ضوء خافت
عند سي (مجهول ) قاعد كراع فوق كراع (رجل فوق رجل ) و حاكم قارو في يدو ليسرة و كاس شراب في اليد الأخرى
دخل سفيان
سفيان : سلام سي **** قالولي مسحقني خير نشالله مع انو لي شوفك مايشوف خير هه
المجهول : و عليكم السلام سي سفيان
سفيان واقف يحاول يثبت في وجهو أما الظلمة شي مايبان
المجهول : اقعد عندي ليك مهمة جديدة
سفيان نفخ و استغفر و قعد
المجهول رمالو ملف
المجهول : نورمالمو تعرف الهدف كيما العادة 😌 " عائلة رحماني'
سفيان : تتمسخر اكيد !!! ( وهو يقرأ الملف ) مانقدرش نعمل هاد الشي أسر يفيق بيا و انت تعرف أسر في كل مناقصة يخرج الاول دايمن يربح مانقدرش مستحيل
المجهول : صدقني تقدر تقدر آسر لي مرعب بزاف ناس و دايرينلو حساب مكان والو و عندو بزاف نقاط ضعف و انا و انت نعرفو نقاط ضعفو 😉 و زيد انت معلومات الاستثمارات الكل عندك كيما يقولك سراق الدار يطول باه يتكشف
سفيان : نقاط ضعف أسر ؟! المجهول : حبيبة قلبو 😌 سناء
سفيان : ابعد على البنت ماكفاكش لي درتو بيها و بيه هيا ماعندها حتى دخل
المجهول : أنا نشم في ريحة حب يا جماعة
المجهول : عندها نسيت نفس العائلة !! نفس اللقب شكلك بديت تخربط صح يا سفيان راهي بنت عمو و احنا نحوسو ندمرو عائلة **** بالكامل مش وقت نشفقو على هدا و هدا
سفيان : المهم المهمة اعتبرها ندارت راني نحاول و دروك أنا نخليك و ياسر عليك تظلم البنت راهي يتيمة الاحسن تبقا سناء بعيد احنا يهمنا أسر اكتر
المجهول : كلهم عايلة وحدة 😌😉 انت يا صاحبي باين طايح في البنت حب يا خويا يا خويا
سفيان : بلا هاد تمسخير يلا باي خبط الباب و خرج
المجهول تبسم و خدا نفس طويل و قال : والله الكل حا تندمو تخلصو واحد واحد حتى انت يا سفيان 😌 ..
سناء قاعدة تخمل و ترتب في بيتها جبدت غوب تاع دار قصيرة pink و خدات ملابس داخلية نفس لون و منشفة و جدتهم فوق سرير و هبطت لتحت تجيب الما تشرب
هبطت للكوزينة دخلت
حلت الباب فريجيدار و جبدت القرعة
سمعت صوت من وراها و شحال تكرهو : واش يا لالا مراناش نبانو عايشين معاك هنا تقول احنا قاعدين عندك مش انت نورمالمون تخدمينا و من الفوق تزيد تشكرينا يا لا لا
سناء : شوفي ابعدي جدي خيرلك
ماريا ؛ اعرفي واش تهدري يا ( و شافت فيها من لفوق لتحت ) ق*** اول و اخر مرة تهديني هه ماعرف أسر علاه مايطيش الخنز عليه برا جبتيلو العار
سناء غمضت عينيها تتمالك في نفسها : شوفي يايا ماريا أنا و انت نعرفو القصة مليح ملا خطينا من دور و لعب أنا نعرفك غايت الغايا و بالنسبة لاسر فأنت و انا نعرفو علاه خداك تزوجك باه يقهرني بسبة قضية أنا ماعنديش دخل فيها ماتعبش روحو مامبا يفهم مني ولا علينا يا ختي مدابيا يطردني منا حابة نتهنا منكم كامل حابة نهرب منكم كامل مانزيدش نحب نشوفكم و ديري فيا مزيا لكان تقولو اطردها
ماريا : أنا ماهربتش ليلة عرسي ☺️ اوك أنا ماخنتش راجلي ليلة عرسي
سناء : ماهربتش ماهربتش دخلت في هيستيريا يا رب و علاش مش حابين تفهمو أنا تخطفت يا زح و رماس القرعة و الكاس لي فيدها و بدأت تهرس في ماعن ماريا خافت هربت رفدت ساكها و خرجت
