لحقتهم و هيا حا تموت بالقنطة
ماريا تهدر مع روحها : زعما يكون بات عندها و زيد جايين مع بعض كيشغل ما صرا والو اففف خطتي دوك كامل تفشل ليق نبعدهم على بعد
دخلت عليهم في البيرو سناء كانت واقفة معاه يهدرو
سناء : اوك وينتا الاجتماع مالا
اسر : بعد ساعة هكا مهم حنا رانا واجدين ليق 10 نلقاكم كامل في غرفة الاجتماعات نتي و سفيان و ليلى
سناء : اوك
حمحمت باسكو ماشافوهاش كامل ماعطوهاش قيمة
سناء : راني في بيرويا
اسر : اوك .. ماريا ماتعرفيش طبطبي مناش في دار هنا رانا في مكتب رانا نخدمو نهدرو في صوالح شغل مش فاضيين ليك
سناء ضحكت بصوت و راحت لبيروها
و ماريا بالرغم من أنها بركان من الداخل إلا أنها تعاملت العكس
دخلت من لباب و تقدمت لعندو قربت حتى وصلت لفمو باستو
ماريا : صباح الخير حبيبي .. مانحتاجش نطبطب نورمالمون جيت لمكتب راجلي واحد مايصالني
اسر : ماريا يرحم باباك على صباح ربي والله ماني قادر بعدي خليني
ماريا : أسر حبيبي شابيك هاد اليامات شفت لبارح واش درتلي على جال هاديك ( لعبتها تدمع في عينيها )
شاف فيها تقدم حضنها من فوق قلبو بصك غاضتو ( اه يا اسر شعال راك تأذي الناس حتى لي خاطيهم ماريا واش دارتلك انت بانتقامك هدا راك دمر في ناس كامل )(هدا واش قال فيبالو حاسب ماريا ملاك مسكين 🥺 ماغلطتش كي طاطا جميلة قالت عليه قلبو ابيض )
اسر : خلاص حبيبي سامحيني اسكتي ( و هو محضنها و يمسح لها في دموع )( دخلت سناء شافتهم قلبها وجعها خرجت راحت ليتولات تبكي 💔)
صعب عليا
كفى حقا
يكفي جروحا حتى جرحي القديم مزال لم يشفى
يا اسر انت حطمتني
كل يوم تحطم ذالك الفتات الذي بقي من الامل فيك 😢
شافت مع روحها في المرايا
سناء : هه معقول يكون هو يحبها دروك و انا نبكي عليه
مسحت دموعها
من الان فصاعدا لن تبقى تلك سناء الهشاشة التي كل ما هب ريح هبت معه
ساكون قوية
اخر وعد على نفسي ساقطعه كفا وعودا كادبة
I'm strong
ريقلت ماكياجها ( مع انها دايرة غيسيل و بريولاف برك اما زينها جذاب مايحتاجش لماكياج )
عاودت شافت في روحها في المرايا جاتها فكرة 😈
سناء : والله يا اسر من اليوم و غادي نعيش حياتي لا انت ولا غيرك تتحكمو فيا دوك تشوف الا ماندمك ، تبسمت و راحت ليلى
قريب مطاحت ( كانت تجري )
سناء : ليلى ليلى
ليلى : بسم الله الرحمن الرحيم وش بي جدك نتي خلعتيني
سناء : بليز بب معليش تغطي عليا نص ساعة برك بليز بليز
ليلى : والله مقادرة على زعاف هداك الزمر
سفيان من وراهم : شكون هدا
سناء هبطت رأسها ( ماتحملوش هو سببها في كلش )
ليلى شافت في سناء : روحي 20 دقيقة مانزيدش
راحت تجري خارجة من الشركة
ركبت طنوبيل تاعها
سناء : اولا نشري غوب تكون في القمة الله الله والله دوك نوريك يا اسر اسنا سنا 😌 و بعدها نروح نعمل شعري و نعمل مايكاب يليق بسيدة اعمال 😌
