض ليها عبدو حضنها ..
عبدو:اشش خلاص اههدي ما صرا والو و علبالنا هذاك دفاع عن النفس واجهتيها من القدام مش من اللور خلاص
ريان بعد ما تهدنت :مرسي عبدو بصح الكاميرا تاع دورك ؟
عبدو:ريان يسمع كنان نتعاقبو فالزوج كي انا كي انت درك المعروف ب صهيب راه فالسبيطار انت و ليث تروحو لطريق المختصر و ليث راح يتصرف و انت خلي تيليفون تاعك هنا و هاكي هذا مدللها واحد اخر
ريان:مرسي عبدو ..و حضناتو و ناضت تمشي .... و بقات تشوف الدنيا دور.بيها ....ما حست غير بيه كي جبدها ....و يضربها بكفوف
عبدو:ريان وشبيك ....
و رشها بشوية ماء حركت عينيها و فاقت ....
عبدو:ريان راكي مليحة؟
ريان :اه ايه منعرف كيف دخت
عبدو:نديك للطبيب؟
ريان:لا بلاك كي مكليتش مليح نهارين لفاتو ....
عبدو:لازم تتهلاي في صحتك ريان ..
نوضها ...و هي راحت و هو كمل نسخ الصور ... و عيط ل ليلى و كنان و بعثلهم الاوراق .....
