سناء : ماما جميلة نعيطلو نشكرو من بعد سكتت شوي اوف لا خيليني منو .. لالا نشكرو
جميلة : يا بنتي هبلتيني عيطي و خلاص
سناء : اوك
رفدت تلفون شافت اسم كابوسي الاسود اتصلت
..
في صالون يشرب دار خاويا صوت تلفون يصوني قوي
ترن ترن ترن ترن رما يدو رفدو و حطو على وذنو
سناء : الو أسر
ساكت يسمع برك
سناء : أسر حبيت نشكرك على الكادو أنا و يما جميلة
جميلة : و انا علاه 😂
دارتلها بيدها أسس
اسر : سناء واش حبيتي مني خدعتيني نهار عرسنا و زيد ليوم جاي نصالحك تخليت على كل كرامتي و جاي ناوي الصلاح أما انت طلعتي *$#$*# و ماتسوايش
سناء من هدرتو فهماتو شارب
سناء : وينك
اسر : في جهنم مرحبا لا حبيتي تشركيني فيها
سناء : أسر أهدر في وجه يما جميلة
اسر : في البيت وين حا نروح متلا
كوبات عليه
سناء وقفت
جميلة : واش كاين واش قال أسر
سناء : راهو شارب يما لازم نروحلو
جميلة : نجي معاك بنتي
سناء : لا مانتعبكش يما ريحي دوك نجي نشوفو و نولي
لحقت للدار بقات طبطب والو قلبها يدق بالقاوي صح خايفة تصرالو حاجة ...
سناء:يا ربي وشبيه هذا محبش يفتح يا ربي كون تصرالو حاجة نموت ...
بقات طبطب و تعيط ..
سناء:آسر افتح الباب تعيش ....
والو ااسمط
سناء:واش ندير ... بقات تخمم حتى تفكرت عندهت دوبل المفتاح
سناء:يا حمارة هذا وين تتفكري راحت تجري للوطو رفدت المفتاح و عاود ولات فتحت الباب و دخلت تجري للشومبرا تاعو .... فتحت الباب و ملقاتوش ...
سناء:آسر وين راك اسر جاوبني وين راك
الخوف متملكها خافت لاتكون صراتلو حاجة ..
سناء:متخافيش ما كان والو غير الخير .....
غمضت عينيها و نزلت دمعة و من وراها ولاو دموع .... ما حست غير بيد جبدتها و دزتها عالحيط و حاصرها بيديه ...
آسر :واش جيتي تشوفي حالتي باش يبرد قلبك ياك ....
ريحتو كامل شراب و عينيه حمورا ...
سناء:آسر خلاص هيا معايا
حط صبعو على فمها
اسر:اششش خليني اليوم انا لراح نهدر و هذا.يشير على قلبو هذا الكلب لراه من عام و هو يتعذب بسبتك انت و هذا يلي كان صاحبي طهنتوني فظهري و خليتو هذا يموت بسبتك خسرت بابا اخر سند ليا فالدنيا برافو سناء قدرتي تقتلني و انا حي برافو و يصفقلها بيديه و هو يتمايل قريب يطيح زربت تشدو دزها بعيد
آسر:لا متقربيش مني لا
حست كلامو سكينة تغرست فقلبها يا ريت تقدر تفهم واش صرالها يا ريت حتى هي لقاها ما فاهمة والو غير انها تخطفت و لقات روحها فالغابة مع صفيان ااباقي متعرف واش صرالها ......
آسر:واش بلعتي لسانك
غمضت عينيها و زادت قوات فالبكا ....
سناء:خلاص كملت خليني نهدر ..
و ناضت ليه ...: علاش راك تتهمني هاك قول حوست نفهم واش صرالي حوست تحس بيا و بمشاعري فليلة عرسي لكنت نسناها تخطفت و لا نعرف غير تعاير الناس افهم يا اسر حتى انا مش فاهمة واش صرالي افهمني شويا و على لسمعتو من قبيل كنت نهدر مع صاحبتي و من غيرك ما حبيت حد و مراحش نحب malgré تزوجت عليا و كنت مع مرا واحد اخرى و قسمتلي قلبي بدلتني فدقيقة فالوقت يلي لازم تكون معايا فالصدمة يلي كنت فيها ما لقيت انت و لا حتى حد حدايا غير ربي سبحانو لا انت لا ليلى و لا ريان و لا حد و صفيان علاش مسقسيتوش علاش دارلي هاكاك اتهمتني غير انا ياك غير انا المذنبة الوحيدة خلاص كرهت حياتي كرهت نشوف الناس لنحبهم يشوفوني بظرات كيما نتاعك راني انسانة حسو بيا الجرح تاعي اكبر من الجرح تاعكم قبل عام فقدت والديا و زدت فقدت عمي يلي كان كيما بابا خلاص الموت احسن من المعيشة هذي ..... ايه سناء جاها انهيار عصبي. ... و آسر ما لقى ما يدير حتى هو مجروح فالزوج يتعذبو كل واحد يتهم الاخر جبدنها لحضنو و هي قوات فالبكا ...
سناء:بعدني خليني
آسر:اشش خلاص ...
غمض عينيه نزلت دمعة منو يلي حست بيها سناء كطاحت على خدها .... بقاو هكاك مدة حتى استسلمو للنوم .....
