فجيهة اخرى :
:اهلت شرفتنا سي صفيان مصطفاوي
صفيان: ملخر واش تحب
:اوه وشبيك مزروب هاك ريح قبل
راح صفيان قعد فالفوتاي لمقابلو و بيناتهم ضوء القمر يحاول يثبت فوجهو والو غير الظلمة ....
صفيان:شكون انت
:امم وقيلا نسيت القواعد
صفيان:افففف وين راهي هذيك
:درك تلحق 😉
شويا هاك سمعو الباب تفتح و صوت الطالون داير سمفونية
بصوت كلو اغراء:هاي شباب
:عند تاخير خمس دقايق راح تنحاسبي منبعد
هي:ماشي انا 😂كنت نتفرج فالحرب
ضحك ضحكة تخوف و صدى يكررها :بين سناء و آسر اه يا آسر مزال الايام بناتنا
صفيان:واش هي مشكلتك معاه
هي:اسكت انت مدخلش روحك فقرارات خويا فهمت
:خليه خليه غاضو صاحبو
صفيان:الله يلعنكم ازرب واش حبيت مني؟
:توقع هنا و نظن انت درتي واش قتلك
هي:خويا العزيز باينة و عندي سمانة و انا نتدرب عليها
صفيان؛متقوليش راح تزوري توقيعو؟
:حاجة ما تخصك دير لقتلك عليه و راح تتنازل على 20٪ من الاسهم و الا ودع عايلتك
وقع صفيان و رمالهم الاوراق و زادت وقعت هي و ناض صفيان:الله يلعنكم فالزوج .....
..
صباح جديد و احداث جدد:
لا تستسلمي يا سناء فان الاستسلام للجبناء و هذه الحياة لا تستقبل الضعفاء و تدمر الابرياء لذا انهضي و كوني من الاقوياء و برهيني من انت و توكلي على رب السماء ......
تهدر مع روحها و تشوف فالمرايا تبسمت تبسيمة القوة بعد الانكسار ضربت وجهها بالماء و بقات تشوف فروحها فالمرايا ...
سناء: نتواجهو يا آسر ...
خرجت من الدوش و حلت الخزانة جبدت سروال جينز نوار و شوميز بيضة مع فاست كلاسيك نوار و صباط طالون فالابيض .. جبدت شعرها و دراتلو كوتشفال و حطت غيسيل و و الروج ... تبسمت مع روحها و رفدت ساكها و هبطت للتحت فطرت و دخلت عند جميلة
سناء:صباحو ماما جميلة
دورت لعندها و ترسمت تبسيمة على شفايفها:بنتي سناء
سناء:واش راكي ماما
جميلة:كنشوفك هاك نفرح و نكون مليحة
سلمت عليها :كل بوم راح تشوفبني هكا
جميلة:ان شاء الله يا بنتي
سناء:انا درط نروح ايا باي
جميلة:بصح بنتي
مردتش عليها و خرجت وقفوها الحراس على الباب
الحارس:مدام عندنا اوامر بلي متخرجيش
سناء:شكون عينك هنا؟
الحارس:راني فبلاصة بابا الله يرحمو
سناء:الله يرحمو شكون لعين باباك هنا؟
الحارس:مسيو مراد الله يرحمو
سناء:شكون هو مسيو مراد؟
الحارس:باباك مدام
سناء:شكون وريثة مسيو مراد
الحارس:مدام انت هي
سناء:بعد من طريقي خير ما تلقى روحك برا ...
بعد من طريقها و خرجت ...
